جيتي مثل ربيع ازهر بقلب السيف بُستان

البارت السابع عشر

جاء وقت تلبيس الدبل اول شي دخل نايف ودانه للمجلس ولبسوا بعض الدبل وباركوا لهم
وبعدهها انس وياسمين بس انس استغل الفرصه ومافك يد ياسمين
ياسمين تهمس: فك يدي وش فيك
انس يبتسم : مابفكها لين تقولين انك تحبيني
ياسمين ارتبكت وماقالت شي
( من العوايد يجيبون طقم ذهب وجوال جديد وقت الخطوبه)
انس : طيب اعطيني جوالك (ويسجل رقمه) وش تبين اكتب اسمي بجوالك ؟
ياسمين تبتسم وتستفزه : وش يعني بتسجله غير اسمك ؟
انس : سجلي اسمي بجوالك زوجي انس
ام نايف: انس يللا روح للمجلس العشاء جاهز وينتظرونك
ديم تضحك: يمه ولدك يعشق استغلال الفرص يللا قوم
ياسمين تنحرج : ديم ناوليني مويه
انس يعطي ياسمين غمزه : يللا ان شاء الله قريب نروح بيتنا سوا ويطلع
ديم وام نايف يضحكون طلع انس خفيف منجد
ويدخلون البنات ويباركون لها
زهر تفكر بسيف وتكلم نفسها (يارب يجي اليوم اللي تصير فيه ملكي)
وتمسك يدها يارا تبيها ترقص
زهر : لا خذي شهد تعرف ترقص
شهد تعشق الرقص وكان رقصها كله ثقل وذرابة
يارا تهمس لشهد : ياليت المجنون يشوفك
شهد انحرجت: والله ان اعطيك كف ومايهمني اللي موجودين
ام رامي: يللا تفضلوا ع العشاء
ويقومون يتعشون ويجي الوقت الساعه 12 وخلاص بيرجعون
...........
عند ابو رامي
ابو زهر : الجمعه الجايه غداكم عندي على سلامة سيف ولاتردوني
ابو نايف : مايردك الا الردي ان شاء الله اننا جايين
ابو رامي: ان شاء الله
سيف يبوس راس ابو زهر: والله ياعمي ماودي انك كلفت ع نفسك جيتك للمستشفى تزورني تكفي والله
ابو زهر: لا كلافه ولا شي انت ناسي اني مدين لك بحياتي يوم طحت مااحد شالني غيرك
ويفز طلال يبي عمه يمدحه: ابشر بنا ياعمي والله ماتطيح وانا موجود والله يعطيك الصحه والعافيه وطولة العمر (ويبوس راس عمه )
ابو زهر : الله يحفظكم ويخليكم لنا سند وظهر
سيف وطلال العشاق : امين ويخليك لنا
وليد يهمس لطلال: وش اللي مغيرك مو كنت تكره عمي فارس ؟
طلال يبتسم: يعني الانسان مايتغير ؟
وليد يضحك: ماشاء الله وان شاء الله تتغير للاحسن
سيف يبتسم : الله يرزقك ياوليد مثل تغيير طلال (يقصد الحب)
وليد: امميين
انس مو معاهم بالمره قاعد يرسل لياسمين
ابو نايف : يللا نستأذنكم وان شاء الله جمعاتنا كلها خير
ابو زهر: وانا بعد بطلع معك ويتصل ع ام زهر عشان يرجعون سوا
..........
عند الحريم
ام نايف: ان شاء الله نحدد وقت الملكه والزواج مانبي فترة الخطوبة تطول
ام رامي: ان شاء الله بس اكيد بعد شهرين ثلاث تعرفين هذا زواج لازم تجهيزات
ام زهر: صادقه جليله الخطوبه اذا طولت بيطفشون والزواج ماجا لسى
ام رامي : الله يتمم فرحتنا ع خير
ام زهر ترد ع ابو زهر : يللا جايين
ام نايف : ديمم يللا ابوك واخوانك ينتظروننا
زهر واخواتها يلبسون عباياتهم ولازم سوالف الباب مع دانه وياسمين وديم
................
