جيتي مثل ربيع ازهر بقلب السيف بُستان

البارت الرابع والثلاثين

عند ابو نايف
ام نايف : وليد ماقال لك يبغى شي ياكله ؟
ديم: لا والله يمه قال يبي ينام
انس : طولت ياسمين اخاف صاير لها شي
ديم : انت وش فيك ترى راحت لأمها تطمن
نايف جاي : ديم ابي شاهي من تحت يدينك
ديم ميته ضحك: دانه لسى مو طايقتك ؟
نايف: يمه بتسكتين بنتك ذي
ام نايف تضحك: خلاص ياديم هو كذا ايام الوحام ولا دانه تحب نايف وماترضى به
يدق جوال ام نايف
ديم : بقوم اسوي شاهي
ام نايف : هلا بحليمه الحمدلله بخير انتي كيفك
ام رامي: الحمدلله بخير انتي فاضيه ابيك بموضوع
ام نايف : ايه فاضيه عسى خير
ام رامي: ايه كل خير ان شاء الله والله ابي اخطب لرامي وقلت مارح الاقي احسن من ديم سنع وذرابه وابيها زوجة لولدي
ام نايف انبسطت : الله يحييكم وديم مارح تلاقي احسن من رامي بس تعرفين لازم اشاور البنت
ام رامي: ماعندي مانع حقها اسأليها وبشريني
ام نايف: ان شاء الله الله يحفظك فمان الله
انس يقرب من امه : وش قالت لك خالتي حليمه ؟
ام نايف : كلمتني تبي ديم لرامي
نايف: ماشاء الله عاد رامي ماينرد والله
ابو نايف جاي: اشم ريحة شاهي
نايف: ايه ديم بتجيبه الحين تعال يبه
ام نايف : جيت في وقتك توها مكلمتني حليمه تبي ديم لرامي
ابو نايف: عاد رامي ماشاء الله ماينقصه شي رجال ومحترم ودكتور وعنده بيت وقبل كل شي ولد اخوي
ام نايف: باقي اخذ رأي ديم
ديم تجي ومعاها الشاهي: ايه يممه تاخذين رايي بأيش؟
ام نايف : تعالي جنبي
ديم: انس قم صب الشاهي لأبوي ونايف
ام نايف: كبرتي يابنتي وصرتي عروس كيف الايام مشت بسرعه
ديم توترت ماتدري انه رامي: وش السالفة يمه
ام نايف: كلمتني خالتك حليمه تبيك لولدها رامي وش رايك؟
ديم تتلعثم: رامي وانا؟
انس يضحك : ايه رامي وانتي
نايف: انس اسكت مو وقتك
ابو نايف: عاد رامي يابنتي ماعليه كلام بيعزك ولا اقول هالكلام لانه ولد اخوي لا والله انه فعلا رجال
ديم استحت : اللي تشوفونه وتقوم
نايف : يمه احرجتيها قلتي لها قدامنا
ام نايف: مافيها خجل زواج هذا
دانه وياسمين جو من عند امهم
انس ينط ويمسك يد ياسمين: عسى ماتعبتي ياروح انس
ياسمين: لا حبيبي مافيني شي وتسلم ع خالتها وعمها
ابو نايف : الحمدلله ع سلامة طلال نور هو ووليد فقدناهم
ياسمين : الله يسلمك عمي
انس: تعالي ارتاحي ويطلعون لغرفتهم
دانه تمسك يد نايف: ولدك متعبني اذا طلع بضربه
ام نايف تضحك: اذا طلع مارح تخلين احد يلمسه من حبك وخوفك عليه
نايف: ايه وبتطردني من الغرفه مثل الحين
دانه انحرجت: بس عاد لاتبالغ
نايف:   والله اني امزح معك
دانه: اليوم سيف واحد من عيال عمه ضربه بالسكين
نايف: افا ووين ومتى وليه ماعندي خبر
دانه: بين صلاة العصر والمغرب تهجم عليه عشان عمه كتب له شي بالوصيه
نايف : الحين بكلمه وبشوف وش الوضع
ابو نايف: خساهم الله ماكفاهم انهم بغوا يخربون عرسه جايين يبون يقتلونه اعوذ بالله من بعض الاقارب
دانه : والله ياعمي مدري وش سوا لهم سيف عشان يعاملونه كذا
ابو نايف: نفسهم دنيه واكلين مال اليتيم
ديم تحضن شماغ رامي: يابعد عمري ايه ابيك وابيك
...............................
