الفصل الثاني
في احدي قري الصعيد
سالم : يا بوي الله يرضي عليك انا معيزش اتجوز علي مرتي
سعيد بعصبية شديدة : بقلك ايه ياد انت بنت اخوي واحنا اولي بيها وهتاجي هنا يعني هتاجي هنا
سالم بقهر : وانت بتعمل كل ده عشان خاطر بنت اخوك برضك يا ابوي
سعيد : فاهم تقصد ايه يا ولد نفيسة حتي لو عشان ورثها نضمن منين انها تتجوز واحد يصونها ويحافظ علي فلوسها وميسرقهاش ويطلع حرامي ولد حرامي
سالم بقهر : واشمعني اني يابوي ما غريب موجود
سعيد بغضب : غريب مش متجوز لكن صايع ومهيرضوش بيه واحنا معوزينش لهم حجة يرفضوا بيها فهمت ولو ولاد عمك ليا حكم عليهم كنا جوزناها حد من ولاد عمك لكن طالما عندي رجالة افرض علي حد فيهم ليه
سالم بقهر : ميرضيش ربنا كده يا بوي
سعيد بصراخ : قوم انفض من قدامي ياد انت احسنلك
سالم قام بضعف وخرج
سعيد "عمري ما اسيب بنت اخوي لغريب ياكل مالها وحلالها"
سعيد : ٥٦ سنة عم تاج راجل شديد جدا وقلبه مبيحنش علي اي حد ومن وجهة نظره هو كده بيحفظ بنت اخوه وحقها اولاده سالم وغريب ودلال
نفيسة : زوجة سعيد ٥٠ سنة ست لا حول لها ولا قوة ضعيفة جدا
سالم : ٣٠ سنة متجوز بنت خالته اسمها نورة وعندهم سعيد وسارة
غريب : ٢٤ سنة لسه بيعيد في الجامعة صايع جدا لكن بيحترم نفسه اول ما يبقي في البلد صاحبه الانتيم هو خاطر ابن عمه
دلال: ٢٣ سنة بتشتغل مدرسة وشخصيتها قوية جدا عكس مامتها تماما وبيضايقها سلبيه مامتها جدا طويلة نوعا ما وجسمها معقول
////////////////////////////
في شركة الغنيمي
محمد : وبعدين مع سعيد يعني هنعمل ايه ده زينب ممكن يجرالها حاجة لو بنتها بعدت عنها
محمود : والله ما اني عارف يا اخوي انا بقول نروح نكلمهم بالود ونشوف هيقولو ايه
محمد بتفكير : سعيد مخه ناشف يا محمود واللين مينفعش معاه ولو رحنا هيفكر اننا خايفين منه وتصرفاته هتبقي طايشة ومن غير حساب
محمود : والعمل دي زينب مبتنامش وطول اليوم بتبكي
محمد بتنهيدة : والله ماني عارف يا اخوي وبعد تفكير نطق : لو تاج اتجوزت هنا مش هيبقالهم حجة ياخدوها
محمود بصدمة : البنت صغيرة يا محمد جواز ايه بس وبعدين نجوزها مين اصلا
محمد : ما دي المشكلة هنجوزها مين انما هي مش صغيرة
محمود : بقي احنا مش عاوزين نوديها مع عمها عشان ميجوزهاش وتبعد عن امها يقوم احنا نجوزها ازاي طيب
محمد بتنهيدة : والحل
الباب خبط
فريد : صباح الفل
محمد بيبص لفريد ورجع بص لمحمود ومحمود عمل نفس الحركة
فريد بإستغراب : خير يا جماعة مالكم
محمود بإبتسامة غامضة : مفيش يا ابني خير في ايه
فريد : محتاجكم تمضولي الورق ده عشان ابتدي اخد اجرائات المطعم الجديد
محمد بإبتسامة : هات يا ابني
محمد ومحمود مضوا له وهو خرج
محمد: احنا ازاي مفكرناش في فريد
محمود بضحكة : والله عندك حق ازاي الحكاية دي مخطرتش علي بالي قبل كده بس تفتكر هيوافق
محمد بإستغراب وميوافقش ليه
