الفصل الخامس
في بيت محمد الغنيمي محمود داخل والشرار بيتطاير من عنيه
محمود : سلام
محمد وسعاد بإستغراب : مالك يا ابني
محمود : مفيش
سعاد : لا فيه هو انا هتوه عنك
محمد : ما تنطق يا ابني في ايه
محمود بعصبية : ولا حاجة يا بابا بس ميرضيش ربنا يعني اسمي خاطب بقالي بتاع خمس سنين وحتي دبلتي الاستاذة مش لبستها لدلوقتي انا لا انا خاطب ولا هتجوز ولا ايه انا مش فاهم يعني بجد وعمي سايبها براحتها خالص يعني مش فاهم انا في ايه
سعاد : والله يا ابني عندك حق
محمد بحدة : سعاااااد
سعاد: وانا يعني بقول ايه بصراحة الموضوع ذاد عن حده
محمود : من الاخر يا حج يا نتجوز يا اما هتجوز غيرها ومحدش هيطولها غيري برده وخليها كده هي حرة عن اذنكم
محمد : لا حول ولا قوة الا بالله
سعاد : بصراحة محمود عنده حق يعني انت منفسكش يتجوز وتشوف عياله الواد داخل علي ٤٠ سنة يابو محمود اللي قده عياله في اعدادية
محمد بحزن : ربنا يسهل بكرة اكلم محمود ونحط حد للحكاية دي
/////////////////////////
الصبح في المستشفي
ليال : روح انت بقي يا عمو ارتاح شوية وانا هتطمن عليه وامشي وتعالي العصر
نمر : اوك همشي ارتاح ساعتين وهاجي قبل انتي ما تيجي
ليال : ماشي بس طمني الدكتور قال ايه عشان رحت له ملقتوش لسه مجاش
نمر : والله طمني الحمد لله وقال مفيش اي خطر ان شاء الله
ليال براحة :طيب الحمد لله ربنا يقومه بالسلامة يارب
نمر : يارب
/////////////////////
في شركة الغنيمي
محمود : عندك حق والله يا اخويا بس قولي انا اتصرف ازاي الجواز ده رضا وقبول وهي شايلة من موضوع محمود انا مش عارف ليه
محمد : طيب والحل محمود مبقاش صغير يابو فريد اللي قده دلوقتي عيالهم طولهم وبصراحة الولد خلاص جاب اخره من الموضوع ده
محمود : لا حول ولا قوة الا بالله الله يسامحك يا بوي لولا كلمته قدام الناس كان زمانهم كل واحد متجوز ومخلف
محمد : كل الكلام ده مش مهم دلوقتي احنا عاوزين حل
محمود : خلاص هكلمها النهاردة تاني انا وفريد ان شاء الله وربنا يقدم الخير
محمد : ربنا يسهل
///////////////////////
في بيت سعيد عم تاج
نورة ببكاء : واهون عليك بردك يا سالم
سالم وهو بيحضنها : علي نني عيني والله يا غاليه ومستحيل ده يحصل انا بس بساير ابوي لغاية ما اشوف اخرته ايه وان شاء الله ربنا هيحلها من عنده
نورة ببكاء : متعملش فيا كده يا سالم لو بتحبني صحيح
سالم : انتي مجنونة يا بت انتي والله بحبك اكتر من حالي ومهيحصلش غير اللي يرضيكي بأمر الله يا نور عيني
نورة : صحيح
سالم وهو بيبوس راسها : صحيح يا قلب سالم اطمني " ربنا يستر انا مستحيل اخرب بيتي بيدي عشان خاطر هدف في بالك يا بوي "
////////////////////////////////
في مكتب محمود وزميله اسر
اسر : يلا احنا هنطلع دلوقتي نلم العيال بتاعة الشبانية عشان زودوها اوي اليومين دول
محمود : هنلمهم ويقعدوا شهر ونخرجهم ويعملوا قلق تاني ونلمهم تاني وهكذا بقي مسلسل بايخ اوي
اسر : هنعمل ايه بس وكل مرة لازم حد يتصاب من ولاد الهرمة دي
محمود : طيب يلا يلا قبل ما يوصلهم خبر اننا خارجين
اتجهوا لمنطقة تسمي الشبانية ولموا لا يقل عن ١٤ بلطجي واسر انضرب بسكينة في صدره من بلطجي وقدر يهرب
محمود : ههههههههههههه انت اللي اتعلم عليك النهاردة يا بطل
اسر بوجع : وحياتك لاطلع عين اهله وانت خف وديني اي مستشفي دمي هيتصفي
محمود : دمك هيتصفي من الخربشة دي يا نوغة
اسر بوجع : اه اشوف فيك يوم يا محمود
محمود : فال الله ولا فالك يا غبي
اسر : متقلقش دي خربشة بسيطة
محمود : طيب يلا يا لمض ادينا وصلنا
محمود : لو سمحتي يا انسة
الممرضة انخضت من الميري : ايوا يا فندم
محمود : زميلي مضروب بسكينة في صدره
الممرضة : تمام يا فندم حضرتك ادخل الطوارئ وانا هبلغ الدكتور وابعته لحضرتك حالا
محمود : اوك شكرا
الممرضة : العفو يا فندم
