جيتي مثل ربيع ازهر بقلب السيف بُستان

البارت السابع

بيت ابو نايف
ابو نايف معصب والشرار بيطلع من عيونه: والله لو مالناس رح يتشرهون علي كنت ضربته ببيته ان كنت ادبته مايستحي ولا ينتخي
ام نايف: علامكك وش صار ومين اللي تبي تضربه؟
ابو نايف: فارس والله انه مايستحي ع وجهه
وليد يفزز: وش سوا يبه ؟ ليكون قالك شي والله ان انسى انه عمي واوريه شغله
نايف : وليد مو وقت المراجل الحين خلنا نشوف وش صار ويطالع ابوه وش صار ؟
ابو نايف : صلينا العشاء انا وسيف وقلنا بنروح نزور ابو زهر لان سمعنا انه تعبان وياطويل العمر ويوم دخلنا وان فارس يرد سيف مايسلم عليه وقاله لاكثر الله خيرك اقسم بالله لو مو اخوي ومحترمه عشانه ببيته اني لااكون موريه شغله
وليد: اخخ ع بعض التصرفات يحمد ربه ان سيف تعنى له
نايف: والله انه مايستحي ولو كان عمي هالحركات حتى الانذال مايسوونها
ام نايف: ي عمري وسيف وش قال؟
ابو نايف: مانطق ولا بحررف كسر بخاطره الله يكسر بخاطر العدو
نايف يمسك جواله ويدق ع سيف ويقوم
.....
بيت ابو رامي
ابو رامي : وينه سيف ماجا يتعشى ؟
رامي : شفته بغرفته اظن نايم
دانه: والله من يوم جا من برا ع طول لغرفته ماقال شي
طلال: اكيد عمي فارس دقه بكم كلمه قد قلت له لاتروح له
ام رامي: انا بقوم اشوفه وتروح غرفة سيف وتلاقيه ماسك مصحف ويقرأ قران وتدق الباب
سيف يقفل المصحف : هلا يمه تعالي
ام رامي تعرفه من وجهه اذا فيه شي : وش فيك ياوليدي ؟ صاير معك شي ؟
سيف يبوس راس امه: مافيني شي بس تعبان من الدوام وقلت ارتاح
ام رامي: صار شي ببيت خالتك؟
سيف الكتوم: لا ماصار شي مثل ماقلت لك تعبان وودي ارتاح
ام رامي : طيب تعال تعشى كلهم تحت ينتظرونك
سيف : بالعافيه والله اني مابي وبنام
ام رامي : بس انت مااكلت شي
سيف يبتسم بالغصب: الا اكلت لاتشيلين همي مابموت من الجوع
ام رامي : الله يحميك ونوم العوافي وتقفل الباب وتروح
ياسمين: وينه ؟ مارضى يجي يتعشى ؟
ام رامي : ماعجبني شكله انا متأكده صار شي
ياسمين: وش رايك تتصلين ع خالتي اكيد عندها علم
ام رامي تمسك جوالها وتدق ع ام زهر وماترد
ابو رامي: وينه ماجاء ؟
ام رامي: مايبي العشاء يقول
طلال: والله ان ابو زهر قاله شي اعرفه مايحترم احد
رامي : اطلع اشوفه ؟
ام رامي: خله يرتاح ونشوف بعدين
سيف بغرفته ومغبوون ويدق جواله : هلا بالنايف
نايف: وينك يارجال شف كم مكالمه مارديت
سيف: اعذرني ماانتبهت
نايف: قال لي ابوي عن اللي صار لاتاخذ بخاطرك شايب ومايعرف وين الله حاطه
سيف: مااخذت بخاطري ولا زعلت ماعليك ماصار شي
نايف: تبيني امرك نطلع نشرب شاهي؟
سيف: لا والله خلها يوم ثاني الحين تعبان وبنام
نايف: اللي يريحك ياخوي فمان الله ارتاح وبعدين نتكلم
سيف يقفل ويتنهد ويكتتم مايقول لأحدد
...........
