جيتي مثل ربيع ازهر بقلب السيف بُستان

البارت الواحد والعشرين

الساعه 3 العصر
بيت ابو رامي
ام رامي : قلت لك ياولدي ريح نفسك بس ماسمعتني
سيف : والله يمه مافيني شي لاتكبرين السالفه عادي
ام رامي : كيف لااكبر السالفه وانت كتفك نزف
طلال: يمه وين نزف ترى نقطتين دم
ياسمين تضرب راسه : وانت مستهين بإصابته تراه مو طايح بملعب زيك
طلال زعل : يعني تبون ارجع لكم بإصابه قويه عشان تعرفون اني اخاف ع اخوي ؟
ام رامي : بعيد الشر عنك وعنه ماابي احد يجيه شي
دانه: ياحبك ياطلال لتضخيم الامور ترى محد يبي يجيك شي
ياسمين: انا كنت احط مثال وهو فسرها ع كيفه
طلال: انا بطلع احسن من سوالفكم
ابو رامي : ع وين روح معي المسجد نصلي العصر احسن لك من الطلعات اللي مالها داعي
طلال وهو طالع: يبه ترى الصلاه بكل مكان مو بس بمسجدنا
ابو رامي: عاجبك هالولد كيف يكلم ابوه
سيف : ماعليك لاتاخذ بخاطرك تراه بزر
ام رامي: تستفزه وتقول وش فيه
ابو رامي : استفزيته عشان قلت له يصلي ؟
ام رامي: لا انت تحسسه كأنه مايصلي وهو صادق فيه مساجد غير اللي عندنا
...............
بيت ابو نايف
انس: يمه بصلي وبروح النادي تبون شي ؟
ام نايف : سلامة عمرك حبيبي
انس : كيفك ديم اليوم ؟
ديم : بخير الحمدلله احسن اليوم
وليد : يمه بطلع مع طلال تبون شي
ام نايف : الله يحفظكم ماابي الا سلامتكم
يطالع ديم : اذا مااكلتي ترى بفتح فمك واخليك تاكلين غصب عنك
ديم تضحك : يخليكم لي والله اكلت والحين بتقهوى مع امي وبتجي خالتي ام زهر
وليد : ايوه خليك كذا مافي شي مهم غير صحتك يللا فمان الله
ام نايف: الله يحنن قلوبكم ع بعض ويحفظكم لي
ديم : امين يممه الا بقولك متى عاد حددتوا زواج نايف وانس ؟
ام نايف : مدري والله باقي ماقررت ام رامي وردت لي خبر
ديم بينها وبين نفسها : متى اشوف رامي مره ثانيه
ام نايف : وش فيك تحسين بشي ؟
ديم : لا والله يمه مافيني شي
...................
يدق الباب
ام نايف: هلا بحصه وليان ويسلمون ع بعض تفضلوا حياكم الله
ام زهر : كيفها ديم عساها بخير ؟ بتقدر تنزل نتطمن عليها ؟
ام نايف : الحمدلله بخير طيبه شوي وتجي
ليان : الحمدلله ع سلامة ديم ياخالتي وخطاها السوء
ام نايف : يسلم عمرك حبيبتي
ديم : حياكم الله نورتوا وتسلم عليهم
ام زهر: الف الحمدلله ع سلامتك والله اني كنت بلحقكم المستشفى لكن قالت لي ام رامي انكم بتطلعون
ام نايف: والله ماقصروا ام رامي ورامي بعد عيني شالها ودخلها مستشفى الحرس ع مسؤوليته وماتركنا ولا دقيقه
ديم تتكلم بصوت واطي: عسى الله يكثر من طاريك يارامي
ليان تسمعها لأنها جالسه جنبها وتدقها وتهمس : طلع مرضك من الحب وتضحك
ديم تقرصها: اصص لاتسمعك امي وش فيك وتتنهد فوق هالحب مايدري عني
ليان : ايه عاد اسأليني اذا اللي تحبينه مايدري عنك
وتطالعها ديم بنظره غريبه : اسألك بالله؟ ليان اللي ماتهتم الا برسماتها طلعت تحب ومين هو اللي خلى قلب ليان يدق
ليان ارتبكت : لا انا بس اقولك ولا ويني ووين الحب
ديم : حطي عينك بعيني وقوليلي انك ماتحبين
