جيتي مثل ربيع ازهر بقلب السيف بُستان

البارت الخامس والثلاثين

وليد: والله انك انهبلت من يوم جينا وانت ماسك الجوال والابتسامه شاقه وجهك
طلال: خويك وولد عمك بيصير عريس قريب
وليد: احلفف ؟ ومن تعيسة الحظ اللي بتاخذك
طلال: والله ماتعيس حظ غيرك انت وهالخشه
وليد: لا لا صدق وين بتخطب
طلال : عند عمي فارس
وليد يفز: ومن هي من بنات عمي ؟
طلال يسحبه: فشلتنا الله يفشلك وش فيك فزيت
وليد واضح عليه القلق : قول لي مين من بنات عمي ؟
طلال : ابي شهد وهي تبيني علامك والله ان شكل انت اللي انهبلت
وليد يضحك: الف مبروك والله يهنيكم ويسعدكم (ارتاح انها مو ليان)
طلال : الله يبارك فيك وعقبالك يالفجيعه
وليد: تبي الصدق انا ابي اخطب بعد عند عمي فارس
طلال : اسألك بالله ؟ ليكون انت بعد تحب ؟
وليد: ايه ولا الحب مايليق علي يعني ويضحك
طلال يضحك : والله مع ثوبك الاغبر ذا ماظنتي ان الحب يليق عليك
وليد: طس بس انا حبي بدوي
طلال يغني : لااا قلت احببك خلني قصدي شريف
وليد شبك معاه ع طول: انا بدوي ولد بدوي
اخوياهم بالاستراحة يطالعونهم يحسبونهم انهبلوا
.........................
عند ابو نايف
انس: طيب تبين تغيرين فستان ثاني عادي نروح للسوق
ياسمين تبكي: بس ولا فستان عجبني وبطني كبر ماحبيت شكلي بأي فستان
انس : طيب لو بكيتي بيعجبك فستان يعني ؟ لاتبكين بتتعبين وتتعبين قلبي معك
ياسمين : كلها بسببك انت وولدك اللي ببطني
انس يضحك: يعني ماتبينه نروح المستشفى ننزله ؟
ياسمين تضربه ع راسه : اقتل ولدي عشان فستان
انس : طيب وش اسوي تقولين تبين فستان وماتبين بطنك وش بيدي اسوي
ياسمين زعلت: بعد من قدامي بروح عند خالتي وديم
انس يمسك يدها: والله ماتروحين زعلانه انا اسف طيب
ياسمين ماتكلمت
انس يبوسها ع خدها: خلاص ياام ورد مشيها هالمره وسامحيني
ياسمين : ياام مين ؟ ورد؟ مين قرر يسمي بنتي ؟ ووش دراك يمكن ولد
انس : انا لأن امها ياسمين اكيد بتكون هي ورد
ياسمين شخصنتها معه : لا ياشيخ فاتحين مشتل احنا
انس : ماعجبك يعني ؟
ياسمين تقوم وتطلع
انس: علامها صايره عصبيه
دانه : ياسمين وش فيك؟ كنتي تبكين؟
ديم : انس زعلك ؟ عشان اقوم اصفقه لك الحين
ياسمين تضحك: لا حبيبي هو مازعلني بس انا تنكدت كل مااخذت فستان ماعجبني وبطني كبر صارلي شهرين وبعد اسبوعين بدخل الثالث
دانه تضحك: انتي تهونين قدامي انا مابقى شي وادخل الخامس
ديم : الله يقومكم بالسلامه ونشوف كتاكيتكم
