جيتي مثل ربيع ازهر بقلب السيف بُستان

البارت التاسع

عند ابو زهر
يدخلون زهر وامها البيت ويلاقون ابو زهر مغمى عليه بالصاله وحرارته مرتفعه مره
زهر تركضض: يببه وش فييك وتحط يدها عليه ابوي يشتعل يممه من الحراره
ام زهر : ساعديني نرفعه من الارض
وتحاول زهر بس ماقدرت كان ابوها ثقيل بالحيل
ام زهر تمسك جوالها وتدق ع سيف
سيف : هلا خالتي بغيتي شي
ام زهر : الحقني وانا خالتك عمك لقيناه طايح بالارض وماهو في وعيه
سيف يقفل وينزل من الدرج بسرعه
ام رامي : وش صاير سيفف
سيف على طول لبيت ابو زهر ويدق الباب وتفتح ام زهر ونست ان زهر عند ابوها تبكي وحاطه راس ابوها بحضنها ويدخل السيف ويشوف زهر لأول مره بعد ماكبرت يتذكرها بس وهي صغيره
سيف : ابعدي شوي انا بشيله
زهر تبكي ونست نفسها وتطالع سيف: ابوي ياسيف
سيف هنا بدأ يحس بشي غريب بقلبه بس طنش وام زهر مسكت زهر وبعدتها وخلت سيف يشيله
سيف: بوديه المستشفى الاسعاف بتتأخر لو طلبناها انتوا خلوكم هنا
زهر تبكي ومو مستوعبه لسى انها مو متغطيه ولا حاطه طرحه ع راسها : اننا مارح اترك ابوي بروح معككم
سيف يهز راسه ب ايوه بس ماعرف ليه ماقدر يقولها لا
ام زهر تببكي : يللا بسسرعه اخاف يصير له شي
يطلعه سيف السياره وتركب زهر وامها ويمشي بسرعه للمستشفى
........
عند ام رامي
ام رامي قلقانه : سيف مايرد الله يستتر مايكون صاير له شي او  احد من اخوانك صاير له شي
دانه: تعوذي من الشيطان يمه مافي شي والحين بدق عليهم
ابو رامي جاي من غرفته: علامكم ؟ وش صاير
ام رامي: سيف قال بينام وفجأه نزل يرركض من الدرج واكلمه مايرد ماهي من عوايد سيف
ابو رامي : لاتكبرين الموضوع يمكن شي في عمله صار ولا نسيتي ان ولدك شرطي
ام رامي : وهو هذا اللي مقلقني ان ولدي شرطي اخاف صاير شي لعيالي وكلموه
ياسمين: كلمت رامي وطلال الحمدلله كلهم بخير
ابو رامي: امك تحب تضخيم الامور
ام رامي: اييه قلبك مو ع ولدي بس انا بموت قلق عليه وعلى اخوانه
ابو رامي: لا اله الا الله علامك انتي تراه مثل عيالي وازود
ام رامي : واضضح وتمسك الجوال وتدق ع سيف للمره الالف ومايرد
دانه : اشربي يمه مويه مافيه الا الخير
.................
عند سيف
وصلوا المستشفى ودخلوا ابو زهر الطوارىء ويسوون له فحص
سيف واقف بزاوية السيب وينتظر الدكتور وش يقول
زهر منهاره تبكي وتقول لو اني جلست معه ماصار له شي
ام زهر ساكته وتبكي
سيف الحنون راح يجيب لهم مويه ويسمع زهر وهي تلوم حالها : خالتي خذي اشربي واهدي وامسحي دموعك وادعوا له بالشفاء مابيفيدكم البكاء بشي
زهر تطالع سيف وهي عيونها مليانه دموع وماتكلمت
سيف يناولها المويه : خذي اشربي واستغفري وادعي له وان شاء الله قدامه العافيه
زهر تاخذ المويه وماتدري قلبها يدق وبيطلع من بين ضلوعها بسبب حبها لسيف وصوته ولا من القلق ع ابوها
سيف يروح للدكتور اللي عند عمه بالطوارىء ويلاقيه حاط لعمه مغذي وعطوه انسولين
سيف : طمني يادكتور
الدكتور :  انت ولده؟
سيف : لا بس هو عمي وانا مثل ولده
الدكتور: مافيه شي خطير هو كان يشتكي من شي؟ او كان عنده ضغط او سكر ؟
سيف: لا ع حد علمي ماعنده لا سكر ولا ضغط
الدكتور: بس سبب ارتفاع الحراره والاغماء كان ارتفاع السكر بالدم والحمدلله اسعفتوه بسرعه ولا كان معرض لغيبوبة سكر
سيف: الحمدلله بس كيف وضعه الحين ؟
الدكتور : عطيناه مخفض للحراره وابر للسكر وان شاء الله يقوم بالسلامه
سيف: يعطيك العافيه دكتور ماقصرت ويطلع الدكتور وسيف بقى واقف عند سرير عمه مع انه يعرف ان فارس يكرهه ومايطيقه
تدخل زهر وامها
ام زهر: طمني وش قال الدكتور
