جيتي مثل ربيع ازهر بقلب السيف بُستان

البارت الثالث والثلاثين

عند زهر وسيف
سيف : والله انها بسيطه انت دكتور وتعرف
رامي: طيب ووش بتسوي براشد ؟
سيف: والله مدري ماابي اسجنه واكبر الموضوع لحظة غضب
رامي: انت طيب بزياده طيب طبق القانون واسجنه شروع في القتل
سيف يضحك: اي اطبق القانون بس راشد بزر جا من غضبه ع الورث
سيف : يللا بروح اشوف للدكتور اذا طلعت تحاليل زهر
رامي : تبي اجي معك ؟
سيف: لا مايحتاج والله تعبتكم معي خذ امي وابوي وارجعوا قبلنا البيت
رامي : طيب بدق ع امي واقولها
سيف يقابل الدكتور جاي لغرفة الطوارئ ويسلم عليه انا جيت بسألك عن تحاليل زهر فارس
الدكتور : ايه وانا جاي لها تعال معي
سيف: كيف تحاليلها فيه شي يادكتور
الدكتور : الحين بتعرف
زهر: والله ياخالتي ماقصرتوا عادي روحوا انا وسيف رح نلحقكم قرب اصلا يخلص السيروم
سيف: زهر يمه الدكتور معي
الدكتور : كيفك يازهر الحين وش تحسين فيه؟
زهر: الحمدلله يادكتور بس شوية دوخه
الدكتور : ايه هذا طبيعي وقت الحمل الدوخه والغثيان و..
سيف تحممس: يعني زهر حامل؟ ويحضنها الحمدلله يارب
زهر تحضنه بقوه : الحمدلله ياحبيبي وبتصير احلى واحن اب بالدنيا
سيف: دكتور كيف نعرف هي ب اي شهر؟
ام رامي: الف مبروك يابنتي الله يقومك بالسلامه انتي والبيبي
الدكتور: لازم تسوي سونار والحين كتبت لكم ع عيادة النساء والولاده والف مبروك ويروح
سيف مشاعره مختلطه : الحمدلله يارب انك بتصيرين ام لعيالي يازهر
ام رامي: الف مبروك ياولدي الحمدلله بشوف عيالك وانا عايشه
سيف يبوس راس امه : جعل لك طولة العمر يمه وتزفينهم عرسان
ام رامي: طيب تبون شي قبل امشي ؟
سيف: سلامتك يمه تعبتكم معي
ام رامي: وانت لاتهمل جرحك شوف اذا يحتاج له خياطة
سيف: لا والله يمه سطحي واسألي رامي اذا مو مصدقتني
ام رامي : طيب بنشوف عنادك لوين بيوصلك وتطلع
زهر تمسك يد سيف: انت بخير اكيد؟
سيف: وراسك يازهر اني بخير ومافيني الا العافية
زهر تشد ع يده: الله يخليك لي وجعل يومي قبل يومك
سيف يحط يده ع فم زهر: ماابي اسمع هالكلام مره ثانيه انا وش ابي بحياه انتي مو فيها
زهر تبتسم : والله اني احبك واحب هالعيون الناعسه ان شاء الله ولدنا او بنتنا يجي يشبهك
سيف: لا انا ابي اشوف زهر صغيره
الممرضه تجي : فيه موعد لها عند عيادة النساء والولاده ممكن تجون معي
ويقوم سيف ويمسك زهر
سيف: بتقدرين تمشين ولا اشيلك؟
زهر تضحك: ياحبيبي ترى حامل مو مشلوله
سيف يضحك : وش اسوي عاد خايف عليك
...................
