جيتي مثل ربيع ازهر بقلب السيف بُستان

البارت الثاني عشر

عند ام رامي
دانه : يللا ياسمين اخرتينا ترى
ياسمين : وش اسوي يعني مااعرف اطلع من البيت الا وانا كاشخه اخر كشخه وش مستعجلين عليه
ام رامي: بنساعد خالتك استعجلي
رامي : صحيت طلال وهو متحمس كأنه العيد غريبه عليه
دانه: كلنا مستغربين منه تغير في يومين
ياسمين تضحك : سبحان الله لو ندري سفرناه الشرقيه من زمان
ابو رامي : قول له اننا مابنروح الا بعد العشاء باقي وقت
رامي يضحك: ايه الاخ متحمس والله
ام رامي: الله يخليكم لي ويطمني عن سيف قلقانه عليه
رامي: الله يحفظه اول مره يطول في مهمه كذا
ابو رامي: انت جيت بتكحلها وعميتها ليتك ساكت
ام رامي تبكي
ياسمين: يمه سيف بخير لاتبكين بس هو دايم يقفل جواله
دانه تحاول تدارك الوضع : يمه بنتأخر ع خالتي
ام رامي تمسح دموعها : طيب يللا
...............
عند ام نايف
ام نايف: ديم يللا
ديم : جاهزه بس باقي احط الروجج يمه
ام نايف: لك ساعه تحطينه يللا
ديم تنزل من الدرج : جايه يمه
وليد : محد قال انكم مزعجين وماتخلون الواحد ينام
ديم: نام محد مسكك وتطلع
ام نايف: بتجي مع ابوك وانس ؟
وليد : مدري بس مااظن ونايف وينه ؟
ام نايف : دقيت عليه وقال جاي بس ماظنتي انه بيجي من الدوام للعشاء
وليد: اجل حتى انا موب رايح
ام نايف: اجل ليه تسأل
وتطلع ورا ديم
.........
بيت ابو زهر
يدق الباب وتفتح شهد : هلا خالتي وتسلم عليها
ام رامي: كيفك شهوده من زمان عنك وتدخل
دانه وياسمين يسلمون عليها ويدخلون
ام زهر وليان ويارا يستقبلونهم بالمجلس ويضيفونهم
ام رامي : الحمدلله ع سلامة ابو زهر بس وينها زهر مكانها خالي
ام زهر : الحين بتجي
ليان تنتبه وتطلع لزهر
زهر لسى ع نفس الوضع وماجهزت حتى
ليان: بنت قومي خالتي ام رامي هنا وتسأل عنك وانتي للحين ماجهزتي
زهر تففز : طيب قالت ان السيف رجع ؟
ليان: مدري توها جايه البسي وتعالي ونسألها
زهر : يللا الحين اجهز وانزل
دانه: تبون مساعده ؟
شهد : لا تسلمين
ويدق الباب وتفتح يارا لأم نايف وديم
ديم: بنات خالتك هنا؟
يارا : ايه جو قبل شوي تفضلي حياك الله
ام نايف تسلم ع ام زهر وام رامي
ام نايف: عيونك علامها حمراء مانمتي زين؟
ام رامي: لا والله مانمت قلقانه ع سيف
ام نايف : للحين ماجا ولا رد عليك ؟
يدخلون زهر وليان وتنقطع السالفه لما سلموا عليهم
ام زهر : طيب ماكلمتوا اصحابه ؟
ام رامي: تعرفين سيف مو كثير كلام ولا كثير طلعات مانعرف ارقام اصحابه
ام نايف: نايف اكيد يعرف لأنهم مايطلعون الا سوا تبين اكلمه ؟
زهر تطالعها ودها تقولها ايوه كلميه بتطمن ع سيف
ام رامي: كلمي نايف وقولي له قلبي مشغول ع سيف مارجع للحين يكلم اصحابه اذا يعرف احد منهم
ام نايف : ابشري الحين اكلمه
وتدق عليه : وينك ؟
نايف: هلا يمه والله توي راجع وبدخل البيت ليه فيه شي؟
ام نايف: خالتك ام رامي قلقانه ع سيف تعرف رقم احد من اصحابه تسأل وتطمنها لأنها تدق عليه جواله مقفل
نايف: ايه والله عندي رقم واحد من الشباب مع سيف بشوف له واقولكم
ام نايف: يقول عنده رقم واحد من اصحاب سيف بيكلمه ويرد لنا وتلتفت للبنات دانه ياسمين كيفكم ؟ ووش مسوين
دانه وياسمين : الحمدلله بخير
البنات كلهم راحو المطبخ يساعدون بعضهم
ام زهر: سمعت عن دانه وياسمين قالتلي جليله الف مبروك وجعلها زواجة الدهر
ام رامي: حبيبتي يبارك بعمرك كنت انا بقولك من امس بس قلت اكيد تعبانه ومشغوله مع ابو زهر
ام زهر: ماعليك وقررتوا متى تسوون حفلة الخطوبة
ام نايف: ايه والله ابو نايف قال نخليها الجمعه
ام زهر: قريب الجمعه ماعاد باقي الا ثلاث ايام
ام رامي: خلوها الاسبوع الجاي احسن عشان باقي بجهز
ام نايف: ع راحتك اللي تشوفينه
ام زهر : بتعزمون الجيران ولا بس عائليه
ام نايف: والله مدري وشرايك ام رامي؟
ام رامي: نخلي الخطوبة بس عائليه والملكه نعزمهم
.........
