جيتي مثل ربيع ازهر بقلب السيف بُستان

البارت السابع والثلاثين

الساعه ١٠ بالليل
بيت ابو رامي
طلال داخل ويعرج انلوت رجله في الملعب
سيف: علامك ؟ وش صار لك ؟
طلال يضحك: لو اني سامع كلام امي ومارحت انلوت رجلي بالملعب
سيف: انت ماترتاح لين تخرب ليلة ملكتك
ام رامي تجي من المطبخ: وش فيك ياطلال ؟
سيف يضحك: ولدك مهبول بكره ملكته وهو يعرج
طلال : كنت ابي ارقص
ام رامي : الله يهديك قلت لك لاتروح بس ماتسمع كلامي اشووف ورني
طلال: عادي يمه مو خطيره بحط ثلج وخلاص
ام رامي: ايوه وانت مسوي نفسك دكتور
طلال: لا قالت لي دكتورتي زمان احط ثلج
سيف يضحك: ومين دكتورتك؟
طلال : انا بقوم غرفتي ابي انام والله احس اني تعبان
ام رامي: ايه عشان مره ثانيه تسمع كلام امك
طلال راييق لان بكره ملكته ع حبيبته
سيف: الله يهديه ويعقل
ام رامي: والله ان بكره اخاف يجنن بنت اختي معه
سيف: لا ان شاء الله انها تغيره وتعقله
ام رامي: الا زهر مابتجي اليوم؟
سيف: لا والله قالتلي بتنام هاليومين عند امها عشان ملكة اخواتها
ام رامي: الله يحفظها ويحفظ اللي ببطنها ويخليهم لك
............................
عند ابو نايف
ام نايف: جاي لي مغبر كذا كانك طالع من مقبره
وليد يضحك: يمه قولي الحمدلله طلال رجع رجله ملويه
ام نايف: ياويلي وبكرره ملكته الله يعين شهد وليان عليكم وانتم مجانين ملعب
وليد: يللا انا بروح انام
انس: وش فيه يمه ؟
ام نايف: الله يعين حليمه ع طلال رجع ورجله ملويه وبكره ملكته
انس : مو اقولك يمه ان وليد وطلال مجانين العائله
نايف توه رجع من دوامه : مساكم الله بالخير
انس : مساك الله بالنور شكل لك يومين مو نايم
نايف: البارح مانمت والله تعبت دانه شوي
ام نايف: وليه ماقلت لي كيفها الحين
نايف: الحمدلله احسن بس تعبت مع الحمل
ام نايف: بطلع اتطمن عليها
انس : يللا انا بطلع اتطمن ع ياسمين قالت لي انها تبي تروح لامها وطولت نايمه
نايف: طيب وانتبه لايصير فيها جفاف مثل دانه
انس : يللا بطلع انت بعد اطلع نام بكره ملكة طلال
ديم جات من برا : مساء الخير كيفك نايف
نايف: بخير الحمدلله انتي كيفك وكيف رامي
ديم: الحمدلله كلنا بخير الا وين امي وابوي ودانه؟
نايف: امي عند دانه وابوي بغرفته نايم
ديم: والعريس؟
نايف يضحك: العريس مسوي انه لاعب توه جاي من الملعب واظن انه نام
...........................
جاء يوم شهد وطلال
حطوا عقد القران بعد العشاء
شهد لبست فستانها الاحمر وسوت شعرها الاسود ويفي
طلال لبس ثوب بني وغتره بيج
..........................
عند الرجال
ابو رامي: الشيخ قرب يجي الله يكثر من افراحنا
ابو نايف: اي والله الحمدلله ان عيالنا يبون بعض ويضحك
ابو زهر يضحك : زيين والله خل عائلتنا تكبر
انس : شف اخوك كان يضحك عليك لبست اسود في يوم ملكتك وهو عماها ولبس بني
سيف يضحك: بني ويعرج ناقصه بس عكاز
طلال يضحك : بس عاد ترى ماني فاضي لكم
انس : وين اللي بيلبس كل شي ابيض
وليد يضحك: عشانك قلت كأنه كفن ف قرر الرجال يغير
طلال: لا بس بدا البرد وابي اكشخ قدام زوجتي مو مثلكم ماافكر
وليد: زين جبت لي فكره
رامي: طلال لسى تحس بألم في رجلك ؟ مثل ماقلت لك لاتمشي عليها كثير
طلال : اللي يسمعك يقول اني بقوم انط الحين ويطالع وليد ويضحكون
نايف: والله انكم مهابيل صدق لايقوم عليكم عمي فايز ويلعن خيركم الحين
وليد: انا حالف ارقص بملكة طلال بس انتظر يعقد القران
انس : وانا معك نحتفل ان طلال بيعقل
طلال : شايفني مجنون انت
انس: ايه والله انت وهالمخبول ويأشر ع وليد
وليد يغمز لطلال : شكله اشتاق للضرب اللي كنا نعطيه وهو صغير
سيف: خلاص وش هواش البزران ذا اعقلوا واحد بيصير اب والباقي عرسان ولسى حركات البزران
انس يضحك: خلهم يحسبوني الصغير اللي كانوا يضربونه
طلال يضحك: اايه عشان كذا لما كبرت دخلت النادي وصرت معضل ويضحكون هو ووليد
ابو رامي: ولد اانت وياه ماتعرفون تسكتون
ابو نايف: خلهم بكره بيروحون الشرقيه ونشتاق لهم
نايف: اي والله خلهم ياعمي لو تكلمت لبكره مارح يسكتون
....................
