جيتي مثل ربيع ازهر بقلب السيف بُستان

البارت الثامن عشر

بيت ابو نايف
ديم متعكر مزاجها بعد ماشافت رامي مايدري عن حبها له حتى
نايف: وش فيك ديم علامك ؟ احد مزعلك؟
ديم ساكته ماقالت شي
ام نايف: فجأه انقلب حالها كانت مبسوطه ويازينها
انس: ولا زعلانه تفكريننا بنتزوج ونتركك ترى مارح نتركك بنعيش هنا ع قلبك
ديم تبتسم بالغصب
وليد : وش رايك تقومين تسوين لنا شي ناكله
ديم عصبت: تبي تاكل قم المطبخ وخذلك اكل ( وتروح غرفتها)
وليد: وش فيها ذي
ام نايف: انا بقوم اسوي لك اكل
وليد: والله اني ماابي كنت ابي انرفز ديم شوي عشان يتغير مودها بس مدري وش صاير لها
نايف : يمه تبين شي ؟ بروح انام عندي دوام بكره
ام نايف: سلامة عمرك حبيبي وتصبح ع خير
انس : يمه انا بعد بروح غرفتي
ام نايف: وانا بعد بقوم انام ابوكم قده في سابع نومه
وليد : طيب انا بطلع مع الشباب
ام نايف: الحين ؟ ماتبي تريح نفسك شوي وتنام
وليد : والله يم... (طلال يتصل) ويرد هلا طليل اي والله جايك الحين ويقفل
ام نايف: الله يهديكم ويصلحكم
....................
بيت ابو زهر
ليان مانامت وقعدت تفكر وليد بعد ماشافته
زهر تفكر وش تهدي سيف ع سلامته بما ان الجمعه ببيتهم
شهد تفكر بطلال وتفكر انها كيف تغيرت بسببه وكأنها تحبه من زمان
يارا تطالعهم وناقده عليهم تبي تعرف وش سالفتهم
زهر : تبون بكره نروح السوق ؟
شهد: ايه وناخذ امي معنا بعد
يارا : اذا بتخلوني اشتري اللي ابي بروح معكم
زهر تضحك: طيب يانونو
................
الساعه 8 الصبح
انس لسى مانام كان طول الليل بس يكلم ياسمين وطاير
ام نايف : غريبه صاحي بدري
انس : لسى مانمت الحين بنام (يبوس راس امه ويروح)
ابو نايف: رحت اصلي الفجر ومريت غرفته ولقيته صاحي باقي ورحنا نصلي بالمسجد
ام نايف: الله يعين الولد مجنون بياسمين
ابو نايف: الحمدلله ان اخوي وافق ياخذ ياسمين ولا ولدك لا وظيفه ولا شي
ام نايف: ماجات وظيفته باقي ولو هو ماطلبني انه يبي ياسمين كنت دورت له والف وحده تتمنى انس
ابو نايف يضحك: بس هو عنده ياسمين بألف بنت
........
بيت ابو رامي
رامي: يمه انا بودي سيف المستشفى تبون شي ؟
ام رامي تفزز: ليييه وش فيه ؟
سيف نازل من الدرج: مافيني الا العافيه بس مراجعه وبشوف اذا خلاص اشيل الربطه ولا
ام رامي: طيب حبيب قلبي باقي تحس بألم ؟
سيف : شوي لما احركها بس لازم اتعافى وارجع لدوامي
ام رامي : ينحرق الدوام اهم شي صحتك
سيف يبوس راس امه: لاتخافين ولدك سبع
رامي يضحك : يللا يمه بنروح نودي ولدك السبع العنيد يبي يفك الربطه والضماد بسرعه
ام رامي : الله يحفظكم والله يطمنا عليه
ابو رامي جاي من غرفته: وين راحو العيال ؟
ام رامي: رامي بيودي سيف المستشفى
ابو رامي : طلال وينه الفجر ماكان موجود
ام رامي : جاء بعد الفجر يقول كان مع وليد فالاستراحه
ابو رامي : الله يهديه ويصلحه ويبطل هياتة اخر الليل
دانه : صباح الخير (تبوس راس امها وابوها)
ابو رامي : الله يرضى عليك يابنتي
ام رامي تتجمع الدموع بعيونها : رح اشتاق لهالصباح بعد شهر
ابو رامي: انتي تحبين تنكدين ع نفسك تراها جنبك بتكون كلها خطوتين لبيت عبدالرحمن
دانه تحضن امها : يمه كل يوم رح تلاقيني قبالك لين تملين
ام رامي ماتكلمت
...............