عند ابو زهر
ابو زهر : تطلعين من البيت بعد كل هالسنين وش يقولون عنك الناس وبناتك طيب ؟
ام زهر: اييه بيت مافييه احترام لعيال اختي مابقعد فيه
ابو زهر : يابنت الحلال خلاص مشاكل بيني وبين فايز وانا حالف مايطبون بيتي لا هو ولا عياله
ام زهر: بس سيف جا يزورك انا قلت له انك تعبان
ابو زهر يسايرها: خلاص براضيه ومايصير خاطرك الا طيب
ام زهر : مالي قعده فهالبيت لين تراضي سيف وتاخذ شنطها وتروح لبيتها هي وحليمه اللي وراثينه من امهم وابوهم
زهر : يمممه منجدك بتروحين وتتركيننا ؟
ام زهر تطالع ابو زهر: مالي رجعه لين ابوك يراضي سيف
ويمسكها ابو زهر : اقولك مارح يصير خاطرك الا طيب اتركي عنك حركات البزران
ام زهر : مدري مين اللي عنده حركات البزران
ابو زهر : خلاص بتصل عليه قدامك وبعتذر منه وش تبين اكثر ؟
ام زهر : الحين
ابو زهر وهو معصب : خلاص يللا رجعي شنطك وانا براضيه وبتصل عليه ويدق بس سيف مارد
ابو زهر: ولد اختك مايرد
ام زهر: اكيد مابيرد عليك وانت داعي عليه وطارده من البيت
ابو زهر : خلاص بكره الفجر اقابله بالمسجد واراضيه
ام زهر تجلس: بخلي اغراضي هنا اذا ماراضيته بروح
زهر تبوس راس امها: الله يخليك لي ولا يحرمني منك
ليان تضحك وتساسر زهر: امي بتاخذ حق سيف اتطمني 
زهر تدقها : اسكتي لايسمعك احد
شهد : خير انتي وهي ليش تتساسرون ؟
ليان : وشدخلك وتقوم
شهد: اخخص حتى الساكته صارت تتكلم
يارا تضحك: لاتسمعك ويبدأ هواشكم فكونا
ام زهر : زهر قومي سويلي قهوه بسبب ابوك ماتقهويت
زهر تضحك: من عيوني يممه
...........
بيت ابو نايف
نايف: كلمته وقال عادي ماصار شي
ابو نايف: وش تبيه يقولك يعني
ام نايف : الله يهديه ابو زهر الناس تعقل وهو لا
ديم: عمي فارس يعشق المشاكل
ابو نايف : عوايده من زمان مو من الحين
انس جاي من برا : السلام عليكم كيفكم
ابو نايف: وين كنت للحين
انس: كنت في النادي خير وش صاير
ام نايف: مو صاير الا كل خير وتراني كلمت ام رامي وخطبت دانه لنايف وياسمين لأنس
انس نطط من الفرحه : اسألك بالله يممه وش قالت ؟
ديم تضحك : الله الله كل ذا عشان ياسمين وشكلها ماتبيك
ام نايف: بنتت وش هالكلام ولا بتطلعين مثل عمك فارس مايحب يشوف احد مبسوط
ديم : لا وي بسم الله علي بس احب احارش انس
انس: خليك منها وش قالت زوجة عمي؟
ام نايف: باقي تاخذ راي البنات وتقول لنا
انس: ياربب ياسمين توافق
ديم: انس طلعت خفيف
ام نايف: خلاص لمتى بتحارشينه انتي وتقوم ديم لغرفتها
..........
