جيتي مثل ربيع ازهر بقلب السيف بُستان

البارت الواحد والاربعين

عند ام رامي
دانه معها سعود وياسمين معها ورد
ام رامي: الله يخليكم لي يااحفادي الحلوين
زهر تنزل من فوق : وعيالي ياخالتي وتضحك
ياسمين تركض وتاخذ جيان من يد زهر ودانه اخذت جياد
ام رامي : وعيالكم من يمسكهم
زهر اخذت سعود وام رامي اخذت ورد
دانه : نسخخة سيف متأكده ماتوحمتي عليه؟
زهر: لا احس اني حبيته بزياده وقت الحمل
ام رامي تضحك: ايه مو كل الوحام كره
دانه : انا كرهت نايف وماكنت اطيقه وطلع سعود نسخته
ياسمين تحط جيان جنب وجهها : وحبيبة عمتها تشبهني صح
ام رامي ودانه وزهر يضحكون
ياسمين تبوس جيان : زهر خذي ورد وانا باخذ جيان
زهر تضحك : اذا سمح لك سيف خذيها متعلق فيها مره
يدق جوال ام رامي
رامي: يمه ولدك صار اب وصرتي جده
ام رامي: ياحبيبي انت الحمدلله ع سلامتها كيفها وكيف البيبي
رامي: الحمدلله ميان وامها كلهم بخير
ام رامي: الف مبروك حبيبي ابو ميان وتقفل
دانه: ديم سمتتها ميان ؟
ام رامي : ايه يقول رامي جابت بنت مثل القمر
ياسمين : الله يخليها لهم والحمدلله قامت بالسلامه
زهر: يعني ديم الحين اسمها ام ميان
دانه: يجنن الاسم
...............................
عند طلال وشهد
شهد منسدحه وتعبانه : طلولي
طلال: ياعيون طلولك انتي 
شهد تتدلع عليه : عطني بوسه احس اني ابي تبوسني
طلال يفز ويعطيها بوسه  ع خدها : اكلك ؟
شهد: ايه وولدك؟
طلال يضحك: وش فيه روح ابوه
شهد تزعل : من الحين  صار هو روحك
طلال يبوسها مره ثانيه : انتي روحي وهو ولدك وولدي
شهد تضحك: انت ليه بكاش كذا
طلال : طيب وش رايك لو جانا ولد نسميه يزيد؟
شهد : لا حبيبي انا من زمان احلم ولدي وولدك يكون اسمه فهد
طلال عجبه: فهد بن طلال
شهد تبوسه : احببك ياابو فهد
طلال : وانا اححبك ياام فهد
يدق جوالها "ليان"
الو هلا ليان
ليان: كيفك اليوم ؟
شهد: الحمدلله بخير انتي كيفك
ليان: عرفتي ان ديم ولدت وجابت بنت
شهد: ماشاء الله الحمدلله ع سلامتها
ليان: قالك طلال انه هو ووليد بيروحون الملعب اليوم ؟
شهد تخزه : لا ماقال لي
ليان تضحك : يمكن باقي بيقولك المهم بجيك بعد شوي
شهد: ياعمري تعالي حياك الله وتقفل وتشد اذن طلال
طلال : وش فيك وين اللي احبك ياابو فهد
شهد: اجل تبي تروح الملعب شكلي بربطك
طلال يضحك: ياعيون طلال والله قلت ابي العب شوي اذا ماتبين عادي مابروح
شهد تطالع عيونه وضاعت علومها : طيب خلاص هالمره بسمح لك بس انتبه لنفسك
طلال يبوسها : والله اني اححبك
......................