عند ابو رامي
يدخل ابو رامي وام رامي ورامي
طلال: لو نمتوا هناك احسن وين اللي بيطمني شف كم مكالمه
ياسمين تحضن امها : يمه قلقت عليكم وش صار
دانه : يمه ياسمين قالت لي سالفه وطلال سالفه وش صاير؟
ام رامي تطالع طلال: ماتدري ان اخواتك حوامل ومو صحي لهم الخرعه ؟
طلال: وش دراني يمه قلت اعلمهم احسن من يعرفون من غيري ويزعلون
ابو رامي: حركاتك مابطلتها
رامي يضحك: والله اني اشتقت لهواش ابوي وطلال
ياسمين : يمه سيف كيفه لاتخبون علينا
ام رامي : والله انه بخير وعندي لكم خبر حلو
دانه: وش فيه نبي نفرح
ام رامي : بتصيرون عمات زهر حامل
ياسمين : ياي الحمدلله ماكنت اتخيل اني بشوف عيال سيف
دانه: ياحبيبي ياسيف متأكده رح يكون احن اب
طلال : يمه دام تطمنت ع سسيف بروح انسدح وانام
ام رامي : ارتاح ياحبيبي
رامي: ماتبي تنام عندي في بيتي ؟
طلال: اخصص وش هالاخبار عندك بيت؟
رامي: ايه اللي هنا جنبنا تذكره اللي كان للبيع
طلال: ايه ماشاء الله واضح تصميمه حلو
رامي: اذا تبي تعال
طلال : بكره اخذ قشي واجيك الحين ابي انام
رامي: اللي يريحك يللا يمه انا بروح
طلال يدخل غرفته وينسدح ويفكر بشهد : كنت ابي افاجئك ياشهد بس جيت ع عائلة المفاجأت ويمسك جواله ويرسل لها " يقولون القمر مختفي اليوم ماطلع"
شهد كانت مكتئبه حتى ماعاد اكلت الا قليل بسبب بُعد طلال عنها وتفز ع صوت الجوال
شهد تمسك جوالها طلال ولا انا اهوجس ؟
شهد ترد : القمر اختفى من ثلاث شهور ندوره ومالقيناه
طلال يضحك : اخخ حبيبتي وخفة دمها والله اني اعشقك ويتصل
شهد: الو مين معي ؟
طلال: افا شكل حبيبتي نستني
شهد تضحك: لا حبيبتك اشتاقت لحبيبها المطفوق اللي ماقال لها متى بيجي من الشرقيه
طلال : انتظري دقايق خليك عالخط ويطلع طلال من البيت ويوقف عند بيت عمه فارس
شهد: وش فيك طولت
طلال: افتحي الشباك وشوفي
شهد: تقوم وتفتح الشباك وتشوف طلال وتصررخ انت هنا متى جيت وليه ماكلمتني اول ماطلعت وليه ماقلت لي بالطريق
طلال يضحك: شوي شوي كيف بجاوبك ع كل ذا قبل ساعه كذا وصلت وكنت ابي افاجئك
شهد بتطير من الفرحه: نور الرياض بجيتك ياحبيبي والله اني ملكت الدنيا بشوفتك
طلال يغني بصوت عالي: لمحته وارتعش قلبي وضاعت مني انفاسي...
شهد تضحك: يامجنون اسكت خلاص لايطلع لك ابوي وابوك
طلال يضحك : خليهم يجون بقول لعمي ان بنتك سرقتني
شهد : ايه هين يمكن ابوي يخليك ترجع للشرقيه مره ثانيه
طلال : لا ماعليك انا وعمي بنتفاهم نسيتي انه رفيقي
شهد: طيب حبيبي انت ماكنت تاكل ؟ نحفان بشكل
طلال: ايه كنت افكر فيك وانسى الاكل
شهد : لاتخلي ضميري يأنبني الحين
طلال يشوف سيارة سيف جايه: طيب يابعد روحي اختك وسيف جايين بعدين اكلمك
شهد وهي فرحانه : طيب ياحبيبي وتقفل
شهد تكلم نفسها : رديت روحي ياطلال
يارا: الله الله رايقه حبيبك رجع ولا ايش؟
شهد: ايه رجع ورجع روحي معه
يارا: الله يشفيك صرتي مجنونه بطلال
شهد : اييه وش عرفك بالحب
يارا: الله لايبلانا بهالحب واصير مجنونه مثلك وتطلع
.................
عند ابو رامي
ام رامي: بشريني وش قالو لك ؟
زهر : قالوا اني بالاسبوع الخامس
دانه : الف مبروك حبيبتي والله يتمم حملك وتقومين بالسلامه
زهر: يبارك فيك حبيبتي ويقومك بالسلامه بعد
ياسمين : يابعد عمري يازهر مابيني انا وانتي شي بنجيب عيالنا مع بعض
زهر تضحك: اييه ونلعبهم سوا
سيف: تبين اطلعك ترتاحين؟
زهر : لا بسولف مع البنات شوي انت اطلع ارتاح
دانه : ورني مكان الجرح الله يكسر يده 
سيف: بسيطه ياعين اخوك جات سطحيه
ياسمين: بسم الله عليك ربي حماك لنا
ام رامي: قلبي كان بيوقف عمانه وعيالهم مو ناوين يتركونه بحاله
زهر: طيب وش ذنب سيف اذا عمه اوصى له بشي عشان يجي يتهجم عليه
ام رامي: يبي يبري ذمته بس بعد ايش وزوجته انا اعرفها شرانيه وتلاقينها هي مرسله ولدها
زهر: استودعتك الله ياسيف
ام رامي: بشرتي امك ولا اقولها انا؟
زهر : ايه ياخالتي كلمتها واحنا جايين
ام رامي: الله يتمم عليك فرحتك وحملك
تكلم دانه وياسمين : اخبار ديم ؟
دانه: طيبه الحمدلله ماعليها
ام رامي: كلمني رامي اكلم خالتك ام نايف اخطبها له
ياسمين: حبيبي رامي زين مااختار ديم لايقه عليه
ام رامي تطالع الساعه : مدري خالتك لسى صاحيه
ياسمين : ايه توها الساعه ١٠ ماتنام الحين
ام رامي : بقوم اكلمها نفرح رامي له ثلاث ايام من يوم كلمني
زهر: ياعمري ان شاء الله ديم توافق وتصير سلفتي
دانه تضحك: انا ياسمين سلفتي ومدري مين بتكون سلفتنا الثالثه
*******************