الفصل التاسع
عادل ارتاح شوية وخرج من المستشفي وقاعد في البيت مبيفارقش ولاد جمال ثانية وده خلي ليال مستغربة حتي مبيسألهاش علي الشغل
ليال : بابا بكرة في ميتنج مع مستر شهاب عشان اخر مشروع وحضرتك لازم تبقي موجود
عادل بتوتر : تفتكري انا اتسرعت في موضوع مشاركته في المشروع ده
ليال : ليه بتقول كده يابابا هو حصل حاجة
عادل بتوتر : ها لالا هيكون حصل ايه يعني انا باخد رايك عادي
ليال بإستغراب : اها اوك لا يا بابا متسرعتش ولا حاجة هو مشهور اوي في السوق بالتزامه واخلاقه واحنا كنا محتاجين مشروع شرم والسيولة مكنش هتكفي وهو كان انسب المقترحين
عادل : ربنا يقدم اللي في الخير
ليال : اللهم امين
عادل : غريبة نمر مجاش النهاردة ولا اتصل
ليال : لا هو كلمني سال علي حضرتك العصر وقال احتمال اجي بس طالما الوقت اتاخر كده مظنش هيجي
/////////////////////
في بيت سعيد
سالم بنحنحة عشان يلفت نظر ابوه : احم احم
سعيد : قول اللي عندك
سالم : ها لا يا حاج مفيش حاجة
سعيد : مش عليا يا واد نفيسة
سالم : بصراحة يا بوي سكوتك عن اللي انا عملته ممطمنيش
سعيد : ايه اللي انت عملته
سالم سكت مردش
سعيد : اها تقصد عشان كسرت كلامي يعني وعملتني شوخشيخة في يدك عشان خاطر مرتك وشكلي العفش قدام اخو
سالم : لا عشت ولا كنت يا بوي لو عملت كده
سعيد بحدة : عشت وكنت يا ولد ابوك وعملت كده
سالم : يا بوي انا
سعيد مقاطعا : روح من وشي يا سالم ومتفتحش خشمك بالموضوع ده تاني عشان انسي بس تعرف ايه اللي شفعلك
سالم بإستغراب : ايه
سعيد : انا ولد خالها رايدها وهو يستحقها اكتر منك ونعرفه ومن توبنا انما لو كان حد تاني غيره مكنش هياخدها غيرك بس مع ولد خالها هكون مطمن عليها وعلي حلالها
سالم سكت مستغرب تفكير ابوه اللي اثبتله انه فعلا بيحب تاج ومش عاوز غير مصلحتها
///////////////////
فلاش بااااااك
….استني خدني معاك
بإبتسامة : هجيلك قريب ونروح سوا بس اطمن عليهم
……: خلاص هانت
.....: متسبهمش له يا بابا وبيشاور علي شخص
……..بس بيحبها
………بس مش هيحبهم زيه يا بابا
…….. زي مين
…….زي عمي خليهم معاه ووصيه عليها كتير وتعالي هستناك متتاخرش عليا
…..استني خدني معاك انت وحشتني
….بصله ووشه بيضحك : قلتلك هجيلك بس اطمن عليهم الاول
قام من النوم مفزوع : لا حول ولا قوة الا بالله
استغفر الله العظيم ايه الحلم الغريب ده يا تري في ايه
بااااااااااك
ليال : بابا
يا باباااا
عادل : ها نعم يا بنتي
ليال : ايه رحت فين يا حبيبي
عادل بتنهيدة : معاكي يا بنتي
ليال : طيب انا هطلع انام بقي حضرتك عاوز حاجة
عادل : لا يا حبيبتي تصبحي علي خير
ليال : وحضرتك من اهله
عادل " اااااه يا تري تقصد ايه اناا لازم اروح لشيخ يقولي ايه الحلم الغريب ده "
//////////////////
خديجة : يعني ايه مش هيبقي في اي احتفال ولا اي حاجة
خلود : لا محدش هيعرف اصلا
خديجة : يا سلام ليه يعني
خلود : انا اعرف حتي تاج مش راضية تلبس ولا اي حاجة
خديجة بإستغراب : ليه يعني يا جماعة حصل ايه
خلود : معرفش بابا قال كتب الكتاب بكرة وخلاص وقال مش عاوز كلام في الموضوع ده ومحدش يعرف
خديجة : ده ايه اصله ده التصرف الغريب ده امال فين تاج
خلود : مع عمتي وتيته
///////////////////
كتب الكتاب
الكل قاعد اعمام تاج وولاد عمها واخوالها وفريد ومحمود ونمر ومستنين المأذون
نمر : عقبالك
محمود بغموض : دي تتقالك انت مش انا
نمر بإستغراب : ده علي اساس انك اتجوزت
محمود : بالظبط
نمر: والله انت ما طبيعي اخت فريد لسعت مخك
محمود بغمزة : وماله حلال عليها
نمر : لالالا هو في حاجة معرفهاش
محمود : لا هيكون في ايه يعني
نمر : مش مطمنلك مش عارف ليه
فريد بعصبية : ما تبطل رغي يا بارد انت وهو ده بدل ما تهدوني
نمر بضحكة خفيفة : حلوة نهديك دي
محمود بسخرية : متخافش دي شكة دبوس
فريد : اشوف فيكو يوم انت وهو
محمود : يااااارب
جه المأذون وسلم علي الكل
المأذون فين بطايق العرايس
محمود فط بسرعة : اهو يا مولانا معلش يا عم سعيد لو مش عندك مانع هكتب انا الاول اصلي حالف انا وفريد نتجوز في يوم واحد وبما اني الكبير هكتب الاول
سعيد بفرحة : طبعا وماله يا ولدي
فريد بصدمة : انت ايه اللي بتعمله ده
محمود بتمثيل : بعمل ايه
فريد بعصبية : محمود
ابو فريد عشان محدش ياخد باله : ايه يا فريد مفيهاش حاجة لو كتب كتابه قبلك هو الكبير برده مش هتفرق مين الاول
محمد : بعد اذنكم يا جماعة
وبعصبية خبط كتف محمود : تعالي ورايا
وفريد طلع وراهم بسرعة
سعيد بإستغراب : هو ليه الزعل ده كله ميجراش حاجة لو كتب محمود الاول
محمود : بيعندوا في بعض يا حاج هنعمل ايه هطلع اشوفهم عن اذنك
سعيد : اتفضل
نمر قاعد مزهول من تصرف محمود وفي نفس الوقت فرحان من تصرفه الجرئ
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