عند ابو زهر
ابو زهر: وين يارا؟
ام زهر: في غرفتها ليه؟
ابو زهر : ابيها بموضوع
ام زهر تنادي يارا
يارا: هلا يمه
ابو زهر : تعالي هنا جنبي
يارا تقوم وتجلس جنب ابوها: امرني
ابو زهر يحضنها : اليوم كلمني واحد يبيك
يارا : وميين ؟
ام زهر : غريبه كلموك ماكلموني
ابو زهر : والله مدري يقول اخذ رقمي من سيف وهو ولد عم سيف
يارا تبلع ريقها عرفت انه عبدالعزيز
ام  زهر: لا والله تبي تزوج بنتي باللي حاول يقتل ولد اختي وزوج بنتي؟
ابو زهر : اخوه مو هو وكانت لحظة غضب وهو ماشاء الله طيار والكل يتكلم عنه بالخير
ام زهر: لا ماني مستعده ارسل بنتي لأعداء زوج اختها
ابو زهر : اذكري الله يابنت الحلال بتتزوجه ولا بتتزوج اهله
ام زهر: بتتزوجه بس اهله مرتبطين فيه اكيد مارح يتبرأ منهم
يارا قلبها يدق بسرعه : طيب انا بطلع غرفتي وتروح
ابو زهر: الله يهديك ماخليتيني اكلم البنت
ام زهر: مافي زواج من اعداء سيف
ابو زهر : مو اعداء وهو اللي رجع لسيف حقوقه رجال والنعم فيه وفيه الخير
يارا تدخل غرفتها : يارببي انا وش صاررلي وتمسك جوالها وتكلم شهد وليان
ليان: عرفتي احساسي يوم اقولك اني حبيت وتضحك
شهد تضحك: يارا انتي تحبينه دام كل هالشهور ماطلع من بالك واذا كلمك تفرحين
يارا ماتبي تعترف : لا مااحبه وينرفزني وتقفل الجوال
يارا: منجد انا احبه ؟ وتشيل عنه البلوك وترسل له " انت يعني قصدك بتحشرني بهالطريقه؟ "
عبدالعزيز فز قلبه مع الرسالة: ابيك تفهمين اني احبك وابيك زوجتي
يارا توترت : متى صار كل هالحب وانا ماشفتك الا بالصدف
عبدالعزيز : ايه وكانت احسن صدف واول ماشفتك حبيتك وياليت ماتطولون بالرد علي لاني ابيك وشاريك
يارا ماردت
عبدالعزيز : السكوت علامة الرضا ويضحكك
يارا تضحك وتكلم نفسها ( وش فيه ذا شكله ناوي ياخذني مني بعد )
....................
مر شهر وصار لشهد ٨ شهور
عبدالعزيز ينتظر رد يارا
ابو زهر وام زهر كل يوم نقاش ع عبدالعزيز
سيف يتصل ع خالته : هلا خالتي شخبارك وش انتي مسويه
ام زهر: بخير دامك انت وزهر بخير
سيف: قالتلي زهر عن موضوع عبدالعزيز ويارا والله ياخالتي انه رجال ومحترم ولا طلع لابوه بالعكس المفروض انك عرفتي معدنه من اول مااعطاني حقوقي
ام زهر: بس اخوه حاول يقتلك
سيف: مو قتل هدد وندمان الحين كانت لحظة غضب
ام زهر اقتنعت : انا اثق فيك ودامك ضامنه خلاص ان شاء الله
سيف: الله يقدم اللي فيه الخير
ابو زهر : وش كان يبي سيف؟
ام زهر: نادي بنتك واسألها عن رايها في عبدالعزيز واذا وافقت رد له خبر
ابو زهر ينادي يارا
يارا: هلا يبه يللا جايه
ام زهر: ياعمري ياصغيرتي كبرت وبتصير عروس
يارا: هلا يبه
ابو زهر: تعرفين موضوع عبدالعزيز صح؟ وش رايك؟
يارا حبته وطاحت في حبه : ايه يبه مافيه شي رجال محترم وطيار ويحبني وش ابي اكثر من كذا
ابو زهر يضحك عارف الموضوع كامل وانها صدمت عبدالعزيز : كيف عرفتي انه يحبك
يارا توترت : سيف قال لزهر وهي قالت لي
ام زهر : تعالي ياحبيبة امها وتحضنها
ابو زهر يدق ع عبدالعزيز ويرد له انهم موافقين
يارا : لو صبرت شوي يمكن اغير رايي
عبدالعزيز يرسل ليارا "اخيرا ياام شعر كيرلي وافقتي وصلتي للي تبينه عذبتيني وصرت اهوجس فيك وبأسمك "
يارا : وش ياام شعر كيرلي ترى اسمي يارا ولا اقول لأبوي اني ماابي وتضححك
عبدالعزيز : لا لا مايحتاج تكلمين ابوك انتي حبيبتي يارا
يارا تضحك: ايه كذا دامني حبيبتك موافقه
عبدالعزيز: وانا ؟
يارا تستهبل عليه: وانت ايش
عبدالعزيز : حبيبك؟
يارا: لا
عبدالعزيز : مالك اي مشاعر لي طيب؟
يارا حست انه زعل: انت زوجي ولا ماتبي
عبدالعزيز يضحكك: ايه ابيك وابي اصير زوجك
صارت خطوبة وملكة عبدالعزيز ويارا وكانت ام عبدالعزيز متكبره بس ام زهر كبرت راسها وحددو العرس بعد شهر
............................
