الفصل الثالث والاربعون
في شركة شهاب
شهاب دخل رايح مكتبه لقي مريم واقفة مع واحد وبتضحك
شهاب بنرفزة : ايه يا جماعة مش وراكم شغل ولا ايه مش شايف ان ده وقت البريك يعني
الشاب بحرج : اسفين يا فندم
مريم لف عشان تمشي
شهاب بحدة : انسة مريم
مريم : ايوا يا فندم
شهاب : الحقيني علي المكتب ومشي ومشيت وراه
دخل شهاب وقعد
مريم بتوتر : خير يا فندم
شهاب بصلها بحدة : شوفي يا انسة مريم اسالي عني هتعرفي اني زي ما مبعملش فرق بيني وبين الموظفين كمان احب يوصلني احسن شغل في المقابل
مريم بصدمة : وانا قصرت في شغلي امتي يا فندم
شهاب بحدة : لسه مخلصتش كلامي تاني حاجة محبش المرقعة اثناء الشغل وفي الشركة
مريم بصدمة : افندم مرقعة انا بتمرقع
شهاب : امال الضحك اللي شوفته ده كان ايه
مريم بغضب : طيب شوف حضرتك اولا حضرتك ملكش دخل ابدا بتصرفاتي انا اعرف الصح من الغلط ومتحكمش عليا من موقف ثانيا حضرتك تجاوزت حدودك معايا وده انا مقبلش بيه ومش ممكن اعديه استقالتي هتبقي عند حضرتك بعد خمس دقايق وسابته وخرجت وشهاب مستوعبش كمية كلامها غير لما خرجت
شهاب بنرفزة : هي حرة بقي انا مالي
مريم " مش هعيط انا مش هعيط هو بني ادم قليل زوق ومبيحسش " وكتبت استقالتها واديتها لسكرتيرة تدخلهاله وخرجت
///////////////////////
في بيت محمود وخديجة
خديجة جهزت الغداء كالعادة وخرج محمود لابس وكالعادة تسرح فيه كل ما تشوفه بلبس الشغل قلبها يصدح بجنون شافته بيلبس جزمته
خديجة بهدؤ : مش هتتغدي
محمود مردش عليها وخرج
خديجة بغيظ :لا والله و انت كمان اللي مقموص " استغفر الله العظيم يارب "
//////////////////////
عند فريد كالعادة قاعد مستني تاج
تاج خرجت وكل الطلاب بيسلموا علي بعض وطبعا تاج معاهم وده خلاه شايط ولا ارادي نزل لها
تاج شافته جاي" الله هو ماله قلب كده ليه شكبله ميبشرش بالخير "
فريد بحدة بسيطة : تاج
تاج بتوتر : نعم
فريد : مش يلا
تاج : اوك عن اذنكم يا جماعة وسلمت علي الباقيين ومشيت تحت مراقبة فريد القاتلة
فريد ركب ورزع الباب وحرك في سكون
تاج بتوتر : مالك " وكانها بكلمته ثقبت بلونة "
فريد بغضب : لازمته ايه اللي حصل ده
تاج بإستغراب : حصل ايه
فريد : الكلام والمرقعة دي وليه تسلمي اصلا
تاج بتوتر : وايه المشكلة يا فريد الناس بتمد ايدها تسلم اقولها لا معلش
فريد بغضب : ايوا طبعا تقولي لا معلش اذا كنت انا اللي هو انا واسمي حي الله جوزك مبمسكش ايدك ولا بسلم اصلا عليكي ودول عادي كده انتي طبيعية
تاج بدهشة : فريد ملوش لازمة الانفعال ده كله علفكرة خالص
فريد : بس يا تاج سبيني ساكت وقوليلي تحبي تروحي فين
تاج بعفوية : روحني البيت مبحبكش وانت متعصب كده مش عاوزة اروح في حتة خلاص
فريد ببسمة استغراب وهمس : افهم من كده انك بتحبيني وانا رايق
تاج ردنت بذات العفوية : ايوا يا سيدي بتبقي حلو انما لما بتتعصب يبقي مينفعش حد يكلمك يا ساتر بتبقي رخم رخامة
فريد بصدمة : نعم رخم !
