جيتي مثل ربيع ازهر بقلب السيف بُستان

البارت الثاني والثلاثين

سافر سيف وزهر لشهر العسل
دانه بدت تتعب من الوحام وكرهت نايف بسبب الوحام
ياسمين وانس كل يوم يطلعون مكان وكانوا عصافير الحب
طلال ووليد انقطعت اخبارهم بعد مادخلوا الدوره
ام زهر كل يوم تبكي ع زهر اشتاقت لها
ام رامي تفكر بعم سيف ليه جاء بعد كل هالسنين
.........
بيت ابو نايف
نايف: يمه شخبارها دانه؟ كل ماشافتني استفرغت
ام نايف تضحك: يابعد عمري كذا الوحام وان شاء الله يجي الولد يشبهك
نايف يضحك : لو صار شي كلميني بروح الدوام
ديم  : انا انصحك ماعاد ترجع البيت لين تخلص دانه وحام
ام نايف: بنت وش فيك ع اخوك
ديم : طيب امزح معه يمه
................
عند سيف وزهر
زهر كل الرحله تصور سيف
سيف يضحك: صوري لخالتي المناظر وشو له تصورين خشتي
زهر: والله ان وجهك احلى ماخلق ربي
سيف: والله انك يازهر نعمه ربي عطاني اياها ويحضنها
زهر : يااجمل عطايا الله مارح اشبع من حضنك لو عشت فيه العمر كله
....................
وتمر الايام والشهور
دانه صار لها ثلاث شهور ونص بالحمل
ياسمين حامل ولها شهر وانس طاير من الفرحه انه بيصير اب
رامي اشترى البيت اللي جنب اهله وقرر يتزوج ديم
...................
بيت ابو رامي
زهر: خالتي تبين قهوه اقوم اسوي لك ؟
ام رامي : ايه والله بالي مشغول مع طلال اليوم كمل ٣ شهور وللحين مادق ولا كلمني
ابو رامي: والله اني فقدته ماعاد ابيه يتوظف
ام رامي تضحك: اييه مو انت اللي كنت كل صبح تزن عليه هذا هو راح
ام رامي : زهر سيف مارجع من دوامه للحين؟
زهر : ايه خالتي وكلمته وقال جاي بالطريق
ابو رامي : ورامي خلاص قرر يسكن ببيته لحاله؟
ام رامي: ايه وكلمني يبي ديم بنت عبدالرحمن اخوك بس باقي ماكلمتهم
ابو رامي: الحمدلله انه قرر يكمل نص دينه ويتزوج
زهر جابت القهوه وجلست مع خالتها وعمها
سيف جاي بيدخل البيت ويجيه راشد ولد عمه بسيارته وينزل وهو مو شايف قدامه
سيف: هلا راشد
راشد يصارخ : لا هلا ولا مسهلا انت يالملعون من انت عشان ابوي يكتب وصيته بأسمك؟
سيف: اي وصيه ووش تتكلم عنه؟
راشد بصوت عالي : تسوي نفسك طيب وماتبي شي وانت متفق مع ابوي قبل يموت ويكتب بوصيته ان نص املاكه بأسمك
سيف يعلى صوته : احترم نفسك وانا توني ادري معك ان ابوك اللي هو عمي مات ولا ادري عن وصيتكم ذي ف ياليت تنقلع من قدام بيتي ولا اشوف رقعة وجهك
تسمعه زهر : عمي هذا صوت سيف وش فيه
ابو رامي يركض ويطلع ويشوف سيف ومعاه راشد ولد عمه
وتاخذ زهر طرحتها وتشوف من الباب هي وام رامي
راشد: ترى مو يعني انك شرطي تقدر تهددني ولا ترفع صوتك علي
ابو رامي : ياولد انت علامك وش تسوي قدام بيتي
راشد يضحك ويستفز سيف: ايه بيتك ياعم مو ذا اللي ماله بيت ويقول بيتي ( ويأشر ع سيف)
سيف يمسك راشد من يده: اصبعك ذي لو رفعتها مره ثانيه بوجهي كسرتها لك ويدفه
ابو رامي: كبر عقلك ياسيف واتركه
سيف بيجي يدخل ويرفع عليه راشد السكين
زهر تصررخ : سييف
راشد طعن سيف بس ماكانت عميقه بس خدش
سيف ع طول لف يد راشد وسنده ع السياره : والله لو انك مو ولد عمي وبززرر كنتتتت ححطيتك بالسجن انقلع ولا اشوفك هنا
زهر شافت الدم من كتف سيف وطاحت مغمى عليها
سيف يركض لزهر ويشيلها : زهر وش فيك
ام رامي : يللا باخذ عبايتي وعبايتها ويدك ياسيف تنزف
سيف مو مهتم بجرحه : يمه الحين المهم زهر ويحطها بالسياره ويمشي
