جيتي مثل ربيع ازهر بقلب السيف بُستان

البارت التاسع والعشرين

بيت ابو نايف
ام نايف: ايه كان كل شي يجنن حتى فستان زهر
ديم : ايه ماشاء الله بنات عمي فارس كل وحده تقول الزين عندي
ام نايف : الله يحميهم ويوفقهم
دانه : تبين شي خالتي بطلع اشوف نايف قبل ينام وتطلع
ياسمين كاشخه بس جالسه بالصاله مع ديم وام نايف
دانه تدخل ونايف يغير ملابسه وتقعد تطالعه
نايف: هلا بدانة قلبي اللي كنت انتظر اشوف كشختها متأكد غطيتي عالعروس
دانه تضحك: انت محد قالك انك بكاش وكذاب ؟
نايف يسحبها لحضنه : لا مين يتجرأ يقول
دانه تحضنه: ايه بس انا اقول اجل تنتظرني وانت طلعت للغرفه وماسألت عني
نايف يضحك: والله ان توني طالع قلت بغير وانزل قبل تجون
دانه : اييه خلاص صدقتك
انس يجي كان عند ابوه بالغرفه
انس: فيه ملاك جالس بالصاله شفتوه ؟
ياسمين تستفزه: لا ماشفنا ملاك فيه ياسمين وديم وجليله
ام نايف تضحك: انت مارح تعقل انا بقوم غرفتي
ديم : ياعصافير الحب بنفضي لكم الجو بطلع غرفتي
ياسمين : نقوم غرفتنا؟
انس يمسك يدها ويروح غرفتهم ويقفل الباب ويحدها عالجدار : اجل تقولين ماشفتي الملاك؟
ياسمين تضحك: تحاول تفك نفسها منه بس عاد لاتبدأ بحركاتك ابي اغير لبسي وامسح مكياجي وانام تعبانه
انس : اعطيني بوسه واسمح لك
ياسمين تطالعه وتخزه : انت تستغل الفرص دائما؟
انس : كشفتيني طيب ويضححك
ياسمين تبوسه بسرعه ويوقف ضحك ويصفن
انس: مااتفقنا ع كذا
ياسمين : خلاص اعطيتك حبيبي فكني
انس يرجع يبوسها من خدها بشويش : الحين تقدرين تروحين
ياسمين : والله اني احبك وتهرب الحمام
انس : ترى مره ثانيه ماافكك ويضحك
...................................
بعد مرور اسبوعين
دانه تعبانه وتحس نفسها مو طبيعيه وتكلم نايف يوديها المستشفى
نايف لابس بدلته العسكريه جاي من الدوام : وش فيك يادانة قلبي يللا السياره خليتها شغاله
ياسمين: تبين اروح معك دانه ؟
نايف: لا مايحتاج انا معاها واذا فيه شي بكلمكم
انس : الله يحفظكم طمنا
ام نايف: ان شاء الله يكون خير
ديم : ان شاء الله اصلا دانه مارضت تاكل وصايره تتقرف من الروايح بزياده
ياسمين : بكلم امي اقولها
ام نايف: لاتفجعينها انتظري يردون لنا خبر
....................
عند ام زهر
قرب زواج سيف وزهر وباقي عليه بس اسبوعين
شهد طلال حبهم صار اقوى بس طلال قال مارح يتقدم لها لين يتوظف
.........................
عند ام رامي
طلال ينادي امه وابوه ومبسووط: يممه جاني قبول الحمددلله توهم ارسلوا لي
ام رامي : الفف مبروك اي وظيفه ؟
طلال : امن المنشآت يمه اللي رحنا نسوي مقابلتها انا ووليد
ام رامي : بالشرقيه ؟
طلال: ايه يمه ورح اخش الدوره بعد اسبوع
وليد يتصل ع طلال
وليد : يارجال جاتني رسالة قبول تذكر المقابله اللي رحناها و....
طلال: ايه حتى انت جاتك رساله ؟ والله اني محظوظ انا وانت بنفس الوظيفه
وليد: بشرت ابوك ولا باقي؟
طلال: لا والله لسى قلت لأمي بس
وليد: انا باقي ماقلت لهم
طلال: قول لهم وش تنتظر طيب لازم نتجهز ونحرك للشرقيه
وليد يضحك :يللا خل ابوي وابوك يرتاحون من الزن
طلال : ايه كل ماافتح عيوني جات سالفة الوظيفه
وليد: اجل يللا طس بشرهم وانا رايح ابشر امي وابوي
ام رامي: ومين قال اني ابيك تروح الشرقيه؟
طلال: يمه انقبلت من قائمة الانتظار مابضيع الفرصه وهي جات لعندي
ام رامي: وتخلي امك؟
طلال: الله يهديك يمه بس الدوره ٣ شهور بالشرقيه وبعدين مدري وين يودوني يمكن يرجعوني هنا ماتدرين
ام رامي تبكي: لاتتوظف وخلك قدامي ولا انك تروح الشرقيه
طلال يبوس راس امه: ترى كلها ساعه ونص للشرقيه ماهي اخر الدنيا
ام رامي : الله يوفقك وينور دربك بس تقول بتروح بعد اسبوع يعني مابتحضر زواج اخوك؟
طلال: والله يمه ان هالشي غبني بس وش نسوي هذي هي الحياه وسيف اكيد بيعذرني وبكلمه لما يجي
رامي يدخل : السلام عليكم وش صاير يمه ليه تبكين؟
طلال: عشان انقبلت بوظيفة بالشرقيه
رامي : اسألك بالله انك انقبلت الف مبروك اخيرا بترتاح من محاضرات ابوي
ام رامي: وانت مبسوط ان اخوك بيروح
رامي: الله يعطيك العافيه يمه ذي وظيفه ولو فوت الفرصه ماعاد به وظايف ولا تبينه عاطل باطل (ويروح غرفته)
ابو رامي توه جاي من صلاة المغرب: طلال وينك ماشفتك بالمسجد
طلال : والله يبه توني صحيت وعندي لك بشاره
ابو رامي : وانت بس تفوت صلاة الجماعه
طلال: طيب مابزعل هالمره بس اسألني وش هي البشاره
ابو رامي: يللا اتحفنا وش عندك
طلال يبوس راس ابوه : ولدك بيودع العطالة انقبلت بالوظيفه
ابو رامي : ايه هذي الاخبار الزينه ووين انقبلت وايش هي الوظيفة
ام رامي: بيروح علينا الشرقية
طلال: يمه لاتبكين ولاتنكدين ربي كتب هالوظيفه
ابو رامي : الف مبروك وين ماكان رزقك روح امك ماتبيكم تفارقونها
ام رامي:مين الام اللي تبي عيالها يفارقونها
طلال: يمه هذا رزق ومحد يعترض ع رزقه انا بطلع شوي ويمكن اقابل وليد حتى هو انقبل معاي
ابو رامي: الحمدلله يعني ولدي وولد اخوي ودعوا العطالة وصاروا موظفين
.............................
