جيتي مثل ربيع ازهر بقلب السيف بُستان

البارت الرابع عشر

عند ابو زهر
ابو زهر معصب : وينهم للحين ماجو
ام زهر : لايرتفع عليك السكر جايين
ليان : كلمتهم وجايين يارا فكرت انك بترجعين معها راحت لك ومشوا معها زهر وشهد
ام زهر : الله يحميهم تأخر الوقت
......
عند ابو رامي
ام رامي تبكي لسى : ولدي كان بيموت وانا مادريت
رامي: استغفري الله يمه والله اني كلمت الدكتور ووراني الاشعه والحمدلله حاله طيب
ابو رامي: الله يشفيه ويعافيه
( رامي وابوه قاموا ينامون)
دانه : يمه سيف حسيت وجهه شاحب يوم رحنا عنده
ياسمين تقرصها: لا عشان مانام زين اكيد
ام رامي: الله يعطيه الصحه والعافيه واشوفه قدامي ومافيه الا العافيه
دانه : اممين
ياسمين : بكره بيطلع صح ؟
ام رامي: ايه ابي بعدين تنظفون غرفته لما تصحون
ياسمين: من عيوني
...........
عند سيف بالمستشفى
سيف يفكر بزهر ونسى المه كله : كل ذا البكى خوف علي ؟ ويبتسم
يجي طلال وهو الثاني عقله مو معاه ويجلس ويبتسم ويحط راسه ع الجدار
سيف : علامك ووين الممرضه قلت لها تجيب مسكن ؟
طلال يبتسم: ايه ايه قلت لها
سيف : انت وش صايبك ؟
طلال يضحك : سهم الحب صابني ماكنت اصدق اللي يقول الحب يخليك ضايع
سيف يضحك: ماشاء الله والله ماكنت اعرف ان عندي اخ حبّيب
طلال: والله لو ماشفتها ماكنت ادري عن شي اسمه حب
سيف يتذكر زهر ويبتسم: حتى انا لو ماشفتها اليوم ماعرفت
طلال يفز ويجلس عند سيف : ايش ايش ؟ انت بعد طلعت حبّيب ماشاء الله وين طيب وانت هنا ماطلعت من الغرفه؟
سيف يضحك ويرجع عليه الالم : روح جيب لي مسكن نادي الممرضه وخل عنك الكلام
طلال: طيب بمشيها لك اليوم نشوف بعدين ويقوم
سيف يرجع يفكر بزهر : انا قبل ماطلعتك من بالي كيف بطلعك الحين ويغمض
..................
بيت ابو نايف
نايف: وانت كيف تروح تفجعهم كذا ؟
وليد: قلت لأمي وين الغلط؟
ام نايف: مادريت عن نفسي واتكلمت بصوت عالي
نايف: الله يسامحكم فجعتوها المسكينه
انس: ايه والله واضح عليها الفجعه وتبكي بخخوف
ام نايف: بقوم انا عشان بكره اروح لها من الظهر مدري سيف اي وقت بيطلعونه
نايف: الدكتور قال بيجي الصبح ويشوف وضعه ويكتب له خروج الله يقومه بالسلامه
.............
بيت ابو زهر
الساعه 2 اخر الليل توهم داخلين البيت
ابو زهر : وينكم فيه للحين ولا تفكروني مرضت تقدرون تروحون وتجون ع كيفكم
يارا: يبه الله يعطيك العافيه واحنا بناتك وتربيتك بس تأخرنا رحت للمستشفى واول ماوصلت الا واشوف رسالة امي انك انت وعماني رحتوا مع انس وامي وخالتي مع رامي
ابو زهر: لاعاد تعيدونها سهرتوني وشلت همكم (ويقوم لغرفته)
زهر وهي لونها شاحب : انا بطلع لغرفتي تعبانه شوي
ام زهر: سلامة عمرك حبيبتي من خوفك ع خالتك اليوم اغمى عليك
زهر بالحقيقه كانت خايفه ع سيف : ايه واحس اني تعبانه الحين بروح ارتاح
ليان تقوم وراها : وانا يمه بعد بروح انام
يارا تطالع شهد وتغمز لها : وانتي ماتبين تنامين ؟
شهد : لا بسويلي قهوه وبطلع الغرفه
يارا تهمس لها : مافيه فكه لين اعرف وش قالك المجنون طلال
شهد تنحرج : بععدي بقوم اسوي قهوه انتي فاضيه
يارا تضحك: وراك وراك
ام زهر: وش فيكم تتساسرون ؟
شهد : ولا شي تبين قهوه معي ؟
ام زهر: لا حبيبتي بقوم انام بكره بروح لحليمه بدري
يارا: وشهد بتروح معك يمه
شهد تضربها ع راسها : ليه اروح امي بتروح لأختها اروح انا ليش