ليان : خليك مني قوليلي وش كان شعورك لما رامي هو ساعدك
ديم: والله كان شعور حلو ومو حلو
ليان : كيف يعني ؟
ديم :شعور حلو اني احبه واعشق الساعه اللي خلتني احبه وماشلت عيوني عنه بس مو حلو لأنه مايدري عني واذا جات عينه بعيني صد
ليان: طيب يمكن استحى يطالعك او يكلمك وامك وامه موجودين
ديم اقتنعت: ايه اكيد استحى لان ع طول يغير الموضوع اذا شافني طالعته
ليان تتنهد : ليت بس ع الاقل نظراتنا تتصادف مو اشوفه من بعيد ومايدري عني
ديم : والله ان تقولين لي مين اللي خلى الهاديه تتعذب بحبه وهو مايدري
ام زهر : يللا مابنطول عليكم وبكره ابيكم تجون للغداء لاتقولون انكم نسيتوا
ليان عشان تتهرب من اسألة ديم : يللا مع السلامه اشوفك بكره
ديم : ان شاء الله وترى مافي فكه مني وراك لين اعرف
ويطلعون ام زهر وليان ويرجعون بيتهم
..........................
عند ابو رامي
سيف ماصار يفكر بألمه ولا بمشاكله صار بس يفكر بزهر ومن متى بدأ يحبها لهالقد يتنهد : والله يالزهر انك اخذتيني حتى مني
دانه : ماخذ عقلك يتهنى به
ياسمين : خليه مناشبته حتى لما يسرح
سيف يبتسم : انا كيف بتحمل اقوم ومااشوفكم تتهاوشون
ياسمين تضحك : لاتخاف بجي كل يوم
ام رامي: لاتذكرني ابي سعادتهم بس مابي يتركوني
دانه: مارح نتركك يمه
سيف: مارح يتركونك يمه موجودين جنبنا
طلال : وش فيكم قالبين البيت مناحة ترى زواج مو جنازه
سيف وام رامي مع بعض: بععيد الشر
طلال: فجعتوني اقصد انكم تفرحون
ام رامي: فرحانين لهم بس بنفقدهم
رامي جاي من غرفته: دانه ابي قهوه عندي دوام بعد شوي ومصدع احس راسي بينفجر
سيف : وانا بعد ابي قهوه والله
دانه: من عيوني اجيب لكم قهوه
طلال : وانا ابي شي سريع اكله
ياسمين: انا بقوم اسوي لك
.......
عند ابو زهر
شهد: يبه تبي اصب لك شاهي؟
ابو زهر: لا والله ما ابي شي بعد شوي بطلع امشي نص ساعه مع الرفيق الجديد اتفقنا الساعه 10 نبدأ
ام زهر: رفيق جديد ؟ من هو ؟
يارا تضحك : يمه شكل ابوي يقولك بروح امشي وهو متزوج عليك
ام زهر : لو ادري والله اربطه مايطلع من البيت
زهر: هيا اعترف ياابوي لاتربطك امي
ابو زهر يضحك : وانا اقدر ابدل امكم بأحد ؟ والله رفيقي الجديد طلال مونسني امس مشيت انا وياه وبنمشي حتى اليوم
شهد يطلع الشاهي من خشمها وتكح : طلال ولد عمي فايز ؟
ابو زهر: ايه والله وسوالفه توسع الصدر
يارا تضرب ع ظهر شهد : صحه صحه وتهمس لها قلبك احس فيه وانا هنا حبيه بشويش
زهر تطالع شهد : فيه شي مااعرف عنه ؟
شهد تنحرج: مافيه شي انا بطلع غرفتي ابي انسدح
وتطلع وتنتظر طلال بالشباك باقي اقل من 5 دقايق وتصير الساعه 10
ليان : زهر ابي اقولك شي بتنامين ؟
زهر : لا تبين نطلع الغرفه ؟
ليان : يمه تبين شي بنطلع انا وزهر ننام تعرفين بكره لازم نصحى بدري
ام زهر: طيب ياعمري تصبحون ع خير
يارا: يمه وانتي بتنامين ؟ ولا تنتظرين ابوي لين يرجع
ابو زهر: شايفتيني بزر قدامك
يارا تضحك: اقصد انها مابتقدر تنام بدونك
ام زهر: صادقه شهد لسانك صار طويل
.........
