جيتي مثل ربيع ازهر بقلب السيف بُستان

البارت الثالث والعشرين

ويلتفت سيف ويشوف زهر ويدق قلبه بسرعه : سمي يالزهر صاير شي ؟
زهر: يازين اسمي لاقلته مو صاير شي بس ابي اعطيك شي
سيف: امري وش تبين
زهر تعطيه الكيس : حبيت اهديك شي ع سلامتك وماعرفت وش اختار بس ان شاء الله تعجبك
سيف يبتسم : تسلمين واكيد انها رح تعجبني دامها منك يالزهر
زهر فقدت السيطره : يشهد علي الله اني احبك واحب هالابتسامه
سيف يضحك: والله يابنت خالتي ان من يوم كنت بالمستشفى وسمعت كلامك وانا مادريت وش صابني وماطلعتي من بالي لليوم
زهر انحرجت ومادرت وش تقول
سيف : يللا يابعدي ادخلي وانا بمشي وهديتك من الحين اقولك انها عاجبتني ويمشي وهو الارض مو شايلته
زهر: الله لايحرمني منك ولا من هالصوت ياحبيبي
سيف طلع من بيت ابو زهر بدون قلب ولا عقل : ليتني عرفت بحبك يازهر من زمان مادريت ان حبي لك بيخليني انسى كل المي وهمومي ويحط الهديه بسيارته ويروح للمسجد
زهر تدخل بسرعه وتصدم بشهد اللي كانت تطالع طلال لين راح
زهر توترت : ماشفتك وش فيك واقفه هنا
شهد تضحك : حبه واضح في عيونك الله يجعل سيف من نصيبك
زهر تبتسم لها : الله يسمع منك ياروح اختك ويحقق لك امانيك وتروح
شهد : اميييين والله يديم لي طلال
ليان ماامداها تشوف وليد وبس تتنهد
ديم: وش فيك تتنهدين؟
ليان : ولا شي والله
ديم تتنهد : ماامداني اشوف رامي اليوم
ام رامي: ماعندي مشكله والبنات بعد انتي حددي وقولي لي
ام نايف: وش رايك وبحضور اختك يكون الملكه والزواج بعد شهر ؟
ام زهر : انا رايي من رأي ام نايف احس الافضل ماتطول فترة الخطوبة
ام رامي: تمام توكلنا ع الله والله يتمم لهم ع خير ويتمم فرحتنا فيهم
ديم : اخيراً وتطالع دانه وياسمين مبروك يازوجات اخواني
زهر: مبروك ياعمري والله يتمم ع خير
شهد : مبروك والله اني متحمسه لزواجكم
دانه وياسمين : الله يبارك فيكم
يارا: اخيراً بيصير عرس بالعائله
ليان فعلاً الحب اخذها ماهي معاهم ابداً
ام رامي : من بكره نبدأ ناخذ اغراض العرس ان شاء الله
ام زهر : ايه ونروح مع بعض السوق ان شاء الله يارا تودينا
ام رامي: يارا عندها جامعه مابنشغلها عادي طلال يودينا ماعنده شي
شهد وهي مبسوطه انها بتشوف طلال اكثر
يارا تهمس لها: اخرب عليك واقولهم انا بوديكم
شهد تعطيها نظره يعني انطمي
ام رامي قامت : يللا ياعمري طولنا عندك اكيد انك من الصبح قاعده
ام زهر تضحك: اللي يسمعك يقول اني بنام من المغرب
ام نايف : يابعد عمري لازم نرجع بيوتنا ولا مسكنا السوالف بتمسي وتصبح واحنا عندك
ليان : ياليت والله وتبقين عندنا
ام نايف : ياحبيبتي وتحضن ليان وتطالع ام زهر خلاص باخذ ليان بنت لي
ليان توترت ووصل ليفل التوتر لأقصى حد
ديم تضحك : فكره حلوه يمه
زهر تلحق اختها لاتطيح من التوتر : خالتي ماتبين يارا وتضحك
يارا: ايه يعني ماتبوني هاه
ام نايف: الا ابيها يارا صغيرة العائله وبصير انا وهي وديم ماعاد نرجع البيت الا وقت النوم
يارا تضحك: ايه والله ياخالتي وافتك من شهد
شهد : وانا وشدخلني تفتكين مني انتي اللي صار لسانك طويل
يارا تهددها : لساني طويل هاه ترى اعلم
ام رامي تضحك: يللا يابنات طولنا
ام نايف : يللا ديم البسي
ويطلعون من عند ام زهر وهم ضحك ومبسوطين
............................