ام زهر: الا بتروحون معي كلكم عشان خالتك وبنات خالتك
شهد قامت بدون ماتتكلم وراحت المطبخ
يارا تضحك: يمه بقوم انام اذا صحيت بدري رحت معكم
ام زهر : طيب حبيبتي تصبحين ع خير وانا بعد بنام
ليان : اسألك بالله ووش قالك ؟
زهر طايره من الفرحه: ارتحت لما عرف بحبي له اتخيل بعيد الشر لو صار له شي ومالحقت اعترف والله اموت
ليان: بعيد الشر عنك وعنه طيب قوليلي وش قال جاني فضول
زهر تبتسم : شد ع يدي وفتح عيونه وانا لما شفت عيونه والله العظيم ماعاد عرفت اقول كلمه سرحت بعيونه وقال لي انتي الزهر اللي الكل يتكلم عنها
ليان تضحك : ايييه ووش صار شكل قلبك كان بيوقف
زهر : لو سمعتي كيف قال اسمي ودي ابوسسه لما قال الزهر يازينه ويازين كلامه ( وتتنهد وتحط يدها ع خدها وتفكر)
ليان: فرحت لما شفتك فرحانه اللي يجعله من نصيبك ياروحي
زهر بصوت عالي : امييين
ليان تحط يدها ع فم زهر وتضحك: اصص وش هالحماس
زهر: خليني والله اني طايره من الفرحه وماعمري فرحت مثل اليوم ومسكت يد السيف ومسك يدي
ليان: اللي يشوفك قبل ساعتين كيف كنتي منهاره مابيصدق انك انتي اللي الحين
زهر : والله خفت عليه خفت يصير له شي جعل يومي قبل يومه
ليان: طيب انا نعسانه بروح انام تبين شي ؟
زهر: لا حبيبتي سلامتك بس قفلي الباب وراك
شهد بالمطبخ والقهوه فايره وطشت ع الفرن وهي سرحانه بطلال : ياربي ابي اعرف وش سالفته هالمطفوق وليه يقولي ي عيون طلال
شهد تنتبه للقهوه : اوفف وش فيني انا كلها من طلال ذا لخبطني ومااعرف وش فيني (وتذكرت الورقه بشنطتها )
شهد تطلع وتاخذ الورقه وتروح غرفتها وتفتح وتقرأ
" انا بعترف لك وماقدرت اوصل لك اللي احس فيه الا عن طريق هالورقه انا من اول ماشفتك وقعت ومحد سمى علي ومادريت ان عمي فارس عنده ملاك بالبيت الا بعد ماشفتك وماقدرت اطلعك من بالي رحت للشرقيه ورجعت ومافي شي ببالي الا انتي حتى الطريق ماشفته وحتى لو ماحبيتيني يكفي اني انا حبيتك .. طلال"
شهد جاها احساس غريب وتحس قلبها بيطلع : هالمجنون خطه كأنه نمل وغصب قريته وين شافني ومتى والله شكله بيجننني معه
( ترجع الورقه لشنطتها)
...................
الفجر عند ام رامي
ام رامي ماذاق النوم عيونها تفكر ب سيف
ابو رامي: ودي انك ريحتي نفسك شوي بتتعبين ع هالحال
رامي ينزل: صبحكم الله بالخير انا بروح لسيف وطلال المستشفى
تفز ام رامي: لييه صاير شي ؟
رامي : لايمه لاتخافين بس بقابل الدكتور بشوف اصابة سيف وادويته
ابو رامي: الله يوفقك روح وطمنا
ام رامي: طلال قالي الدكتور بيجي 8 واحتمال يكتب لسيف خروج
رامي : تمام انا بروح اشوف واكلمكم
دانه توها صاحيه: صباح الخير يمه سيف بيطلع اليوم ؟
ام رامي : ايه ان شاء الله ابي ننظف غرفته قبل يجي ونبخرها
دانه : من عيوني بس اتقهوى انظفها
ام رامي : افطري بعدين اتقهوي
دانه: لا يمه مالي نفس ابي قهوه بس
...................
عند ابو نايف
ابو نايف: بتروح دوامك ولا بتمر ع المستشفى قبل ؟
نايف: لا والله مابيمديني اروح المستشفى بس يمكن بعد الدوام
وليد: طلال قال انهم بيطلعون سيف الصبح بعد ساعه او ساعتين تقريباً
ابو نايف: الله يعطيه العافيه ويرجع مثل قبل واحسن
ام نايف: بروح بعد الظهر ان شاء الله ل ام رامي
ابو نايف: انا بخليها لبعد العشاء بزوره واتطمن عليه
( مر الوقت وجات الساعه 11)
............
