جيتي مثل ربيع ازهر بقلب السيف بُستان

البارت الثامن والعشرين

عند الحريم عالعشاء
ام نايف: الف مبروك والله يتمم لهم ع خير وتفرحين بالباقي
ام رامي الله يبارك فيك وعقبال وليد وديم
ام زهر: ورامي ماتبين تزوجينه
ديم تتعدل جلستها تبي تعرف
ام رامي: والله انه كلمني بعد زواج اخواته بيومين يقول فيه وحده يبيها وحتى بيشتري البيت اللي جنبنا
ديم تبي تعرف اكثر
ام زهر: ماشاء الله ومين هي اللي يبيها ؟
ام رامي: والله مدري مين هي لكني اعتقد انه وحده معاه بالشغل ماقال لي شيي قال اذا جا الوقت بعرف مين هي
ديم تطيح الملعقه ويطالعونها كلهم بدا ضغطها ينخفض
ام نايف: بسم الله وش فيك ياديم
ديم بتنرفز : مافيني شي وتقوم وتلحقها ليان اللي تعرف وش فيها
ديم بالمطبخ وتطيح بالاررض وتبكيي بححرقه وتدخل ليان وتقفل المطبخ
ليان: ديم اسم الله عليك لاتسوين كذا ماتدرين يمكن يقصدك خالتي تقول ماقال لها مين يبي
ديم تببكي: تضحكين علي بهالكلام كيف يمكن يبيني وهو مادرى عني
ليان: طيب وطي صوتك لايسمعونك
ديم: خليهم يسمعون مايهمني انا مقهوره ياليان
ليان تحضنها: لاتسوين كذا بنفسك لاتفسرين الامور بكيفك
ديم تمسك ليان بقوه: طلبتك ياليان طلببتك دبريلي رقم رامي جيبيه من ياسمين من خالتي من دانه دبريه لي الحيين
ليان : طيب بس اهدي عشاني؟
ديم تبكي وماتكلمت
ليان تروح تدور جوال خالتها وتلاقيه وتفتح وتطلع رقم رامي وتسجله بجوال ديم وترجع
ديم تبكي بققهر وتشد ع اسنانها : ليه يارامي تسوي فيني كذا
ليان: جبت لك الرقم امسكي جوالك وانا بروح اطمن خالتي واحاول مااخليهم يلحقونك
ديم تفتح الواتس وترسل : رامي انا ديم ممكن تطلع شوي من المجلس
ليان طلعت لخالاتها وهم ع طاولة العشاء : ديم طيبه بس قالت تبي الحمام
ام نايف: الله يستر ماترجع تنتكس حالتها مثل قبل
ام رامي: لا ان شاء الله مافيها الا العافيه
ديم تعصب وتدق ع رامي
رامي قفل بوجهها ويشوف الواتس ويرسل : ليه وش فيه ؟ وش صاير؟
ديم : اطلع ثواني بكلمك
رامي توتر : طيب ويستأذن انه بيطلع يكلم بالجوال
تشوفه ديم من باب المطبخ اللي يفتح بالحوش وتطلع له وهي مو حاطه طرحه وطالعه بكامل كشختها
رامي ينزل شماغه ويعطيها : الجو بارد علامك انتي وليه كلمتيني ؟
ديم مااخذت شماغه : مين هي اللي تبيها دكتوره ولا ممرضه ولا وحده من المرضى اللي عندك
رامي يضحك ويغطيها بشماغه : هذا هو الموضوع اللي مطلعتني من المجلس عشانه؟
ديم معصبه : ايييه هذا هو الموضوع يمكن تافه عندك بس عندي مهم وبتشيل الشماغ
رامي مبتسم ويمسك يدها عشان ماتعطيه الشماغ
ديم قلبها تتسارع نبضاته وتسحب يدها من تحت يده بسرعه والدموع بعيونها  : الله يهنيك باللي تبييها "وبتدخل" لكن يمسكها رامي من يدها
رامي: بس اللي ابيها عندها شامه بخدها وعصبيه ولابسه الحين اسود وتهاوشني
ديم توترت وكان بيغمي عليها من الاحراج والحب ومسكها رامي : تعبانه؟ اوديك المستشفى ؟
ديم تفك يده وتهرب وتدخل المطبخ وتقفل الباب وهي قلبها بيطلع من كثر التوتر والحب
رامي يضحك: طيب وشماغي ياديم
