الفصل الثالث
فريد : خير يا ست الكل تفكيرك مش خالي
الجدة : اقعد يا ولدي اقعد
فريد : وادي قعدة يا ست الكل خير
الجدة : اسمعني للاخر يا ولدي وحكم عقلك قبل ما ترد عليا واعرف ان قرارك ده هيوقف عليه مصير ناس يا ولدي
فريد بتوتر : خير يا ستي انتي قلقتيني كده في ايه
الجدة : طبعا انت عارف موضوع تاج بنت عمتك
فريد : ايوا طبعا
الجدة : وطبعا يا ولدي ميرضيش ربنا ان نبعدها عن امها دي وحيدتها وروحها فيها ومش كده وبس لا ده هيجوزها لولده الصايع التالف
فريد : لا طبعا حرام تاج مينفعهاش حد كده ابدا دي لا بتهش ولا بتنش
الجدة : وده اللي انا عوزاه منك
فريد : مش فاهمك يا ستي
الجدة برجاء : اكتب عليها يا ولدي
فريد بصدمة : اكتب علي مين في ايه يا ستي
الجدة : يا ولدي افهم كده تكتب علي تاج
فريد انتفض واقف : نعم ازاي يعني يا ستي
الجدة : يا ولدي اللي يرضي عليك يا ولدي مفيش حل غير ده اكتب عليها والله يا ولدي ما في منها
فريد بصدمة : يا ستي انتي كده بتحطيني امام الامر الواقع من ناحية مقدرش اطنش واقول تتجوز عيل فاشل ومليش دعوة ومن الناحية التانية مقدرش اتجوزها خالص يا ستي تاج مش ليا ابدا دي طفلة في ثانوية عامة يا ستي لالالالا الموضوع ده مينفعش ابدا ابدا
الجدة برجاء : لجل خاطري وخاطر عمتك يا ولدي والله يا ولدي بنت عمتك ما في منها اتنين والحل يا انت تاخدها يا ود عمك محمود
فريد بصدمة : نعم محمود وهي خديجة راضية بيه كده يا نينه لما نقله خد تاج كمان ولا انا كمان لالالالا يا ستي مينفعش
الجدة بدموع : يا ولدي متقهرش عمتك دي تموت لو عمها اخدها
فريد : ياخدها ازاي بس يا ستي هي البلد سايبة
الجدة : يا ولدي دي عاداتنا وحتي ابوك وعمك مهيقدروش يتكلموا
فريد بتفكير : انا عندي حل
الجدة : قول يا ولدي
فريد : لو جه عمها وقال حاجة ساعتها نقول انها خطبتي وميصحش نفسخ الخطوبة حرام وميجزش خطبة علي خطبة
الجدة بعدم اقتناع : بس يا ولدي
فريد مقاطعا لها : ده الحل اللي عندي يا ستي اني اقول انها خطيبتي ومفيش كتب كتاب ولا غيره وحتي تاج متعرفش باي حاجة من الكلام ده ابدا ابدا ولما يجي عمها ويسمع الكلام ده هيمشي وساعتها تفضل عندنا لما يجيلها نصيبها
الجدة سكتت علي مضض
///////////////////////////
عادل : وبكده هنكون وفرنا عليك وعلينا فوق ٣ مليون جنيه
شهاب بإعجاب شديد : هفضل اتعلم من حضرتك كتير يا عادل بيه
عادل بإبتسامة : انت شاب مجتهد ولولا اني شايف كده مكنتش حطيت ايدي في ايدك واشتغلت معاك
شهاب : شرف ليا يا فندم
عادل : تسلم يا ابني اتفضل مع ليال عشان تمضي باقي الورق
شهاب : عن اذنك يا فندم
عادل : اتفضل ليال خلصي مع استاذ شهاب وتعالي عاوزك شوية
ليال : حاضر يابابا عن اذنك
/////////////////////
خلود : يا ابنتي تعالي ننزل نشتري سوا بطلي رخامة
تاج : الله ما انتي عارفة ان انا مش فاضية ورايا مذاكرة كتير وبعدين زوقك مبيعجبنيش صراحة
خلود بصرخة : نعم يا اختي انا زوقي اللي مبيعجبكيش انتي هتشليني يا بت انتي
تاج بضحكة : هههههههههههههه اه والله لبسك كله محزق وملزق علي رأي نينه
خلود بحنق : هو انا موديني في داهية غير تريقة نينه عليا طيب بلاش تشتري تعالي نخرج كده سوا
تاج : والله ما فاضية نهائي وبعدين الامتحانات قربت
خلود : براحتك يا رخمة
تاج : ما انا قلتلها قالت هتستأذن عمو وترد عليا فقلت اقولك عشان نخرج سوا
تاج بإبتسامة : مرة تانية ان شاء الله
////////////////////
نمر : مساء الخير وبيسلم علي شهاب
ليال بإبتسامة : مساء النور يا عمو
ده استاذ شهاب .... مدير ذا وان
نمر : اهلا وسهلا
ليال : وده استاذ نمر اخو استاذ عادل
شهاب: اهلا بحضرتك تشرفت بمعرفتك
نمر : الشرف ليا يا شهاب بيه
