جيتي مثل ربيع ازهر بقلب السيف بُستان

البارت العاشر

بيت ابو نايف
ام نايف : وليد مايرد علي ماادري وصل ولا لا
ابو نايف : يمكن ووصل ونام
نايف : ماعليك يمه الحين بكلم طلال ويدق ع طلال
طلال: هلا والله بالنايف
نايف: هلا فيك اقولك وصلتم ولا ندق ع وليد ومايرد
طلال: ايه والله من زمان واصلين ونام وليد
نايف : متى بترجعون
طلال: والله مدري يوم او يومين ليه؟
نايف: سلامتك والله الله يحفظكم
نايف يطمن امه ان وليد نايم ووصلو من زمان
ام نايف: الله يحميه ماابيه ينقبل بالوظيفه اللي بالشرقيه
..........
الفجر عند ابو زهر
ام زهر : الحمدلله الدكتور قال مو خطير واعطاني ادويتك بس لازم تلتزم فيها
ابو زهر : الحمدلله الله لايعيدها
ام زهر: لو مو السيف بعد الله كان صار لك شي
ابو زهر يخاف يقول شي عن سيف تزعل ام زهر وسكت ماقال شي
ليان : الحمدلله انه كان موجود وتطالع زهر اللي عيونها منتفخه من القهر ع سيف
ام زهر: زهر حبيبتي وش فيك ؟ ابوك شوفيه بخير ليه عيونك منتفخه وتطالع ابو زهر تراها خافت عليك وقعدت تبكي
ابو زهر : زهر تعالي يابنتي شوفيي مافيني الا العافيه
زهر تنزل دموعها لسى شايله هم سيف: الحمدلله ع سلامتك واخر الاوجاع يبه
ام زهر: سيف ماتركنا ولا لحظه الله يحفظه
زهر: ايه يمه بس ابوي كسر بخاطره ماقاله كلمه زينه مع انه جابه للمستشفى وشاله
ابو زهر: خلاص كل شوي سيف وسيف جابني كثر الله خيره وش اسوي له يعني؟
ام زهر تعطيه نظره: انت باقي مثل ماانت ماتبت يعني ؟ كفايه انه سمعك ومشى تراه عنده احساس مابيسامحك كل مره
ابو زهر : اذا شفته بشكره وش تبين بعد؟
زهر: بس بعد ايش لما...
ليان تمسك زهر حست انها بتخربها : تعالي معي نروح نسوي اوراق الخروج لأبوي ويطلعون
ليان : تبين تفضحين نفسك انتي واضح انك تحبين سيف وتدافعين عنه ترى ابوي رح ينتبه بيوم
زهر: انتي لو شفتي عيون سيف لما طالعني وتكلم معي حسيت اني ملكت كل الدنيا وكان خايف ع ابوي بس ابوي كسر بخاطره يا ليان
ليان: ماعليك اكيد انه فاهم شخصية ابوي وعارف ومارح يشيل بخاطره
شهد ويارا يجون
شهد : خلصنا الاوراق يلاا نرجع
ام زهر: طيب بس نادي ليان وزهر
شهد : شفتهم واقفين هنا عند الباب ومعهم يارا
ابو زهر يقوم: الله لايعيد علينا المستشفيات
ويطلعون للسياره ويارا اللي تسوق
............
عند ابو رامي
ابو رامي: رديتي خبر لأم نايف
ام رامي: العصر ان شاء الله مابقولها من صباح الله خير
رامي: صباح الخير
ابو رامي : انت معنا في البيت ولا وينك
رامي: ابد والله موجود بس مشغول
سيف : صبحكم الله بالخير انا اليوم يمكن ماارجع البيت بدري
ام رامي : لييه ؟ وش فيه ؟
سيف: لاتخافين يمه بس فيه عندنا مراقبه ومداهمه ومانبي الا الدعاء
ام رامي ع طول بكت: الله يحميك ولايحرمني منك
ابو رامي : لاتبكين المفروض تفرحين ان ولدك حامي الوطن بعد الله
سيف : اي والله يمه ومارح يصير شي ان شاء الله ويبوس راس امه يللا تبون شي ؟
ام رامي : سلامتك وترجع بالسلامه يابعد عيني
رامي : استودعنا الله فيك
ويطلع سيف ع وصول ابو زهر وام زهر والبنات ولما شافوه البنات دخلوا البيت وتركوا امهم وابوهم مع سيف الا زهر ظلت تراقب سيف من ورا الباب
سيف : يبوس راس ابو زهر صباح الخير عمي عساك طيب كيفك الحين ان شاء الله انك بخير
ابو زهر بدأ يعقل شوي : بخير الله يسلمك والفضل لك بعد الله قالت لي خالتك وزهر انك ساعدتهم وشلتني للمستشفى ماقصرت
سيف : ولو ي عمي هذا واجبي واذا احتجت اي شي انا موجود
ام زهر : ماتقصر ياحبيبي وانا عازمتكم الليله ان شاء الله انت وامك والبنات
ابو زهر : وابوك بعد معزوم والعيال خلهم يتفضلون عندي
سيف : والله ودي اجي لكن مايمديني الليله وان شاء الله ابوي ورامي يكفون ويوفون
ام زهر : يعني باقي ماخذ بخاطرك ع عمك ؟
