مَاريغُولد

تنويه 🔻🔻🔻

هلوو حبايبي شحالكم شو مسويين ♥️♥️

أولاً قبل أي شي سامحوني لأني مارديت على الجميع مع أني قريت كلامكم كله😭😫♥️

كمية الحب اللي تلقيتها و الكلام الحلو خلاني أفكر في قراري مرة ثانية، وفعلاً هذا اللي كان قاعد يصير

كان على أساس أني بنزل لكم حلقه الأحد اللي طاف، ولكن للأسف صار لي شيئين

الشي الأول أنه جهازي اخترب علي فجأة 🤬

طبعا هالجهاز فيه شغلي وكل مجهودي، ما أتكلم عن روايتي فقط. فلما تبند كانت بتيني جلطه صغيره، فقضيت الأيام اللي بعدها أسوي باك أب للجهاز وأنقذ ملفاتي. قريباً بشتري لي واحد جديد إن شاء الله لأن اللي يخون مره يخون ألف مره

لما خلاص تأكدت من أنه ملفاتي في الحفظ و الصون ييت بكتب الرواية، ولكن يلسنا أنا والجهاز نشوف بعض. كأنه كل أفكاري تبخرت. ولما يصير هالشي أحتاج أسوي عصف ذهني. فمسكت كل خواتي وإخواني وشرحت لهم كل شي وتميت لأيام على هالحال، مو مقتنعه باللي كتبته وفكرته ( كتبت صفحات وايده ولكن كلها ماتعجبني، لما أقراها خاطري أمسحني وأمسح الرواية🙃)

ف شو سويت ؟ لأنه البلوك اللي صايبني مب بس في الروايه ولكن في كل شي.

راحت اختكم حجزت تذكره بدون أي تخطيط✈️

وقفت كل شي اشتغل عليه وباجر مسااافره

ماعندي أي خطه لأول مرة وأنا إنسانه أعيش على الخطط أبداً ما أحب الأشياء المفاجئة.
بروح بريطانيا أهيت فيها أسبوعين. شو بسوي هناك و وين بروح أبداً ماعرف ولكن أكيد بزور إدنبره إن شاء الله

المهم

خلاصة القول أني أخذت اجازه، ولكن ما أبغي آخذ اجازه من الرواية ف باخذ ألما وملكها المجنون معاي وبشوف شو بيصير بينهم.

وبحاول اخذكم انتوا بعد معاي وانزل يومياتي على ستوري انستغرام على أمل أني أصير نشطه اجتماعياً مرة ثانيه 😫، ويمكن يمكن يمكن أدخل لايف

السبب الوحيد اللي يخليني ما أدخل لايفات هو أني ما أتكلم وايد فيها. كنت أدخل قبل وأنا ارسم، لكن لما أركز في شي ما أقدر أسوي شي ثاني ف ماعرف اللي يدخلون لايف يتكلمون ويرسمون ف نفس الوقت كيف يسوون هالشي😅

أما إذا تبون لايف نقاشات للقصه ممكن نتفق على يوم وندخل

و صح بسوي قروب في الانستغرام بحط فيه الابديت بدل لا أنزل لكم تنويه هنيه كل ما بغيت أتواصل معاكم🥰

وبس هذا

وهيه، ما أوعدكم أني أنزل الحلقه على طول، عشان جذي اصبروا علي شوي، من اقتنع باللي كتبته بنزله مابنتظر الأحد يعني هالفتره بتكون فيه لخبطه بالتنزيل لانه ماعرف وضعي كيف بيكون هناك، لكن ما بوقف إن شاء الله

يلا بروح أنام الفجر طيارتي إن شاء الله

أحبكم ♥️

هانا✨