دانه : اميين ونشوف عيال رامي بعد
ديم : اممين
وليد يتصل ع ديم: امي عندك؟ ماترد ع جوالها
ديم: مدري يمكن تصلي تبيها ضروري ؟
وليد : ايه خليها تجيني الغرفه ابيها بموضوع
ديم : طيب بقول لها
ياسمين : وش فيه وليد؟ تبين نطلع فوق عشان يجي؟
ديم: لا لا هو بغرفته وفيها باب عالحوش ع طول بس يبي امي
ام نايف: مين اللي يبيني ؟
ديم : وليد ينتظرك بغرفته يبيك بموضوع يقول
ام نايف: عسى خير وتقوم
تلاقيه يهوجس وسرحان
ام نايف: علامك صاير شي؟
وليد: لا لا مافيه الا كل خير
ام نايف: طيب وش الموضوع؟
وليد : ابيك تخطبين لي ليان بنت عمي فارس
ام نايف مستغربه: وانت وين شفتها وقررت تبيها؟
وليد توتر: لا انا بس ابي اخطبها لأن ديم دايم تسولف عنها واحسها من نصيبي
ام نايف : ان شاء الله بكره اكلم حصه واشوف اذا البنت مو مخطوبه نخطبها لك
وليد: لا ماظنيت انها مخطوبه
ام نايف بدت تقفطه: وانت وش دراك؟
وليد : ديم قالت لي
ام نايف تضحك: ايه وان شاء الله انها من نصيبك وتقوم
وليد ياخذ نفس بقوه : ماتوقعت الموضوع صعب لهالدرجة ويتنهد مدري ليان لسى تبيني ولا نستني لان مارديت ع رسالتها - بس ليان مانسته ولسى تفكر فيه ـ
......................
عند الصيدليه
يارا كانت تكلم بالجوال وماانتبهت وصدمت سيارة من وراء
ينزل هالرجال الهيبه والواضح عليه العز ويدق القزاز
يارا توترت بس حاولت تلف الموضوع عليه وتفتح القزاز: اعمى انت ماتشوف ؟
عبدالعزيز ضاعت علومه يوم شاف هالبنت اللي حاطه الطرحه ع طرف شعرها الكيرلي والشامه فوق حاجبها : يااختي الغلط عليك انتي اللي صادمتني
يارا: لا مو علي انا واقفه وانت رجعت
عبدالعزيز : تعالي انزلي وشوفي بعيونك الغلط ع مين
يارا منجد كانت رح تبكي : طيب انا مستعجله هذا رقمي قيم الحادث واذا الخطأ علي اسوي سيارتك وبتجي تحرك السياره
عبدالعزيز : يابنت الناس كيف اقيم الحادث وانتي بتروحين لازم تكون سيارتك موجوده بعد
يارا خافت : مستعجله انا وتبيني انتظر هنا معك وتشغل السياره وتمشي
عبدالعزيز : لا اله الا الله وش هالجمال ويطالع سيارته اللي انعدمت من ورا ويضحك (وتقول الغلط علي)
يارا : شهد الحقيني صدمت واحد وهربت اخاف يلحقني
شهد : بسم الله وانتي كيفك صارلك شي؟
يارا: لا بس خايفه منه ناظرني بنظرات غريبه وكان طويل خفت وهربت
شهد: طيب هو وراك يعني ؟
يارا: لا بس انا خايفه يللا قربت من البيت
شهد: يللا تعالي عندي لك اخبار حلوه
.......................
