الفصل الرابع عشر
شهاب بصوت عالي : ليال
عادل ونمر جريوا عليها
عادل : قومي حقك عليا ليال وبيخبط علي خدودها
شهاب قرب يشلها عادل زقه بعصبية : ابعد انت
نمر تدارك الموقف لان عادل مش في وعيه : خلاص اهدي ابعد يا عادل وقرب شال ليال وطلع بيها علي اوضتها وطلبوا دكتور
بعد نص ساعة
الدكتور : متقلقوش يا جماعة هي بس صدمة فعقلها والواقع مستحملهاش فغابت عن الوعي
عادل : هتفوق امتي يا دكتور
الدكتور : يعني ساعتين كده لان انا اديتها مهدئ
نمر : متشكرين يا دكتور
الدكتور : العفو عن اذنكم
نمر طلع الدكتور ورجع بص لعادل
عادل بتوتر : مالك بتبصلي كده ليه
نمر بحزن : ابدا مصدوم فيك
عادل : ليه انا عملت ايه
نمر بحزن شديد : ما المصيبة السوداء انك مش مدرك ان اللي انت عملته ده كارثة
عادل بعند : لا مش كارثة انت مشفتهمش كانو عاملين ازاي
نمر : عاملين ايه يا عادل حرام عليك عادي اتقابلوا سوا برة ودخلوا مع بعض ايه اللي حصل يعني
عادل : انت شفت ان نظراته طبيعية
نمر بعصبية : عادل تقدر تقولي لما ليال تفوق هتقابلها ازاي او هتقلها ايه او هتبرر موقفك ده ازاي
عادل : انا هتصرف معاها ملكش دعوة انت
نمر بسخرية : بجد عندي فضول اعرف ازاي
عادل طنشه ومردش عليه
نمر سابه وخرج
محمود : الو
نمر : ايوا يا محمود ايه فاضي ولا وراك حاجة
محمود : مالك صوتك مش طبيعي
نمر بتنهيدة : عادل اتصرف بتهور تصرف وحش اوي النهاردة
محمود بقلق: عمل ايه يعني فاتحك تاني في الموضوع
نمر : ياريت كان يبقي الحكاية سهلة
محمود بإستغراب : الله امال حصل ايه
نمر حكاله اللي حصل
محمود بصدمة : انت بتهزر ولا بتتكلم بجد
نمر : هو انت شايف ان ده وقت هزار
محمود : يا ابني انت مدرك ايه اللي حصل ده كده حطكم قدام الامر الواقع وبيقلكم مفيش مفر وهعمل اللي في دماغي
نمر بحزن شديد : انا مش مشكلة المهم ليال انت مشفتش حصلها ايه لما سمعت الخبر انا معرفش لما تفوق هقابلها باي وش
محمود : وهي يعني اخوك مش هيحكلها اللي حصل ولا هتفكر انك خطبتها منه بجد
نمر بعصبية : لا مش للدرجادي يعني اكيد هيقلها انه هو الي فكر في كده
محمود بتفكير : مظنش يا نمر
نمر : لالا متقلقنيش خلاص اقفل اما اروح الحقه لا يقولها حاجة فعلا
محمود : يقلها ازاي انت مش بتقول نايمة دلوقتي
نمر : ايوا صح
محمود : خلاص اهدي كده وصليلك ركعتين وبعدين روح اتكلم معاه بهدؤ
نمر: خلاص ماشي يلا سلام
محمود : مع السلامة
////////////////////
في بيت محمود الغنيمي
خلود : والله يا عمتو عملت حادثة بسيطة كده فبعت العربية الصيانة
زينب بخضة : ومتصلتيش ليه بس يا بنتي
خلود : ما انا زي الفل قدامك اهو يا زوزو متقلقيش
زينب : ربنا يستر طريقكم يا بنتي
خلود : امين يارب عموما فريد زمانه جاي هقله واروح انا وتاج معاه ومتتعبيش نفسك انت
زينب : لا يا بنتي يعني لسه جاي اقوله ترجع تاني عيب
خلود : هو فريد ده مش ابنك ولا ايه يا عمتي فمفيهاش حاجة لو اخدنا يعني
دخل فريد: اخدكم فين
خلود : عمتك يا سيدي كان عوزاني اوديها هي وتاج للدكتور فقلتلها العربية في الصيانة ومش راضية تقلك عشان انت لسه جاي
فريد : كده برده يا عمتي والله زعلتيني
زينب : زعلك غالي يا حبيبي وانا مقدرش عليه
فريد : تسلميلي يارب انتي تعبانة مالك بعد الشر
خلود : لا دي تاج اللي رايحة
فريد : تاج ليه مالها
زينب : نضارتها اتكسرت ومبتحبش تلبس عدسات فعاوزة تعمل نضارة جديدة
فريد : اوك هطلع بس اخد دوش واغير هدومي وانزل
زينب : لا اطلع غير وتعالي اتغدي الاول
فريد : اكلت برة يا عمتي يلا اجهزوا انتو بس علي ما انزل
فريد طالع اوضته وتاج نازلة وهي لابسة ومخلصة
فريد بإبتسامة دهشة : الله ماهي حلوة اهي اللينسز يا بنتي ليه ماسكة في النضارة ومجمدة
تاج بتوتر من غير ما تبصله : بتوجع عنيا ومبرتحش فيها
فريد : اكيد لانك مش متعودة عليها بس المهم راحتك اللي بيريحك البسيه يلا اجهزوا علي ما انزل
