جيتي مثل ربيع ازهر بقلب السيف بُستان

البارت الرابع والعشرين

بيت ابو نايف
وليد : يللا يانايف
ام نايف: مو ع اساس بتنام وراك دوام ؟
نايف: بروح الملعب مع الشباب
ام نايف: بس انك من الصبح صاحي وباقي بتداوم
وليد: ايه ووليد محد مهتم فيه لنا الله
ديم: ملك الدراما انت
ام نايف: انت بترجع تنام لاشغله ولا مشغله هو وراه دوام
وليد عصب: خلاص اجل اسمع كلام امي وانثبر ويطلع
نايف: الله يهديك يمه انا اللي قلت له بطلع ويروح
وليد: والله لو جاتني الوظيفه حتى اخر الدنيا ان اروح ماهي حاله ذي
نايف: تعوذ من الشيطان علامك ماكأنك تعرف امي مو قصدها
طلال: ياوليد علامك الشيطان بين عيونك
وليد مطنقر ماتكلم
سيف : وش فيه اخوك
نايف: كالعاده هواش هو وامي ع الوظايف
سيف يضحك: نفس طلال وعمي هواش طول الوقت
طلال: اذا مالك خلق عادي مابنروح
وليد: لا ماعليك يللا نمشي
ويطلعون للسياره بيروحون الملعب
....................
مر الوقت وصارت الساعه 11 ونص
ابو زهر: اليوم رفيقي ماجاء
ام زهر: طلال ؟ دقيت عليه طيب
ابو زهر : ايه والله دقيت ومارد
شهد بدت تقلق : يمكن بالبيت نايم او شي
ابو زهر : ماظنتي لان ماشفت سيارته
شهد بينها وبين نفسها ليكون صاير لك شي وتقوم
زهر ويارا نايمين
ليان بغرفتها ترسم وتهوجس بوليد
شهد توقف عند الشباك اللي مقابل بيت عمها : وينك فيه ياطلال
وتمر نص ساعه وهو ماجاء وشهد واقفه تنتظره لسى
وتشوف سيارته جايه وتنزل الستاره الا تشوفه نازل من سيارته مع سيف ووليد ونايف
شهد تتنهد : الله لايفجعني فيك ياطلال والله اني صايره مااعيش بدون حسك وراحت تنام
طلال يسولف ويضحك وتأخروا لان فيه مباريات ثانيه
........................
مرت الايام وطلال وداهم السوق وماشاف شهد الا مرتين بس ماتكلم معاها وزهر وسيف اخر مره تقابلوا لما اعطته الهديه صار سيف يداوم ويرجع ينام وزهر ماتشوفه الا من الشباك ومن بعيد وديم للحين ماقالت لرامي وهي ماتدري ان رامي مانساها من اول ماشافها وليان ماعاد شافت وليد لا من قريب ولا من بعيد تخاف تقوله انها تحبه وهو يطلع مايحبها بس هو للحين قلبه فاضي مايحب احد
وانس زاد حبه لياسمين اكثر من قبل ونايف بدأ يحس بحب دانه له
باقي اسبوعين ع الزواج وبيحطون الملكه قبل الزواج ب اربع ايام
...............
عند ابو رامي
ام رامي: كنت ابي اسوي ملكه كبيره واعزم جيراننا ومعارفنا
ابو رامي : ماله داعي والزواج بعد اربع ايام كتب كتاب بحضورنا وحضور اهله وقضينا
سيف: صح يمه دام الزواج قريب مايحتاج تعزمين اذا بتعزمين اعزميهم للزواج
طلال: انا بعد مع ابوي رايي مثله
ام رامي: امري لله بروح اكلم ام نايف لانها قالت ارد لها خبر
.............
ام نايف : اذا هذا رايك ورأي البنات ماعندي مانع لان تعب علينا لو عزمناهم بيجي العرس واحنا مالنا حيل
ام رامي : تمام موعدنا الليله ان شاء الله ويقفلون
ديم : يمه وش قالت خالتي
ام نايف: عائليه قومي اكشخي بنروح لهم
ابو نايف ينادي نايف وانس
انس: هلا يبه
ابو نايف: كلمتوا المملك
انس: ايه يبه نايف كلمه
ابو نايف : ونايف وينه
انس: راح يكوي ثوبه وثوب وليد
ابو نايف: توه يتذكر الله يهديه ويصلحه وليه وليد ماراح هو
انس: وليد قال بينام له شوي
..........
ام زهر تكلم ام رامي
ام زهر: ان شاء الله ع المغرب واحنا عندكم
زهر تكلم نفسها : اخيراً بشوفك ياسيف
يارا : يمه خالتي بيحطونها عائليه ولا
ليان: ايه قالت لي ديم انها عائليه
شهد : زين انها عائليه لان زواجهم قرب اصلاً
يارا تهمس لها: لان زواجهم قرب ولا لانك تبين تشوفين طلولي
شهد : اشش ترى مو فاضيه لك اسكتي