SWITCHED (Book 1)

thirty-five

MIKA

"Vic, yung bola!"

Sigaw ko at tuluyan ngang natamaan ko si Vic sa mukha. Agad-agad naman akong tumakbo para lapitan siya.

"Uy Vic!" Tawag ko sa kanya at tinapik-tapik ko ang pisngi pero ayaw niya talaga magising.

"Grabe ang lakas mo talaga, Ye!" Sabi ni Kim at binuhat nila ni Carol si Vic.

Sumunod naman ako sa kanila papuntang clinic. Hindi ko maintindihan kung bakit parang lutang ngayon si Vic. Wala namang away na nangyari sa amin pero hindi ko talaga maintindihan kung bakit siya ganyan. Kapag tinatanong ko siya, pagod lang daw siya. Nakumbinsi naman niya ako sa rason niya dahil nga naman busy kaming lahat sa academics namin. Lalo na siya, may balak kasi mag cum laude kaya todo aral.

"Miss, bakit po kaya nagkaganyan si Vic?" Tanong ko sa nurse.

"Halata sa mukha, lalo na sa mga mata niya na pagod na pagod talaga. Na-over fatigue lang siya." Paliwanag ng nurse.

"Baka nga sobrang pagod lang talaga si Vic. Sobrang busy din kasi tayo sa acads eh." Sabi naman ni Kim.

Umalis na yung nurse at kami na lang ang naiwan dito sa clinic. Ipinatigil na rin ni Coach Ram ang training namin ngayon dahil sa nangyari.

"Guys, saan tayo kakain?" Tanong ni Carol. "Dinner na oh."

Kinuha ko ang phone ko at oo nga, halos magseseven na.

"Dito na lang Kimmy noh?" Tanong ko kay Kim.

"Oo, dito na lang. Hintayin na natin 'tong si Vic. Gigising na rin yan." Sabi niya.

"So, ano bibilihin ko?" Tanong ni Carol.

"Bahala ka na. Basta bilhan mo rin si Vic." Sabi ko at inabot namin sa kanya ni Kim ang bayad namin.

Tahimik lang kaming nagbabantay ni Kim dito nang biglang bumalik si Carol.

"Ang bilis mo naman?" Tanong ni Kim.

"Hindi. Mika, may gustong kumausap sayo sa labas." Sabi ni Carol at umalis na rin agad.

"Kim, ikaw muna dito ah." Bulong ko kay Kim at tumango lang siya.

Naglakad ako palabas ng clinic at may mga taong sumalubong sakin. Mga mukhang photographer dahil meron silang mga hawak na cameras.

"Uhm.. Hi Miss Reyes!" Bati sa akin nung babae. Bumati rin ako sa kanila bilang ganti ko.

"I'm Jenna, from Chalk Magazine, we would like to inform you na we want you to be in the cover of the magazine for the next month issue."

Medyo nanlaki ang mga mata ko sa narinig ko. Seryoso ba 'to? Nakapagpictorial na ako sa mga magazines pero ngayon lang ako magiging cover ngayon.

"And add ko na rin na may kasama ka sa Cover. Dalawa kayo doon. We're still not sure kung pumayag na yung makakasama mo eh." Sabi nung babae.

"Sino po ba?" Tanong ko.

"Ah, we're still not sure. Pero lalake 'to. Wala pa kasing sagot yung isa naming kasama. But maybe tomorrow you'll know, kapag nandun na kayo sa pictorial."

"Bukas na po agad?" Tanong ko. Grabe naman kung bukas na agad. Wala man lang paanyaya agad.

"Oops wait." Sabi nung babae at chineck niya ang phone niya. "Miss Reyes, sa susunod na araw na lang pala yung pictorial. So, deal ka ba dito?"

Wala ng isip-isip o kaya consent ng iba. Agad na akong pumayag. Minsan lang kasi mabigyan ng ganitong offer, aayaw ka pa ba.

"Yes. Thank you Mika. See you in the next day!" Paalam ng babae at nung nga kasama niya.