محمود : انت عارف فريد كل ما امي تقوله هجوزك يقول لا ويطلع في اي عروسه القطط الفاطسة وكلهم بنات حلوين فمابالك بتاج منعزلة وصغيرة واصلا عمري ما شفتهم بيتكلموا بس عندك حق عمري ما هلقي لفريد احسن من تاج
محمد : اكيد وبعدين دي كلها حجات بسيطة المهم البنت متبعدش عننا وعن امها ده زينب ممكن تموت فيها
محمود بتنهيدة : ربنا يصلح الحال
//////////////////////////
خديجة بحدة : بكفياكي ولولة وبكي يا بت انتي طالما اخواتك قالو لك هتفضل عندك يبقي هتفضل عندك قلباها جنازة ليه
زينب : خايفة يا امه دي الحاجة الوحيدة اللي طلعت بيها من الدنيا دي
خديجة : متقلقيش يا بتي محدش هيمسها
زينب : يارب
تاج داخلة بهدؤ : السلام عليكم
زينب بتمسح دموعها : وعليكم السلام حمد لاه علي السلامة يا حبيبتي
تاج بإبتسامة : الله يسلمك يا ماما ازيك يا تيته
خديجة ببشاشة : الحمد لله يا حبيبتي كيف الدراسة معاكي
تاج : الحمد لله يا تيته تمام ادعولي انتو بس وربنا هيوفقني
زينب : ربنا يوفقك يا بنتي وينولك مرادك واشوفك دكتورة قد الدنيا
تاج : امين يارب امال فين خلود
زينب : لسه مرجعتش يا حبيبتي غيري هدومك وانزلي زمانها جاية وخالك زمانه جاي عشان نتغدي
تاج : حاضر يا ماما
فريد ومحمد ومحمود داخلين : السلام عليكم
الجميع : وعليكم السلام
خديجة بفرحة : ربنا لا يحرمني من طلتكم سوا
محمد وهو بيبوس راسها : ولا يحرمنا منك يا ست الكل ازيك يا زينب
زينب : الحمد لله يا اخوي تسلم
تاج بتسلم علي خالها محمد : ازيك يا تاج
تاج بخجل : الحمد لله يا خالو تمام
محمد : اخبار الدراسة ايه شدي حيلك كده عاوزينك دكتورة قد الدنيا
تاج : ان شاء الله يا خالو
محمود بإبتسامة : تاج دي تاج عيلتنا ورافعة راسنا ان شاء الله
تاج بخجل شديد : الله يخليك يا خالو عن اذنكم
محمد : اتفضلي يا بنتي
خديجة بسرعة يا تاج ورني علي خلود المخبولة شوفيها تاخرت ليه
تاج : حاضر يا تيته
محمود بإستغراب : غريبة اتاخرت ليه
فريد : بتهيألي عندهم حفلة النهاردة كنت سامعها بتقول كده
زينب : اما اشوف الاكل عشان زمانكم جعتوا
محمد بإبتسامة : من ناحية جعنا فاحنا جعنا
زينب : حالا ويكون الغداء جاهز
خديجة بتنهيدة : هتعملوا ايه في موضوع تاج
محمد بهدؤ: محلولة ان شاء الله يا حجة متشليش هم
فريد بإستغراب : مالها تاج في حاجة ولا ايه
خديجة بإستغراب : انت مش عايش في الدنيا ولا ايه يا ولدي
فريد : حصل ايه يعني مش فاهم
محمود بتنهيدة : سعيد عم تاج عاوز ياخدها وعرفنا انه عاوز يجوزها لحد من عياله
فريد بإستغراب : طيب فين المشكلة
محمود بغضب : انت مجنون يا واد انت ازاي فين المشكلة انت عاوز عمتك يجرالها حاجة لو بنتها بعدت عنها
فريد بهدؤ: يابابا بالراحة انا مش قصدي حاجة انا بسال ايه المشكلة يعني في جواز تاج لحد من ولاد عمها محسبتهاش زي ما حضرتك بتقول وانها تبعد عن عمتي زينب
خديجة : يا ولدي عيال عمها سعيد واحد متجوز وواحد فلاتي وبايظ ومينفعش لتاج نهائي
