جيتي مثل ربيع ازهر بقلب السيف بُستان

البارت التاسع عشر

ام نايف: يارب احميها يارب اعطها الصحه والعافية
رامي يكلم الممرض : كلم قسم المختبرات وخلهم يستعجلون بالتحليل
ويقيس لها الضغط منخفض والسكر منخفض ويركب لها سيروم عشان تستعيد وعيها ويطلع
ام نايف تركض له : طمني ياولدي قلبي متواكلل عليها
رامي: والله ياخالتي مافيها شي والحين عطيها دقايق وتصحى بس هي متى اخر مره اكلت؟
ام نايف: امس وماعاد رضت لاتاكل ولا تشرب
رامي : طيب وش السبب ؟ مالها شهيه ولا كانت تتألم ؟
الممرض : لو سمحت دكتور رامي
رامي: متى قالوا لك تطلع التحاليل؟
الممرض: بعد نص ساعه
رامي: الله يعطيكم العافيه ماقصرتوا ويطالع امه وخالته تعالوا من هنا
ام نايف: يعني نقدر ندخل لها ؟
رامي: ايه تقدرين ليه ماتقدرين تعالي
ديم لسى ماصحت بس السيروم بدأ ياخذ مفعولة
ام نايف: علامها لسى ماصحت لاتخبي علي
رامي : والله اني مااخبي عليك مافيها شي وعطيها دقايق وتصحى
ام رامي: طيب والتحاليل؟
رامي: لسى يمه يبي لها نص ساعه
ام نايف: هي من البارح ماهي ع بعضها ومااكلت ولا لقمه
رامي: طيب هي قبل كانت تعاني من الام او شي؟
ام نايف: ليه انت شاك بشي صارحني
رامي : لا والله ياخالتي بس اسأله روتينيه عشان اعرف وش سبب الاغماء
ديم تهلوس بأسم رامي بس مو واضح وش تقول
تفز ام نايف : ديم ياعيون امك انتي فتحي عيونك
ام رامي تمسك رامي وتساسره: فيها شي البنت ؟
رامي: لا والله بس اسأل عشان نعرف سبب الاغماء
ام نايف تبكي ومدنقه راسها
تفتح ديم عيونها تفكر انها تحلم وتشوف رامي بالسكراب واللابكوت : رامي !
رامي : الحمدلله ع سلامتك
تفزز ام نايف وتحضنها: ياعيون امك خوفتينا عليك
وديم ماشالت عيونها عن رامي
ام رامي : الحمدلله ع سلامتك خوفتينا عليك
رامي توتر من النظرات : انا بروح اشوف التحاليل
ام نايف تمسك وجه ديم بيدينها الثنتين : تحسين بشي ولا شي يوجعك ؟
ديم الدلوعه زعلانه عشان رامي راح: مافيني شي
ام رامي: لازم تاكلين وتهتمين بصحتك حبيبتي
ديم : مو مشتهيه الاكل والله وتطالع امها مين جابني هنا ؟
ام نايف : رامي الله يرضى عليه ودخلك ع مسؤوليته
ديم بدأت ترتاح: وش قال ؟
ام نايف: لسى رامي راح يشوف التحاليل
يدق الباب رامي وتلبس ديم طرحتها
ام رامي: تعال
رامي يطالع ديم: كيف تحسين نفسك الحين ؟
ديم مبسوطه: الحمدلله احسن بمية مره
ام نايف: كيف التحاليل؟
رامي: الحمدلله كل تحاليلها سليمه وطلبت لها تحليل فيتامينات يمكن ماتاكل لأن عندها نقص فيتامين
ديم تطالعه وتقول ببالها ( مافيني شي الا حبي لك وانت ماتدري)
ام نايف : وانخفاض الضغط والسكر ؟
رامي: انتي قلتي انها قعدت يوم بدون ماتاكل عشان كذا فلازم تاكل
ديم احرجت رامي للمره المليون وهي ماتشيل عيونها عنه
رامي : بس يخلص السيروم تقدر تطلع
ام نايف: الله يوفقك وييسرلك امرك مارح انسى وقفتك معنا
رامي يبتسم: ولو ياخالتي ماسويت شي
ديم تهمس: اروح فدى لهالابتسامة
ام نايف : انا الحين بكلم وليد انت خلك بشغلك مانبي نعطلك
ام رامي: لا والله ماتتتصلين ع احد هو اصلاً بيوديني وناخذكم معنا
رامي: ايه خالتي انا بوصلكم لاتتعبينهم يجون انا كذا ولا كذا راجع البيت باخذ اغراضي واوصل امي
ام نايف: تعبناك معنا ياولدي
رامي : لا والله لاتعب ولا شي
ديم طايره من الفرحه ونست كل الامها
رامي : الف الحمدلله ع سلامتها والحمدلله تطمني كل تحاليلها سليمه
ام نايف: الله يسلم عمرك
رامي: يمه اذا خلص السيروم نادوا الممرضه تفكه ودقي علي عشان اقرب السياره
ام رامي: ان شاء الله ياولدي ويطلع رامي وهو ماخذ قلب ديم معه
.............
