جيتي مثل ربيع ازهر بقلب السيف بُستان

البارت العشرين

عند ابو زهر
طلال: والله بطلع وليد ينتظرني برا
ابو زهر : خله يتفضل يشرب معنا قهوه
طلال يضحك: بس والله ياعمي بنسهرك لو قعدنا وانت وخالتي تبون تنامون اكيد
ليان تفكر بوليد وعند الشباك الا وتشوفه يكلم بالجوال وعند باب بيتهم : حي هالطله وتبتسم وتقعد تطالعه بدون مايدري
طلال طلع له : ادخل سلم ع عمي ونمشي
وليد: مدري احس الوقت متأخر يللا نمشي بعدين نجي بوقت مناسب
يجي ابو زهر : هلا بوليد ماتبي تدخل بيت عمك ؟
وليد يبوس راس ابو زهر : لاوالله ياعمي ماودي ازعجك ولا تعرف معزتك عندي
ابو زهر: لا ازعاج ولا شي بالعكس انبسطت فيكم تعالوا زوروني عاد لاتقطعون
طلال يضحك : ايه عمي عاد كل يوم بمشي معك نص ساعه لين تطفش
شهد مبسوطه بضحكة طلال : يارب اسمع هالضحكه كل يوم
ليان لسى تطالع وليد من الدريشه وهو مو منتبه اصلا لانها بالدور الثاني وطلع هو وطلال السياره ومشوا
يارا تجي وتضربها من راسها: وش تطالعين؟
ليان تتوتر: ولا شي كنت ابي اشم هوا وفتحت الدريشه تعالي نروح عند زهر وشهد
يارا بدت تشك ف ليان: متأكده مافي شي ؟
ليان: ايه يللا
..............
يوقف رامي عند بيت عمه ابو نايف
ام نايف : الله يوفقك يارامي ويفتح عليك ابواب الرزق
رامي : وياك ياخالتي
ام رامي : ديم يابنتي انتبهي لنفسك والاكل الله الله لااوصيك
ديم : ان شاء الله خالتي تعبتكم معي اليوم
ام رامي: تعبك راحه يابنتي وماسوينا شي
ام نايف : تفضلوا معنا
رامي: والله ودي لكن عندي دوام بعد شوي
ام نايف: اخرناك ياولدي ع دوامك
رامي يبتسم : ماعليك والله ويطالع ديم الا انها لسى تطالعه وهو يتوتر من نظراتها
ام رامي: يللا فمان الله ولك العافيه ياديم
ام نايف: الله يحفظكم
تدخل ام نايف وديم
نايف وانس وابوهم جالسين بالصاله قلقانين
ابو نايف يشوف مكان المغذي بيد ديم ويفز : وش صارلك يابنتي وليه طولتوا للحين
ام نايف تنزل عبايتها : اسكت صارت لنا سالفه
نايف : وش صار يمه قلقنا عليكم وماتردون
ام نايف : بنتك ياعبدالرحمن طاحت علينا فجأه لو مو رامي هناك الله يوفقه كانت ديم راحت فيها
ابو نايف يحضن ديم : بنتي حبيبتي وش قالوا لك المستشفى ؟
ام نايف: طلع عندها انخفاض بالضغط والسكر بنتك ماتاكل شوف لها حل
نايف : ليه مادقيتي علينا يمه
ام نايف: والله ماكان فيه وقت بس رامي ماقصر دخلنا مستشفى الحرس الوطني ع مسؤوليته وسوا لها تحاليل الحمدلله كل شي سليم
نايف : كلي وانا اخوك وانتبهي لنفسك
انس : كيفك الحين ؟
ديم: الحمدلله بخير ابي اطلع ارتاح
ام نايف : تبين اسندك ؟
انس : ارتاحي يمه انا بسندها ويطلعون
ديم مبسوطة ان رامي قالها الحمدلله ع سلامتك وراح التعب كله
نايف: والله يايمه ماودي انكم اشغلتوا رامي واحنا موجودين
ام نايف: طلعت من البيت ومافي احد في البيت والبنت كانت بتموت ماقصر رامي اسعفها بدري
نايف : ماقصر بس اشغلتوه وهو عنده دوام
ابو نايف: الحمدلله انها بخير ولازم تاكل موب بكيفها غصب عنها
.............