الساعه 11
يدخل سيف ورامي
ام رامي : طمنيي وش قالو لك
سيف : كنت ابي الفكه من الربطه بس قال الدكتور لازم اسبوع بعد
رامي: انت مو عطوك اجازه من الدوام ليه مستعجل تفكها
ام رامي : مايبي يرتاح هالولد
سيف يضحك : والله اني ابي اداوم مااحب جلسة البيت
دانه: تبون اسوي لكم قهوه ؟
رامي : اي والله اني ابي
سيف : طيب بروح اغير ملابسي وانزل لكم
رامي: وين ياسمين ؟ غريبه كانت تحب تصحى هالوقت
ام رامي : والله نايمه صحيتها قالت تبي تنام
(ياسمين كانت تتكلم مع انس لين الساعه 8 الصبح )
...........
عند ابو نايف
ابو نايف: وش قررتوا انتي وام رامي حددتوا وقت الملكه والزواج ؟
ام نايف: باقي ماقررنا شي بس ودي نسوي الملكه وبعدها بأسبوع الزواج وش رايك ؟
ابو نايف: والله مدري عن كلام الحريم بس كلمي ام رامي
ديم توها صاحيه وتحس ان جسمها متكسسر : ماصحيتيني يمه
ام نايف : ابيك ترتاحين حبيبتي كيفك الحين ؟
ديم : احسن شوي
ام نايف تحضنها : عمري بنتي وش اللي يوجعك ؟
ديم بس مغبونه انه رامي مادرى عنها : بس جسمي متكسر مافيني شي يمه لا تشيلين همي
ابو نايف : تبين اكلم اخوانك يودونك المستشفى ؟
ديم : لا يبه والله مافيني الا العافيه
ابو نايف : بروح اصلي الظهر واذا رجعت وانتي تعبانه لسى رح تروحين المستشفى غصب ويروح للمسجد
ام نايف : كنت ابيك تروحين معي بعد العصر عند ام رامي بس بروح لوحدي ابي نتكلم عن زواج اخوانك ونقرر
ديم تفز وتبتسم : الا يمه بروح معك
ام نايف : بسم الله عليك لو ادري بتبتسمين كان قلت لك من اول
ديم: يمه تبين اسوي لك معي قهوه ؟
ام نايف: ايوه ياحلوتي وانتبهي لاتدوخين
ديم: لايمه ماعليك مافيني شي والله
.....................
مر الوقت وجات الساعه 4 العصر
عند ام رامي
طلال توه يصحى : مساء الخير يمه
ام رامي: مساء النور ياحبيبي ليه طولت بالنومه كذا
ياسمين تطالع طلال وتضحك : ولا تفكيرك فيها ماخلاك تنام
ام رامي: يفكر بمين ؟
طلال لياسمين : انننن مالي خلقك ويطالع امه بطلع اخذ لي اكل وبمر وليد تبين شي ؟
ام رامي: توك صحيت اقعد شوي بالبيت ع طول بتطلع
طلال: والله في مباراه مع الشباب لازم اروح
ام رامي : الله يستر من الملاعب والمباريات
يجي سيف : يمه بطلع مع نايف ينتظرني برا تبين شي
طلال يغمز : شفتي يمه حتى سيف بيطلع
ام رامي : الله يحفظك انتبه لنفسك
سيف : ان شاء الله يمه فمان الله
طلال : ايه يمه لسيف دعوة ولطلال اقعد بالبيت
ام رامي وياسمين يطالعون بعض وماتوا ضحك ع طلال
ام رامي : والله اني ادعي لكم كلكم بس انت تحب تسوي نفسك مسكين
ياسمين : والله ان امي صادقه انك تعشق التمسكن
يدق جوال طلال "وليد يتصل"
طلال زعل طبعه زعول ويرد : هلا وليد طولت عليك ويطلع من البيت وبنات عمه ابو زهر وخالته طالعين لسيارتهم
شهد يوم شافته طلع وصك الباب بقوه وقفت وتطالعه
طلال الزعول يهاوش وليد بالجوال : جايك علامك مستعجل ترى رايحين للملعب مو الديوان ويلتفت بيفتح باب السياره الا شهد مقابله له عند بيتهم ويتعدل ويسوي شعره ويبتسم
شهد تكلم نفسها : مااقول الا يازين مبسمك
ام زهر: ماتبين معنا انتي ؟ علامك واقفه
شهد ترتبك : كنت انتظرهم يطلعون للسياره ابي من عند الدريشة
يارا تلتفت وتشوف طلال طالع بسيارته وتحاول تستفز شهد : ايه ياشهد تبين عند الدريشة ولا....