فريد : لا طبعا ايه التخلف ده دي تاج لا بتهش ولا بتنش تاخد واحد فلاتي وبايظ ازاي يعني بس انتو عرفتو منين الكلام ده اصلا
محمد بتنهيدة : البلد ميستخباش فيها حاجة يا ولدي والصغيرة بتوصل قبل الكبيرة
زينب بإبتسامة : يلا يا جماعة الغداء جاهز
خديجة : خلود جت
زينب : لسه يا امه تاج بتقول هتتاخر شوي
خديجة : طيب نقوم احنا
///////////////////////
في شركة النمر
ليال : ادخل
السكرتيرة : مدام ليال مدير شركة ذا وان برة وعاوز يقابل حضرتك
ليال بإستغراب : هو عنده ميعاد النهاردة
السكرتيرة : لا يا فندم ابدا بس هو طلب يقابلك تحبي اقوله ايه
ليال : خليه يتفضل
دخل رجل بنهاية عقده الثالث وقور بشوش: مساء الخير
ليال بإبتسامة عمليه : مساء النور يا فندم اتفضل
شهاب : ميرسي ازيك يا مدام ليال
ليال : الحمد لله يا فندم خير ان شاء الله
شهاب : اولا اسف اني جيت بدون موعد
ليال : تشرف في اي وقت يا فندم
شهاب بإبتسامة جميلة : متشكر جدا انا الحقيقة كان ميعاد اجتماعنا بعد بكرة وجاني شغل ضروري ولازم اسافر بكرة ومجاش فرصة اتصل اخد ميعاد تاني
ليال : ولا يهمك يا فندم محصلش حاجة ثواني اشوف استاذ عادل فاضي ولا لا
شهاب : اتفضلي
ليلي: الو ايوا يا نها شوفيلي استاذ عادل فاضي ولا لا ولو فاضي حوليني بيه
نها: حاضر يا فندم
//////////////////////
في بيت محمود الغنيمي والكل قاعد
خديجة داخلة من برة : السلام عليكم
الكل : وعليكم السلام
الجدة : ايه يا بتي اللي اخرك كده
خديجة بتعب : والله يا تيته عمليات من الصبح لما هلكت مبقتش قادرة
محمود : ربنا يقويكي ويوفقك يا حبيبتي
خديجة : ربنا يخليك ليا يا بابا
تاج بتوتر : معلش يا خديجة يعني لو قدرتي ممكن تشرحيلي حاجة كده في الاحياء
زينب : اصبري يا بنتي لما تاكل لها لقمة الاول
خديجة : حاضر يا حبيبتي هغير واصلي واكل وافضالك
تاج : شكرا عن اذنكم انا هطلع اكمل مذاكرة بقي
زينب : ربنا يوفقك يارب
الجدة : انا هروح اريح بقي شوية تعال يا فريد يا ولدي وصلني فرشتي
تاج : تعالي يا نينه اوصلك
الجدة : لا يا بنتي روح شوفي مذاكرتك
فريد : حاضر يا قمر انتي تؤمري
محمود " ربنا يسترها النهاردة
ربنا يهديك يا ابني ويقويكي عليه يا امه انتي الوحيدة اللي تقدري تقنعيه "
فلاش بااااااك
الجدة : هتعملو ايه في موضوع تاج زينب هتنهبل وكل يوم تصحي تقول اكيد سعيد هياجي النهاردة وانتو عارفين طالما الموضوع انتشر في البلد يبقي خلاص ممكن في اي وقت يطبوا فوق راسنا
محمد بهدؤ : احنا لقينا حل كده يام محمود بس منعرفش اذا ينفع ولا لا بس مقدمناش غيره
الجدة : حل ايه ده يا ولدي
محمود بتوتر : ان فريد يخطبها ونقله انها مخطوبة لولد خالها
الجدة : زين زين عين العقل خلاص هملولي فريد انا هكلمه
محمود براحة : ربنا يقدم اللي فيه الخير
أنت تقرأ
نيران تملكي بقلم fatma Ahmed" قطرة حياه"
Romansaنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
