Chapter - 96 [ကျင်းဇီအတွက် အသင့်တော်ဆုံးယောကျာ်း]
"အခြားသူတွေ ဘယ်လိုတွေးလဲက အရေးမကြီးပါဘူးရှင် အရေးကြီးဆုံးက ကျင်းဇီနဲ့ သူမမိဘတွေရဲ့ အမြင်ပါပဲ . . . မိန်းကလေးချူအိမ်ကို သွားပြီးတော့ သူမမိဘတွေနဲ့ စကားသွားပြောရအောင်လေ" အနောက်မှ အောင်သွယ်တော်ရှုက ပြောလိုက်သည်။
"မှန်တယ် သွားကြမယ်" အောင်သွယ်တော်ယွန်းကလည်း သဘောတူလိုက်သည်။
အောင်သွယ်တော်အုပ်စုဟာ ဦးတည်ရာပြောင်းလိုက်ပြီး အောင်သွယ်တော်ကျန်း၏ ခေါင်းဆောင်မှုနောက်တွင် ချူကျင်းဇီအိမ်သို့ လျှောက်သွားကြလေ၏။
အောင်သွယ်တော်ချူကတော့ နေရာတွင်သာ ရပ်နေခဲ့ပြီး ထိုလူတစ်စုကို ကြည့်နေလျက် ခနကြာပြီးမှ နောက်ကလိုက်သွားလေသည်။ "ကျွန်မလည်း ရှင်တို့ ဘယ်လိုငြင်းပယ်ခံရမလဲဆိုတာကို လိုက်ကြည့်ဦးမယ်...ကိုယ့်ကန့်သတ်ချက်ကိုယ်မသိကြဘူး"
ယခုတွင် ချူကျင်းဇီသည် ချူရွာ၏ ရတနာလေးတစ်ခု ဖြစ်နေခဲ့ပါပြီ။ သူမက အဲဒီလူတွေကို ဘယ်လိုလုပ်လက်ထပ်ရမှာလဲ။ သူမသာလက်ထပ်ချင်ရင် ကောင်တီက သခင်လေးတစ်ယောက်နှင့် လက်ဆက်ရပါမည်။
ပွဲကျင်းပပြီးနောက် ချူကျင်းဇီတို့မိသားစု နှုတ်ဆက်ကာ အိမ်သို့ပြန်လာခဲ့ကြသည်။ ချူကျင်းရွှမ်လည်း အိမ်ပြန်လိုက်လာခဲ့လေသည်။ လီကျန်းကျုန်းက သူမကို မနက်ဖြန် ကြွေထည်ဆိုင်သို့ မသွားခင် အိမ်ပြန်ပြီး သေချာအနားယူရန် ပြောခဲ့၏။
လီချင်းယူ အိမ်သို့ပြန်ရောက်သော် အဝတ်အစားများလဲလိုက်ပြီး ကောက်ညှင်းထုပ်များလုပ်ရာတွင် ကူညီပေးနေလိုက်သည်။
သူမက ဆိုင်ရှင်ချန်၏ ရေရှည်ပူးပေါင်းမှုကို သဘောတူညီးပြီးဖြစ်တာကြောင့် ချူကျင်းဇီဟာ လူတစ်ယောက်ကိုခေါ်ပြီး ရေခဲချောင်းသိုလှောင်ရုံဘေးတွင် ကောက်ညှင်းထုပ်များသိုလှောင်ရန် နောက်ထပ်ရုံတစ်ခု ဆောက်လုပ်ခဲ့ရသည်။
ရွာထဲမှ အဒေါ်တစ်ယောက်ဟာ လီချင်းယူထံကို လျှောက်လာသည်။
"ချင်းယူရေ အပြင်မှာ အောင်သွယ်တော်တွေပဲ အများကြီးရောက်နေကြတယ် သွားကြည့်လိုက်ပါဦး"
KAMU SEDANG MEMBACA
လယ်သမားရဲ့ဇနီးမှာ မှော်အတတ်ပညာတွေရှိတယ် - Book 1
FantasiI don't own this story! Alternative- 农家小福妻有法术 Status - Chapter 1025 (complete) Author- beyond the moon Genres - romance