عند زهر وسيف
الكل نايم بس زهر تعبانه ومانامت وماتبي تصحي السيف
زهر الوحام متعبها بشكل مو طبيعي جالسه وتبكي بصوت واطي
فتح السيف عيونه : زهر ؟ افا ياعيون سيف تبكين ؟ ويقوم ويحضنها
زهر تبكي وتدخل بحضنه : مافيني شي
سيف يرفع راسها بيدينه : حطي عيونك بعيوني وقوليلي علامك ؟ متضايقه من شي؟
زهر : ياعيون زهر انت بس تعبانه من عيالك اللي حالفين يتعبوني
سيف يحط يده ع بطنها : ويقرأ ايات من القران
زهر تطالعه وكيف حنيته وتحط يدها ع وجهه وتتلمسه : يابخت عيالك بيصير عندهم اب مثلك
سيف خلص قراءة : وبيكون لهم ام مثلك حنيتها لو تتوزع ع العالم رح تغطيه وزياده
زهر رجعت تبكي
سيف : علامك؟ قلت شي يبكيك؟
زهر: لا حبيبي بس انا مصحيتك وانت وراك دوام وتعبتك معي
سيف: اذا التعب منك ابيه
زهر تحط راسها بحضنه وتغمض وهو يمسح ع شعرها لين نامت
وماعاد نام مايبي يتحرك وتصحى زهر
عند ابو زهر
يارا تسولف لليان وشهد وش صار معها
ليان: طيب والغلط كان ع مين ؟
يارا: مدري كنت اكلم بالجوال ماانتبهت انه طالع
شهد: يعني الغلط عليك؟
يارا : مدري بس خايفه منه
شهد تضحك: تخيلي بكره تلاقينه مرسبن عند بيتنا بيشتكيك لأبوي
يارا: انا اصلاً وقفت السياره عند بيت عمي عبدالرحمن عشان ابوي مايقوم للفجر ويشوفها
ليان: والله اذا الغلط عليك بيجيبك
شهد : طيب ممكن تسكتون شوي بقولكم شي
يطالعونها يارا وليان
شهد: طلال خطبني اليوم وانا وافقت
يارا تنط وتحضن شهد: اخييراً بتصيرين زوجة المطفوق اللي مزعجنا بصوته العالي كل ليله
شهد تضربها : مو مطفوق هذا حبيبي
ليان: كيف انا ماادري عن حبك لطلال وذي البزر تدري وتحضن شهد فرحت لك ياروح اختك ع الاقل تلحلح واعترف لك اما انا تعلقت عالفاضي
شهد تطالعها بإستغراب : وش وش ؟ مين اللي تعلقتي فيه ؟
يارا: مداك تنسين ياشهد وليد صديق المطفوق
شهد: ايه والله اني نسيت وتمسك يد ليان ماتدرين يمكن حتى هو يفكر فيك
ليان : تعبت قلبي عالفاضي مااعترف لي مع اني اعترفت له بس مااهتم
يارا : تحضنها خلاص عاد مو قلت لكم ان الحب مرض شوفي حالك كيف كنتي رسامه وفنانه وسجلتي بمعارض والحين شوفي شكلك مهمومه وحالتك حاله
شهد: يارا ممكن تنطمين اذا ماتعرفين تواسين وتطالع ليان حبيبتي متأكده انا انه حبك مابيروح عالفاضي
ليان : بقوم غرفتي تصبحون ع خير
يارا : ياعمري ياليان تعبها الحب
شهد: الله يفرح قلبك ياليان واشوفك اسعد انسانة
ليان تدخل غرفتها وتبكي: دامك مو مهتم ليه اخذت الورقه مني
ماتدري ان وليد الفاهي يحبها وماقدر يوصل لها الا انه يخطبها
...........................
الساعه ٧ الصبح
سيف يبي يقوم يتجهز لدوامه بس مايبي يصحي زهر اللي نايمه بحضنه ونزلها بشويش وبيقوم بس زهر مسكت يده بقوه وهي نايمه وضحك ورجع جلس ومسك جواله وكلم خويه يغطي عنه للظهر وهو بيجي
ام رامي: مدري سيف بيداوم ولا مانزل للحين
ابو رامي: خليه يابنت الحلال يمكن يبي اليوم يرتاح
ام رامي : ابي اقولك عن طلال انه يبي شهد بنت فارس اخوك
ابو رامي: وكبر طلال والله وصار يبي يتزوج بس زين من اختار بنات فارس ادب وتربيه
ام رامي: بس مابحدد شي الا بعد زواج رامي
ابو رامي: والله شوفي كلام الحريم مالي فيه بس اذا يبيها لاتطولون بالسالفه
ام رامي: ايه وهذا اللي بيصير ان شاء الله
.............................