عند ابو رامي
رامي: ياولد يللا وش الللي اخرك
طلال يتبخر بعود وكاشخ ولابس شماغ كأنه بالعيد
ابو رامي : وش اللي صابك تراه عشاء ع سلامة مريض منت رايح عرس
طلال: يبه يعني ماتبون احد يلبس شي زين الا بالاعراس والاعياد
ابو رامي يدفه : اقول قدامي انت وهالشماغ
رامي يضحك: شكل ابوي بيمحطك بالعقال ذا اللي ع راسك
طلال مو معاهم يفكر كيف يرجع يشوف شهد وهو مجهز لها كلام بورقه اذا شافها بيعطيها
ويطلعون ويقابلون ابو نايف وانس جايين
انس: الله الله مضيع العيد انت
طلال يضحك: ايه يالنسيب حتى انت تطقطق علي يللا بمشيها لك عشان ياسمين
انس عاجبه اللي قاعد يصير وان صار اسم ياسمين مرتبط فيه
ابو نايف وابو رامي يطالعون فيهم وكأنهم يقولون الحمدلله والشكر
رامي: الله يستر من كشختك انت ويدخلون بيت ابو زهر
ابو زهر يستقبلهم ومتغغير : هلا بأخواني وعيالهم
ابو نايف: هلا فيك يااخوي والحمدلله ع السلامه
ابو رامي: الحمدلله ع سلامتك وخطاك السوء
طلال يبوس راس ابو زهر: الحمدلله ع سلامتك عمي وعساها اخر الاوجاع وكيف صحتك الحين
كلهم مستغربين وش اللي قاعد يصير مع طلال
ابو زهر: الله يسلمكم والشر مايجيكم ابد والله ووين سيف؟
ابو رامي: والله مارجع من امس قال عنده مهمه وجواله مقفل
ابو زهر: الله يحفظه ويخليه لكم
طلال: عمي تبي اساعدكم بشي؟
ابو نايف : ايه اذا فيه شي بنساعدكم
ابو زهر وهو تعبان : لا ارتاح انت خل الشباب يحضرون العشاء كلمت ام زهر تحطه في المطبخ وتفتح الباب الخلفي
يففز طلال : ابشر ي عمي ويطالع انس فزز
انس: انت وش صاير لك ؟ ضربت راسك بمكان ؟
طلال : ليه ؟ عشان بس زرت عمي وخليت المشاكل ع جنب ؟
انس: لا لا انت اكيد صاير لك شي
طلال يضحك ويروحون للباب الخلفي وماشافوا احد الا ام زهر سلمت عليهم واعطتهم العشاء
ام زهر: احد يرجع ياخذ السلطات
طلال: ابششري ياخالتي دقايق واجيك
ام زهر تطلع من المطبخ بعد ماجهزت السلطات لطلال يجي ياخذها
طلال وانس رتبوا العشاء
ابو رامي: ع وين ياطلال تعال
طلال: خالتي قالت ارجع بتعطيني باقي الاغراض
ابو رامي : طيب لاتطول جيبها وتعال بسرعه
وتدخل شهد المطبخ تسوي الشاهي عشان بعد العشاء يشربون شاهي ولحقتها ياسمين
ياسمين : تبين اساعدك بشي ؟
شهد: لا والله بسوي بس الشاهي
ياسمين : الا خليني اساعدك وتجيب الترامس حقت الشاهي بتغسلها
شهد تبتسم : طيب اللي تشوفينه انا بغلى المويه
يجي طلال الكاشخ وريحة العود فايحه منه ويلمح زول شهد
ويصفن في مكانه ويشوفها هالمره بكامل كشختها وانيقه وكان الشعر يجي ع وجهها ولمته وتسوي الشاهي
طلال يقرب من الباب: يازين زولك ويازين الشاهي بعد
شهد ماتدري ان احد قاعد يشوفها اصلا
ياسمين تلتفت بتكلم شهد الا وتشوف اخوها طلال وهو منجد الحب طار فيه وتحاول تخليه يروح بدون ماتشوفه شهد
ياسمين : شهد انا بكمل الشاهي وانتي روحي شوفي خالتي وش تبي نسوي غير الشاهي
شهد : ي عمري تعبتك طيب بروح وارجع لك بسرعه انتبهي للشاهي عالفرن وتروح
وتطلع ياسمين بسرعه لطلال : يافاهي انت وش تسوي هنا ؟
طلال وهو صافن وماسمع ياسمين
ياسمين تقرصه : وشش تسوي هنا انتت ؟
