جيتي مثل ربيع ازهر بقلب السيف بُستان

البارت الثالث

عند ابو زهر
زهر: تخيلي ان ابوي عطى سيف كف
يارا: امانه ؟ وش دراك طيب
زهر: دانه قالت لي وودي اعرف ليه
يارا: تبين ننزل نسأل ابوي؟
زهر: منجدك انتي ؟ والله ان ابوي يعصب علينا مو ناقصين
شهد تجي: وش فيكم ؟
يارا: تعالي شوفي ابوي وش سوا
شهد : وش سوا ؟
يارا: ضرب سيف
شهد: يممه ليهه ؟
زهر وهي قلقانه على سيف : مدري وعندي فضول اعرف
يارا: قلت لك نسأل ابوي
شهد : امي تدري؟
زهر : لا باقي ماقلت لها
يارا وشهد بنفس الوقت: اججل نقول لامي وهي بتجيب العلم
زهر: مدري ماابي نسوي مشاكل بين امي وابوي
يارا : ماعليكم تعالوا معي وبس
طبعاً ليان بغرفتها ماتدري وش السالفه اصلاً
وينزلون ويلاقون امهم بالصاله تتفرج
يارا تطالع زهر وشهد : اقولها انا ؟
ام زهر: بسم الله وش فيكم ؟
شهد: خلي زهر تقول هي تعرف السالفه
ام زهر : لاتطيحوون قلبي وش صاير ؟؟
زهر: مافي شي يمه بس سالفه عادية وتجلس جنب امها
ام زهر : طيب وش هي انطقي
زهر: اوعديني ماتتهاوشين مع ابوي
ام زهر: ابوكم تزوج علي؟
يارا تضحك بصوت عالي: يممه تعرفين ابوي مستحيل يسويها
شهد تقرصها : مو وقتك وتطالع زهر انطققي بسرعه قبل يجي ابوي
ام زهر عصبت: ترى طلعتوني من طوري وششش فيكمم
زهر: طيب بقولك.. اليوم ابوي ماقال لك كل اللي صار وكلمت دانه وقالت لي ان ابوي ضرب سيف وكان بيضرب طلال
ام زهر عصبت اكثثر: اييشش؟ ولييه يضرب عيال اختتي وش مسوين له
زهر: مدري يمه عشان كذا قلت لك يمكن تعرفين منه
يارا : تبون اذا جا ابوي اسأله انا ؟
يجي ابو زهر: وش تبين تسأليني عنه ياعسوله - ابوها مايناديها الا عسوله-
تقوم ام زهر : انت منجد ضربت سيف؟ وبغيت تضرب طلال؟
ابو زهر: اختك شكت لك ؟ ليتك قلتي لها انها تربيهم يحترمون اللي اكبر منهم
ام زهر معصبه: يعني منجد هالكلام ؟ كيف تضرب عيال اختي ؟ وش سوو لك وياعمري ياسيف مالقيت الا هو تضربه
ابو زهر: والله هالسيف هو اللي مااحترمني وانا كبر ابوه
ام زهر : لو قلت لي غير سيف صدقتك بس انت من زمان ماتحبه مع انه اكثر واحد محترمك واكثر من عيال اخوك
زهر وشهد ويارا ندموا انهم تكلموا ويطالعون في بعض
ابو زهر بعصبييه : مااابييه ولا ااابببي احترامه لا بارك الله فيه ولا في عيال فايز كلهم
ام زهر: استغفرالله العظييم انت وشفيك تدعي عليهم كل شوي تراهم عيالي مثل ماهم عيال اختي وسيفف انا ربييته واعرفه زيين مستحيل يقل ادبه لا معك ولا مع غيرك
ابو زهر متنررفز: الا عشانه بالشرطه ويفكر انه بيقدر يمشيني على كيفه ماعاش ولا كان اللي يمسك يدي وانا فارس ابو زهر
زهر تطلع لغرفتها
ام زهر: اجل وش تبيه يسوي وانت جاي تضرب اخوه الصغير قدامه ؟ الله يهديك ويسامحك انا بقوم اكلم اختي اراضيها اكيد انها زعلانه
ابو زهر يعصب ويطلع غرفته ويصك الباب بقوه
ام زهر تمسك جوالها بتدق ع ام رامي
يارا: نطلع عند زهر ؟
شهد : بنتظر امي تخلص مكالمة خالتي وبلحقك
يارا: توي اكتشف انك فضوليه
شهد تعطيها نظظره بنص عين
زهر بغرفتها وتبكي: وش سوا لك سيف عشان تضربه اكيد ابوي احرجه عشان كذا اليوم كان مستعجل لما شافنا في بيت عمي
تفتح يارا الباب وتشوف عيون زهر حمراء : بسم الله عليك عيونك حممراء مره (تحط يدها ع جبهة زهر) حراراتك مو مرتفعه
زهر: مافيني شي روحي شوفي امي
يارا: والله ان فيك شي انا اعرفكك
زهر تعصب: اقولك مافيني شي اطلعي وقفلي الباب
يارا مستغربه: طيب لاتعصبين وتطلع
زهر تفكر بسيف : يارب يكون بخير
.....