عند ابو نايف
ام نايف : والله اني بشتاق لديم باقي ايام وتروح عني
ابو نايف: انتي تبين تنكدين ع نفسك بتتزوج ولد اخوي وهذا هو بيتها جنبنا
ام نايف: الله يسعدها ويهنيها مع رامي
نايف ودانه : صباح الخير
ام نايف : صبحكم الله بالنور كيفك يادانه مع الحمل
دانه : الحمدلله خالتي شوية تعب
نايف : يللا انا ماشي للدوام تبون شي؟
دانه : انتبه لنفسك
نايف : من عيوني وانتي بعد وانتبهي لولدنا
ام نايف : الله يبلغكم فيه
نايف : اللهم امين ويطلع
ام نايف : وليد كلمني امس يبي ليان بنت خالتك هي مخطوبه ولا ؟
دانه: لا والله ماظنتي انها مخطوبه
ام نايف : اليوم ان شاء الله بكلمها
دانه : الله يتمم له ولطلال قالت لي امي البارح انه خطبت له شهد
ابو نايف: الحمدلله انهم عقلوا وبيتزوجون طلال ووليد
ام نايف: اي والله من يومهم صغار مافارقوا بعض
دانه : وليد بيداوم الشرقيه؟
ام نايف : اييه بيداوم الجبيل
دانه : طلال بيداوم الدمام
ابو نايف : الله يحفظهم حتى رزقهم جاء بنفس المدينه
.................
( مر الوقت وجا الظهر)
زهر تصحى وتفتح عيونها وتشوف سيف نايم وهو جالس وماسك يدها
زهر تتأمله : سبحان الله خالقك
يسمعها سيف ويفتح عيونه: صحيتي ؟ كيف تحسين نفسك الحين؟
زهر: الحمدلله احسن وتطالع الساعه ١٢ الظهر وتشهق ماداومتت اليوم ؟
سيف يضحك: مسكتيني ماخليتيني اروح الدوام
زهر: حبيبي اسفه والله ماكنت اقصد تهمل دوامك
سيف: حبيبتي انتي ارتاحي وانا الحين بصلي الظهر واطلع لدوامي
زهر: بقوم اسوي لك شي تاكله قبل تداوم
سيف يمسكها: والله ماتقومين انا باكل اي شي من برا
زهر : بس ماكنت ابيك تاكل من برا
سيف: اهم شي راحتك حبيبتي ويجهز وبيروح لدوامه
ينزل ويقابل امه جالسه بالصاله
سيف يبوس راس امه : مساك الله بالخير يمه
ام رامي: الله يمسيك بالرضا تأخرت اليوم ماداومت
سيف: ايه كلمت اخوياي يغطون للظهر
ام رامي: فيك شي؟
سيف: لا والله بس زهر تعبت شوي
ام رامي : بسم الله عليها وش فيها؟
سيف : تقول تحس جسمها كله يوجعها
ام رامي: ايه هو كذا الحمل الله يهون عليها
...............
بيت ابو زهر
ام زهر: برد خبر اليوم لخالتك اكيد انتي موافقه؟
شهد : ايه يمه مارح الاقي احسن من طلال
ام زهر: وانا اشهد يابنتي وتمسك جوالها وتدق ع ام رامي
ام رامي: هلا حصه
ام زهر: حبيت افرحك شهد موافقه
ام رامي: الله يفرح قلبك وقلب شهد بس بعد زواج رامي نسوي الملكه والزواج وش رايك؟
ام زهر: والله اللي تشوفينه انا معك
ام رامي: ايه لأن طلال بيروح للشرقيه ويبي ياخذها معه
ام زهر: والله اني مابقدر انها تبعد عني بس مااقدر اوقف بطريقها
ام رامي: والله اني حاسه فيك الله يحفظهم وتنتهي المكالمه
شهد: وش قالتلك خالتي؟
ام زهر: قالت بعد زواج رامي رح نحدد الملكه والزواج قبل يروح طلال للشرقيه
شهد تدري انها بتعيش مع طلال بالشرقيه : اللي تبونه يمه
يارا : ليان وش اقول لأبوي لو شاف السياره ؟ اخاف الاهبل اللي صدمته يوصل لي ويدري ابوي
ليان: مارح ينتبه اذا سألك عن السياره قولي اعطيت ديم وبترجعها لين نشوف حل
يارا: اوفف ماتوقعت ان بخاف لهالدرجة
*******************