بعد ٣ اسابيع صارت خطوبة وملكة رامي لديم رسمية
رامي : ايه نظراتك ذي ماقد نسيتها من اول يوم شفتك فيها
ديم : ايه وتسوي نفسك ثقيل وانك مو مهتم
رامي يضحك :ايه قلت اتأكد اول شي بس بعد ماهاوشتيني يوم تحسبيني ابي غيرك
ديم: بسس عاد كل ماتذكرت اتفشل
رامي يقلدها: مين اللي تبيها دكتوره ولا ممرضه
ديم تضربه : بسس عاد ترى ازعل وانت ماتعرف اذا زعلت وش بسوي
رامي: وش بتسوين ؟
ديم تقوم بتروح ويمسكها رامي من يدها ويسحبها : تفكرين اني بسمح لك تروحين يعني الا اذا طفشتي وتبيني اروح هذا شي ثاني
ديم : يابكاش بديت تعرف نقطة ضعفي من الحين
رامي يضحك: باقي ع زواجنا اسبوع ووقتها اخذك لبيتنا
ديم : يابختي فيك انا ابيك انت لو اعيش معك بخيمه
رامي ينرفزها: خلاص بنسوي خيمه ونسكنها
ديم : اعرف انك تبي تنرفزني بس مارح اغير كلامي
رامي يضحك: طيب منجد بقوم امشي عندي بكره دوام
ديم : وش رايك تفصل من وظيفتك اللي بتاخذك مني ؟
رامي: اييه واذا قعدت ٢٤ ساعه بوجهك بكره بتطرديني
ديم: لا مارح اطردك انت روحي وعيوني ماابي تغيب عني ثانيه
رامي : تبين شي قبل امشي؟ ماعاد بشوفك الا يوم زواجنا عشان تشتاقين لي
ديم : انا من الحين بشتاق لك
رامي يقابل عمه وخالته ويسلم عليهم ويروح
..........................
عند ام رامي
طلال: يمه وش رايك قبل ابدأ دوام تزوجيني واخذ زوجتي معي ؟
ام رامي: ياروح امك هذا احلى خبر
طلال يبوس راس امه : ابي شهد
ام رامي: اي شهد بنت خالتك ؟
طلال يبتسم : ايه شهد بنت خالتي
ام رامي: ياعمري والله انها مناسبه لك
طلال يضحك : ايه يمه مناسبه لي وتبيني وابيها
ام رامي : بكره اكلم خالتك
طلال بصوت عالي: لاا الحين يمه
ام رامي تضحك : بسم الله فجعتني طيب بكلمها الحين
سيف: مساكم الله بالخير
ام رامي وطلال : مساك الله بالنور
سيف: يمه اليوم كلمني عبدالعزيز ولد عمي وقلت له عن اخوه وحلف بالله انه مايدري
ام رامي: وليه اتصل عليك اجل
سيف : لنفس الموضوع يقول ابوه قبل مايموت اوصى انهم يرجعون ورث ابوي لي وانا قلت لهم ماابي شي
طلال: اخخ ياسيف انت ليش تقهر كذا وش اللي ماتبيه ابوك وورثته من حقك مالك داعي تقول ماتبي
سيف: والله يااخوك ابي اشتري راحة بالي عبدالعزيز وراشد ماظنتي بيعطوني وبنقعد بالمحاكم
طلال : خلهم يقربون منك وبس والله ان تصير جريمه عاد مستقوين عليك يحسبون مالك ظهر
سيف يضحك: تراك تكلم شرطي وياما واجهت بشغلي مثلهم واكثر
ام رامي: يابعد روحي الله يخليكم لبعض
سيف: بس عبدالعزيز كان مصّر انه يعطيني وانا رفضت قلت له مانبي منك لا خير ولا شر
طلال: لو رجال كان جاء وجاب اخوه الرخمه معه يعتذرون منك وبعدها يبرون ذمة ابوهم
ام رامي: ايه والله انه صادق طلال هذا اللي المفروض يسويه
طلال: يمه لاتنسين الموضوع الحين بطلع مع وليد ينتظرني
سيف: وش موضوعه ؟
ام رامي : يبي اخطب له شهد بنت خالتك
سيف يضحك: زين خلينا نصير انا وهو نروح لبيت عمي سوا
ام رامي : الحمدلله انكم اخترتوا بنات اختي فرحتي مو شايلتني
سيف : طيب يبي نحط زواجه مع رامي ؟
ام رامي: لا مايصير مافي وقت زواج رامي بعد اسبوع وش يمديها تسوي البنت وتجهيزاتها
زهر جايه ووجهها تعبان بدأ عليها الوحام: مساء الخير خالتي وتطالع سيف توك جاي؟
ام رامي: هلا فيك يابنتي هاه كيفك الحين؟
زهر: الحمدلله خالتي بس صايره مااشتهي الاكل ابداً
سيف يمسك يدها: بس لازم تاكلين عشانك وعشان ولدنا
زهر تضحك : قصدك عيالنا ولا نسيت اني حامل بتوأم
سيف يضحك : لا بس ابي اهون عليك
زهر تحط راسها ع كتف سيف: انت بس خلك جنبي وانا مااحس بتعب
ام رامي: الله يخليكم لي ويخليكم لبعض وتزفون عيالكم عرسان
سيف : امين يمه ويخليك لنا وتشوفين احفاد احفادك
ام رامي تضحك : ان شاء الله بس بصير امشي بكرسي متحرك
زهر : بعيد الشر خالتي ترى توك صغيره
ام رامي: انا بقوم غرفتي وبكلم امك ابيها بموضوع وتروح
زهر تطالع سيف: تعرف وش السالفه؟
سيف : ايه ابي خالتي تعرف انك ماتاكلين
زهر : لا ياشيخ وهذا موضوع مهم ؟
سيف :ليه وفيه اهم منك يعني ومن صحتك؟
زهر تبوسه من خده : ايه انت اهم من كل شي
سيف: وانتي وعيالي اللي ببطنك اهم شي بحياتي
...................