عند ام رامي
ام رامي: هلا حصه
ام زهر: هلا فيك اتصلت فيك اعتذر منك ع اللي سواه ابو زهر ماكان يقصد والله انها لحظة غضب
ام رامي: لحظة غضب وش ذنب عيالي يطلع غضبه عليهم
ام زهر: والله اني مادريت الا لما قالتلي زهر تقول علمتها دانه
ام رامي: والله اني شايله ع فارس مرره وش فيه على عيالي ومالقى يضرب الا سيف احن واحد ومايغلط على احد ولو غير سيف كان اخذ حقه وضربه
ام زهر: والله اني تهاوشت معاه قبل اكلمك قال انه الشيطان دخل بينهم واكيد سيف يعرف ان فارس مو قصده
ام رامي: انتي تعرفين سيف وكيف كتوم مستحيل يشتكي لي حتى
ام زهر : اييه هذا اللي تعبني لما عرفت انه ضرب سيف انا بكره بجيك وبعتذر من سيف وبراضيه متى يرجع من دوامه ؟
ام رامي: حياك الله بالعاده العصر يجي من دوامه وابو زهر بيجي معك ؟ 
ام زهر: تعرفين الحساسيه بينه وبين فايز ماظنتي يدخل بيته
ام رامي: بس انا ابيك تكلمينه يجي معك يعتذر من سيف ولدي مو قليل عندي
ام زهر: ابشري وسيف مو قليل عندي بعد وينهون المكالمة
..................
يجي ابو رامي بعد صلاة العشاء ويلقى ام رامي تبكي
ابو رامي: علامك وشفيك تبكين ؟
ام رامي: ابكي ع ولدي قلبي محروق علييه
ابو رامي: سيف ؟ وش فيه صار شي ؟
ام رامي وهي تبكي: وش بيصير اكثر من ان ولدي ينضرب ومحد ياخذ حقه انا حاسه فيه اكيد انه مقهور
ابو رامي : استهدي بالله تراه رجال مو بزر واذا صارت له مشكله بياخذ حقه بيده
ام رامي تطالع ابو رامي: بس اخوك قههر ولدي وخلاه عاجز انه ياخذ حقه لأنه معتبره مثل عمه وانت ماسويت شي (وتقوم وتروح غرفتها)
ابو رامي : الله المستعان ياحب الحريم لتكبير الامور
ياسمين بتروح المطبخ الا وتشوف امها تدخل غرفتها وتبكي
ياسمين: افا مين مزعل حليمه هالمره ؟
ام رامي ماتتكلم ودموعها بس تنزل
ياسمين : يمه شي يوجعك ؟ فيك شي ؟
ام رامي : لا حبيبتي مافيني شي روحي لغرفتك وقفلي الباب وراك
ياسمين تقلق ع امها وتروح لغرفة دانه وتفتح الباب بقوه
دانه تفزز : بسم الله وشفيك انتي مصفوقه بشويش شلعتي قلبي
ياسمين : امي تبكي وانا قلقانه عليها ماقالت لي وش فيها
دانه: متى ؟
ياسمين: قبل شوي بس انا احس فيه شي
دانه : ياعمري ياامي مستحيل تشتكي لنا
ياسمين: انا بروح اسوي قهوه وبروح لأمي تجين معي؟
دانه : اكييد لازم نسحب منها الكلام ونعرف ليه تبكي
............