بيت ابو رامي
ام رامي : والله الحمدلله بخير اغمى عليها عشان انخفض ضغطها من قلة الاكل
ابو رامي: الحمدلله ورجعت البيت ولا نوموها ؟
ام رامي: لا الحمدلله طلعت ورامي ماقصر
ابو رامي: الله يوفقه زين انه كان بالبيت
ياسمين: بس عشان مااكلت اغمى عليها ولا فيها شي ؟ لان فجأه انقلبت وهي كانت تسولف
دانه: ايه لاحظت عليها فجأه مدري وش صابها
ام رامي : الله يحميها من قلة الاكل صاير لونها اصفر
ياسمين: وتحاليلها كلها سليمه ؟
يجي سيف : مين هي ؟
ياسمين : ديم بنت عمي كانت بالمستشفى
سيف : الله يعافيها ويطالع امه ترى بكره برجع اداوم
ام رامي: وانت لسى ماتعافيت مافي دوام
سيف : والله ان مافيني شي يمه وحرام اني اجلس بالبيت وانا اقدر اداوم
دانه: وش حرام انت ترى اصابة رصاص مو شي بسيط
سيف : ماعليكم انا اعرف مافيني شي
رامي جهز لدوامه ونازل : خلوه يمه من امس وانا احاول فيه الا ويبي يداوم والحمدلله الجرح بدا يشفى
ام رامي: بس قلبي مو متطمن
يجي طلال مبسوط ورايق : سلام عليكم وش هالجمعه الحلوه بدوني
ابو رامي: وينك فيه قلت بتطلع تدور شغل وماعاد جيت
ام رامي : وش شغله بعد مو قدمت ع وظايف
طلال: مدري يمه عن زوجك شوي وبيطردني من البيت
سيف : عيب ياولد ابوك ترى
طلال: ايه ابوي بس من وين اجيب وظيفه تقديم وقدمنا بس ماجاء الرزق
ام رامي: وش فيكم عليه موب يده الرزق بيد الله وش يسوي سعى وان شاء الله يلاقي
طلال زعل وطلع لغرفته
رامي: الله يهديك يبه يعني وش يسوي مالقى كسرتوا بخاطره
ياسمين: مرتين بعد
ابو رامي يطالعهم وهو معصب
رامي: يللا انا بروح دوامي قبل اكل هوشه بعد
ياسمين : وانا بطلع غرفتي تصبحون ع خير
دانه : يمه تبين اسوي لك شي تاكلينه ؟ حتى ماتعشيتي
ام رامي : لا والله ماابي الا سلامتك بطلع غرفتي
ابو رامي : وانا بعد بقوم
يبقى سيف ودانه بالصاله
سيف مو قادر يطلع زهر من باله ويفكر بكلامها ويتنهد
دانه: تعبان شي يوجعك؟
سيف : لا فديتك بس ابي اطلع انام لي شوي بكره بداوم من 8 الصبح
دانه : تصبح ع خير
سيف يطلع لغرفته ويحط راسه ع الجدار: ماهقيت بيوم اني بصير ماافكر الا فيك ازهرتي قلبي
ياسمين تكلم انس: الحمدلله ع سلامة ديم كيفها الحين ان شاء الله بخير
انس: الله يسلم عمرك الحمدلله هي بخير بس انا مو بخير
ياسمين بخوف: بسم الله عليك وش فيك؟
انس يضحك : مافيني الا العافيه بس بختبرك تخافين علي ولا لا
ياسمين: الله يسامحك والله خفت عليك
انس: طيب متى بتقولين احبك ؟
ياسمين تغير الموضوع : انت ليه مااعترفت لي من اول انك تحبني ؟
انس : وانتي عطيتيني فرصه ؟ كل ماجيت بكلمك تهربين وتعطيني نظرات حقد
ياسمين تستفزه : ايه لأن عينك زايغه
انس: يشهد الله اني حبيتك وانا اول متوسط وللحين احبك وماطالعت في اي بنت غيرك وكنت ادعي انك تكونين من نصيبي
ياسمين: مامليت وانت تطاردنيي واصدك ؟ كنت اظن انك تطالع كل البنات مثل ماتطالعني
انس: انا امل حتى من نفسي بس ماامل منك
ياسمين : يابختي فيك لو ماقالت لي ديم مادريت بس كنت احس بشي غريب بقلبي لما المحك عند بيتكم
انس يضحك : ايه بس طنشتي وعذبتيني بحبك
ياسمين تضحك : انا عذبتك ؟ اجل يللا مع السلامه
انس: وين مع السلامه اذا العذاب منك ابييه
ياسمين : الله يخليك لي .. احس اني نعست وابي انام بكره اكلمك
انس: ويخليك لي ياحبيبة قلبي الاولى والاخيره تصبحين ع خير
..................