عند ابو زهر
شهد: والله يمه اني اشتقت لزهر
يارا: ياكذبك تونا امس عندها ولا عشان طلو
شهد تقرصها: يمه تبين شاهي ؟ وتروح
ام زهر: وش السالفه بينك وبين اختك؟
يارا : مافي شي يمه انا بطلع اخذ لي اغراض
ام زهر: لوحدك ؟ خذي ليان معك
يارا: ليان يمه صارت ماتطلع من غرفتها تبينها تطلع معي
ام زهر: طيب ولاتطولين خذي اغراضك وتعالي
يارا: طيب واخذ قهوه
ام زهر: هالقهوه اخذت عقولكم طيب بس اهم شي لاتطولين
يارا تضحك وتطلع
يدق جوال ام زهر
ام زهر: هلا بحليمه وش اخبارك واخبار زهر
ام رامي: الحمدلله كلهم بخير انتي كيفك وكيف البنات
ام زهر: الحمدلله بخير كلنا ومتحمسين لزواج رامي
ام رامي : ولزواج شهد وطلال
ام زهر : مين شهد؟
ام رامي تضحك: شهد بنتك ابي اخطبها لطلال الا اذا ماتبين تعطيني بناتك الثنيتن
ام زهر تضحك: يابعد عمري والله مارح الاقي حماه لبناتي احسن منك وتعرفين غلاتك ومعزتك عندي ورح اخذ راي شهد وابوها واكلمك
تجي شهد ومعاها الشاهي
ام زهر: سلميلي ع زهر وسيف ورامي وطلال ورح ارد لك خبر بأقرب وقت وتقفل
شهد: وش فيك يمه ؟ ليه الدموع بعيونك؟
ام زهر : هذي دموع الفرح يابعد روحي وتحضنها
شهد لسى مستغربه : خوفتيني يمه وش صاير
ام زهر: تبين طلال ولد خالتك؟
شهد جمدت ماعاد تحركت
ام زهر: علامك ؟ خالتك كلمتني وقالت تبيك لطلال وش رايك؟
شهد تبتسم وبصوت واطي( سويتها فيني ياطلال) : انتي يمه وش رايك بطلال ؟
ام زهر: طلال رجال وماعليه كلام ومحبوب ومحترم ومتأكده رح يعزك ويصونك
شهد تبتسم: دام هذا رايك ايه ماعندي مانع( تسوي انها ماتحبه ولا تدري عنه)
ام زهر تحضنها : يابعد روحي بشوفك عروس ولطلال الله يهنيكم يابنتي
يجي ابو زهر : هاه اشوف امك ياشهد تضحك وش صاير
شهد تطالع امها: انا بقوم غرفتي وتروح
ابو زهر : وش فيه ؟
ام زهر: طلال يبي شهد وش رايك ؟
ابو زهر انببسط: هذا احسن خبر سمعته طلال والله اني احبه ومو موسع صدري غيره وشهد وش رايها ؟
ام زهر: قالت ماعندها مانع وموافقه
ابو زهر: والله انها اسعد ايامي يوم اشوف بناتي كل وحده مع زوجها عقبال ليان ويارا
شهد تمسك جوالها وتدق ع طلال بس مارد وارسلت له " سويت اللي تبيه وفاجئتني ياحبيب عمري بس لو قلت لي كنت هيأت نفسي للخبر كنت رح اطيح من طولي "
طلال يستلم الرساله ويرد: مامداني ارد انا مع وليد وهاه عساك موافقه ولا ماتبيني ؟
شهد: ايه موافقه يا طلولي
طلال ضاعت علومه وانخبص : طلولي ؟ اجل كل يوم بفاجئك اذا كذا بتناديني
شهد: هههههههه ايه عاد انت تعشق المفاجأت
طلال: لا والله اني اعشقك
شهد : وانا ياحبيبي اموت فيك واكتشفت يوم رحت الشرقيه اني مااقدر اعيش بدونك
طلال: وانا بصير لك نشبه لين تملين وتطرديني
شهد: انا اطردك؟ انا احطك بعيوني واغمض
طلال : انتي شكلك تبيني الحين انط بيتكم
شهد : لا وش تنط يامجنون وانتبه لنفسك وارجع بدري
طلال : اموت في الاوامر طيب ان شاء الله
**********************