قبل البداية
هذه القصه من كتاباتي بعض احداتها وشخصياتها واقعية
اتمن ان تنال اعجابكم وارجوا وضع لايك لتشجيعي ع الاستمرار
تعريف ع شخصيات الرواية:
الجد عبد العزيز الجدة خديجة عندهم 5 اولاد و5 بنات
الاولاد 1 العم محمد ابو سعيد : هو المسؤول عن العائلة والامر والناهي لكل شي.....
اولاده
سعيد:25 سنة يشتغل ف شركة
صهيب : 20 سنه سواق حافلة شخصيته طيوب
ندى:16 سنه تدرس تانية تانوي
2 : العمه ام توفيق زوجها متوفي عندها بنتين متزوجات وولد
الولد توفيق: 22 سنه يدرس حاسوب
3: العم عبد لله ابو ربيع
ربيع 25 سنه يشتغل في شركه وهو جرئي ومايتحشمش وجوه روووعه
احلام 22 سنه تدرس رابعه احياء
مروان 21 سنه يدرس طب
اروى 18 سنه تدرس E
4العم حمد متوفي
فتحي 26 سنه اعمال حرة
جنان 19 سنه تانية كلية تخصص رياضيات
فواز 18 سنه اولى جامعه تخصص اقتصاد شخصيته حلوووة ومعجبين بيه نص بنات المنطقه جوه مليح وجرئي ودلوع العائلة ماحد يرفضله طلب
5 العمه ام مأمون
مأمون : 26 سنه يشتغل ف الكلية
وسيم: 22 سنه يدرس جولوجيا اسم ع مسمى بس شايف روحه هلبااا
6 العم ميلاد
محمود 28 سنه خاطب
محمد27 يشتغل مع سعيد في الشركه
بعدهم 3 بنات متزوجات و بعدهم
منال 20 سنه مخطوبه
تغريد 18 تدرس اولى جامعه لغه عربية طيوبة بس اذا عصبت ماترحم احد ودلوعه وعنيدة
معاد 15 اولى تانوي
7 العمه ام سليمان
سليمان 27 سنه... سلوى21
سليم 18 اولى علم نفس معقد لدرجة
سهى16 تانية ثانوي مغروووووورة
7 العم علي
مصعب 20 سنه الولد الوحيد يبيع ف محل ملابس نسائية دلووع امه وبوه
خلود16 سنه تدرس مع ندى جوها كيييخ
عندها 3 اخوات اصغر منها
8 العمه ام رضا
رضا 18 سنه طويل وضعيف لدرجة ملقبينه هيكل عظمي من الشخصيات المهمه ف القصه
اريام 16 سنه تانية تانوي
وبعض الشخصيات تظهر ف احدات الرواية
.
.
.
.
❤هــمــــس الـعــيـــون❤
الــبـدايــة
في9_10 من عام ...20 بداية السنه الجديدة
الجو مطر قليلا
تــغـريــد : ناظت الصبح ووتت روحها اول يوم تمشي للكلية ادهمت احلام بنت عمها ومشو وصلت للكلية وانبهرت بيها هذه اول مرة تدخل للكلية شافت بنت خالتها مشتلها واحلام مشت لصاحباتها
تغريد : رهف
رهف( لفت وابتسمت وسلمت عليها ): كيف حالك وحال خالتي
تغريد : تمام كيف حالك انت وحال خالتي والبنات
رهف: تماام
(( رهف بنت خالت تغريد 20 سنه ثالثه احياء خواتها... جودي : 18 سنه تدرسE في كلية اخرى ... منار: 16 تدرس مع ندى وخلود ))
خشوا للكلية ووقفوا ع لوحة الجداول وكتبوا جداولهم
تغريد (( بشهقه)): اهيييي شن هالمواد
رهف: طبعا سنه اولى ديما موادهم هلبا وعاد اللغه العربية بدات
تغريد : اف ربي يستر
لفو ورهف عيطت وفيه بنت قدامها عيطت وتغريد وقفت مخلوعه بينهم .. وقربوا من بعض وسلمو ع بعض والاتنين يتكلمو مع بعض وتغريد واقفه مستغربه بيناتهم
رهف: ولله ولله ليك وحشه ولله
مها: ولله وانت ليك وحوووش
شدو ايدين بعض ومشوا ونسوا تغريد
تغريد ( مصدومه): هذه وين مشت وخلتني وانا مانعرف حد ف الكلية ( مشت لحقتها وطلعت من الساحه ادور عليها شافتها من بعيد بدت اتنادي ): رهف رهفففف استني هي رهففف تعالي شن ماشيه ومخليتيني
ولد واقف ف الساحه: هههه مسكينه شن رحتي من امك لاتخافك هههههه
شباب : هههههههه
الولد: ياشباب شكلها صغيره هاتولها المرضعه
الكل : ههههههه
تغريد ( شافتلهم بغضب ومشت لرهف )
رهف( تمشي وتهدرز مع مها صديقتها من الثانوي وكل اسرارهم مع بعض )
مها: شن مافيش جديد
رهف: لا على حطت ايدك وانت ادرى بالموضوع
مها : هههه اي نعرف بالموضوع من الاول وانا نفس حالتك
