හදවත් ❤️

13 ♥️

"මොකද්ද වුනේ "

ටිරානුයි මමයි ගැස්සිලා ගියේ ලෙවින් අයියගේ කටහඩට .මම පිටිපස්ස හැරිලා බලද්දි මූ අත් දෙකක් බැදගෙන හෙන ඩෙවිල් මූඩ් එකකින් මම දිහා බලන් ඉන්නවා .

අපොයි දැන් නම් මට විශාල පරිමාණයේ බාල්දියක් වැටෙන්නයි යන්නේ .මම කෑගහපු සද්දේ ඇහිලා ලෙවින් අයියා මොන ලෝකෙන්දෝ ඇවිල්ලා . එන විදිහට නම් දිව්‍ය ලෝකෙන් වෙන්න බෑ .

" මම ඇහුවේ මොකද්ද වුනේ කියලා "

ලෙවින් අයියා කිසිම හැගීමක් නැති මූණකින් මමයි , මගේ ලේ ගලන අතයි දිහා බලන් හිටියා .

" අනේ බං මේ ..මම අතින් වැරදිලා මුගේ අ..අතට මිටියෙන් වැදුනා "

මේ මොකත මේ , මට වඩා ටිරාන් බය වෙලා කියහන්කො . මේකා ගොත ගහනවා . මට ඌ ගොත ගගහා කියන විදිහට කටින් හිනාව පනින්න ගියත් බොසාගේ මූණ දැක්කට පස්සේ ඒ හිනාව මහ බඩවැල දිගේ උණ්ඩුකපුච්චෙට ම යවා ගත්තා .

"මෙහෙ එනවා "

අඩියට දෙකට අපි ගාවට ආපු ලෙවින් අයියා මගේ තුවාල නැති අතින් ඇදගෙන ටෙන්ට් එකට ගියා . මම දැක්කා ටිරාන් ගෝඩ් බ්ලෙස් යූ කියලා තොල් මතුරනවා . මම උටත් යූ ටූ කියලා මැතිරිවා .

ලෙවින් අයියා එයාගේ ටෙන්ට් එක ඇතුලට මාවත් ඇදන් ගිහින් මෙට්ට උඩට තල්ලු කරා කියහන්කෝ . මම මුට නඩු දානවා ගෘහස්ථ හිංසනය කරා කියලා . මේකත් පොඩි පහේ ගෘහයක් නේද සාන්තගේ නැන්දම්මේ .

" ආව් අප්පා . කොන්දත් මොකද්දෝ උනා . මොනවද බං අයියේ . ඇගිල්ල මදිවට කොන්දටත් පත්තු බදින්න වෙයි මෙහෙම ගියොත් . "

මම බොරුවටත් එක්ක ලෙවින් අයියට රවලා කියද්දි ඌ ඊටත් වඩා භයානක රැවිල්ලක් දාලා ටෙන්ට් එක පෙරලගෙන මොනවදෝ හොයන්න ගත්තා .

යකෝ මූ හොදට තිබ්බ ටෙන්ට් එකම වනසනව නේ . මොනවද මෙච්චර හොයන්නේ . මූ මට වෙඩි තියන්න T56ක් වත් හොයනව ද . අනේ සාන්ත මාව බේරගනින් යකෝ .

" ඕඕඕඕහ්...ෂිට් . මේ මගුල මම කොහෙද තිබ්බේ . "

අද නම් මම ඉවරයි වගේ . මූ ෂුවර් එකට මේ පිස්ටල් එක තමා හොයන්නේ . ඒත් මම මොකක්ද කරේ . අර උට්ටානියස් නේ මගේ අතට කෙලියේ . හැබැයි ඉතින් ලෙවින් අයියා ඉස්සර වෙලා එන්න කියලා කතා කරද්දි මම ආවේ නෑනේ . ඒකට තියන තරහට මාව මරයි ද සාන්ත .