سيف : الحمدلله حاله طيب والدكتور يقول لازم تنتبهون للسكر عنده لان اللي جاه بسبب ارتفاع السكر
ام زهر : ماكان عنده سكر ولا عمره اشتكى من شي
سيف: والله هذا اللي قالي الدكتور وبيصرفون له حبوب وجهاز قياس السكر
زهر ساكته بس تناظر سيف وواقعه في حبه للمره المليون
ام زهر : طيب قالك متى بيصحى
سيف: بس ياخذ المسكن وقت ويصحى
ام زهر: ماادري وش كنت بسوي لو ماجيت بسرعه
سيف: ماسويت شي والله والحمدلله ع سلامته تبون شي ؟ اجيب لكم شي؟ وزهر جنب امها واقفه
زهر تطالعه وعيونها فعلاً مليانه حب وتقول بصوت واطي: الله لايحرمني هالشوفه
سيف منزل راسه ماطالعها : سمي ! يفكرها تبي شي
زهر تتوتر ليكون سمعني وترجع ورا امها
سيف رفع راسه ويطالع خالته وهي وراها : اذا تبون شي انا برا بنتظركم
ام زهر: حبيبي ماابي الا سلامتك وحلفت عليك ترجع البيت انت ماقصرت ومانمت وانت وراك دوام الحين يجوني بناتي كلمتهم وبنطلع اذا صحي ابو زهر
سيف: لا والله ماني مخليك ياخاله وماعليك الدوام بستأذن منهم واخذ اجازه اليوم
ام زهر: ياولدي والله انك ماقصرت بس مابرضى اتعبك اكثر وتغيب عن دوامك
سيف: ماعليك لاتشيلين همي مارح ارضى اني اترككم وارجع
ام زهر ماتبي تغصبه : اللي يريحك ياولدي
سيف يطلع وينتظرهم برا
زهر وهي تحس ان قلبها بيوقف من الحب بتجي تطلع تشوفه من بعيد ويصحى ابوها
زهر : يبه الحمدلله فتحت عيونك
ام زهر : الحمدلله ع سلامتك وخطاك السوء
ابو زهر: ليه انا هنا
زهر : ارتفعت حرارتك واغمى عليك وجبناك هنا
ابو زهر : الله لايحرمني منكم
ام زهر: ولا يحرمنا من سيف هو اللي جابك هنا وانت بين الحياه والموت
ابو زهر لسى ع حاله وبصوت عالي : ومين طلب مساعدته لو كلمتوا الاسعاف جو ولا احتجته لا هو ولا غيره
سيف سمع كلام ابو زهر وراح
زهر تطلع تبي تبرر لأبوها وتلاقيه مقفي ورايح
زهر عصبت : الله يسامحك يبه ع كثر ماكسرت بخاطر السيف
وجو ليان وشهد ويارا كيفه ابوي
زهر تتكلم بدون نفس: بخير وتروح للحمام
تلحقها ليان عرفت ان فيها شي
زهر تبكي بقوه تدخل ليان وتحضنها : وش فيك ؟ ابوي قالوا فيه شي؟
زهر تبكي وماتكلمت ولا بكلمه مقهوره ع سيف
...............
عند سيف وخاطره مكسور
طلع للسياره وشاف جواله امه فوق الخمسين مكالمه ويدق
ام رامي: وينك ياولدي انشلع قلبي عليك
سيف : سلامة قلبك والله مافي شي بس عمي ابو زهر كان تعبان ووديته المستشفى
ام رامي: وش فيه ؟
سيف: بس ارتفاع بالسكر وهو مايدري ان عنده سكر بس ابشرك الحمدلله بخير
ام رامي: طيب متى بترجع البيت ؟
سيف : جايكم الحين
وتقفل ام رامي وسيف يفكر بزهر ولما كانت تطالع فيه وتقول ابوي ياسيف
سيف يبتسم : والله مثل عيونها ماشفت الله يحميها
سيف يرجع للواقع : علامي افكر فيها من يوم ماشفتها ويشغل سيارته ويرجع البيت ع الساعه 2 بالليل تقريباً
ويرجع للبيت ويشوف امه واخواته بالصاله ينتظرونه
دانه: امي كانت بتموت من القلق عليك مارديت
سيف: جوالي ماانتبهت له والله وخالتي اتصلت علي وكان ابو زهر مغمى عليه
ام رامي: ودي يتعلم ويعقل مااحد انقذه الا انت
سيف يبتسم : اهم شي سلامته الله يخليه لبناته ولخالتي
ياسمين تخزه: يمه ماتشوفين سيف يتبوسم ومتغير اليوم ؟
سيف منجد يبتسم لأنه وقع لزهر وعيونها : انتم ليلكم طويل انا بروح انام وراي دوام ويبوس راس امه تصبحون ع خير
ويدخل غرفته ويتمدد ع السرير وهو فعلاً مافكر بهمومه ولا بمشاكله ولا عن كلام ابو زهر كان بس يفكر بزهر وعيونها اللي شافها مرتين ووقع في كل مره وضحك ع خفيف: انا وش فيني شكلي مرضت
*************
دعمكم يشجعني❤️