عند الحريم
ام زهر : الله يحفظك حصنتك بأسم الله
شهد تحضن امها : حصني نفسك يمه بعد طالعه تهببلين وكأنك اختي
ام زهر: لا عاد لاتبالغين وتجاملين امك
شهد تضحك: والله انك تهبلين يمه مااجامل
تجي يارا : وه اموت بالاحمر انا والله انك بتاخذين عقل طلال
شهد تضحك: تتوقعين ؟
يارا: الا اكييد
ام زهر : بروح لخالاتك
شهد تمسك يد يارا: انا مبسوطه يارا طلال بيكون لي
يارا: ايه المطفوق بيكون حلالك رسميا
شهد : لا مو مطفوق هذا حبيبي
يارا: ياعمري ياشهد الله يخليه لك ويخليك له
شهد: اميين ياربب
ليان: شهد طالعه تهبلين طلال بيجن لما يشوفك
يارا تضحك: وهو ناقص يجن وتطالع شهد تبي تنرفزها
شهد: اذا بيكون مجنون فيني ماعندي مانع يكون ماعنده عقل وتضحك
ليان: تتوقعون وليد يحبني؟
شهد تحضنها: ايه لو مايحبك ماكلم ابوي عنك وبتصيرين بكره ملكهه
يارا: لو مايحبك كان رمى اعترافك وطنش بس واضح انه هو بعد مثل خويه مافي عقل
شهد: الا طلولي وش فيك ع حبيبي الليله
يارا : لانه بياخذ شهوده مني اللي بشتاق لهوشاتنا سوا
شهد تحضن يارا: دلوعتنا بتفقدنا ولا بترتاح منا؟
يارا النرجسيه تقوم : لا برتاح منكم وتروح
ليان: ياحبيبتي والله انها كذابه واضح بوجهها كانت رح تبكي
شهد : والله اني انا بشتاق لها الا وين زهر؟
ليان: تحت ماقدرت تطلع وتنزل كثير من الدرج
شهد : الله يحفظها وتقوم بالسلامه
ليان: يللا بقوم اساعد امي
شهد تمسك جوالها وترسل لطلال " حبيبي كيف رجلك الحين ولسى توجعك "
طلال ع طول فتح الرساله : لا ماتوجعني دامني بشوفك
شهد: لاتكابر قول لي
طلال : والله انها ماتوجعني ونسيت الالم في ليله بتكون فيها شهد لطلال
شهد : يابختي فيك ياطلولي
طلال يضحك: يللا الشيخ جا ولا عندك شروط بعد
شهد تنرفزه: ايه عندي بس مابقولها لك الا لما تدخل
طلال مارد لان جاء الشيخ ومتحمس
...................
عند الرجال
طلال وقع العقد ودخل ابو زهر لشهد يشوف وش شروطها وتوقع
يقوم عمه وابوه وعيال عمه واخوانه يباركون له
وليد: انا حلفت ارقص لك
ابو نايف: ولد خلاص اجلها للعرس
وليد: يبه انا حالف يمين
انس : يللا وانا بعد
نايف وسيف ورامي قاموا بعد بيرقصون لطلال
ويبدأ وليد ويرقص بكل مرجله ويغني بصوته " طلال مبين بالمراجل وصوفه ومعرب الجدين للفزعه سناد وتشوف فزعات الوفى من تشوفه "
طلال بس يحرك يده وجسمه من فوق معهم مايقدر يضغط ع رجله كثير
........................