الساعه 11 بالليل
عند ام رامي
دانه : سويت قهوه تبين معنا يمه ؟
ام رامي : انتي ومين ؟
دانه: انا وياسمين وطلال
ام رامي : ايه واصلاً ابيكم بموضوع وتنزل
ياسمين تبوس راس امها: هلا باللي بتشاركنا قهوة الليل
طلال: غريبه يمه مانمتي للحين فيك شي ؟
ام رامي: لا والله بس فيه موضوع يخص دانه وياسمين
طلال يضحك ويقوم: يعني مالي داعي انا امشي؟
ام رامي تضحك لا تعال لا تروح
دانه: خير يمه ؟ وش الموضوع
ياسمين ماتكلمت تنتظر وش صاير
ام رامي: زوجة عمكم عبدالرحمن كلمتني اليوم وقالت تبي دانه لنايف وياسمين لأنس
ياسمين تنرفزت: ومين قال اني ابي انس
طلال: بنتت ووش فيه انس؟ ماشاء الله عليه محترم وخلوق ويصلي
ياسمين : ماابيه انت تعرف ان عيونه زايغه ويطالع الرايح والجاي
ام رامي تضحك : انتي استخيري وبعدها قولي ابيه ولا ماابيه
ياسمين تعصب وتروح
دانه صافنه لأن اصلاً كانت عندها مشاعر لنايف من وهي صغيره
ام رامي : وانتي دانه ؟
دانه : هاه ؟ وانا ايش ؟
طلال يضحك: انتي عروس ان شاء الله
ام رامي تضرب راس طلال : لاتحرج اختك وش فيك انت
دانه : بفكر واقولك وتقوم
طلال: طلعوا البنات يستحون بس والله نايف وانس ماشاء الله تربيه وانا اشهد لهم
دانه بغرفتها وتفكر وتدخل ياسمين
ياسمين : دانه شفتي اللي صار ؟ انس ابو عين زايغه يبيني اصير زوجته
دانه سرحانه وتفكر ف نايف
ياسمين : عادي ارسل لديم اني مو موافقه وتقول لاخوها ويكنسل من نفسه ؟
دانه: وش تقولين انتي طيب استخيري اول شي
ياسمين : بس مااطيقه وش استخاره انتي الثانيه
....
بيت ابو زهر
زهر تفكر بسيف وتذكرت عيونه لما صادفته : الله يعلم وش كثر احبك ياسيف بس وش اسوي وتعرف
ام زهر تدق باب غرفة زهر: زهر تفز وهي كانت سرحانه هلا يمه
ام زهر: وش فيك اليوم مو ع بعضك ؟ لاحظت عليك من يوم طرد ابوك سيف
زهر تتوتر: لا بس يعني كسر خاطري بس وخلاص ابوي بيراضيه
ام زهر: ان شاء الله ومايكون بس يسكتني عشان مااتركك له البيت
زهر: يارب سيف مايكون خاطره مكسور ويكون فعلاً متفهم ابوي
ام زهر: ان شاء الله..  يللا تصبحين على خير
ابو زهر رجع يتعب وماله حيل يتحرك حتى بس ساكت وماتكلم
........
بيت ابو نايف
الساعه 3 الفجر
ديم كالعاده تسهر وتتفرج وينزل انس
انس: انتي متى تنامين كل الوقت صاحيه
ديم: والله طفشانه واتفرج ماجاني نوم الا انت وش عندك صاحي هالوقت
انس: ديم عادي اطلب منك طلب ؟
ديم تخزه: غريبه محترم اخلص وش تبي
انس: ابي تسألين ياسمين وش رأيها فيني ابي اعرف هي تحبني مثل مااحبها ولا
ديم تضحك: طيب بس اذا قالت انها ماتحبك؟
انس: عادي اهم شي انا احبها
ديم : الله الله وش هالحب طيب بسألها
وتمسك جوالها وترسل لياسمين
...........
عند ياسمين
ياسمين منسدحه وتفكر ماجاها نوم وتجيها الرساله
ديم: صاحيه ؟
ياسمين : هلا ايه صاحيه
ديم: وش اللي ماخلاك تنامين الحب؟
ياسمين: وش حبه انتي لا بس ماجاني نوم
ديم: طيب امك قالتلك اليوم عن شي؟
ياسمين: قصدك عن انس ؟ اييه قالت لي
ديم: طيب وش رايك ؟
ياسمين: مدري لسى
ديم: اسمعيني ياسمين انا بقولك شي ويشهد الله ان انس ماعنده علم ترى انس يحببك وحب مو قليل وكان دايم يسألني عنك
ياسمين : يحبني ؟ ويسألك عني؟ طيب ليه ماقلتي لي من اول
ديم: والله كنت بقولك من زمان بس ماجات الفرصه
ياسمين توترت : طيب
ياسمين جاتها لحظظه ادراك وتتذكر نظرات انس لها كل ماشافته : اهها يعني مو عينه زايغه طلع بس يطالعني ويحبني ؟ ياربي مدري وتنسدح
سيف بعد ماصحى وصلى الوتر وينسدح ويفكر بحياته اللي من يومه صغير وهو يكابر انه بخير ويتنهد
.............
