الفصل السادس والعشرون
في عربية فريد ركن في مكان هادي وفضل ساكت
تاج " وبعدين بقي هو هيفضل كده انا خايفة "
فريد " الهمني الصح يارب عقلي هيشت مني "
تاج طلعت تليفونها ترن علي خلود
فريد بهدؤ: دخلي التليفون
تاج دخلته وبتنهيدة : ممكن اسألك سؤال
فريد بصلها وساكت : هو انت بتعمل كده ليه بحس انك مش طايقني وبتدور علي الخناق وحتي اللي حصل دلوقتي انت عمرك ما راقبت حد من اخواتك يبقي اشمعني وانا مع خلود راقبتنا للدرجادي شاكك اني هبوظها مثلا قرفان مني للدرجادي
فريد بصدمة من كلامها : انتي مجنونة يا بنتي ايه الهبل ده
تاج بدموع : بعد اذنك يا فريد روحني وحاول تتقبلني يا اما كل واحد يروح لحاله من دلوقتي واروح لعمامي عادي ارحم عندي من المعاملة دي والاسلوب ده
فريد بعصبية : انتي اتجننتي اكيد حلوة اىوح لعمامي دي
تاج : روحني يا فريد
فريد حرك العربية للبيت
///////////////////////
مهاب بإبتسامة : فيفي انتي نمتي يا حبيبتي
فريدة : لا يابابا لسه بس مغمضة عشان انام بسرعة عشان بكرة يجي بسرعة
مهاب : ليه عاوزة بكرة يجي بسرعة
فريدة : عشان اروح المدرسة يابابا
مهاب : هي ميس خلود قالتلك ايه
فريدة فتحت عينها : بس ده سر يابابا مش ينفع اقوله
مهاب بغيظ : بس انا بابا وعادي تقوليلي
فريدة وايدها علي راسها وبتفكير : يعني عادي اقولك
مهاب بإبتسامة : طبعا يا حبيبتي مينفعش تخبي عني اي حاجة عشان انا بابا
فريدة : ماشي هقلك وكمان مش هخبي حاجة علي ماما خلود
مهاب بعصبية : فريدة انا قلتلك كام مرة مسمهاش ماما اسمها ميس ماما فوق عند ربنا
فريدة ببكاء وخوف : بس انا عاوزة يبقي عندي ماما يابابا
مهاب وهو برحضنها " يارب ارحمني " : طيب يا حبيبتي نامي نامي
//////////////////////
فريد وصل للبيت لقي عربية خلود برة
تاج جات تنزل لقيته قافل الباب
تاج بهدؤ : افتح الباب يا فريد
فريد : هقلك كلمتين بس وبعدين انزلي
تاج بتنهيدة : اتفضل
فريد لفلها : بصي يا تاج خلينا نرجع زي الاول تمام انتي عمرك ما كنتي بتطولي لسانك كده ولا اتربيتي كده
تاج بهدؤ : لان انت مكنتش برده بتكلمني بالاسلوب ده واولهم في فرح خديجة وتصرفك الغريب وشتيمتك وزعيقك قدام الكل ده كان عادي من وجهة نظرك
فريد بتوتر : انا برده عملت في خلود كده مش انتي لوحدك
تاج بحدة : خلود اختك ملزومة تستحملك انما انا لا
فريد وهو بيبصلها : وانتي مراتي
تاج بتوتر شديد : مؤقت وده كان شرط ماما لان حضرتك اصلا كنت رافض نهائي من الاول وبسخرية : صح ولا انا غلطانة
فريد بصدمة : انتي جبتي الكلام ده منين
تاج بحزن : سمعتك بوداني فلو سمحت خلينا زي الاول اعتبرني مش موجودة وانا هعتبرك مش موجود لغاية ما كل واحد يشوف حاله والدنيا تهدي ادخل بس الجامعة والموضوع يخلص انت تشوف واحدة تناسبك زي مانت عاوز وبإستفزاز لفريد : وانا كمان ارتبط بحد يناسبني وابقي بحبه
فريد بعصبية فتح القفل : انزلي يا تاج
نزلت والإبتسامة ماليه وشها انها ضايقته وقالتله في وشه الكلام ده
دخلت تاج
زينب بخوف : ايه يا بنتي كنتي فين قلقتيني خلود جات من بدري وقالت راحت مشوار زرنت علي فريد ياخدك
تاج : عادي يا ماما زحمة في الطريق بس يلا انا طالعة اذاكر بقي
زينب بإستغراب : ماشي يا حبيبتي ربنا يوفقك يارب
تاج : يارب
///////////////////////////
في الجونة
نمر قاعد علي البحر وايده علي راسه " مستحيل اللي حصل ده يتصلح ايه اللي عملته ده يا نمر استغفر الله العظيم يارب " " بس هي اللي ردت عليا رد ضايقني وحرقت دمي "
وبسخرية وصوت عالي : هههههه دي كلها حجج وقام رجع الاوتيل
فتح الاوضة ودخل مش عارف هيقابلها ازاي
نمر بصدمة : انتي بتعملي ايه
ليال بتلف حجابها ومردتش عليه