عند الحريم
ام زهر تنزل دموع الفرح وتحضن شهد : ياجعله الف مبروك والله يجعل سعادتكم معقوده ببعضكم
شهد ماسكه نفسها ماتبكي
زهر بفستانها الاورنج مع الوردي تجي وتحضن شهد : حبيبتي اللي بتصير سلفتي الف مبروك والله يسعدك ويهنيك مع طلال
شهد: يابعد عمري يبارك بعمرك وتولدين بالكتاكيت اللي ينادوني خالتي
ليان: الف مبروك ياعمري
شهد : يبارك فيك ياعروس
يارا : الف الف مبروك وتعطيهم زغرووطه
ام رامي تضحك: يارا طلعت عندك مواهب مدفونه وتحضن شهد وتبارك لها ( مبروك يازوجة ولدي )
ام نايف : الف مبرووك والله يسعدك
دانه وياسمين يباركون لها
ديم : الف مبروك شهوده والله يسعدك وتطالع ليان والف مبروك يازوجة اخوي
ليان استحتت: الله يبارك فيك يازوجة رامي
ديم تضحك: اخذت اللي ازعجت راسك فيه الحمدلله وتطالعها بنظره وانتي لاتقولين ان عمي غاصبك ع وليد؟
ليان تهمس لها: بس هو اخوك حبيبي اللي ابيه واحبه ووافقت عشان هالشي
ديم تصرخ وينتبهون لها اللي بالمجلس وترجع تخفض صوتها: اسألك بالله انه وليد اللي كنتي تقولين انك تحبينه عاد وليد مافكرت بيوم انه ينحب
ليان تقرصها: لاتغلطين عليه ماارضى
ديم: وه وه لولي خدودك صارت حمراء والله يابختك ياوليد
ليان تهمس لها: بس مدري هو يحبني مثل مااحبه
ديم : ايه هو قال لأمي ابي ليان
ليان تبتسم : احححلفي
ديم : وش هالابتسامه الحلوه لطاري وليد والله انه هو قال لأمي ابي ليان
ليان سرحت بهواجيسها
ام رامي: طلال يبي يدخل يلبّس الدبل
ام زهر : يللا يابنات تعالوا من هنا ويطلعون البنات ويبقون اخواته دانه وياسمين
يدخل طلال منزل راسه ويدق الباب
ام رامي:  تعال حبيبي مافي غريب
طلال يبوس راس ام زهر وراس امه
ويجي جنب شهد ويمسك يدها
شهد انحرجت وتهمس له : طلال فك يدي ترى بطيح من طولي
طلال يبتسم : انا كان حلمي امسك يدك وتبيني افكها
دانه تعطيه الدبله : لبس زوجتك الدبله
طلال: يمسك يدها ويلبسها الدبله ويبوسها قدام امه وامها واخواته
شهد انحرجتت وصار وجهها احمر
ياسمين تهمس له : والله انك مطفوق احرجت البنت وتعطي شهد الدبله لبسي زوجك
شهد يدها ترتجف ويمسكها طلال : ليه متوتره ويعطيها يده يللا لبسيني
شهد لبسته الدبله وهي بتموت من الاحراج
طلال استغل الفرصه ومااهتم لوجودهم : شهد طالعيني
شهد تطالعه ووجهها احمر وتبتسم ومتوتره
يفاجئها طلال ويبوس جبينها وصرتي حلالي ياشهد
شهد خلاص بغت تطيح من طولها وتقرصه وطلال يضحك
ياسمين تهمس لدانه : تبين اخلي طلال ينهبل ع شهد اكثر وتضحك
دانه: خلاص بطلي شوفي شهد بتطيح من التوتر
ياسمين: خالتي شغلي السماعه وحطي اغنية ياعيونه عبدالمجيد
ام زهر تشغل السماعه وتشتغل الاغنيه
دانه : انا مابرقص تعبانه من الحمل
ياسمين حامل بس كمان تحب الرقص مثل شهد: طيب اجلسي انا برقص مع امي وخالتي
ام رامي ترقص وام زهر
ياسمين لما جاء مقطع " حبيبي هو حبيبي هو نصيبي "
راحت لشهد ومسكت يدها يللا ؟
شهد تطالع طلال وهو بيموت من الحب ويبي يشوفها ترقص مثل لما لمحها وهي ترقص
طلال: يللا قومي وريني رقص الغزال بالاحمر قبل شفتك بالبني
شهد لسى ماقد قالها متى شافها: بس عاد لاتحرجني
طلال يهمس لها : اذا مارقصتي بجبرك تبوسيني عاد اختاري
شهد تبتسم : يعني منجد انك مطفوق خلاص بقوم ارقص
طلال وهو ناوي ياخذ حتى البوسه بس لما وقفت قالها : بس ترى بتبوسيني في الحالتين
شهد تقرصه ع خفيف
ياسمين يللا شهود عشاني ؟
