السلاام عليكم يا أحلى ناااس 👋👋👋
كل عام و انتوا بخيير 🥰.. عساكم من العايدين و الفايزين يارب ♥️
ولهت عليكم وايد أحس الشهر اللي طاف كان مدة طويلة أني أقطع بس الحمدلله كان شهر خير و رحمة .. و شهر شغللل 😖😫
فيه ناس يطلع عندهم اشعار كل ما أحط بوست جديد .. أعتذر إذا دخلتوا متحمسين عبالكم فصل جديد 🥺
للأسف، ما قدرت أكتب الشهر كله، أولاً لأني مريت بوعكه صحية طوال الشهر و للحين بعدني ما صحيت منها عدل 🤕
ثانياً كانت الأجواء الرمضانيه ما كانت تساعد أبداً أني أجلس في مكتبي على جهازي و اشتغل بهدوء
ثالثاً مريت برايتر بلوك قوي خلاني أوصل لمرحلة أني أبغي أوقف كتابه 💔
تعرفون الشعور لما تسوون شي تحبونه و فجأه اييكم الشعور أنه .. شو الفايده ؟
أنا عن نفسي معظم الأشياء اللي أسويها ما أدور من وراها فايده .. أسويها لأني أحبها، ولكن مرات أحس أني أكره الشي اللي أسويه بعد ما ياخذ مني مجهود كبير و طاقه كبيره .. أحس تخف الحماسه .. يمكن لأني متعوده كل أسبوع عليكم تحمسوني أكتب الفصل اللي بعده، فلما قطعنا شوي دخلت في البلوك ؟
ماعرف .. حاولت وايد أني أعرف شو السبب و كنت كل يوم لمدة أسبوع كامل أجلس جدام جهازي أحاول أكتب لكن ماقدر، و ما خليت حد ما اشتكيت له في البيت أني مو قادره أكتب القصه و بخبركم شو الاقتراحات اللي اقترحوها علي 😭🤣
* واحد من أخواني أخذني لمكتبة كينوكونيا عشان اشتري كتب يمكن تلهمني.. طبعاً ما كانت فكرته هو كان يبغي يروح ياكل .. لكنه مر معاي على كل الأرفف يشوف الكتب .. و خذت خمس كتب ما فتحت منهم ولا شي للحين .. و 6 كتب مانجا لأنه ليش لا 😁
*وحده من خواتي اقترحت نروح كوفي أو مكان ثاني غير البيت يمكن إذا غيرت المكان أقدر أكتب .. لكن فشلت الخطه 🙃
*وحده من صديقاتي طرشت لي فويس نوت أطول من حياتي تشجعني و تخبرني كيف أنها كشخص متابع لقصتي ما تستحق اللي أنا أسويه .. و كان هالشي بلا فايده 😞
*أغرب إقتراح كان اقتراح واحد من اخواني قال اقتلي أبطال القصه الحلقه اليايه و أنهي الرواية .. التعليق لا تعليق 🤐
و بعد ما أزعجت الكل و شفت ما فيه فايده قررت أوقف التفكير عن القصه تماماً .. أو محاولة الكتابه .. و أعطي نفسي مجال شوي و أسوي شي ثاني أحبه ..
و بديت أرسم .. و يضحك اللي كنت أرسمه و إذا فيكم فضول تعرفون شو شوفوا آخر بوستاتي بتيك توك .. اسم الحساب هناك نفس اسم حسابي هنيه hanayume_sama
و آخر شي استنتجت أني يمكن ما كنت أمر ببلوك .. يمكن كنت أمر بتعب جسدي و نفسي لأني انضغطت بشكل كبير جداً آخر فترة .. و الدليل أنه أحداث القصه بعقلي كانت تترتب و دايماً اتييني أفكار جديده أكتبها .. و قريباً بتدخلون بدوامة في القصه أنا أعتذر عنها مسبقاً 🫢 ..
المهم .. خبروني عنكم ..
شو كانت كشختكم للعيد ؟
أنا لبست مخوره و شوية ذهب، و ما تفيجت أحط ميكب فحطيت واقي شمس و "إثمد" و تنت و خلاص .. و طبعاً تحنيت لأنه نحن الإماراتيين نخلق مناسبات بس عشان نتحنى 🤣🤣 و ركبت أظافر .. وايد حلوه أظافري بس لازم أشلها لأني مو قادرة أكتب الحين إلا بصبعين .. و لازم أصلي بعد شوي.
و بس خلصت سوالفي
تستاهلون جائزه اللي قريتوا كلامي هذا كله، هذا اهداء للناس اللي يقولون انتي ما تتكلمين وايد .. شو رايكم فيني الحين ؟
طولت عليكم بس خلاصة القول، صبروا علي شوي و بعوضكم بحلقات الأسابيع اللي طافت كلها .. بشوف شو الطريقة اللي تناسبني 💕
الحلقه من تجهز بحطها على طول ما بتريا لين يوم السبت
أحبكم 🫶🏻
هانا✨
أنت تقرأ
مَاريغُولد
Misterio / Suspensoاتسعت عيناه وهو ينظر إليها كانت عيناها مغلقتان وقد وضعت شفتيها بنعومة على شفتيه ألما التي تحاول تجنبه بوضوح دائماً، كانت متعلقة به كشخص يائس وتقبله بطريقة طفولية. الذهول كان لحظياً من القبلة المملة التي لم تتضمن حتى اللسان، ليتخلل بأصابعه شعرها من ا...
