جيتي مثل ربيع ازهر بقلب السيف بُستان

البارت السادس عشر

عند ام نايف
ام نايف : الخطوبه بتكون الجمعه الجايه ان شاء الله
نايف: ان شاء الله
انس مبسوط : اخيراً بيصير كل شي رسمي
ديم: انت متحمس بزياده ترى
انس : انتي اسكتي
ديم تهدده: انا اسكت هاه؟ يممه ترى انسس..
انس ينط ويحط يده ع فمها: تبين بكره اطلعك السوق ؟
ديم : اييه خليك كذا
انس يضحك: طيب انا بقوم انام
نايف: يمه متى نشتري خواتم الخطوبه ؟
ام نايف: نشوف بكره نروح وناخذ بعد طقم ذهب هديه للعروس
ديم: اخيراً بنشوف نايف عريس
نايف: وعقبالك نشوفك عروس ونجيب لك محمد عبده يغني بزواجك
ديم تضحك: بس انا مابي محمد عبده ابي احلام
نايف : ايه احلمي الحلم ببلاش ويطلع لغرفته
وليد جاي من برا : يمه ولدك بيموت جوع ابي اكل اي شي
ديم: وانت متى تتزوج وتفكنا من طبخ اخر الليل
ام نايف: قومي سوي له شي ياكله يللا
ديم تترنح وتقوم : طيب اصلاً كل شي ع راس ديم لازم انا اطبخ ليه مايطبخ بنفسه
وليد بصوت عالي : بكره لما انقبل بالشرقيه بتقعدين تبكين وتقولين ليته هنا واطبخ له
ام نايف: ومين قال اني بخليك تروح الشرقيه؟
وليد : فديت عمرك يمه بس لو انقبلت هناك بروح
ام نايف تبكي
وليد يبوس راس امه : والله دموعك جاهزه يمه
ابو نايف : علامها امك ؟
وليد : عشان قلت لو رحت الشرقيه
ابو نايف: الله يهديك سبقتي الاحداث
وليد : راح عمي فايز ؟
ابو نايف: ايه وقالي اجي معه ازور سيف بس قلت له الوقت متأخر ابي سيف يرتاح
ام نايف تمسح دموعها: حطها في راسك روحة للشرقيه مافي وتقوم
ابو نايف: خلها علي لو جاتك الوظيفه روح
وليد: الله يخليك لي يبه
ديم تجيب الاكل لوليد : يبه تبي اسوي لك شي ؟
ابو نايف: تسلم يدينك يابنتي بروح انام
...................
بيت ابو زهر
زهر تفكر بسيف وتبتسم
شهد سرحانه بطلال وتبي تعرف كيف صارت رجله
ليان ترسم
ام زهر وابو زهر ناموا
تجي يارا: وش هالهدوء اللي انتوا فيه
زهر وبالها مو معاها : ايه
شهد ماردت
يارا تجي قدامهم وبصوت اعلى : وشش فيكم معقوله الحب يسوي كذا
شهد وزهر مع بعض: لااا
يارا تضحك: ايه ايه واضح
شهد تطالع زهر: انا بقوم غرفتي
زهر : طيب بس ماتبين معنا قهوه ؟
شهد : لا بنام وتروح
يارا: الله يرزقنا الحب اللي يخلي الوجه ينور
زهر : بلا هبل وش تقولين وتقوم
يارا تضحك : والقهوه ياساهرين الليل
..........
عند ام رامي
رامي يسند سيف ونازلين من فوق
رامي: غيرت له الضماد وتراه مااخذ المسكن
ام رامي : الحمدلله اني شفتك بخير ياروح امك بس لازم تلتزم بأدويتك
سيف : يمه والله اني مااحس بألم
رامي: بس لازم تاخذه لمدة 5 ايام
طلال جاي يعرج : لازم تسمعون كلام الدكتور
رامي : وش فيها رجلك ؟ ورحت المستشفى ولا
طلال يبتسم : لا بس جاني الدواء لعندي
ياسمين : وش ذا الدواء ؟
طلال: قومي جيبي ثلج بحطه ع رجلي
ياسمين: يعني الثلج الحين دواء ؟
رامي: ايه يفيد اذا كان فيه تمزق عضلات
طلال بصوت واطي مره : والله اني قلتها ان شهد دكتورتي ودواي
ياسمين تقرب منه: وش تقول ؟
طلال: وش فيك اذكر الله ولا لازم اسمعكم بعد اني اذكر الله
ابو رامي: وانا قلت انكم عقلتوا وبطلتوا هواش
ام رامي تضحك: لو مر يوم بدون هواش استغرب