شهد تطالع طلال وتستفزه يللا عشانك ياياسمين وتقوم بالاحمر اللي من فوق توب وشعرها الطويل الاسود وترقص بكل ثقل ورزانه وتتمايل وتأشر ع طلال بدون محد ينتبه وتغني مع الاغنيه "سحرني خلي اللي قد ملكني سحرني بالوداد اللي سكني وخلاني خاتم بيده وانا طماع ودي لو يزيده"
طلال خخخلاص وصل اقصى مراحل الحب في شهد ويأشر ع شهد وقال بصوت عالي" أحمد الله جابك في طريقي انا المجنون في حبه ولكن اظن اني مقصر مع حبيبي "
شهد من الاحراج تعثرت ومسكتها ياسمين
ام رامي تضحك : احرجت زوجتك وش فيك
ام زهر تهمس لحليمه : نطللع شوي خليهم ياخذون راحتهم
شهد منحررجه وتتوعد طلال
ياسمين تقرص طلال من كتفه : انت خفيف ولا مجنون لو انا مكان شهد والله اعطيك كف ويطلعون وتبقى شهد مع طلال
طلال: اموت انا بالاحمر
شهد تسوي انها زعلانه وهي قلبها بيطلع : لاتكلمني زعلانه
طلال يبوسها من خدها : افا ومين قدر يزعل الشهد
شهد تبتسم: طيب خلني اكمل زعل
طلال يمسسك يدينها الثنتين : الحمدلله انك لي وانا لك يابعد كل هالدنيا
شهد بتطير من الحب والفرح وتعطيه بوسه سريعه ع خده : الحمدلله ع الصدف اللي خلتني اعرف ان عندي ولد خاله اسمه طلال
طلال ضاعت علومه وماشال عيونه عنها بس يتأملها
شهد: وش فيك ؟
طلال بصوت كله حب : انتي ليه حلوه كذا ؟
شهد: حلوه لاني حبيبتك ياطلولي
طلال : انتي شكلك ماتبيني اطلع الليله من بيتكم
شهد تضحك: الا بتطلع عشان يمديك تشتاق لي ليوم الزواج
طلال يضحك: طيب قوليلي وش شروطك؟
شهد تتدلع : ان عيونك ماتشوف غيري مهما كان
طلال يضحك: ومين قال ان عيوني تشوف غيرك يشهد الله علي ماشفت قبلك ولا بعدك انتي اخذتي القلب وراعيه
شهد : اييه كذا وتقرص خدوده
طلال : طيب قبل اطلع وين تبغين نروح شهر العسل
شهد وهي تطالعه وعيونها تنقط حب : اي مكان معك هو عسل بس ابي اروح باريس
طلال يضحك: بس باريس؟ ماتبيين الف فيك العالم؟
شهد بدلع : اييه لف فيني العالم وانت ماسك يديني
طلال يبوس يدينها: انا مارح اترك هاليدين ابداً
شهد : ترى بتخليني انا مااخليك ترجع البيت
طلال المطفوق: اييه ووين انام ؟
شهد تضحك: وين يعني بالحوش
طلال زعل : كذا ياشهد خلاص يللا انا بقوم
شهد تمسك ييده : طلولي ؟
طلال : اييه طلولي بس مارح ارضى شوفي حل ثاني
شهد : طيب واذا قلت بعطيك بوسه ع خدك ترضى؟
طلال بخبث : ايييه ارضى
شهد بتجي تعطيه بوسه ع خده لكن يلتفت وتجي شفتها بشفته وترجع بسرعه شهد
طلال : خلاص انا رضيت
شهد من التوتر ودها الارض تنشق وتبلعها : مااتفقنا ع كذا
طلال : انا ماحددت وين ابي البوسه خلاص اخذتها ويضححك
شهد تقرصه : انت ماطلعت مطفوق وبس طلعت مكار بعد
طلال : اذا مكار بحبك ماعندي مشكله
شهد تضحك: والله اني احبك ياطلال
طلال : وانا اعشق هالعيون والله
شهد: بسس؟
طلال بيجي يتكلم يدق رامي : يعني مايخلون الواحد ينبسط ويرد
رامي: اقول انت بتنام جوا ولا وش سالفتك اطلع ينتظرونك للعشاء
طلال يضحك: اقدر انام هنا يعني ؟
رامي : اطلع اطلع لاتفشلنا
طلال : طيب يللا جاي
شهد: بتروح؟
طلال: ايه عندي اخوان مايحبون الواحد ينبسط
وبيجي يوقف ونسى الم رجله وكان بيطيح ومسكته شهد: اسم الله عليك انتبه حبيبي
طلال الخفيف: يارب اطيح دايم بين يدينك
شهد تضححك : يللا اطلع لا يجي عمي ويسحبك
ويعطيها بوسه ع خدها ويدق ع امه انه يبي يطلع تشوف له الطريق يطلع
شهد تتلمس خدودها : انا محظوظه فيك وبحبك ياطلال الله لايحرمني منك
***************
انتهى البارت وكان اطول بارت لشهد وطلال😔🤍
اقتربنا من لم شمل الحبايب ❤️