شهد تضربها ع راسها : انتي لسانك طول يبي له قص
يارا : يممه شوفيها
ام زهر: خلاص شهد اختك الصغيره تحطين عقلك بعقلها
شهد : وين صغيره كبر جدي
ليان : انتي وياها تموتون لو ماتهاوشتوا خلاص طلعنا نتسوق ونغير جو
زهر مطنشتهم وتفكر وش تاخذ هديه لسيف
طلال العاشق بدأ يروق ويغني وجاء وليد
وليد: الله الله ماكأنك اللي قبل ثواني تكلمني ولا عندك انفصام
طلال يغني بصوت اعلى : الله لو تدري قلبي وش كثر مملاي شوق لعيناك وشوق لوجهك المملوح
ويشبك معه وليد ع طول : وش قد ارتب لك كلامي قبل ملقاي وش قد يضيع الكلام في شوفتك والبوح
(كل واحد مطفوق اكثر من الثاني )
.............
عند ام رامي
يدق الباب وتفتح الباب ام رامي
ام رامي : هلا ب ام نايف وهلا ب ديم تفضلي حياك الله
ام نايف : هلا فيك تعبناك واحنا كل يوم مقابلينك
ام رامي: لا والله ابرك الساعات شوفتكم كل يوم
دانه وياسمين يدخلون ويسلمون عليهم
ام نايف تطالع ام رامي ابي نتفق انا وانتي متى نحط الملكه ومتى الزواج
ياسمين : ديم وش رايكم نقوم للصاله  ؟
دانه : اطلعوا وانا بلحقكم بعد شوي
ياسمين تاخذ ديم وتطلع الصاله
ديم تبي تتأكد رامي بالبيت ولا لأن شافت سيارته برا : اخاف ينزل احد من اخوانك واحنا هنا
ياسمين: مافي احد الا رامي نايم مابيداوم الا 12
ديم تكلم نفسها: ع حظي جايه بكلمه ونايم
......................
عند ام زهر
زهر : يمه شرايكم ننقسم كل وحده تروح المحل اللي هي تبيه عشان نخلص بسرعه
ام زهر : طيب اللي تشوفونه
شهد : انا بروح مع امي
يارا : وانا بعد مع امي وشهد
ليان : تمام وانا وزهر بنروح مع بعض وتمسك يد زهر يللا ؟
زهر : طيب يللا وتفتح جوالها وتدور افكار هدايا رجاليه
ليان تطالع معها بالجوال : وش تدورين ملاحظه عليك من يومنا بالسياره ترى
زهر تتوتر : لا بس ادور هديه لأبوي
ليان تضحك وتهمس لها : ايه ايه صدقتك لأبوي
زهر : اذا بتقعدين كذا ترى اخليك وامشي
ليان : ياهو امزح وش فيك
زهر قررت تشتري كبك لسيف عشان تهديه لما يجي الجمعه
شهد شمت عود بالمول نفس ريحة طلال وراحت تشتريه
يارا: يمه عمرك شفتي شهد تشتري بخور ؟
ام زهر تضحك : خليها تشتري اللي تبي
.............
