හදවත් ❤️

40 ♥️

- 2 Days ago -

" ඔයාගේ අකමැත්තක් නැත්තන් මට පුලුවන් අදීෂගේ තාත්තා වෙන්න . මම කියන්නේ නෑ අදීෂව අපිට හදාගන්න දෙන්න කියලා . ඒත් මටයි එවෝන්ටයි පුලුවන් එයාට තාත්තෙක්ගේ ආදරේ දෙන්න . හ්ම්...මට හොදට තේරෙනවා අම්මා තාත්තා නැති දුක . ඒ නිසායි මම කිව්වේ . ඔයා හිතලා තීරණයක් ගන්න . "

වීල් චෙයාර් එකේ හිටපු ලෙවින් අයියා මගේ අතකත් හිමීට එයාගේ අත පටල ගන්න ගමන් එහෙම කිව්වේ තීනුච්චිගේ ඇස්වල තවත් කදුලු පිරෙද්දි .

ඇයි දෙයියනේ ඒ පොඩි එකාට එහෙම වුනේ . අම්මාගේ තාත්තගේ උණුසුම ඒ පොඩි වයසට ම නැති වෙන්න තරම් ඒ නොදරුවා කරපු වැරැද්ද මොකද්ද . පොඩි කොල්ලගේ කදුලු පිරුන ඇස් මතක් වෙද්දි මගේ පපුව පැලෙන්න වගේ එනවා .

ඒත් ඒ වගේම දුකක් තීනු අක්කත් විදිනවා නේද... එයා මේ වෙලාවේ මොන තීරණේ ගත්තත් මම නම් ඒක පිලිගන්නවා . මොනා වුනත් ඒකි කොහොම හිත හදාගෙන පොඩි එකාව දෙන්න ද ...

" ඒ...ඒත් අශ්වින් ... ම..මම කොහොමද බං ඒ පොඩි එකාව ..ආර්හ් ... හරි ඔයාලා කැමති දෙයක් කරන්න . ම..මට ප්‍රශ්නයක් නෑ "

වාන් දැම්මා වගේ ගලන කදුලු පිහිදන ගමන් තීනු අක්කා එහෙම කිව්වේ මේසේ උඩින් ඔලුව තියාගන්න ගමන් .

"තීනු , මම ඔයාට ඒ ගැන බල කිරීම් කරන්නේ නෑ . මම එයාව හදාගන්න ගන්න නෙවේ ඉල්ලන්නේ .  ඒ පොඩි ලමයා හොයන්නේ එයාගේ පපා නම් මට පුලුවන් එයාට පපා වෙන්න . ඔයා බොරුවට කලබල වෙන්න එපා . මොනා වුනත් එවෝනුයි , මායි ඔයත් එක්ක ඉන්නවා . ඒ වගේම මේ වෛරස් එකේ කෙලවරක් දකින්නට අදීෂත් අපිත් එක්ක හිනා වෙලා ඉදී . මට ඒක හොදට ම ෂුවර් ."

ලෙවින් අයියා මගේ අත තව ටිකක් තද කරලා අල්ලාගන්න ගමන් එහෙම කිව්වේ තීනු අක්කා දිහා බලාගෙන .

ඔව් අයියට ඕනේ කෙලින් උත්තරයක් . ඒක මට එයා ඉන්න විදිහෙන් ම තේරෙනවා . ඒත් මම හිතන්නේ නෑ තීනුච්චි මේකට කෙලින් උත්තරයක් දෙයි කියලා . කෙල්ලෝ ඉතින් කොහොමත් වටේ ගහලා නේ උත්තර දෙන්නේ . මේකිත් එච්චර තමා .