عند ابو رامي
ابو رامي : وين امك ؟
ياسمين: ديم بنت عمي طاحت علينا وودوها المستشفى امي ورامي
ابو رامي: متى ووش فيها ؟
ياسمين: والله مدري لاامي ولا رامي ردوا علي
ابو رامي: الله يعطيها العافيه
دانه : رد علي رامي يقول مافيها شي بس انخفاض في الضغط
ابو رامي: الحمدلله مافيها شي خطير
ياسمين: اصلاً فجأه انقلبت كانت تسولف عادي
يجي طلال وهو شبه مغبر من الملعب : مساء الخير وين امي ؟
دانه : راحت المستشفى مع ديم بنت عمي وخالتي ام نايف
ابو رامي: وانت لا شغل ولا مشغله الا رايح الملعب وجاي من الملعب
طلال عصب : يعني ماتبوني اطلع واذا قعدت بالبيت تقولون ماعندك شغله تسويها ترى حيرتوني ويطلع لغرفته
ياسمين: وش فيك عليه يبه كلهم الحين كذا هو سوا اللي عليه وقدم عالوظايف الرزق بيد الله
طلال معصب ويفتح غرفته بقوه: الشرهه ع اللي يرجع البيت ويتروش ويغير لبسه وينزل
ابو رامي : ع وين توك راد
طلال: مو تبيني اروح ادور شغل هذاني رايح
ابو رامي: شغل الساعه 10 بالليل ؟
طلال معصب : اعتبرها 10 الصبح ويطلع
ابو رامي: هالولد مدري ع مين طالع
دانه: كأن عنده انفصام اوقات رايق واوقات ماينطاق
ويطلع طلال ويشوف ابو زهر يمشي بالحاره ويركض له
طلال بصوت عالي: سلام ياعمي وش اخبارك
ابو زهر: هلا ياولدي الحمدلله بخير انت وش علومك وش انت قاضي
طلال: ابد والله علومي مثل ماهي الا هوشاتي مع ابوي ع الوظايف والله ياعمي اني قدمت لكن ماجاء رزقنا بعد
ابو زهر: الله يهديه فايز عنيد ويحسب الوظايف مثل اول ع الباب
طلال يضحك : ودي انه يسمعك ياعمي الا انت ليه هالوقت تمشي بالحاره ؟
ابو زهر: والله ياابوك امشي عشان السكر كل يوم امشي نص ساعه
طلال لقاها فرصه يشوف شهد يومياً: الله يعافيك المشي زين ومن بكره اعتبرني معك بمشي معك كل ليله
ابو زهر يضحك: والله انك بتونسني بلقى لي رفيق يمشي معي ابوك وعمك ابو نايف كسالى مايبون يمشون
طلال: ماعليك ياعمي ولدك طلال ع الطلب اي وقت تبي تمشي رقمي عندك
ابو زهر: الله يبارك فيك ياولدي ويرضى عليك تعال تفضل تقهوى معي لين ترجع خالتك والبنات من السوق
طلال: والله ياعمي ماابي اشغلك واكيد انك تع..
وتجي يارا وتوقف السياره بس مانزلوا لأن طلال واقف مع ابوهم مانزلت الا ام زهر
يارا : هالمجنون وش فيه واقف مع ابوي هالوقت
شهد تطالعه من الدريشه ومبسوطه بشوفته
ام زهر: هلا ب طلال وانا اقول وش فيه المكان منور
طلال: هلا فيك خالتي والله شفت عمي وجيت اتطمن عليه بس طلع رياضي ويمشي
ام زهر تضحك: ايه عاد عمك من يومه صغير يحب الرياضه والمشي
طلال بصوت عالي عشان تسمعه شهد : يعني انا طالع ع عمي فارس ياخالتي ؟
ابو زهر يضحك : تفضل تقهوى وناخذ لنا سالفه
طلال: والله الوقت متأخر وخالتي توهم جايين من السوق ماودي اشغلكم
شهد تكلم نفسها : هالمجنون بيجنني معه وتحط يدها ع خدها وتستغل انها تشوفه بدون مايدري
ام زهر : لا والله لا شغله ولا شي تفضل
طلال: دامكم ملزمين اجل بدخل اشرب معكم كاسة شاهي
ويدخل وراه ابو زهر وام زهر
تنزل يارا وتاخذ الاغراض من يد شهد وتهمس لها: روحي سوي لهالمطفوق شاهي وتضحك وتدخل
شهد : لسانك طويل بس دام الشاهي لطلال اكيد بسوي
ليان نازله معها اغراض وعلى طول دخلت البيت
زهر تاخرت عمد تبي تلمح سيف لو ثواني وجاء سيف مع نايف بالوقت المناسب
زهر واقفه عند باب البيت وتطالع بسيف بما ان بيوتهم مقابله لبعض
سيف ماانتبه لها لسى ويكلم نايف : يللا فمان الله
نايف: انتبه للجرح لايرجع ينزف مثل اليوم لاتحرك يدك كثير
سيف : ماعليك وانا اخوك ويروح نايف