اسر قام من علي الكرسي ومشي مع محمود للطوارئ
الممرضة بتتصل علي غرفة الدكاترة
د.محمد : الو
الممرضة : ايوا يا دكتور مع حضرتك الطوارئ جالنا ظابط مضروب بسكينه في صدره دلوقتي
د.محمد : اوك تمام
د.محمد : لو سمحتوا يا دكاترة في حالة ضرب سكينة في الطوارئ حد يشوفها لاني داخل العناية دلوقتي
خديجة اللي كانت عاوزة تخلص من رغي زميلتها : تمام انا هنزل عن اذنكم
في الطوارئ
خديجة : فين المريض
الممرضة : سرير ٧ يا دكتورة
خديجة : اوك " كالعادة خديجة انيقة جدا بجيبه من اللون الرصاصي وكارديجان طويل من اللون البتنجاني الغامق وطرحة من اللون الرصاصي وكالعادة جزمة بكعب عالي "
راحت خديجة لسرير ٧ وشافت محمود للأسف
خديجة : خير ايه اللي حصل
محمود : اخد سكينة واحنا في العمليه
خديجة : اها وهو دايخ كده وبيعرق من زمان
محمود : لا ابدا ده من ساعة ما نام بس علي السرير
خديجة للممرضة : حاولي تفوقيه
الممرضة بتفوقه وخديجة بتفتح زراير بدلته الميري
محمود بحدة : هو مفيش دكتور هنا
خديجة بصتله بإستغراب : وانا ايه ان شاء الله
محمود بحدة: دكتور راجل يا خديجة
خديجة : محمود انت طبيعي بعد اذنك ابعد وسيبني اشوف شغلي
الممرضة :بدأ يفوق يا دكتورة
خديجة : اوك سيبيه وحضريلي انتي ادوات الخياطة
خديجة وبتخبط علي خدوده عشان يصحصح اكتر : حضرتك سامعني ركز يا كابتن
محمود بغيرة : وسعي انا هعرف افوقه
اسر : ااه
خديجة وفكت البدلة وقصت التيشرت اللي تحت وطبعا محمود هيفرقع
وبدأت تشوف شغلها وتخيط جرحه وخلصت وقالت للممرضة تكمل تنضيف وراها
وقامت تمشي
محمود : هو كويس
خديجة : اها تمام جدا هو بس كام ساعة وهيفوق ويقدر يخرج عادي
محمود وهو مركز معاها : اوك
خديجة : يلا عن اذنك
محمود : اتفضلي
محمود " انا اروح اغير وشوية وارجعله قبل ما يفوق "
////////////////////////
في شركة النمر
ليال : مني الغيلي كل مواعيد مستر عادل النهاردة وانا من بكرة هعمل الميتنج مكانه تمام ومش عاوزه مخلوق يعرف ان تعبان
مني : حاضر يا فندم
تليفونها بيرن : الو
نمر : ايوا يا ليال
ليال بإستغراب : خير يا عمو بابا كويس
نمر : اه كويس الحمد لله انا لسه شايفه انا بس متصل اسألك لو احتجتي حاجة عرفيني وهجيلك ماشي
ليال : لا انا تقريبا خلصت خلاص انا شوية وهطلع اشوف الولاد واجي ان شاء الله
نمر : اوك تمام يلا مع السلامة
ليال : سلام
/////////////////////
في بيت سعيد
سعيد : اعمل حسابك هنتدلي مصر بكرة
سالم شرق في الشاي : ليه
سعيد بعصبية : هيكون ليه يا خبيتها عشان بنت عمك
سالم بتوسل : يا ابوي الله يرضي عليك مش كده انا بحب مرتي خلينا نشوف خاطر ولا غريب
سعيد بعصبية : انت عارف انهم مش هيقبلوا ليه العجن الكتير ياد انت لازم تحرق دمي يا ابن نفيسة انا هروح لعمك عشان ننزلوا سوا وسابه ومشي
سالم " يا خراب بيتك يا سالم "
////////////////////
في بيت اخر
جاد : يا خوي مبلاش منها الحكاية دي زينب مهترضاش واخواتها مهماش سهليين واحنا كده كده مهنهملش بنت اخونا لاي حد وهنجوزها للي يصونها ويحفظ حلالها كده هيبان اننا طمعانيين في حلال المرحوم
سعيد بعصبية : اللي عاوز يفهم حاجة يفهما انما اني مهملش بنت الغالي يا جاد بكفاية بعد عننا
جاد : ربنا يسترها
جاد " عم تاج هنتعرف علي عيلته بالتفصيل مع الاحداث"
///////////////////
في شركة الغنيمي
محمود : طيب والحل يا ابني ميرضيش ربنا اللي اختك بتعمله ده وانا مش عاوز اضغط عليها واجوزها غصب عنها لكن كده كتير
فريد بتنهيدة : والله يا بابا ما انا عارف اعمل معاها ايه انا كلمتها كتير رافضة فكرة جوازها من محمود رفض قاطع معرفش ليه كرهاه قوي كده
محمود : الله يسامحه جدك هو اللي عمل كده حطهم قدام الامر الواقع واختك انت عارف دماغها ناشفة صعيدية
فريد: ربنا ييسر انا ليا قعدة معاها النهاردة
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