تاج : اوك
////////////////////////////
عند ليال : فاقت من نومها دماغها تقيله فضلت حوالي عشر دقايق تستوعب هي فين وايه اللي حصل وفجأة افتكرت كلام عادل عنها وعن نمر
ليال بصدمة : لا اكيد انا فهمت غلط في حاجة غلط في الموضوع ازاي يعني عمو نمر وخطيبته وانا ايه ده لا
قامت بسرعة طلعت لقيت عادل قاعد شارد في صالة اوضتها
ليال : بابا
عادل بإبتسامة : اهلا يا حبيبتي حمد لله علي السلامة
ليال : الله يسلمك بابا هو ايه اللي حصل وايه خطيبته ايه اللي حصل ده عاوزة افهم
عادل بتوتر : عادي يا حبيبتي اسمعيني للاخر ماشي
ليال بصدمة : يعني فعلا تقصدني مفيش حاجة غلط انا فاهمة صح مش كده ازاي يعني ازاااي
عادل : انتي عارفة انا بحبك قد ايه مش كده وميهمنيش اي حاجة في الدنيا غير مصلحتك
ليال بعصبية : مصلحتي في ايه في جوازي ولا جوازي من مين من عم نمر ازاي يعني فهمني ازاي
عادل بيحاول يهديها وبيقرب يطبطب عليها نزلت ايده وبعدت عنه
عادل بحزن : اه لمصلحتك والله لمصلحتك انا مبقتش قادر اتحمل يا بنتي وعمري في الدنيا مبقاش قد اللي فات وخايف عليكي وعلي الولاد
ليال بعصبية وبكاء : وجمال عادي انساه اتجوز بعده واكمل حياتي عادي
عادل : انتي بنتي اللي مخلفتهاش وهو روحي وحتة من قلبي يا بنتي بس عاوز اطمن عليكي انا مبنامش من كتر التفكير يا بنتي دماغي هتتشل وبلهجة استعطاف : انا حاسس اني هيجيلي زبحة تانية والمرادي مش هقوم منها
ليال انتفضت بدموع : بعد الشر عليك
عادل : والله يا بنتي ما عاوز حاجة من الدنيا غير اطمن عليكم قبل ما يجرالي حاجة ومعرفش اقول لجمال ايه انتو امانة في رقبتي يا بنتي ولازم اامن مستقبلك واحافظ عليكي مش اسيبك كده لوحدك
ليال وبتحاول تهدي نفسها وتقنعه : وليه جواز ما كده كده عمو بياخد باله مننا وهو اخويا الكبير واصلا مبنستغناش عنه هتفرق في ايه جواز من غيره بقي
عادل : معلش يا بنتي ريحيني وخلاص
ليال بهستيريا : لالالالالا اطلب اي حاجة الا دي الا دي يا بابا وسابته ودخلت قفلت علي نفسها
بعد حوالي ربع ساعة
ليال : الو من فضلك عاوزة احجز تذكرة القاهرة اقرب طيارة
تمام كمان ساعتين اوك شكرا
وقامت تجهز نفسها
///////////////////////////
في عربية فريد
خلود : ما تشغلنا حاجة يا فريد
دخل سي دي لشرين وبدأت انغام " انا كلي ملكك"
خلود بإبتسامة : يا روقانك
فريد ابتسم وسكت وتلقائيا رفع عيونه في المراية شاف تاج ساندة علي كرسيها ومغمضة عنيها وشفايفها بتتحرك بإبتسامة مع الاغنية "اناااا انا كل حاجة حبيبي فيا بتناديك انا انا مش بحبك الحب كلمة قليلة بالنسبة ليك ........" وخلصت الاغنية واخيرا ادرك انه كان بيراقبها ميعرفش ليه
فريد " ده ايه الهبل اللي انا بعمله ده " نفض اي افكار في باله وكمل سواقة
//////////////////////////
عادل قاعد لقي ليال خلابسة وخارجة
عادل بإستغراب : رايحة فين دلوقتي
ليال نازلة القاهرة
عادل بصدمة : دلوقتي
ليال : ايوا انا حجزت وخلاص الميعاد قرب عن اذنك وسابته وخرجت
عادل اتصل بنمر
عادل : ايوا يا نمر شوف احجزلنا اقرب طيارة خلينا ننزل ليال نزلت قالت مسافرة
نمر : هترجع دلوقتي
عادل : ايوا
نمر : انت قولتلها ايه
عادل : مش وقته يا نمر الكلام ده وقف السكة
/////////////////////////////
عند الدكتور
تاج قاعدة علي كرسي الكشف وحاطة راسها علي الجهاز
الدكتور : ارفعي راسك شوية يا تاج
تاج رفعتها بس الدكتور برده قام ومسك وشها ورفعه شويه وظبطه علي الجهاز
فريد " لا والله "
كملوا كشف ونزلوا واختارو نضارة وركبوا تاني مروحين
فريد : حد عاوز حاجة قبل ما نروح
خلود : انا لا
فريد : تاج
تاج : لا متشكرة
فريد : اكيد
تاج : اكيد
فريد : اوك
بدأو يتحركو وفريد لا ارادي لقي نفسه بيشغل سي دي شيرين تاني وبيراقبها وعملت نفس الحكاية غمضت وابتسمت وبدأت تقول معاه
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