امال فين عادل يا ليال
ليال : في مكتبه
نمر : اوك انا هدخله عن اذنكم
شهاب وليال : اتفضل
////////////////////////
في بيت محمد الغنيمي
سعاد بهدؤ: لا حول ولا قوة الا بالله غلبانة اوي زينب طول عمرها بختها قليل
محمد بحدة : ايه بختها قليل دي يا سعاد حرام الكلمة دي
سعاد : استغفر الله والنبي ما قصدي يابو محمود
سعاد : يعني كده فريد هيتجوز تاج
محمد بحدة : كلمة من الكلام ده متخرجش برة يا سعاد فاهمة لسه مش اتكلمنا معاه في الموضوع ده بس هو ده الحل الوحيد فمش عاوزين نتورة في الكلام
سعاد : اكيد طبعا من غير ما تقول يا ابو محمود
////////////////////////////////
محمود بهدؤ: يعني ايه مش فاهم
فريد : يعني يا بابا لو جه عمها هنقله اني خطبتها وهي وعمتي موافقين وكنا هننزل نكلمهم بس هما سبقونا وجم وهنفهم عمتي الكلام ده بس تاج مش هتعرف اي حاجة عن الموضوع البنت داخلة علي امتحانات
محمود : وليه متكتبش كتابك يعني
فريد بصدمة : يابابا انا بقلك خطوبة كده وكده تقولي اكتب كتابي طبعا مش ممكن يحصل احنا بس هنقول كده عشان نقطع اي تفكير لعمها وانا فهمت ستي كده ودي الحاجة الوحيدة اللي اقدر اعملها اكتر من كده لا
محمود : ماشي يا ابني ربنا يعمل اللي فيه الخير
فريد : يارب عن اذنك بقي يا بابا
محمود : اتفضل
///////////////////////
في شقة العزاب
نمر : امال فين فريد غريبة من امبارح مجاش هنا مش عوايده
محمود : مش عارف رنيت عليه العصر مردش
فريد فتح الباب : سلاااام
نمر : وعليكم السلام ايه يا ابني اشمعني جاي متاخر كده مش عوايدك
فريد : اصلي اخدت خبطة جامدة اوووي النهاردة دوختني وطيرت برج من نافوخي
محمود بإستغراب : ما توضح كلامك يا ابني
فريد بسخرية : ابدا ابوك وابويا وجدتك عاوزيني اتجوز تاج
محمود بصدمة : بتهزر
فريد : وحياتك ما بهزر
محمود : ازاي يعني ليه فكروا كده
نمر : معلش بس مين تاج
محمود : بنت عمتنا
نمر : اها وايه اللي حصل بقي
فريد حكي لهم اللي حصل
محمود : تفكير غريب اوي ليه احنا عايشين فين
فريد بتنهيدة : ما ده اللي انا قلته بس اللي فهمته ان يا انا هتجوزها يا هتبقي ضرة اختي
محمود فز بصدمة : نعم
فريد بضحكة : هههههههههههههههه اهدي اهدي هي اختي طيقاك لما تاخدك بضرة
محمود : هو ده وقت رخامتك وسئالتك يعني
فريد: والله ده اللي فهمته من ستك
محمود : طيب والحل
فريد : وصلت معاهم لحل قلتلهم لو عمها ده جه في اي يوم نبقي نقول انها خطبتي وهي وعمتي موافقين وميجزش خطبة علي خطبة وبس تاج متعرفش الموضوع عشان داخلة علي امتحانات
نمر بهدؤ : معلش بس فين المشكلة لو اتجوزتها بصحيح وكونت اسرة وانت صغير كده
فريد : لا طبعا انت بتقول ايه
محمود : وصراحة انا من رأيه وتاج وكلنا عارفينا يا فريد ده لو شاب كلمها ممكن يغمي عليها وتعيط
فريد : مقلتش حاجة بس انت عارف تاج دي مش شكلي خالص متنفعنيش نهائي مش مودي يا ابني وبعدين دي في ثانوية عامة
نمر بصدمة : نعم لا صراحة صغيرة
فريد : مش قلتلك
محمود : ربنا يسترها ويعني مش ناويين تجوزوني بقي
نمر بضحكة : ههههههههههههههههه بيقلك مبتطيقكش تقول جوزوني
فريد : قله والنبي
تليفون نمر بيرن
نمر بإستغراب : الو
ليال ببكاء هادئ: عمو
نمر بخضة : في ايه يا ليال
ليال : بابا عادل تعبان اوي والدكتور بيقول لازم يروح المستشفي
نمر بتوتر : ومكلمتنيش من زمان ليه
ليال ببكاء : رنيت اداني مغلق
نمر ونازل جري : طيب اهدي اهدي انا جاي حالا خلي الدكتور عندك لما اجي انا خمس دقايق وهبقي عندك
ليال : ماشي
محمود : يا ابني استني فهمنا غي ايه
نمر : عادل تعب اوي انا ماشي
فريد : طيب استنا نيجي معاك
ركبوا كلهم معاه ومشيوا
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