عند ابو زهر
جات الساعه 3 الفجر
زهر تشوف الهديه اللي شرتها لسيف : جعله ملبس الهناء ياروح زهر
ليان ماتجرأت تعترف لوليد بس ماطلع من بالها ولا دقيقه
شهد تعدت الحب في طلال مع انها كانت ماتحب احد الا نفسها
يارا معاهم بالصاله بس هم كل وحده غارقه بحبها
يارا: تبون نشغل فيلم زي زمان ونتفرج ؟
ولا وحده منهم ردت
يارا بصوت عالي: انتم وش صايبكم تكفون اشكالكم كأني دخلت مستشفى مجانين
شهد : وش فيك فجعتيني
يارا: انتي خليك مشغول بالك بحب هذاك المطفوق
زهر وليان يلتفتون ومع بعض: اي مطفوق ؟
شهد توترت : مافي شي من هالكلام وتطالع يارا وتعطيها اشاره يعني اسكتي ولا بقوم لك
يارا: مطفوق ومطفوقه لايقين وتقوم
زهر : شهد مين هالمطفوق ؟ وانا ملاحظه التغيير اللي صار طلع الحب قدر يغيرك وتغمز لها
ليان: اييه وصايره تتبوسم لما تكون لحالها وخدودها تصير حمراء هاه مين سعيد الحظ
شهد ارتبكت: وش فيكم صدقتوا كلام هالبزر انا بطلع انام وتروح
ليان تطالع زهر: كلام يارا صح احس واضح الحب بعيونها بس لازم اعرف مين هالمطفوق
زهر : انا لي فتره الاحظ عليها واغاني وصايره تحب الشاهي اكثر من القهوه
ليان : معاها حق شهد تصير رايقه الحب يخليك بس تفكرين باللي تحبينه وتتذكرين تفاصيله وتحبينه للمره الالف حتى لو مايدري
زهر تقرب من ليان: اييه وانتي وش دراك ؟ اكيد تحبين دام قلتي هالتفاصيل
ليان : ايه اقصد لا بس اقول كذا اقولك انا بقوم انام
زهر تضحك : لولي رح تخبين ع الكل بس ماتقدرين تخبين علي وتتنهد انا اكثر وحده تعرف عذاب الحب وحلاوة الحب عسى الله يديمك لي يالسيف
............
مر الوقت وجاات الساعه 7 الصبح
بيت ابو رامي
سيف لابس لبس الدوام: صبحكم الله بالخير
ابو رامي: صبحك الله بالنور هاه مصر انك تداوم وانت باقي ماتعافيت
ام رامي : انا مابيه يداوم وهو ماتعافى بس وش اسوي فيه شكلي بربطه
سيف يضحك: والله ان مافيني الا العافيه بس ادعي لي
ام رامي: الله يحفظك استودعت الله فيك
رامي توه جاي من دوامه: صباح الخير هاه يالسيف خلاص نويت تداوم مع ان اجازتك ماانتهت
سيف : اي والله وانا اخوك مليت من جلسة البيت
رامي : اهم شي مثل ماقالك الدكتور لاتجهد نفسك
ام رامي: الله يهديك وتريح نفسك
سيف يبوس راس امه وراس ابو رامي : يللا فمان الله
ابو رامي: الله يحفظك
ام رامي : استودعت الله فيه وتطالع رامي تبي احط لك فطور ؟
رامي لسى يفكر بديم : لا والله سلامتك الا بسألك عن ديم كيفها ؟
ام رامي : والله اني مدري ماعاد كلمتها بس العصر ادق عليهم
رامي : طيب انا بطلع انام
..................