الساعه 9 ونص بالليل
نايف وسيف وطلال ووليد توهم جايين كانوا طالعين سوا يشربون شاهي ويسولفون (طلعة عيال يعني) ولأن البيوت جنب بعض قعدوا يسولفون عند السياره
سيف : ياشباب انا بدخل وراي دوام يالله يمديني انام
طلال: ترى دوامك 6 الصبح بيمديك يارجال
وليد يمسك طلال بقوه من رقبته: تحسب الكل عاطل مثلك ومايهمه اي وقت ينام
سيف ونايف يضحكون
طلال : بالله شف مين يتكلم اللي يسمعه يقول موظف براتب عشرين الف تراك عاطل باطل
سيف: خلاص انت وهو خفضوا اصواتكم لجيتونا ولجيتوا الجيران
نايف : سيف لو تقعد لبكره تتكلم مارح يفيد معهم انا بعد بدخل ورانا دوامات
طلال ووليد فاطسين ضحك مستحيل يتقابلون ومايطقطقون على نايف وسيف ويجي رامي وهم متجمعين عند السياره وينزل من سيارته
رامي: الله يجعلها جمعة خير وضحك خير
نايف: ماظنتي خير وهالاثنين موجودين (يقصد طلال ووليد)
رامي يضحك : من يومهم صغار راعين مشاكل مو شي جديد
يصادفهم ابو زهر وهو جاي لبيته اللي مقابل لبيوتهم ومايسلم عليهم ويمشي
وليد بصوت عالي: عمي السلام لله شدعوه ؟
ابو زهر يخزهم ويدخل بيته
سيف: ولد وش فيك انت عيب تراه عمك ولازم تحترمه
طلال: اقسم بالله انك تقهرني ياسيف بعد اللي سواه باقي تحترمه
سيف : بلا كثرة كلام يللا قدامي ع البيت ويطالع نايف ووليد  مع السلامه بكره ان شاء الله اشوفكم
رامي: تصبحون على خير ياشباب ويدخل
طلال: وليد اليوم مابجي الاستراحه مانمت زين من امس
وليد: ولا انا بروح ابوي يصحيني قبل الفجر بساعتين ويضحك
طلال: كأنك تتكلم عن ابوي اقسم بالله يحسبوننا مانصلي اذا ماصحونا
نايف يسحب وليد : ليلهم طويل تصبحون على خير ويروح هو ووليد
سيف وطلال دخلوا الصاله
ياسمين ودانه جالسين وقهوتهم ماشربوها حتى
سيف: السلام عليكم
طلال: وش فيكم حاطين القهوه وتتفرجون عليها ؟
دانه : وعليكم السلام تعالوا تقهوو معنا
سيف : وين امي ؟
ياسمين : امي من بدري طلعت لغرفتها وكانت تبكي
دانه تدق ياسمين: لا بس كانت تعبانه وطلعت تنام تعرف صاحيه من بدري
سيف يطالع ياسمين: امي كانت تبكي ؟
ياسمين : لا بس كانت نعسانه وقالت بتنام
سيف : اجل اذا كذا الحمدلله ويقوم تبون شي ؟ انا بروح غرفتي انام
ياسمين ودانه: سلامتك وتصبح على خير
طلال: وانا بعد بقوم انام ابوي ماخلانا ننام زين ويروح
دانه تطالع ياسمين: هبله انتي تعرفين سيف يشيل هم امي مره ويمكن ماينام اذا عرف ان امي كانت تبكي
ياسمين : بس والله اني شايله هم امي مره بس ان شاء الله خير
************
دعمكم ورأيكم مهم 🤝