بعد شهر وصارت شهد في شهر الولاده
عند طلال وشهد
شهد : طيب عادي ودني عند امي ولاتهمل دوامك
طلال : وانا اقدر ابعد عنك؟ وتجيبين فهودي وانا مو عندك ؟ اخذت اجازه ووافقوا
شهد : وليان ووليد مابيجون معنا ؟
طلال: وليد قال باقي ماعطوه الموافقه لسى وقلت لهم نسبقهم للرياض
شهد : طيب حبيبي
ويشيلون اغراضهم وعلى الرياض
شهد ماقالت لامها ويارا انهها جايه فجأه يدق الباب
ام زهر تقوم وتفتح: هلا هلا وانا اقول وش فيه الرياض منور طلع انتي جايه
شهد : هلا فيك يمه والنور نورك
طلال : كيفك ياخالتي عساك بخير
ام زهر: بخير وانا شفتكم وش هالمفاجأه الحلوه
طلال : وين عمي ؟
ام زهر: والله اظنه عند ابوك او عند ابو نايف
طلال : بروح البيت بسلم ع امي وابوي واذا لقيته سلمت عليه
شهد : يحفظك الله حبيبي
يارا: هلا بااختي حبيبتي اللي شكلها بتولد يوم عرسي
شهد: ترى بكره زواجك والدكتور قالي بعد اسبوعين اولد
يارا: ليان مابتجي ؟
شهد : الا بس ينتظرون موافقة اجازة وليد
............
عند ام رامي
جالسه هي وزهر ويدق طلال وتحط زهر الطرحه ع راسها
سيف: تففضل ياطلال وش تدق جرس بيتك
طلال: ابيكم تعرفون اني جيت
ام رامي: هلا بولدي الغالي
طلال يبوس امه وياخذ عيال اخوه ياعمري كبروا
سيف: ايه صار اعمارهم ٥ شهور
طلال : كيفك زهر
زهر : الحمدلله شهد كيفها قربت تولد ولا
طلال: والله اني مدري لكن الدكتور قال احتمال بعد اسبوعين لكن احسه قريب لانها تعبانه
زهر: الله ييسر لها ويقومها بالسلامه وتطالع سيف ابي اروح عند امي بتطمن ع شهد واشوف وش ناقص ع يارا
سيف: مافيها شي روحي وساعديهم
وليد يتصل ع طلال : الو هلا بالخوي
طلال: هلا فيك هاه بشر وافقوا
وليد: ايه ابشرك واحنا بالطريق جايين
طلال : الله يحفظكم
........................
يوم زواج يارا وعبدالعزيز
صاروا العائله كلها بزارين
ليان الوحيده اللي بتكمل سنه وهي لسى ماحملت بس راضين هي ووليد
شهد لابسه فستان فوشي واسع عشان بطنها
ورقصت بزواج يارا ونست انها بالشهر الاخير
زفوا يارا لعبدالعزيز وخلص العرس ووقت الرجوع شهد تعبت
طلال: وش فيك تحسين بشي؟
شهد تضرب يده : اييه ودني المستشفى
طلال توتر : يللا الحيين
ويدخلها المستشفى  وقعد معها مايبي يشغل اهلهم وهم تعبانين من زواج يارا
طلال : الله يقومك بالسلامه ياشهد انتي وفهودي
غفى وهو ينتظر لان مانام من يومين وصحى وراح يسأل الدكتور عن شهد وبشروه انها ولدت طبيعي وهي بالغرفه والنونو بالحضانه بس راح اول شي لشهد وحضنها: الف الحمدلله ع سلاممتك يابعد دنيتي وجبتي لنا فهودي
شهد تبتسم وتحضنه : مبروك ياابو فهد ماني مصدقه انك انت يالمطفوق صرت اب
طلال : ايه وهالمطفوق يعشقك ياشهد
شهد: الله يخليكم لي انت وفهد
طلال: ويخليك لنا
*****************
انتهى البارت واقترب موعد الوداع😔💔