بيت ام نايف
ديم : ترى امي وخالتي اتفقوا متى يكون العرس تجهزوا تحجزون قاعه فخمه
ابو نايف: ياجعله سعيد ومبارك هذا الخبر الزين
انس ينط: اسألك بالله متى طيب؟
وليد: متحمس الاخ علامك اثقل
نايف: الله يتمم ع خير بس متى
ديم : اقولكم ولا لا وتضحكك
انس : يمه متى حددتوه فرحيني طيب
ام نايف : بعد شهر بس تجهزوا
انس ينطط: الحمدلله ويبوس راس امه والله اني احبك يمه
نايف ثقيل مو مثل انس خفيف : ابشري باللي تبونه بكره ان شاء الله بنروح انا وانس نشوف القاعات ونحجزها
انس : اذا مالقينا قاعه مناسبه معليش بنحطه بالبيت
ديم تضحك: ليه من قل القاعات يعني مافي تحطونه بالبيت نبي قاعه
ام نايف عجبتها فكرة البيت: وهو صادق انس
ديم: يمه لو تسمعك خالتي ام رامي بتكنسل زواج بناتها
انس : لا وش تكنسل بنختار افخم قاعه
ديم تضحك: انت ليش تصدق بسرعه ؟
انس : يمه تبون شي بروح النادي
ام نايف : مابي الا سلامتك وسعادتك
انس يغني ويطلع
وليد: يمه بطلع اتروش واتجهز بروح الملعب مع طلال
ديم : دانه وياسمين رح يسعدونهم واثقه من هالشي
نايف يبتسم : بطلع ارتاح لان عندي دوام 12 بالليل صحوني لو نمت
...............
بيت ابو رامي
سيف ع طول دخل غرفته وبيده الهديه يبي يشوف زهر وش اهدته
طلال يفكر بشهد وكيف صارحته انه سرق قلبها بعد
رامي ثقيل صح مانسى ديم بس ماحط بباله انها بتجي الصدفه اللي رح تجمعهم مره ثانيه
ام رامي : ابيكم بموضوع وين سيف ؟
سيف يفتح الهديه ويشوف الكبك : يازين الهديه وشاريها ويلبس الكبك بيجربه
يفتح طلال الباب بقوه ويفجع سيف
سيف: الله ياخذ ابليسك علامك مصروع كذا
طلال: وش كنت تفكر فيه وانفجعت يوم فتحت الباب
سيف: ولا شي وش تبي ؟
طلال يغمز له : تراك متغير هاه
سيف يضحك: انت ماتبطل حركاتك وش فيك جاي ابي ارتاح بكره تنتهي اجازتي
طلال: ياحبك للكذب مو تقول انك تكره قعدة البيت المهم امي تبينا بموضوع تعال
سيف نسى الكبك ماشاله : يللا عسى خير
طلال وهذا سيف وجبناه
ابو رامي: وش صاير
ام رامي: حددنا ملكة و زواج دانه وياسمين بعد شهر ان شاء الله
ابو رامي: هذي العلوم الزينه الله يتمم لكم ع خير ويفرحكم
سيف : عساه مبارك ياعيون اخوكم والله يجعلها حياه سعيده
رامي: الف مبروك والله يسعدكم ويوفقكم
طلال: ماني مصدق شهر وابطل هوشاتي مع ياسمين
دانه : الله يبارك فيكم وعقبال نخطب لكم ونفرح فيكم
طلال: امين يارب
سيف ورامي قالوا امين بس بينهم وبين نفسهم
ام رامي: الا جهز نفسك تراك بتاخذنا للسوق وتجيبنا
طلال : اعذروني يمه مشغول ومااحب الاسواق
ياسمين تستفزه تعرف بحبه لشهد: خسارة كنا نبيك تودينا احنا وخالتي حصه بس خلاص دامك مشغول
طلال بصوت عالي: لا مانني مشغول حتى لو مشغول اتفضى لكم
رامي : وش فيك متحمس فقعت طبلتي
سيف يطالع الكبك ويلمس عليه وشارد
ام رامي : سيف شي يألمك بالك مو معنا مو من عوايدك
سيف : هلا يمه لا والله مافيني شي
طلال قافط سيف : الكبك جديد من وين ؟
سيف توتر : لا مو جديد شريته قبل اتصاوب