فالحوش سيف يسولف ل نايف ورامي عن المهمه اللي راحها
وابو رامي وابو زهر وابو نايف يتكلمون عن الغداء يوم الجمعه
طلال ووليد وانس لسى في المجلس
ويطلعون ام زهر والبنات
زهر قاعده تتسمع سوالف سيف كيف اتصاوب وتكلم نفسها ( يابعد عمري جعل يومي قبل يومك)
شهد تتلفت تبي تشوف طلال بس ماشافته وهي مستغربه ليه زعلت انها ماشافته
ام زهر بصوت عالي: اخبارك ياسيف وكيف اصابتك ان شاء الله انك احسن
سيف: والله الحمدلله ياخالتي انتي شخبارك وش علومك
طلال سمع صوت خالته وفز بسرعه ويلحقه وليد اللي مايدري وش بلاه فز
طلال بصوت عالي : كيفك ياخالتي عساك بخير
شهد انبسطت بشوفته وتحس فراشات بقلبها
يارا تهمس لها: جاك المجنون
ام زهر: بخير انت شخبارك وكيف رجلك
طلال يبي شهد تسمع: الحمدلله حطيت ثلج وخف الالم والله يوفقه اللي قال لي احط ثلج والله اني احبه
شهد تضحك وتقول بينها وبين نفسها ( ماظلمته يوم قلت عنه مطفوق وفضيحه )
ليان تطالع بوليد اللي طول وشخصيه وهيبه ولابس ثوبه الاسود وحست بمشاعر غريبه وتهمس لزهر : ذا وليد ولد عمي عبدالرحمن؟
زهر : ايوه هو اللي واقف ورا سيف
ابو زهر: يللا نستأذنكم وانتظركم يوم الجمعه ان شاء الله ومشوا وزهر وشهد وزادت عليهم ليان ناسين قلوبهم هناك في بيت ابو رامي
ابو نايف يتصل ع ام نايف : يللا انا برا طولتوا علي
ام نايف: لو سبقتنا لما تأخرنا عليك
ابو نايف يضحك : مااقدر اروح البيت بدونك
وتطلع ام نايف وديم
ديم من زمان تحب رامي بس هو مايدري عنها
وتشوف نايف ووليد وانس يسولفون مع عيال عمها ومنهم رامي
ديم تطالع فيه وماشالت عيونها عنه
نايف : تامروني بشي تحتاجون شي
سيف: لا والله مانبي الا سلامتك
رامي: الله يبقيك والله اننا مانبي الا سلامتك ويطالع الا وفيه عيون تراقبه وديم مع انه جات عيونه بعيونها بس مانزلت نظرها عنه
وليد وانس : يللا فمان الله
رامي بطيء فهم بالحب وماطالعها ع طول رجع للمجلس مع سيف وطلال وابوه
ديم تتنهد: انا كيف بوصل لك مشاعري وتمشي
...............
عند ابو زهر
ام زهر: حياهم الله والله اني فرحت بعد ماتصالحتوا
ابو زهر: ايه وسيف اشهد بالله انه كفو وحبيت اردله الدين واسوي عزيمة غداء يوم الجمعه عندي
زهر طايره من الفرحه : زين ماسويت يبه
ليان سارحه بوليد ماركزت وش يقول ابوها
شهد تبتسم : من زمان مره ماسوينا جمعة يوم الجمعه عندنا
ام زهر : اييه وسيف مو قليل بعد الحمدلله ربي حماه لنا
ابو زهر: اي والله والحين بقوم انام
ام زهر : وانا بعد
يارا تطالع اخواتها : وش صاير لكم ؟ كل وحده سارحه بشي
زهر تضحك : مو صاير الا كل خير (وتقوم لغرفتها)
شهد تتذكر يوم شافت طلال بالشماغ والثوب: انا صابتني سهامه
يارا تطالع ليان : مو قلت لك انها بتجن قريب؟
ليان ماهي معاهم ابداً
تقرب يارا منها وتصرخ : لييييان
ليان انفجعت: خخيررر وش فيك مااتخلون الواحد حتى يعرف يفكر وتقوم
شهد ميته ضحك: هاه مين المجنونة ؟
يارا : والله كلكم الله لايبلاني واصير مثلكم
شهد تغني وتقوم غرفتها
...............
بيت ابو رامي
ابو رامي: الف مبروك والله يجعلني اشوف احفادي قبل اموت
رامي : لك طولة العمر يبه وتشوف احفاد احفادك
سيف: اللهم امين وتفرح برامي وطلال بعد
ام رامي: ونفرح فيك بعد ولا ماتبيني افرح فيك ؟
سيف يبوس راس امه : قريب ان شاء الله
ام رامي : الله يكتب لك اللي فيه الخير ياحبيبي والله اني انبسطت تبيني ادورلك بنت الحلال اللي بتكون من نصيبك ان شاء الله ؟
طلال يضحك وبصوت عالي : لا يممه ولدك عارف مين يبي
سيف يعطيه نظره ويسكت طلال : يمه لا جاء الوقت قلت لك مين هي اللي ابيها
ام رامي: يابعد عيني هذي اسعد ايامي الله لايغير علينا
طلال المطفوق: وانا يمه بعد مثل سيف لاجاء الوقت قلت لك
ياسمين : ماشاء الله تحبون من ورانا واحنا ماندري وتطالع رامي وانت ؟
رامي الفاهي: وانا ايش ؟
ياسمين ودانه يضحكون مع بعض
طلال: بالله انت كيف تخرجت دكتور وانت غبي
سيف : طلال خلاص عاد الا رامي ترى لا انا ولا امي نرضى عليه
رامي يطالع طلال: انت شكلك تبيني اقوم ادوس ببطنك الحين
طلال: ايه يللا نشوف الدكتور وش بيسوي في الميدان
ابو رامي عصب : وش انا ممالي احترااام جالس بينكم وانتم تتهاوشون لا بعد وبتتضاربون بكره لو مت وش بتسوون
رامي وطلال يبوسون راس ابوهم : بعد عمر طويل
طلال: يبه ترى نمزح بس
رامي سكت ماقال شي
ام رامي : يللا قوموا ناموا عشان تصلون الفجر فالمسجد ويحفظكم الله وييسر اموركم
ابو رامي: اي والله فضل صلاة الجماعه اكيد تعرفونه ( ويقوم هو وام رامي)
دانه : انا بعد بقوم انام وتطالع ياسمين وانتي ؟
ياسمين: اي والله ابي انام تعبانه
طلال يسرح في هواجيسه بشهد وماتكلم ولا تحرك
رامي : يللا ياسيف تعال اغير لك الضماد واشوف الجرح اذا بدأ يتشافى ولا
سيف : مضايقتني ربطة الكتف ذي متى اشيلها ويقوم ورا رامي
*******************
انتهى البارت + نجمه يانجماتي عشان اكمل 🤏