عند ابو زهر
ام زهر: بروح عند حليمه بعد الظهر ان شاء الله مع ام نايف
زهر : بروح معك يمه بشوف خالتي والبنات
ابو زهر: ايه وخلي اخواتك برضو يروحون واجب هذا
شهد: يمه مابروح معكم بعدين انا ويارا نلحقكم العصر او المغرب
ليان: وانا بعد بروح مع شهد ويارا
زهر : يمه تبين نسوي شي ناخذه معنا ؟
ام زهر: والله مدري بس سوي حلى وناخذ قهوه ع سلامة سيف
زهر متحمسه: من عيوني يمه وتقوم
............
عند ام رامي
يدخل طلال وبصوت عالي: يمه يبه ويطالع سيف نورت بيتك يالسيف والحمدلله ع سلامتك
تركض ام رامي : هلا بولدي الغالي نور البيت بدخلتك وتحضنه وتبكي
سيف يتألم ويبوس راس امه : النور نورك يمه والحمدلله انا بخير
دانه: سلامتك يااخوي الف لا بأس
ياسمين: الحمدلله ع سلامتك البيت بدونك مايسوى
سيف : الله يسلمكم والحمدلله انا بخير
ابو رامي : الحمدلله ع سلامتك ياولدي ويطالعهم خلوه يرتاح شوي (ويطلع ويروح للمسجد)
سيف حاطين له ربطة الكتف ويحاول يفكها
رامي: لا تفكها خلها ع الاقل اسبوع او اسبوعين
طلال يضحك : ايه اسمع كلام الدكتور رامي ولاتفكها
رامي: لاتكثر كلام انت يمه تبون شي بروح الدوام
ام رامي: لا والله سلامتك ياروحي (ويطلع رامي) تطالع سيف تبي احط لك شي تاكله نفسك بشي اطبخ لك ؟
سيف : لا والله يمه ماابي شي ارتاحوا
طلال: افا يمه نسيتيني طيب اسأليني جوعان مااكلت شي من امس
ام رامي: ياعمري انت وش تبي تاكل ؟ امر
طلال يبوس راس امه: والله اي شي يمه حتى لو توست وجبن
ياسمين: طيب يانونو انا بقوم اسوي لك اكل
طلال: اييه العروس صارت تنافخ علينا
سيف : يمه ماحددو يوم الخطوبه ؟
ام رامي: امس اتفقنا تكون الاسبوع الجاي بس ماعاد بسويها الا بعد شهر
سيف : ليه يمه ؟
ام رامي: تبيني اسوي حفلة خطوبه وانت تعبان ؟
سيف : يمه والله ماتأجلينها الحمدلله انا مافيني شي
ام رامي: بس انا قلبي مارح ينبسط وانت تعبان واحنا مسوين خطوبة اخواتك
سيف : اذا ماتبيني ازعل يمه لاتأجلونها
طلال : خلاص يمه خلوها ع موعدها ماله داعي التأجيل وسيف الحمدلله بخير
ام رامي : اللي تشوفونه مارح نأجلها
سيف : وعادي لاتشيلون همي روحوا السوق وجهزوا كل شي
طلال: ايه احمد ربك انك مصاب ولا كنت مكروف زيي بالسوق
دانه: ع اساس كل يوم تودينا اخر مره كانت قبل سنتين
طلال يضحك: ايه صح بس يللا عشانكم بتتزوجون بحسن علاقتي فيكم
سيف يتألم : يمه بطلع غرفتي ارتاح شوي
ام رامي تسنده : بوديك انا
طلال: يمه ترى يده اللي مصابه مو رجله عادي بيمشي
سيف يضحك : انا بطلع لحالي يمه لاتخافين مافيني شي
دانه : وي البزر يغار ع امي
طلال : بمشيها لك مره ثانيه
ياسمين : خذ سويت لك اكل ودايم رايق ان شاء الله
دانه : ايه لاحظت العصبيه بدت تروح منه
ام رامي : خالتكم بتجيني بعد شوي جهزوا قهوه وبخروا المجلس
طلال فقد السيطره : بناتها بيجون معاها ؟
دانه وياسمين يخزونه
ام رامي: وانت وش تبي اذا بيجون ولا لا ؟
طلال عرف انه خربها: بطلع انام ويهرب
ام رامي : انا بقوم اغير لبسي واجيكم
ياسمين: قربي بقولك شي احس طلال يحب
دانه : كيف عرفتي ؟
ياسمين : اول شي التغير اللي صار وامس شفته صافن بشهد بنت خالتي وماشال عيونه عنها ابدا ومبتسم
دانه : احلفي وين ومتى؟
ياسمين : امس لما كنا عند خالتي وطردته وهو واضح الحب من عيونه
دانه: والله مو قليل هالطلال ويعرف يحب
************