دانه : سيف تبي احط لك عشاء مع رامي ؟
سيف: لا والله ماني جوعان
دانه : طيب اجيبلك قهوه تقهوى
سيف: لا لا مابي شي والله فديتك
ام رامي طبعاً ماتدري بسيف وزهر : انا ابي قهوه وكنافة اللي جابتها زهر
دانه: من عيوني
سيف تتغير جلسته : غيرت رايي بتقهوى وجيبي لي كنافه بعد
دانه: ايه عاد كنافة زهر ماتتفوت
سيف يفكر بزهر ويكلم نفسه : اذا هذيك اليدين اللي مسويتها اكيد انها ماتتفوت ويبتسم
كلهم عينهم ع سيف
طلال يقرب من اذن سيف:كانت من نصيب مين هالابتسامه
سيف يتلعثم : وخر يدي دهستها ماتشوفني مصاب
طلال يأشر ع قلب سيف : مصاب وين هنا ؟ ويضحك
سيف : طلال شكلك تبي كف الحين
ياسمين: يمه اخيراً شفت سيف معصب
رامي: اي والله انك صادقه معصب وقبل شوي بالغرفه يقولي انه كان يحس بألم
ام رامي: خلاص وش فيكم ع سيف كل شي الا سيف عاد ماارضى عليه
ياسمين تحضن امها : وانا ؟
ام رامي : والله اني احبكم كلكم وماارضى عليكم
دانه : رامي تودينا بكره السوق يمديك ؟ طلال ماعاد يقدر يودينا السوق
ام رامي : ايه اذا تقدر تستأذن بكره من دوامك مابقى شي ع خطوبة اخواتك
رامي : ابشروا من عيوني بخلي احد من اخوياي يناوب عني وبوديكم
طلال يضحك: الحمدلله ان رجلي انلوت ولا كنت من الصبح لليل بالسوق ويشرب قهوه
ياسمين تقرب منه وتهمس له : ايه لو شهد عادي بتقعد من الصبح لليل
طلال تطلع القهوه من انفه ويكح : انتي وش دراك ؟
ياسمين : كل شي واضح
ام رامي: وش سالفتكم انتوا الاثنين ؟
ياسمين تضحك وتطالع طلال : خلي طلال يقولك يمه
طلال : انا بطلع غرفتي بنام 
ياسمين تطالع دانه ويضحكون
سيف : يمه تبين شي بطلع ارتاح وانتي نامي من الصبح مانمتي
ام رامي : حبيبي اللي شايل هم امه بقوم انا بعد انام
................
مر الاسبوع مثل لمح البصر وجهزوا كل شي ويجي يوم الخطوبه
دانه وياسمين جهزوا وصارت كل وحده تقول الزين عندي
زهر لابسه فستانها الاحمر توب وماسك
شهد لابسه فستانها الموف الضيق
ليان لابسه فستان اسود لف
ديم لابسه فستانها الفوشي الهاي لو
يارا لبست فستانها السماوي الميد
.......
عند الرجال طلال كاشخ اكثر من العرسان كل ذا عشان لو شافته شهد بالغلط ومتبخر بالعوده وحاط عطره
سيف كان لابس ثوب اسود وشماغ ابيض وحاط ربطة الكتف لسى ماسمح له الدكتور يشيلها
نايف وانس جهزوا وانس متحمس اكثر من نايف كان شوي ويطير من الفرحة
وليد بعد كشخ ولبس ثوب كحلي وشماغ احمر
رامي تجهز وراح لأبوه مع سيف عشان يستقبلون الضيوف
ابو رامي : يامرحباً اسفرت وانورت ياابو زهر
سيف يبوس راسه: ارحبوا ياعمي حياك الله
طلال متحمس عشانه يبي شهد : ارحب بعمي والله اني انبسط بشوفتك تفضل
رامي يستقبله ويجون ابو نايف والعرسان
ابو نايف: الحمدلله انه تراضوا فايز وفارس والله اني مبسوط
طلال يقول بباله ( الحمدلله انهم تراضوا ابوي وابوك ياشهد)
سيف : خشمك ياعريس ويسلمون ع بعض
نايف : يسلم عليه حاول تتعافى بسرعه نبي نفرح فيك بعد
طلال : هلا بالنسيب
انس : هلا فيك
وليد يضحك ويسلم ع طلال: والله اني لخبطت من كثر ماانت كاشخ كنت بفكر انك العريس
طلال: ايه ابيها لو شافتني تقول ياجعل هالكشخه من نصيبي
وليد : الله يرزقنا احد يحبنا
طلال يضحك : اممين
....