سيف: لا والله مافي شي من هالكلام بس عندي مهمه اليوم ومااعتقد اني رح ارجع بسرعه
زهر مبسوطه من ابوها انه رضى عن سيف وتطالعه
سيف يلمح زول زهر ويدق قلبه بسرعه وهو مايدري وش فيه
ابو زهر : انا بدخل تعبان شوي تبي شي ؟
سيف: ماابي الا سلامتك واهتم بصحتك
ام زهر : الله يحفظك ياولدي واستودعت الله فيك ويدخلون البيت
ويمشي سيف ويسمع احد يناديه (السيف انتظر) ويلتفت ويشوف زهر ومايدري وش اللي قاعد يصير معه كل ماشافها او سمع طاريها يدق قلبه بسرعه
سيف : سمي
زهر وهي بتموت من الحب : سم الله عدوك انا حبيت اشكرك ع اللي سويته وساعدت ابوي
سيف متوتر : العفو ماسويت الا الواجب والحمدلله ع سلامته ومايشوف شر وبيلف بيمشي خلاص
زهر: السيف انتبه لنفسك الله يحميك وارجع لنا بالسلامة
سيف قلبه يدق بسرعه مع انه ماطالع لعيونها حتى ورفع راسه وشاف عيونها تلمع من الحب فعلاً وماتكلم بس توتر ومشى
زهر : الله يحميك يابعد روحي وعيني وييسر امورك ولايحرمني منك وتدخل للبيت
ام زهر: وين كنتي ابوك كان يسأل عنك
زهر الابتسامة شاقه وجهها : هنا موجوده
ام زهر : علامك تبتسمين جعلها دومم
زهر : ولا شي بس مبسوطه ان ابوي قام بالسلامه
........
سيف ماشي لدوامه وهو عقله مو معه : انا وش فييني كأني اول مره اشوف بنت خالتي ويبتسم نسى هممومه ونسى كل المشاكل ومايدري انها فعلاً بداية الحب
وفي مدينه ثانيه طلال هايم مو بس حب شهد لا صار حتى يهوجس فيها ويبدوا ان الاخوان وقعوا ومحد سمى عليهم
................
مر الوقت وجا العصر
عند ام نايف
ام رامي تمسك جوالها وتكلم ام نايف
ام نايف: وعليكم السلام الحمدلله بخير انتي كيفك
ام رامي : الحمدلله بخير دقيت عليك وحبيت ابلغك بموافقتنا وحياكم الله اي وقت
ام نايف: الله يفرح قلبك وان شاء الله نحدد يوم للخطوبة الرسميه والشوفه
ام رامي: حياكم الله اي وقت تشرفونا وينهون المكالمه
ديم: وش صاير يمه اشوفك مبسوطه بعد المكالمه
ام نايف : رح يصير عندك زوجات اخوان
ديم : يعني خلاص وافقوا ؟
ام نايف: ايه ورح نحدد يوم للخطوبه والشوفه
ديم : الحمدلله انبسطت الله يتمم لهم ع خير
انس جاي من فوق وطالع بيروح النادي
ديم بصوت عالي : تعال ياعريسس
انس يضحك ويجي : نعم وش تبين
ديم تضحك : وافقت عليك ياسمين
انس يننطط: احححلفي ويطالع امه يممه منجد ؟
ام نايف تضحك: اييه ياحبيبي ورح نحدد يوم للشوفه والخطوبة الرسمية و...
انس ينط مببسوط ويبوس راس امه : ماتددرين يممه وشككثر مبسوط ان ياسمين بتصير زوجتي
ام نايف: وانت من متى تبي ياسمين ؟ وانا مالاحظت حتى انك تحب
ديم : انا يمهه لاحظت وتطالع انس ولددك عاشق مو بس يحب
انس: ايييه يمه والله اني عاششقها وكان حلمي انها تصير زوجتي وتحقق
ام نايف: الله يتمم فرحتك ياحبيبي ونشوف سعادتك مع ياسمين
انس يغغني ويطلع من البيت وهو مبسوط طبعاً كل ذا الحب وياسمين ماتدري عنه
نايف: وش فيه انس ؟
ام نايف : جيت في وقتك تعال جنبي
نايف يبوس راس امه : امريني يمه
ام نايف: ترى ام رامي كلمتني وقالت لي ان دانه موافقه
نايف: الله يقدم اللي فيه الخير
ام نايف: اللهم امين وقلت لهم بنشوف يوم للخطوبة الرسمية والشوفه
نايف : ان شاء الله ويقوم انا بغير ملابسي وبرتاح تبون شي ؟ ويطلع
ديم: يمه شفتي الفرق بين الزواج التقليدي والزواج عن حب ؟ الله يرزقني احد يحبني
ام نايف: امين يحبك ويصونك ويخاف الله فيك
ديم تحب رامي بس هو مو داري حتى
ابو نايف : وش هالفرحه في البيت ان شاء الله دومم
ام نايف: عيالك بيصيرون عرسان
ابو نايف: الله يتمم لهم بخير و ياسمين ودانه والله انهم مثل بناتي واكثر
ام نايف: مدري متى نحدد يوم الخطوبة
ابو نايف : حدديه يوم الجمعه ان شاء الله ويكون وليد وطلال قد جو
ام نايف : ان شاء الله
**************