رهف: ايييه ماتحركيش المواجع لو كنا توأم مش هكا نفس القصص يلي تصير اعماك تصير اعمايا
تغريد (جت وراهاوضربتها ): حمااارة شن ماشية ومخليتيني
رهف( لفتلها ): هههههه ولله نسيتك
تغريد( بعصبية ): اي اي من لقى احبابه نسى اصحابه حمااااااارة
رهف : اسسي الناس اكل تشوفلنا حشمتينا
تغريد: خزي عليك شن خليتيني بروحي وعارفه اول مرة نجي هنا
رهف: ولله نسيت خل نعرفك .. هذه مها اختي وصاحبتي
تغريد ( شهقت): اهيييئ امتي صار عندك اخت ولا بوك متزوج ع خالتي
رهف: ههه بااارده
تغريد ( سلمت ع مها): كيف حالك انا بنت خالة اختك رهف
مها: هههه الحمد لله رهف ديما تحكيلي عليك قالت مجنونه
تغريد( شافت لرهف ): طالعتلها انت مها يلي صاحباتك من بعد عركه
مها: ههههه اي انا زمان تعاركنا ع كرسي ف سنه اولى ثانوي ولا وحدة قبلت تخليه لتانية وقعمزنا فيه الاتنين وكنا نكرهو بعض
رهف: ههههه اي مش عارفه كيف اصاحبنا
تغريد: يقول المثل ماتحصل صاحب الا بعد عركه
الكل : هههههه
رهف: تعالي ندورك ف الكلية قبل المحاضره
""""""""""""
في مكان اخر
رضــــــا( كان يسوق في السيارة ويكلم بالنقال): وين انت
فــــــواز : في الحوش وانت وين ولا ادور ههههه
رضا: ههههه فاهم وين ندور
فواز : هههه اكيد قدام المدارس ولا الكليات
رضا : هههه اي اسمع كلم الشباب نتلاقو ف اليل تعالوا عندي
فواز: اوك تو نقلهم اسمع دورلي وحدة حلوة ف طريقك نتعرف عليها
رضا : هههه كان تبي تعال بروحك
فواز : اصلا مانبيش ذوقك ندور بروحي سلام
&&&&&&&&&&&
نعــــــود لتغريد ورهف
رهف ومها : ههههههعههههه
تغريد ( معصبه ): الحق فيا يلي حكيتلكم
رهف: ههههه موقف كيخ من اول يوم هههه وانت شن صغيره اتنادي وقريب تبكي
تغريد ( بعصبية ): كله منك انت السبب
مها: هههه خيرك معصبه عادي عادي تصير هالمواقف والتعليق وياما بتشوفي
تغريد : لا لا
رهف: ههههه هي تو محاضرة شن رايك تخشي اعمانا مدام محاضرتك مزال
تغريد( تشوف لساعه): به حتى صاحباتي مزال ماجوش
خشوا وحضروا محاضره وطلعوا شوي وروحوا لان تغريد ماجوش صاحباتها وماقدرتش تحضر محاضره بروحها
.......
ليـــــلا
في بيت رضا
رضا: عاش من جمعكم مع بعض
مروان : ههههه انت تدعي لروحك عارف انك ف الشك تعيش هههه
الكل : ههههههه
رضا : اي انتم كلما تشوفوني تقولولي قعد عايش يوم من الايام بتضربوني بعين نموت
فواز: تي هو مافي حد يضرب بعين الا انت ويوم من الايام تضرب روحك بعين
الكل :هههههه
احمد صاحب رضا دخل للمربوعه : السلام
الكل : وعليك السلام
احمد( سلم ع الشباب وقعمز )
رضا : احمد صاحبي وهدم وشين خوالي وخلاتي مزال وسيم ماجاش
فواز: عرفنا عليك ولد من انت ؟
احمد: احمد حسن ال..... عمري 20 سنه نقرا ثالثهE وانتم
رضا : خليني نعرفك عليهم هذا فواز 18 تخصص اقتصاد
فواز( قاطعه): ومناشبت البنوت
الكل : ههههههههه
رضا: وهذا مصعب 20 يبيع ف محل نسون
فواز: كاتب ع الافته للحلوين بس ههههه وصهيب سواق حافله حتى هي للحلوين فقط وسليم اسم ع مسمى سليم من جميع الفيروسات
الكل: هههههه
رضا: وتوفيق 22 حاسوب ومروان21 يقرا طب هذا اشطر واحد فينا
مروان( انخلع): تي قول ماشاء لله عن تصكني بعين ونسقط
الكل :هههههه
فواز : وهذا عمك رضا لا يقرا ولا يعمل فالح بس ف حدف الارقام للبنوت واي بنت يشوفها ف طريقه الا مايعرف عنها كل شي ويجيب رقمها ويكلمها ومعجباتك هلباااا
رضا: وانت مش اقل مني
فواز : ياولدي هما يلي يجرو ورايا مش انا يلي نجري وراهم زيك
مصعب: اي يلبط فيهم لين يقبلو يكلموه غصب
الكل: هههههه
الكل : هههههه
🌹 انتهت الحلقة🌹