عند ابو زهر
ابو زهر: امك واخواتك باقي مارجعوا من السوق؟
شهد: لا والله يبه لسى تعرف يارا صعبة الارضاء باقي مالقت فستان
ابو زهر: الله يسعدكم يابنتي وعقبال اشوفك عروس مثل زهر
شهد تبتسم وتروح ويدق الباب
شهد : ممين
طلال يبتسم: حبيبك اللي يفرح بصوتك
شهد تحط يدها ع قلبها وتفتح الباب لطلال وتشوفه : جاي بدري اليوم مو موعدك مع ابوي ١٠ ؟
طلال يتغلى: خلاص اجل بروح ماتبيني
شهد : تعال وين رايح يامطفوق
ابو زهر : ياشهد فتحتي الباب ؟ سمعته يدق
طلال سمع صوت عمه وتوتر ويرجع بسرعه لعند الباب
شهد: ايه يبه طلال يبيك
طلال يضحك: كنت ابي اقولك قبل عمي بس خلاص بقوله قبلك
شهد : ابوي جا بدخل
ابو زهر: هلا بطلال تفضل توه جهز الشاهي
طلال : زاد فضلك ياعمي ويدخل
شهد توقف عند باب المجلس تبي تعرف وش عند طلال
ابو زهر يصب له شاهي: اليوم شكلك تبي نقدم وقت رياضتنا
طلال يضحك : لا والله بس جاي ابشرك انت وخالتي
ابو زهر: والله خالتك والبنات بالسوق مافي الا شهد هنا
طلال : بارك لي جاتني وظيفه الحمدلله
ابو زهر: الف مبروك ياولدي والله اني فرحت لك وين انقبلت وفي ايش
طلال: الله يبارك فيك ياعمي والله انقبلت انا ووليد ب امن المنشآت وبنروح الشرقيه بعد اسبوع
ابو زهر: الله يوفقكم وييسر اموركم ومتى بتمشون؟
طلال: والله بعد يومين ثلاث بنروح نضبط امورنا ونشوف وش الوضع
شهد حزنت ماتبي طلال يروح وانقلب مزاجها
ابو زهر: الله يوفقك وان شاء الله يكون بداية خير عليك
طلال: ماابي اشغلك ياعمي بروح اجهز لي كم غرض
ويطلع طلال وتناديه شهد مع الباب الخلفي
شهد والدموع بعيونها: طلال
طلال: ياعيون طلال ويشوف الدموع بعيونها علامك وش مبكيك يابعد روح طلال
شهد تنزل دموعها: انت اجل تبي تروح الشرقيه وتتركني ؟
طلال مسك نفسه مايحضنها: مارح اتركك اول مااخلص الدوره برجع وبخطبك من عمي
شهد : والدوره كم شهر تبيني مااشوفك شهور يعني؟
طلال: ٣ شهور وارجع لك ياقلب طلال وبكلمك كل يوم ولا تبين زوجك يكون عاطل بعدين؟
شهد تبكي: ايه عاطل بس ماتروح عني
طلال قرب ومسك يدها ويحطها ع قلبه: والله واللي اعطاني هالقلب وزرع حبك فيه ان دموعك غاليه علي لو تبيني مااروح مابروح
شهد تمسك يده: لا مارح اوقف بينك وبين الوظيفه بس ابيك تطمني كل يوم عنك لاتختفي وتخلي قلبي مشغول عليك وانتبهلي عليك
طلال: من عيوني اي اوامر ثانيه ؟
شهد تضحك وتبكي بنفس الوقت: لا يامطفوق بس روح قبل يطلع ابوي او تجي امي
طلال : جعلني اروح فدى لهالضحكه ياشهد
شهد: انا كلي فدى لك ياروح شهد بس ماتبي تعطيني رقمك؟
طلال يضضحك ويدق من جواله عليها : عندي رقمك كنت اراقبك
شهد تضحك: ويلوموني فيك ياطلال امانه حط بالك ع نفسك
طلال: وانتي بعد لاتهملين وجباتك ولاتبكين انا راجع ان شاء الله ويمشي
شهد : استودعتك الله ياروحي وحبيبي
طلال طلع وهو قلبه يوجعه لما شاف دموع شهد ويتنهد
********************
⭐️