بيت ابو نايف
ابو نايف : اليوم لما صلينا الفجر سيف سلم علي وكان واضح عليه الزعل
ام نايف: ومين يلومه يكسرون بخاطره من جميع الجهات
وليد: يمه بنسافر انا وطلال للشرقيه يومين كذا 
ام نايف: وتسافرون ليه ؟
وليد: يمه الناس يسافرون ليه ؟ بنغير جو بس
ابو نايف: ماودكم تدورون وظايف؟
وليد: بنروح ندور وظايف بعد
ابو نايف : تضحك علي انت
وليد: لا والله انه منجد بندور هناك وظايف
ام نايف: ليه مافي وظايف الا بالشرقيه تبي تبعد عن امك هاه؟
وليد يبوس راس امه : افا عليك والله اني ماابي ابعد عنك بس اذا رزقنا هناك وش نسوي
ام نايف: ابيك تتوظف بسس ماابيك تروح بعيد
ابو نايف: تراه رجال وبيشوف حياته ولا بتحكرينه
ام نايف: طيب وانا ابيه يشوف حياته بس جننبي مو بعيد عني
وليد يضحك: اللي يسمعك يمه يقول خلاص توظفت يللا تبون شي ؟ بروح اشتري اغراض وبعدها بنسافر
ام نايف : لا حبيبي سلامتك
.........
عند ابو رامي
ابو رامي: وشو له السفرياتت اللي مالها داعي
طلال: يبه اقولك بروح ادور وظيفه انا ووليد
ابو رامي: والوظايف ماتجي الا بالسفر
ام رامي: علامك عليه خلاص قالك بيروح يدور وظيفه
ابو رامي: وفلووس ماعندي ويقوم
يدخل سيف تو جاء من دوامه : السلام عليكم
طلال مارد السلام ومعصب
ام رامي: هلا بولدي
سيف يبوس راس امه: علامه ولدك مايرد السلام والشيطان بين عيونه
ام رامي: يبي يسافر وابوه قال مابيعطيه فلوس
سيف: افا وانا وين رحت كم طلال عندي؟
طلال : ماتقصرر بس ابوي ودي لو مره يعطيني بدون هواش
سيف: ماعليك الحين احول لك اللي تبي
طلال : مشكور والله انك ماتقصصر ويروح يجهز اغراضه
ام رامي: سيف باخذ رأيك بموضوع
سيف: امريني يالغاليه
ام رامي: مايامر عليك عدو كلمتني خالتك ام نايف تبي دانه لنايف وياسمين لأنس وش رايك؟
سيف: يشهد الله ان نايف كفو وينشد به الظهر وانس بعد ماشاء الله وكلهم يخافون الله بس دانه وياسمين وش رايهم ؟
ام رامي: والله اني مدري ماقالو لا ايه ولا لا
سيف : ماعليك بطلع لهم انا
ويطلع سيف لدانه اول شي ويدق باب غرفتها
دانه: ياسمين ادخلي
سيف يبتسم : بس انا سيف مو ياسمين ويدخل
دانه: هلا بنور البيت كله
سيف: هلا فيك ياعروس وترى امي قالت لي واذا تبين شهادتي نايف كفو وبيعزك وبيخاف الله فيك وقبل كل شي هو ولد عمك وانتي بكيفك مااحد رح يغصبك على شي
دانه تستحي : ماقلت شي عنه هو والنعم فيه ب..
سيف: استخرتي وانا اخوك ؟ واذا انتي موافقه عليه قوليلي ابشّر امي
دانه وهي اصلا تحب نايف : تبي الصراحه انا استخرت واحس مرتاحه بس ياسمي...
سيف: خليك من ياسمين الحين انتي تبين نايف زوج وشريك لحياتك ولا؟
دانه مستحيه : ماعندي مانع
سيف يبتسم :  الف مبروك ياروح اخوك ونايف زين مااخترتي ، انا بروح لياسمين وبعدها بنزل ابشّر امي
دانه تبتسم : معقوله حب الطفوله يصير زوجي ؟
***************
💌❤️