ام رامي : الله يهديك ماانتظرني اجي معه
ابو رامي : كلمي رامي نلحقه المستشفى
طلال اللي جاي يبي يسوي لهم مفاجأه خربت مفاجأته ويشوف ابوه عند باب البيت
طلال ينزل بسرعه من السياره : يبه وش فيكم وش صاير ويطالع الارض يشوف دم ويقلق اكثر
ابو رامي : هلا بطلال ويحضنه انت ماكلمتنا متى مشيت ومتى جيت
طلال يبوس راس ابوه : هلا فيك يبه بعدين اجاوبك بس انت جاوبني وش صاير؟
ام رامي تطلع بسرعه الحين رامي بيمرنا وتشوف طلال
ام رامي تبكي وتحضنه : هلا بولدي هلا بالغالي فقدتك ياعين امك ال ٣ شهور كأنها سنه
طلال يبوس يد امه : هلا فيك والله اني انا اللي فقدتكم يمه بس ع وين انتي وابوي من مين هالدم؟
ام رامي: جا ولد عم سيف جعل مافي عم وتهجم ع اخوك بالسكين وزهر ماتحملت وطاحت علينا نبي نلحقهم المستشفى
طلال: وانا ولد فايز يضربه ويتهجم عليه قدام بيته وولد عمه وكيف عرف البيت ووين كان كل هالسنين
ابو رامي : بعدين نقولك الحين ادخل ارتاح
رامي يدق بوري ويطلع من سيارته : هلا بطليل هلا برجل الامن ويسلم عليه علام لونك انقلب
طلال يضحك : ٣ شهور لا نوم مثل الناس وبالشموس وش تبيني اصير بس خلنا من ذا ولد عم سيف كيف تجرأ عليه؟
رامي : والله ياخوك مدري بس بلحقهم المستشفى واعرف
ام رامي: يابعد عمري ادخل ارتاح واحنا بنطمنك
طلال: طيب طمنوني
سيف توه واصل المستشفى وزهر لسى فاقده الوعي
سيف يدخلها الطوارئ وماخلوه يدخل : الله يحميك يازهر لو صار لك شي والله مايسلم راشد ويمسك مكان الجرح ويروح للضماد يعقمون جرحه
زهر حطوا لها مغذي واخذو لها تحاليل
تجي ام رامي وابو رامي ويسألون عن زهر ويطلع سيف
سيف: يمه ليه جيتوا كنت انا بطمنكم ع زهر
ام رامي تبكي: انت كيفك ورني الجرح وش قال لك الدكتور
سيف : اهدي يمه بسيطه جرح عادي وضمدوه
ام رامي: الله ياخذ عمك وعياله
سيف : عمي مات قالها لي راشد وعشان كذا جاي يهاوش ان ابوه كتب لي شي بالوصيه
ام رامي: الله لايرحممه ولايسامحه
ابو رامي: استغفري ربك مايصير هالكلام
سيف: ايه يمه خلاص مايجوز ع الميت الا الرحمه
ام رامي: وبتخلي راشد ذا يروح بدون ماتحاسبه ؟
سيف: ماني فاضي له هالبزر الحين
زهر تصحى وتنادي سيف
الممرضه: ارتاحي لسى ماخلص المغذي
زهر: جججيبولي سسيف انا ابي اشوففففه وينه
يسمعها سيف ويدخل
الممرضه: ممنوع يااخوي هذا قسم النساء
سيف : بس دقايق ابي اتطمن ع زوجتي
زهر تبكي: سييف وتحضنه بقووه انت بخير ؟ وش سوا فيك هذاك المجنون والله لو صارلك شي اذبحه بنفسي
سيف يمسح دموعها ويمسك وجهها بيدينه : انا مافيني شي ياحبيبتي شوفيني قدامك مافيني الا العافيه
زهر تتفقده وتشوف وين انجرح : الله يكسسر يده ولايوفقه
سيف يضحك: مافيني شي والله يالزهر انتي ارتاحي شوي وتجي التحاليل
رامي يدق ع سيف : اطلع امي تقول انك انجرحت وولد عمك ضربك بسكين
سيف : بسيطه وانا اخوك يللا جاي
زهر تمسك يده وتشدها : لاتروح وين بتروح ؟ سيف لاتروحح
سيف يبوس يد زهر : اهدي ياعيوني انتي بكلم رامي هو برا وبرجع لك
زهر: لاتكذب علي انت بتروح للدكتور فيك شي صح ؟
سيف يضحك ويبوسها من جبينها : والله العظيم بقابل رامي وامي وابوي برا بطلع واخلي امي تجيك
زهر تقرصه : تضحك وانا قلبي محترق خفت عليك
سيف : طيب ماعاد بضحك بس لاتقلقين وارتاحي انا بطلع لرامي وبشوف تحاليلك
ام رامي: زهر سلامتك يابنتي
زهر: الله يلسمك خالتي
سيف : يللا انا شوي وارجع