ديم تتلمس خدودها وتحس بحراره : اوف منك يارامي وترتني وتضحك طلعت تبيني مثل ماانا ابيك وتنتبه للشماغ وتجي تبي ترجعه وماتلاقيه وترجع للمطبخ وتحضن الشماغ وتشمه : يازين ريحتك يارامي
ليان تجي للمطبخ متوتره: امك تسأل عنك وتشوف وجه ديم احمر وبيدها شماغ
ديم شارده برامي
ليان : بنت اقولك امك تسأل عنك ومن وين لك هالشماغ
ديم تبتسم : شماغ حبيبي ياليان
ليان: وش صار وين ديم اللي منهاره وتبكي قبل شوي ؟
ديم تضحك : راحت ديم اللي تبكي وجات ديم ثانيه تبي تعدل مكياجها وتخبي الشماغ وتحطه بشنطتها وتوقف عند المرايه وتعدل المكياج
ليان: انا شكلي بجن انقلب حالها في دقايق
.............
عند الرجال رجع رامي بدون شماغ وبدون قلب
طلال: وين شماغك ؟
رامي : طاح وتوسخ وخليته بالسياره
طلال ماصدقه بس مشاها له
ابو زهر: الليله مابنمشي اجازه
وليد: ايه ياعمي بس لاتثقل العشاء والحلى
طلال يضحك: عمي لاتاكل حلى بالمره لانك حلى
ابو زهر يضححك: والله اني احب سوالفك
طلال يطالع ابوه : تسمع يبه ؟ وانت كل ماشفتني قلت توظف
ابو زهر : والله مافي وظايف بسهوله هالايام
ابو نايف: ايه بس نبيهم يسعون
ابو زهر: لاتضغطون عليهم اكيد انهم سعوا لكن ماجا رزقهم
طلال يبوس راس عمه فارس: اييه هذا الكلام الزين
وليد: والله اننا سعينا لكن الله ماكتب الرزق
ابو نايف : الله يرزقكم
........................
عند سيف وزهر
زهر: لما تصاوبت خفت عليك وقلت لو شفتك رح اعترف لك ومنجد اعترفت
سيف: كان كلامك لي مثل الدواء يازهر نسيت الالم ونسيت الاصابه ماعاد فكرت الا فيك
زهر تمسك يده : انتبهلي عليك امانه ياسيف لايجيك شي
سيف يبوس يدها: من عيوني اي اوامر ثانيه
زهر تضحك: اكتشفت شي جديد فيك الليله
سيف: االلي هو؟
زهر: انك طلعت رومانسي بعد فوق حنيتك وطيبتك وهيبتك واللي يشوفك يقول عنك انك قاسي بس انت عندك اطيب واحن قلب
سيف: ترى يكبر راسي ماعمره احد مدحني بهالشكل
زهر تطالع يدينه وتشوف الكبك اللي عطته: فكرت انه ماعجبك
سيف: عجبني لأنه منك وصرت لما البس ثوب لازم البسه
زهر : يزهاك ياحبيب زهر
سيف يطلع هديه من جيبه : ماعرفت وش اجيب لك واخترت لك هالسلسال
زهر توترت 
سيف : ارفعي شعرك بحطه لك انا
زهر  ترفع شعرها ويركب لها سيف السلسال
سيف: مازان الا عليك
زهر تبوسه من خده مره ثانيه : انت من زمان رومانسي وانا مااكتشفت هالشي
سيف : زهر لاتحارشيني ترى اذا مسكتك مارح افكك
زهر انحرجت وتوترت : بس عاد طلعت جريء بعد وتضحك
سيف يضحك : شكلنا طولنا ع امي وخالتي برسل لهم
زهر : طيب كلمهم مع اني ماشبعت من جلستنا
سيف: قبل انسى ويعطيها جواله سجلي رقمك
زهر تسجل رقمها وتدق ع نفسها ويطلع انها مسجلته
سيف: ماكنت ادري ان رقمي عندك
زهر توترت : ايه من زمان
سيف: طيب متى تبين نحدد الزواج ؟
زهر : تبي نحطه الشهر الجاي ؟
سيف: ماعندي مانع بس احجز القاعه اعطيك التاريخ
زهر : اتمنى يكون بنص الشهر
سيف: ليه؟
زهر: عشان يكون فيه قمر بالسماء وقمر بالارض
سيف يضحك : والله مو بس انا طلعت رومانسي وجريء
زهر تضحك: بس عاد كلم امي وامك طولنا عليهم
................