بيت ابو نايف
ابو نايف: كيفها بنتي اليوم ؟
ام نايف: الحمدلله احسن من امس وقبله كنت عندها قبل شوي ونايمه
نايف : انا بروح الدوام اذا صار شي ولا شي كلموني
وليد اللي مايدري عن شي : صباح الخير يمه وش فيكم
ابو نايف: انت دايم ماتدري وين الله حاطكك
ام نايف: اختك تعبت ووديناها المستشفى امس
وليد: بسم الله وش فيها ؟
ام نايف: قالوا لها انخفاض بالضغط والسكر بسبب قلة الاكل
وليد: الله يهديها وهي علامها ماتاكل
ام نايف: مدري لها فتره حالها منتكس وماعرفت علامها
وليد : انا بطلع اشوفها ويقوم
ديم متسطحه وتبكي بدون صوت ويدق وليد الباب وتمسح دموعها بسرعه
وليد : صاحيه ؟ فكرتك نايمه علامك تو دريت من امي وش صابك ياعين اخوك
ديم واضح بوجهها انها كانت تبكي : ولا شي بس تعبت شوي
وليد: سلامتك والله احد ضايقك ؟
ديم : لا والله بس عادي تعب بسيط والحمدلله الحين احسن
وليد: انتبهي لنفسك وانا اخوك والله الله بأكلك وصحتك
ديم: ان شاء الله
....................
بعد الظهر في بيت ابو زهر
ام زهر : اليوم زهر مسويه الغداء عاد تعرف طبخ بنتك
ابو زهر: طبخ زهر مايتفوت مدري مين المحظوظ اللي بتكون زهر من نصيبه
زهر بينها وبين نفسها : انا المحظوظه بسيف والله
ام زهر: ليان نادي شهد تجي تتغدا
ليان فاهيه وماهي ع طبيعتها هالايام جالسه وتشرب قهوه وبالها مو معاها
ام زهر بصوت عالي : لييان
ليان تنفزع وتكبكب القهوه من يدها: هلا يمه
ام زهر: وش تفكرين فيه اقولك قومي نادي اختك تجي تتغدا
ليان: طيب يمه بقوم
ابو زهر : يارا للحين مارجعت من الجامعه ؟
ام زهر : ايه بالعاده تجي 2 او 2 ونص
زهر : الله يعينها وهانت مابقى شي وتتخرج
شهد : ريحة الغداء تشهي مع ان ماكان لي نفس
ليان: ايه هذا طبخ زهر
ام زهر : الا اقول مين بتروح معي بعد المغرب عند ام نايف بروح اتطمن ع ديم كانت بالمستشفى امس
زهر : انا مالي خلق والله
شهد : ولا انا والله احس اني متكسره
ليان تبي تشوف وليد: انا يمه بروح معك
شهد وزهر يطالعون بعض مستغربين من ليان
شهد: ليان البيتوتية تبي تطلع تطمن ع ديم ماعرفتتك
ليان: وش فيها لو رحت يعني ازورها وديم تحبنا ونحبها
زهر اصلا عرفت من يوم سألتها ذا وليد : ايه صادقه مافيها شي روحي حبيبتي وتضحك
ام زهر : بس انتي وهي ع الاقل احسن منكم بتروح تشوف بنت عمها
شهد : يمه لسى بكره الجمعه عندنا ؟
ام زهر : ايه حبيبتي اكتبوا النواقص واذا جات يارا اطلعوا بعدين جيبوها
زهر مبسوطه ان الجمعه عشان سلامة سيف : طيب من عيوني يمه
يارا توها جايه من الجامعه : مساء الخير يااحلى اهل
ابو زهر: هلا وغلا ببنتي الغاليه
يارا تحضن ابوها: هلا فيك يااحلى اب
ام زهر : وامك مالها حضن ؟
يارا تقوم وتحضن امها : الا لك احلى حضن
شهد : غريبه رايقه وش صاير بالدنيا
يارا تستفز شهد : ليه يعني الروقان بس للحبيبه
شهد : يارا ترى والله اعطيك كف
يارا : تغني خميس ومالي خلق ازعل
زهر : انتوا متى بتعقلون ؟ هوشاتكم ماتخلص
ليان : ودي يمر يوم ومايتهاوشون هذي امنيه من امنياتي
يارا: يمه انا تعبانه من الجامعه وبناتك رايقين بطلع غرفتي انام
ام زهر : نوم العوافي حبيبتي
*********************
انتهى البارت ⭐️⭐️⭐️