عند ام رامي
ام زهر : بنات تعالوا ساعدوا خالتكم يللا
زهر تبيها من الله يمكن تشوف سيف : يللا يمه جايين
يارا تهمس لشهد : يللا لاتروح كشختك عالفاضي
شهد : يارا تكفين انطمي لاتكلميني اليوم كله
ليان : بلا هواش امي قالت ساعدوا خالتي مو تهاوشوا
زهر : انا بسوي القهوه خالتي بس وين الترامس اللي تبين احطها فيها
ام رامي : الله يرضى عليك هذيك هي
شهد : تبين اسوي شي خالتي ؟
ام رامي : ماودي اتعبكم والله بس لسى ابي اسوي شاهي للرجال جهزت ترمس وباقي ترمس انحرقت يدي وانا ماكملته
شهد تبتسم : ولو خالتي ماسوينا شي واذا ماوقفنا معك بهاليوم متى نوقف
ليان: خالتي تعالي احط لك مرهم الحروق
ام رامي : حرق بسيط ياروحي
ليان : وين بسيط والمويه الحاره انكبت ع يدك
زهر : خالتي ترى القهوه جهزت
ام رامي : مارد علي الا سيف حطيها له عند الباب وروحي انا بكلمه ياخذها
زهر تبيها من الله واخذت طرحة شهد وحطتها ع نص شعرها وراحت تودي القهوه
وتجي تدق الباب ويفتح سيف
سيف توتر ويقفل الباب وراه: انتي ليه جيتي افرضي احد غيري طلع
زهر ارتبكت وتوترت وتعطيه الترامس وهو ياخذها بيد وحده لان الثانيه فيها اصابه  (اعطته وراحت)
سيف ضاعت علومه : مازان الاحمر الا عليك يالزهر
زهر ترجع المطبخ وخدودها حمراء وتحط يدها ع قلبها تحسه بيطلع من مكانه : وش قصده لما قال افرضي احد غيري طلع ؟ يعني يغار علي؟ اوف يازينه بالثوب الاسود بس
شهد : احم نحن هنا
زهر توترت اكثر : الجو حار شغلي التكييف
شهد تضحك : ايه صح الجو حار بس مين اللي يازينه بالاسود؟
زهر: بلا هبل انا بطلع لدانه وياسمين وانتي جهزي الشاهي والحقيني
شهد : طيب قرب يجهز اصلاً
..............
عند الرجال
سوالف ويشوف ابو رامي انهم ماجابوا الرطب
ابو رامي معصب : طططلال وين الرطب ؟
طلال: رامي ماجابه ؟
ابو رامي : فززز جيبه وش تصبون قهوه بدون رطب
ابو نايف: موب غرب احنا لاتكبر السالفه
طلال كان بسالفه مع وليد عن وظايف الشرقية : بروح اجيب الرطب وارجع
وليد: خذ راحتك وانا اخوك
ويطلع طلال وهو معصب: يعني وش بيصير لو مافيه رطب ماطارت الدنيا
............
شهد بالمطبخ تذوق الشاهي اذا السكر مضبوط ولا ومامداها تحط الكاسه عند فمها
الا ويدخل طلال المطبخ ومعصب : يممه ابوي صرعنا يبي الرطب (ويرفع راسه ويشوف شهد)
شهد تلتفت وتشوفه وتطيح الكاسه من يدها وماعاد تحركت من الصدمه
طلال ماشال عيونه عنها: الزين لو كان انسان بيكون انتي ياتبارك الله
شهد تتذكر انها مو حاطه الطرحه : خيير وش تطالع نزل راسك يامطفوق ماتعرف تطق الباب قبل تدخل
طلال يضحك : لو دريت فيه ملاك ببيتنا كان طقيت الباب (ويلف ويعطيها ظهره عشان تطلع )
شهد توترت وهربت بسرعه من المطبخ
طلال يتنهد: انتي وينك عني من زمان ياشهد
( ويصب من الشاهي ويذوقه ) حتى الشاهي من يدها غير
وياخذ الرطب والشاهي ويطلع من المطبخ
شهد عند الدرج وحاطه يدها ع قلبها: وش فيني ليه قلبي يدق بسرعه كذا (وتكلم نفسها) ماتوقعت انه مزيون لهالدرجه بالثوب والشماغ وتطلع لدانه وياسمين واخواتها
تفتح الباب وتدخل
زهر: بسم الله وش فيك تركضين
يارا تضحك : شهد احد كان يركض وراك ؟
ياسمين عرفت انها شافت طلال : ووجهك احمر بعد ونفسك ضيق ليكون تعبانه
شهد : هاه لا مو تعبانه بس الجو حار وانا مااتحمل الحر
يارا تطالعها بنص عين: بس انا بردانه
شهد : والله من هاللبس اكيد بتبردين
زهر : تكفون اسكتوا لايبدأ هواشكم مو وقته
شهد : طالعين تهبلون الله يسعدكم ويوفقكم
دانه : انتي اللي تهبلين وعقبال نفرح فيك ياعمري
ياسمين تضحك : اممين
.....
عند ابو رامي
دخل طلال المجلس وحط الاغراض ع الطاوله وهو لا عقل ولا قلب تركهم عند شهد
وليد : علامك ؟ وش فيك تبتسم وبس
طلال : ولا شي بس احب الشاهي
وليد: وش فيك انهبلت ندري انك تحب الشاهي
طلال: لا هالمره احبه اكثر
سيف بزاويه ثانيه سرحان ومافي بباله الا زهر ضاعت علومه يوم شافها بالاحمر
وليد يطالع رامي : علامهم اخوانك ؟
رامي: الله اعلم وش صايبهم
انس: اخوانك عشاق وقول اني ماقلت
***********************
انتهى البارت + نجمه وكومنت ابي اعرف رايكم 🤍