عند الحريم
ديم جايه ومبسوطه وتجلس ع الكنب
ام نايف: ديم حبيبتي ليه مااكلتي
ديم: اكلت يمه
ام رامي: وش هالاكل ياديم ولاتبين تتعبين؟
ديم : يابعد روحي ياخالتي والله اكلت
ياسمين : وجهك صار منور وش صاير
ديم تتوتر: مافي شي حبيبتي والله
شهد ماهي معهم تفكر بطلال
ام زهر: شهد قومي جيبي الشاهي
يارا تضرب يد شهد: امي صارلها ساعه تكلمك
شهد: هلا يمه
ام زهر: جيبي الشاهي
شهد : تقوم وتجيب مويه
ام زهر: شهد انتي ضاربه راسك بمكان؟
شهد تتوتر : هاه يمه قلتي تبين مويه
يارا : خليها يمه انا بجيبه
ام رامي ارسل لها سيف يبي يطلع
ام رامي: حصه تعالي وقفلي الباب وراك سيف يبي يطلع
ام زهر تقوم وتروح ورا ام رامي
يارا تسحب شهد من يدها وتهمس: بنت وش فيك فاهيه خلاص نعرف انك تحبين طلال بس عقلك طار بالمره
شهد : اسكتي قبل شوي وترني يقول شافني وانا ارقص كيف ووين
يارا: اسألك بالله ملعون هالطلال عيونه تشوفك وين ماكنتي
شهد: بس عاد خلاص بعدين نتكلم
طلع سيف للرجال وخلاص بيمشون للبيت
طلعوا وراحوا لبيوتهم وهم كل واحد تارك قلبه عند حبيبته
طلال يفكر بشهد وكيف كانت ترقص واخذت قلبه للمره الالف
سيف طلع كل الرومانسية وهو توه يقابل زهر
رامي ماترك شماغه وبس ترك قلبه عند ديم
انس يرسل لياسمين انه بيجي ياخذها
ونايف يرسل لدانه
..........
ام نايف : يللا يابناتي نرجع مع بعض
ام رامي تضحك : ايه لاتطالعوني كذا اكيد ازواجكم ينتظرونكم
ياسمين تبوس راس امها : انتبهي لنفسك يمه
دانه تبوس راس امها: لاتشتغلين اي شي الشغاله موجوده
ام نايف : الله يرزقك برهم ويخليك لهم
ام رامي : اللهم امين
ام زهر: كان ودي تقعدون اكثر
ام رامي: والله ودي بس تأخر الوقت ولازم نروح وتبوس زهر تبين شي قبل نمشي ؟
زهر تبوس يد ام رامي: مابي شي الا سلامتك
ديم مخبيه شماغ رامي بشنطتها وتبتسم
ام نايف : يللا ياديم بنرجع البيت
ديم تلبس عبايتها : يللا مع السلامه
ويطلعون ويرجعون لبيوتهم
زهر الفرحه مو شايلتها وزاد حبها لسيف اكثر
شهد في وادي اسمه طلال
ليان مانست وليد بس ماقدرت تقول له
*************