طلال توتر : هاه وش اسوي يعني خالتي قالت اجي اخذ السلطات
ياسمين : طيب خالتي قالت لك خذها مو تقعد صافن شوفها قدامك
طلال وهو مضيع علومه : اللي كانت معاك شهد بنت خالتي صح؟
ياسمين : ايه ؟ لاتقول انك شفتها ؟
طلال : لا بس سمعت صوتها ويروح
ياسمين : والله مدري عنك ياطلال
طلال يمشي بشويش كأنه يمشي ع بيض وعقله مايفكر الا بشهد وزول شهد وصوتها
ابو رامي : علامك طولت
انس يضحك : انت رحت تجيبها ولا تقطعها
ابو زهر : اجلس ياولدي قبل يبرد العشاء
طلال مبتسم وصافن ناسي كل اللي حوله
ابو نايف بصوت عالي : طلااال علامك ؟
طلال: هلا ! تبي شي ؟
ابو رامي ورامي يطالعون بعض ويضحكون
رامي: من يوم راح الشرقيه وهو صاير كذا ماندري علامه
ابو نايف : ليكون ضرب راسه او دخله جني
طلال : علامكم مستلميني اليوم خلاص تعشوا بالعافيه انا بنتظر الشاهي ( يبي يذوق شاهي شهد)
خلصوا العشاء وجاء وقت الشاهي والسواليف
ام رامي : رد عليك نايف ؟ كلم صاحب سيف ولا
ام نايف : والله مارد علي لسى
زهر بتموت قلق : طيب خالتي جربي كلمي السيف الحين شوفي جواله مقفل ولا لا
ام رامي: توني داقه باقي مقفل انا قلبي مو متطمن
زهر بدأ يبين عليها القلق: لا خالتي ان شاء الله مو صاير شي
..............
عند نايف
نايف : اخيراً رديت يارجال اخبارك وش علومك دقيت عليك ابي اسألك عن سيف من امس مايرد علينا وقايل لأهله انه راح مهمه
تركي: والله الحمدلله لكن سيف جاته اصابه لأنهم كانوا متسلحين والحمدلله جات بسيطه وجواله مااخذه معاه تركه في المركز واعطيته وعد مااكلم اهله لكن دام انك دقيت لا والله قلت اعلمك
نايف يفز وبصوت عالي : وانا ولددد ابوي متى تصاوب ووينه الحين في اي مستشفى واصابته خطيره ولا
تركي: لا والله ماهي خطيره بس اصابه بالكتف وقالوا له يومين ويطلع
نايف: بأي مستشفى انتم ؟
تركي: مستشفى قوى الامن
نايف : انا الحين جايكم
وليد : علامك ماتخلي الواحد ينام وش صاير لك
نايف: سيف تصاوب وانا رايح له ويطلع بسرعه
وليد بخور السوق فعلاً ويمسك جواله ويكلم امه
ام نايف: الو هلا وليد توك صحيت ؟
وليد : يممه سيف تصاوب ونايف طلع راح له زوجة عمي تدري ؟
ام نايف تفز وبصوت عالي: وششش تقول انت ومتى تصاوب ووينه وكيف حالته
وتفز ام رامي وزههر ويطالعون ام نايف يبون يعرفون مين تصاوب
ام نايف تقفل الخط وتطالع ام رامي وهي عيونها امتلت بالدموع : وليد يقول قاله نايف ان سيف تصاوب وراح له
وتطييح ام رامي من طولها وتبكيي : سييف انا قللت لكم ان قلبي ماهو مرتاح
ويغغمى ع زهر من جهه ثانيه ويركضون البنات يشيلونها وهي فاقده الوعي
وتدق ياسمين ع رامي وطلال وتقولهم اللي صار
طلال: مين قال لكم ووينه ؟
ياسمين : مدري خالتي تقول وليد كلمها
يقفل طلال ويرمي شماغه ويدق ع وليد ويطلع من المجلس
ابو رامي : رامي رح الحق اخوك وشوف في اي مستشفى واحنا بنلحقكم مع انسس
ويطلعون ابو رامي وابو نايف وابو زهر مع انسس
ليان تدق ع ابوها مايرد
ام زهر ماتدري تركض لأختها ولا لبنتها

********************
انتهى البارت
ادعموني بنجمه واعطوني رايكم دعمكم لي يشجعني اكمل
وان شاء الله يوصلكم اشعار تنبيه 🤍