عند ام رامي
يجي المغرب ويصحى رامي ومايدري ان ديم وامها عندهم كالعاده مفهي
وينزل من الدرج ويحك عيونه ومستغرب من الهدوء اللي صاير
ديم جالسه بالصاله وياسمين تصلي ودانه بالمطبخ
رامي بدون مايطالع مين جالس بالصاله : يمه اللابكوت سيف جاب...  ويرفع راسه ويشوف ديم
رامي يلف ع طول: انا اسف مادريت ان عندنا ضيوف وبيمشي
ديم جات الفرصه لعندها وتبي تستغلها وتوقف : رامي
بس رامي مشى ع طول
ديم تتنهد : انا ماصدقت تجي فرصه واشوفه بس هرب مني كأنه شاف جني
ياسمين: وش فيك ياعمري تكلمين نفسك ؟
ديم معصبه: مافيني شي وتقوم لأمها بالمجلس
رامي طار النوم من عيونه : مين ذي اللي شفتها بالصاله ؟ ماقالولي ان احد بيجي ويفكر بأول شي شافه فيها شامتها اللي بخدها اليسار ويبتسم  
ام نايف : بسم الله عليك وش فيك رجعت لك الحاله اللي الصبح ؟
ديم تحس انها مخنوقه وتبي تبكي : بس احس بكتمه
دانه تعطيها مويه : طيب اشربي يمكن نزل ضغطك
ام نايف : مدري وش صاير لها من البارح وماحطت لقمه بفمها
ام رامي: بسم الله عليها صار لونها اصفر
ام نايف : يللا بأخذك ع المستشفى
ديم توقف وهي دايخه : لا يم... وتفقد الوعي ويصرخون كلهم وينزل رامي بسرعه من الدرج يفكر شي صاير لأمه
ويلاقيهم بالمجلس بس مادخل نادى دانه بصوت عالي
رامي: دانهه وش فيكم ليه صارختوا ؟
ام نايف تبكي : تعال جابك الله
ديم فاقده الوعي وصار لونها اصفر بزياده
ويدخل رامي: عسى ماشر وش فيكم متجمعين طبعاً ماشاف ديم اللي طايحه ع الكنبه
ام نايف تبكي : بببنتي يارامي مدري وش فيها من الصبح ابوها قالها بيوديها المستشفى بس مارضت
ام رامي : وخروا خلوا اخوكم يدخل
رامي شاف البنت ام شامه هي نفسها ديم بنت عمه اللي مغمى عليها ويحط يده مكان النبض ويراقب ساعته
ياسمين : كنت اصلي وفجأه عصبت مني بالصاله وجات هنا مدري وش صار لها
رامي : خالتي هي قالت لك شي يوجعها ؟
ام نايف: لا والله ماقالت غير تعبانه شوي
رامي بدأ يقلق : ضغطها منخفض مره لو انخفض زياده بيصير لها شي لازم ننقلها المستشفى ويشيلها رامي يللا ياخالتي استعجلي
ام رامي : يللا انا جايه معاكم روحي يادانه جيبي عبايتي بسرعه
ويطلعون بسيارة رامي
ام نايف حاطه راس ديم ع رجولها وتبكي : وش صايبك ياعيون امك
ام رامي : لاتخافين ان شاء الله مافيها شي
رامي : خالتي بدخلها المستشفى اللي اشتغل فيه
ام نايف: بس مستشفى الحرس مابيستقبلونها
رامي : انا بدخلها ع مسؤوليتي
وصلوا للمستشفى وينزل رامي ركض ويشيلها وينادي الممرض جيب النقاله وانقلوها ع الطوارىء فوراً
ام نايف تبكي بشكل هستيري
رامي : خالتي لاتسوين كذا انا بمسك حالة ديم وبسوي لها كل اللازم انتي تطمني ويروح رامي لمكتبه ويلبس السكراب
ام رامي: ادعي لها بكاك مارح يفيدها بشي الحين الله يطمن قلبك عليها

************************
انتهى البارت، كومنت ونجمه تشجعني اكتب البارتات الجايه ❤️🤝