نمر بحدة : انا مش بكلمك وبرده مردتش عليه
نمر راح قفل الباب بالمفتاح وجه قعد
ليال بعصبية : افتح الباب
نمر : اقعدي بلاش لعب عيال
ليال بسخرية: هههههه سبتلك انت تصرفات الكبار اخلص افتح الباب
نمر بحدة : اقعدي يا ليال
ليال بعصبية : انتي ايه يا اخي معندكش دم انا مش طايقة ابص في وشك يا اخي
نمر بغضب : اولا مسميش يا اخي ثانيا اهدي واقعدي لازم نتكلم
ليال وبتحط اديها علي ودانها وبإنهيار : والله العظيم ان ما فتحت لاصرخ والم عليك الناس
نمر بعصبية : هبل مش عاوز هو كان ايه اللي حصل يعني
ليال بصدمة ونظرة قرف : هههههههههه انت عارف انت اوالله ما عارفة اقولك ايه
نمر متحملش طريقتها سابها وخرج وقفل عليها " استغفر الله العظيم " وسمع خبطها وتكسيرها جوة
////////////////////////////
في بيت جاد صباحا
جميلة : يا لهوووووي يا خرابي يا خراب بيتك يا جميلة
خالد قام مفزوع من النوم : في ايه يا مرة انتي
جميلة بعصبية وشر : دلال ملقتش الا دلال يا خالد
خالد مسكها من شعرها : انتي عاملة العويل ده كله عشان عرفتي انها دلال
جميلة بعصبية : طبعا مانت خايف تقلي انها دلال ملقتش غيرها يا خالد ليه دي لا حلوة ولا حاجة وعانس مفيهاش من الحلاوة بقرش انا اخرتها تجبلي دلال ضرة انت اتجنيت
خالد : والمصحف الشريف لو ما لميتي حالك لتكوني طالق ودلال اسمها ميجيش علي لسانك لا بخير ولا بشر انتي سامعة
جميلة : لعبتها صح بنت نفيسة انا من زمان وانا عارفة ان عينها منك
خالد بصدمة : بتقولي ايه يا مخبولة انتي انتي عارفة بتتكلمي علي بنت عمي
جميلة بغضب اعماها : انت عاوز تفهمني انكم مش طابخينها سوا وانت مش عارف انه وقعتك برئ قوي انت يا نضري
خالد وهو بيلطش ليها : سدي خشمك ده يا وليه لا اقبرك مكانك
جميلة : كدبني بقي اياك قال يعني مبتشوفهاش لما تسرح فيك وتاكلك بعنيها وانت بتتكلم ولا لما تضحك تضحك معاك اصلك اعمي
خالد بصدمة شديدة من كلامها : انتي مخبولة يا ولية انتي مخبولة والله العظيم مخبولة وسابها ومشي
جميلة بشر " ماشي يا بنت نفيسة وحياتي انتي لاقلب فرحك لجنازة وما تتهني يوم واحد "
خالد نزل تحت ولسه تحت تأثير الصدمة " معقول اللي هي بتقوله ده لالالالا مستحيل انا عمري ما شفت حاجة من ده ابدا اكيد بتقول كده من غيرتها بس اكيد "
/////////////////////////////////
رجع نمر للفندق عشان معاد الطيارة قرب
دخل لقاها نايمة بهدومها قعد جنبها
نمر بهدوء: ليال
ليال : ام
نمر : ليال يلا قومي معاد الطيارة قرب
استوعبت اخيرا اللي هو قاله وصحيت وانتفضت لما لقيته جنبها ودخلت الحمام
نص ساعة وكانو خارجيين
وصلوا القاهرة
في ثانية ليال سبقته واخدت تاكسي وهو بيستلم عربيته
نمر بعصبية : وبعدين بقي
ليال وصلت البيت لقت عادل : ازيك يابابا
عادل : الله يسلمك يا حبيبتي حمد لله علي السلامة
ليال : الله يسلمك يابابا
عادل : مالك شكلك مش طبيعي وبشك حصل حاجة في حاجة زعلتك
ليال وبتحكم في دموعها : لا ابدا يابابا بس مرتحتش في السفر خالص
عادل : معلش يا حبيبتي اطلعي ارتاحي دلوقتي
ليال : اوك عن اذنك هتطمن علي الولاد وارتاح شوية
عادل : ماشي يا بنتي
/////////////////////
نمر دخل الشقة لقي فريد
نمر بتنهيدة : سلام
فريد بهم : وعليكم السلام
نمر : غريبة يعني اول مرة تيجي هنا لوحدك
فريد : عادي زهقت
نمر بإستغراب : مالك
فريد : مفيش متشغلش بالك
نمر بتعب : فريد متتعبنيش انا مش ناقص طمني يا ابني مالك
فريد بإصرار : انت اللي مالك شكلك مش طبيعي ابدا غريبة
نمر : تعباااااان وعاوز انام لما اصحي ايه رأيك نروح النادي نلعب ماتش ونتكلم شوية
فريد : اوك " غريبة يا تري في ايه "
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
