هلوو حبايبي اشحالكم ؟
قبل لا أبدأ بستسمح منكم لأنه كلامي بيكون طويل جداً وممكن ممل جداً ، ويمكن ما يعجبكم، بس أتمنى تتحملوني شوي وتقرونه للنهاية، لأنه صار لازم أتكلم
قررت قرار و أتمنى تتفهمونه وهو أني بتوقف عن نشر الرواية لبعض الوقت
ما بنقطع ولكن بتوقف مؤقتاً
ليش ؟
لانه الاعتراضات الإسبوعية صارت مرهقة بالنسبه لي. وأتمنى محد ينط ويقول انزين اللي يعترضون شويه احن الباقين راضين
لأنه الأصوات العالية وحتى لو كانت قليلة هي اللي توصل
وبما أني أتكلم عن الموضوع الحين، برد على الأسئلة اللي تكررت بشكل كبير جداً
🔸 ليش تنزيل الفصول أسبوعي ؟
أولاً ولازم تعرفون هالشيء و هو أني في هالمنصه أمارس هواية أحبها
الكتابة هي هواية بالنسبة لي مش وظيفة أنا مجبورة أني أكون ملتزمة بها
ورغم ذلك أنا ملتزمة بالتنزيل الأسبوعي ولسبب واحد فقط وهو أني أحبكم وأهتم للناس اللي ينتظروني، وأحاول ألتزم قد ما أقدر بموعد التنزيل.
كلنا قرينا روايات أو مانهوات أو مانغات مو مكتملة وكلنا نعرف شعورنا تجاه الكاتب اللي ينزل عشوائياً أو ينسانا تماماً – رغم أنه ندفع لبعضهم عشان الفصول –
الإسبوع اللي تشوفونه مدة طويلة جداً للإنتظار وما يستحق على عدد الكلمات القليلة اللي تقرونها، أنا أشوفه متنفس لي لأني ما أكتب روايتي إلا نهايته
أسبوعي يكون جداً طويل ومتعب، وطبيعي جداً لي أني أسهر لين الفجر بسبب انشغالي، وإذا نمت في اليوم أربع ساعات متواصلة فهذا اعتبره إنجاز. فتخيلوا أني أقضي الويكند بالكتابة بدل الراحة أو الجلوس مع أهلي اللي أنسى أشكالهم مرات ؟
هذا الشي أنا اخترته طبعاً مب مجبره عليه، ولكن أذكره فقط عشان تفهمون الوضع. عشان تعرفون أني أسوي هالشي لأني أشعر أنه فيه رابط بيني وبينكم، شي ما أحب أقطعه و أحاول قد ما أقدر أني أحافظ عليه. وما أظن اللي تابعني من تاريخ 11 يونيو 2022 اليوم اللي نزلت فيه أول فصل، إلى يومنا شاف أني تعذرت أو تهاونت عن تنزيل فصول إلا لأربعة أسباب :
إذا التعب طغى علي واحتجت لراحة، أو فقدت الشغف تماماً وماقدرت أكتب شي، أو أكون مسافرة، أو في رمضان
ورغم هالأسباب الأربعة إلا أنه جهازي معاي ودائماً أكتب. أحاول ما أنقطع لأني أحب روايتي، و لأني أحبكم
ثانياً، فوق انشغالي الدائم، تعرفون أنه مؤخراً عندي مشاكل صحية -سببها الإرهاق -،و لكن تأثير هذا الشي النفسي أسوأ من الجسدي وأمر بين فترة علاجات و أتمنى تتفهمون أنه هذا الشي متعب
🔸 ليش سير الاحداث بطيء للرواية
اذا انتوا معاي من بداية الرواية ف بتعرفون بأن هاذي هي طريقتي من بديت، والناس اللي معاي من اول حلقه لين اليوم مكملين معاي أسبوعياً وبنفس الوتيره. الشكوى توصلني من اللي قرأت الروايه دفعه واحدة واستصعبت بعدها الانتظار أسبوعياً.
أنا عندي فكرة لكتابي، ما يهمني طول وبطء الأحداث بكثر ما يهمني أنه لما يكتمل، وينقرأ في يوم من الأيام ككتاب كامل، تنوصل المشاعر بشكل صحيح. هدفي أني أعطي الأحداث حقها، وهذا الأسلوب بيستمر لين نهاية الرواية، فـ اللي تشوف أنه الموضوع جداً متعب بالنسبة لها، تحاول تجمع حلقات كل فترة وفترة بدل ما تقرى أسبوعياً وتتضايق
أنت تقرأ
مَاريغُولد
Mystery / Thrillerاتسعت عيناه وهو ينظر إليها كانت عيناها مغلقتان وقد وضعت شفتيها بنعومة على شفتيه ألما التي تحاول تجنبه بوضوح دائماً، كانت متعلقة به كشخص يائس وتقبله بطريقة طفولية. الذهول كان لحظياً من القبلة المملة التي لم تتضمن حتى اللسان، ليتخلل بأصابعه شعرها من ا...