بيت ابو رامي
رامي : يمه كلمتي خالتي ام نايف كيفها ديم ؟
ام رامي: كلمتها الحمدلله احسن وبكره بيجون للغداء ان شاء الله
رامي يبتسم : الحمدلله انهم بخير
سيف : يمه والله ماودي ان عمي فارس وخالتي تعبوا نفسهم وسوو غداء عشاني كانت جيتهم لهنا تكفي
ام رامي : تعرف خالتك لزمت علينا وقالت تبي تعزم ع سلامتك وابو زهر بيشكرك لأنك ساعدته يوم طاح
طلال يتذكر عمه فارس ويشوف الساعه وينط ويطلع بسرعه
ام رامي : علامه هالولد بيوقف قلبي بيوم هو وحركاته ذي
ياسمين : لاتخافين يمه تلاقين وليد مرسل له وفز
طلال طلع من بيتهم ويطالع بيت عمه فارس وباقي عمه ماقد طلع
شهد واقفه عند الشباك تنتظر بس تشوف طلال لو لمحه
طلال واقف تحت ويشوفها
شهد تبتسم له
طلال يعطيها بوسه بالهواء : مااقول الا يازين مبسمك اسم ع مسمى فعلاً
شهد : هالمطفوق لو طلع ابوي وشافك والله يلعن خيري وخيرك ياطلال
طلال يغني بصوت عالي : لو ماشفتك في ذيك الليله صدفه لو ماقا...
ابو زهر : طربان اليوم عساه دوم هالروقان
طلال يبوس راس عمه: واللي يشوف وجهك مايروق ؟ هاه مستعد للرياضه ؟
ابو زهر : ايه مستعد بس وين وليد اليوم ؟
طلال: الحين ادق عليه ويجي ويمسك جواله
وليد: هلا ب طليل
طلال: هلا فيك اطلع بسرعه وتعال انا وعمي فارس ننتظرك
وليد: والله انكم عيال حلال توني بطلع لكم يللا جاي
طلال: هذاك هو جاي
ابو زهر: الله يحفظكم والله اني انبسط فيكم
وليد : هلا ياعمي شخبارك وش انت مسوي مع الرياضه
ابو زهر : ابد والله كل شي بخير
ويشغلون المؤقت نص ساعه ويمشون
شهد حاطه يدها ع قلبها : معقوله كل ماشفته بيصير فيني كذا
يارا تهمس بأذنها : اكيد المجنون
شهد تنخرع: يارا شكلك بتوقفين قلبي انتي
يارا: انا اوقف قلبك ؟ ولا الحب طلال
شهد : خلاص انطمي ولا لازم تسمعين كل اللي في البيت وطسي نامي وتروح
يارا: اذا هذا الحب ماابيه وش هالجنون
شهد تكمل الاغنيه اللي غناها طلال : وابتدت اول حكايتنا بمساء الخير
(عند ليان وزهر )
زهر : والله اني كنت عارفه من يوم سألتيني اذا هو وليد ولا
ليان: مدري يازهر بس حسيت بقلبي راح معاه وابي اشوفه وبس لو من بعيد
زهر : ياعمري انا حاسه فيك والله بس لاتقولين امس يوم رحتي عند خالتي ام نايف كلمتيه ؟
ليان: لا ماكان موجود وحتى لو موجود استحي اتكلم معاه تعرفيني ارتبك
زهر : ماابيك تتعذبين مثلي انا اقولك اعترفي له بمشاعرك من بدري
ليان : مدري بس احس ارتبك اذا شفته
زهر تضحك: هذا هو الحب اسأليني
*****************
نجمه لتشجيعي ⭐️