طلال: اها طيب ليه مالبسته يوم صلينا الجمعه
سيف: وش تحقيق هو
ابو رامي: وانت وش عليك لبسه ولا مالبسه
طلال: يعني ماتبون الواحد يسأل ولا يتكلم
سيف: ولا تزعل مالبسته لاني نسيت راضي الحين؟
طلال الزعول يقوم : بغير لبسي وبطلع للملعب
ياسمين: يحب يكبر السالفه
سيف الحنون قام وراه
رامي: الله يهديه هالطلال لازم يطلعنا احنا الغلطانين
ابو رامي: لازم يدور وظيفه ويبطل هياته
ام رامي: يعني لازم تنكد عالولد انت مالقى وش يسوي يعني
سيف يدق باب الغرفه : طلال ابي اكلمك
طلال مسوي هو الزعلان: اذا بتهاوش مو فاضي لك
سيف: يللا عاد من متى اهاوشك
طلال: ابوي صاير كأني براسه وش اسوي اذا مالقيت وظيفه شي فوق ارادتي
سيف: والله ان ابوي يحبك ويبي مصلحتك
طلال: شفت المصلحه اللي يبيها لي كل ماقلت كلمه هاوش
سيف ينزل راسه: وانا اخوك تحمل هواشه قد تحملناها قبلك
طلال حس بسيف كيف ابوه كان يهاوشه : طيب وش رايك تروح معنا انا ووليد الملعب انت ونايف ؟
سيف يضحك: تبيني العب ولا اشجع
طلال: تشجع طبعاً ولا تبي تصير شرطي ولاعب
سيف يضحك: خلاص بكلم نايف ونروح
طلال: يعني صاير عندي مشجعين
سيف: اجل بروح اغير ملابسي وانتظرك بالصاله
سيف يدق ع نايف : وش رايك يالنايف نروح الملعب مع وليد وطلال ؟
نايف : ماعندي مشكله بس تبي تلعب ؟
سيف يضحك : شايفني لعيب لا بنروح نتفرج ونشجع
نايف: خلاص تم
................
بيت ابو زهر
ابو زهر: اختك عرفت تربيه زين والله السيف ماشاء الله عليه طليق لسان ومحترم
ام زهر: ياعمري عليها تعذبت بعد مامات ابوه وابو رامي كان شديد عليه بس تحمل واشتغل وهو صغير الله يكتب له السعاده والراحه وين ماكان
زهر عاجبها طاري سيف : طيب يمه هو من يومه صغير مايعبر عن مشاعره ؟
ام زهر: اييه كان كتوم مره وللحين كتوم
شهد : يمه تبين شي ابي اطلع امدد ظهري شوي
يارا : وانا بعد بقوم
ام زهر: لا والله مابي شي ارتاحوا من الصبح صاحيين
يارا تلحق شهد لغرفتها
شهد: قلت ابي ارتاح وش فيك لاحقتني
يارا: ابي اعرف وش صار اليوم كنتي مبتسمه وصافنه الكل لاحظ عليك
شهد تبتسم وتتنهد وترجع تصفن
يارا تأشر بيدها عند عيون شهد: ياهو ابي اعرف ولا ترى مايهمني بروح اسأل المجنون حقك ذا
شهد تعرف ان يارا بتسويها : تععالي خلاص بقولك
يارا تعدل جلستها : اييه وش صار
شهد : بس قالي اني سرقت قلبه
يارا: شكله واقع في الحب منجد
شهد: ايه وانا بعد قلت له انه سرق قلبي
يارا تحمست: ووش قال
شهد تضحك: رحت ماخليته يرد خفت امي تجي وهو ماشاء الله مطفوق وفضيحه
يارا: والله كنت شاكه بنظراته لما كنا عند المستشفى كانت مليانه حب
شهد : احبه واحب ريحته لادخل فاحت ريحة العود
يارا تضحك: وانا اقول علامك تشترين عود اثاريك تبين تعرفين ريحته اي نوع
شهد: بس عاد لاتخليني اندم اني قلت لك
يارا: عاد لاتجنين مثله واضح انه خفيف ومطفوق
شهد: الا طلولي عن الغلط
يارا ميته ضحك: وصار طلولك الله يهنيك فيه وتروح
شهد : ايه طلولي وحبيبي بعد
*****************
انتهى البارت و ⭐️ لدعمي