زهر: السيف 
سيف قلبه وصل لحلقه وهو يفكر انه يهوجس ويلتفت الا زهر منجد تناديه
سيف يجي لعندها : سمي ياعيون السيف
زهر كانت بتطيح من طولها ماتوقعت الرد : سم الله عدوك بس كنت بتطمن عليك
سيف : بخير جعلك بخير مافيني الا العافيه
زهر : دوم يارب وانتبهلي عليك لايجيك شي
سيف يبتسم : ابشري
زهر تجرأت : الله لايحرمني هالابتسامه جعلها ماتفارق وجهك وتدخل وهي طايره من الفرحه
سيف مبسوط : انا علامي انهبلت جيت لعند بابهم (مايدري ان المهبول الثاني جوا عند عمه)
ليان تضحك : طولتي كنت انتظرك عند الباب يالهيمانه
زهر مبتسمه وماتكلمت وتدخل الغرفه
ليان ترجع تفكر بوليد وتتنهد : اوفف الله يجمعنا بس
شهد تسوي الشاهي وهي تغني بعد
يارا: الله الله ماكنت ادري ان الحب يغير لين شفتك
شهد تضحك : انا مادريت انه في شي اسمه حب الا بعد هالمطفوق سحبني لدنيا ثانيه
يارا: وهالدنيا الثانيه حلوه ولا
شهد : ايه حلوه وتجنن بعد
ام زهر تجي تبي الشاهي : مين هي اللي تجنن
شهد ويارا يتوترون : يمه الشنطه اللي اشترتها يارا تجنن اقصدها كنت
ام زهر تضحك: جهز الشاهي ولا باقي
شهد : جاهز يمه وتناوله لأمها
ام زهر تاخذه وتدخل المجلس
طلال يقوم ياخذه من يدها : والله مايصب الا انا
ام زهر: الله يخليك والله اني كنت بصب انا
طلال: توك جايه من السوق وتبين تقهويني لا والله انا بصب
ابو زهر : انا ماابي ياولدي تسلم
طلال: ليه ماتبي وانت لزمت علي ادخل؟
ابو زهر: والله مااقدر اشربه فيه سكر
طلال: اذا كذا بعذرك
ويصب لخالته اول كاسه : يازين ريحة الشاهي سمي ياخاله
ام زهر: سم الله عدوك
وصب لنفسه وهو بينزل ترمس الشاهي يلمح شهد عند الباب
طلال بصوت عالي: والله ياعمي اني احب هالشاهي
ابو زهر: بالعافيه
شهد تضحك وانا احبك يامطفوق وتروح 
ام زهر: كيفها امك عساها بخير
طلال: والله بخير بس راحت المستشفى مع خالتي ام نايف وبنتها
ام زهر: عسى ماشر ؟ وش فيهم
طلال: والله اني مدري ماعرفت التفاصيل
ام زهر : بقوم اكلمها انت خذ راحتك
يدق جوال طلال
وليد مايدري وش صار ف ديم  : وينك فيه ؟
طلال: والله عند عمي فارس واتقهوى شاهي
وليد : طيب تبي نطلع بما ان الجو زين بمرك عند عمي
طلال : طيب اذا وصلت عند الباب كلمني
..........
عند ابو نايف
ابو نايف: وين بتروح ؟؟
وليد : والله بطلع مع طلال نتمشى ونتقهوى تبي شي ؟
ابو نايف: لا والله بس امك ماترد مدري اذا هي باقي عند خالتك ام رامي ولا
وليد : والله مدري ماكلمتني
انس يجي من برا كان في النادي : مساء الخير
ابو نايف: اهلين بالمعضل
وليد ميت ضحك: اجل انا بروح طلال ينتظرني
انس: الله يسامحك يبه ولدك صار معرس وانت باقي تتنمر عليه
ابو نايف: انا مااتنمر عليك اقولك الصدق
انس يضحك: غريبه وين امي وديم
ابو نايف: والله مدري قالت بتروح تتكلم مع خالتك ام رامي عن موعد الملكه والزواج وللحين ماجو
انس مبسوط : ايه ان شاء الله حددوه واتفقوا وبيطلع يكلم ياسمين
نايف: يبه امي للحين ماجات ؟
ابو نايف: لا والله
نايف: تبي اسأل دانه ؟؟
ابو نايف: لا عيب وش بيقولون اننا ندور لأمك لانها تاخرت
نايف : بس غريبه ع امي ماترد ولا ديم
............
عند رامي وديم بالسياره
ام نايف : والله مدري وشلون اشكرك
رامي: لاتقولين كذا خالتي ولا ماتشوففيني مثل عيالك
ام نايف: حشى ، والله اني اشوفك مثلهم
ام رامي: اهم شي قومة ديم بالسلامه
ديم : الله يسلمك خالتي والفضل لكم بعد الله
رامي يسكت وماتكلم بس شاف ديم بالمرايا تطالعه وارتبك وتوتر اكثر
*****************
انتهى البارت و ⭐️ لتشجيعي