تاج بسرعة : لالا والله مش قصدي انا بس يعني
فريد بإبتسامة : خلاص يا ستي مش مهم عادي مقبولة منك رخم رخم ها قوليلي بقي تاكلي ايه عشان هتتحبسي في البيت فترة الامتحانات
تاج بشقاوة : بيتزا طبعا
فريد : ماشي اتكلنا علي الله
وصلوا المطعم وطلبوا وقاعدين بياكلوا وبيهزروا في يوم تمناه فريد كثيرا
بونسوار
فريد بصلها بصدمة وتاج بإستغراب
بخبث : هاي فريد ازيك وبتمد ايدها
فريد قام بتوتر وسلم عليها : اهلا ايناس
ايناس ببسمة : ايه فينك كده تختفي مرة واحدة من غير ما تقول ولا تتصل ولا حاجة بقي كده
فريد بتوتر : معلش كنت مشغول
ايناس وبتبص لتاج بإستغراب من هيئتها وطريقة اكلها وبإحتقار : مش تعرفني بالامورة
تاج طول الوقت بتبص بإستغراب بس وقت ما اتكلمت عنها باحتقار كده ايقن حث الانثي عندها انها في مواجهة مش تعارف فمسحت ايدها كويس وبقها وقامت مدت ايدها وبإبتسامة وخبث: انا تاج يا طنط اتشرفت بمعرفتك
ايناس بصدمة : طنط
فريد حاول يمسك نفسه علي قد ما يقدر
ايناس بغيظ : عاشت الاسامي يا شاطرة انتي اخت فريد بقي
تاج وبخبث لا يليق بها ولكن حبت تغيظها غير مدركة لفجاعة ما تفعله وحضنت ايد فريد : لا يا طنط اخته ايه انا مراته
ايناس بصدمة كاسحة تكاد تشل : نعم
فريد خلاص هيفرقع ويضحك علي شكل ايناس وجواه سعادة غير طبيعية بموقف تاج اللي هو مدرك تمام الادراك انها متقصدش اي حاجة من كلامها بتغيظ ايناس وخلاص ومع ذلك لم يمنع قلبه من الفرحة اليتيمة اللي احسها
ايناس بغضب : بتقول ايه دي يا فريد
تاج بخبث : وحضرتك زعلانة ليه يا طنط
ايناس بتدارك لموقفها : ابدا زعلانه عشان معزمنيش
تاج : ملحوقة ان شاء الله متزعليش
ايناس : عن اذنكم وغادرت مع انطلاق ضحك فريد الهستيري
تاج بإبتسامة : بتضحك علي ايه
فريد : ههههههههههههههههه ههههههههههههههههههههه بريئة اوي مش عارفة ليه
تاج بتوتر : اعمل ايه انا كنت هتكلم عادي بس اتكلمت عني باسلوب وحش ايه مين الشاطرة دي شايفاني بضفاير ومريلة مدرسة
فريد ومازال يضحك : هههههههههههههههههههههه لا والله ما ينخاف عليكي
تاج بغرور : طبعا
فريد : ههههههههههههه اهدي يا حاج
تاج : هههههههههههه يلا كل والله ماما هتطين عيشتي لو اتاخرت
فريد بإبتسامة : لا متخافيش مش هتقولك حاجة
تاج : طيب يلا بقي عشان الحق احلي
فريد: مش لما تاكلي الاول
تاج وهي بتاكل : سدت نفسي يسد نفسها ربنا
فريد بانهيار من الضحك : هههههههههههههههههههه هموت يخرب عقلك اسكتي خالص بطلي كلام قال سدت نفسك قال
تاج ابتسمت بخجل وسكتت
/////////////////////////////////
شهاب كلم السكرتارية وطلب مريم قالوله سلمت الشغل وقدمت استقالتها ومشيت
شهاب بعصبية : استغفر الله العظيم يارب كمان هي اللي زعلانة
تليفونه رن
شهاب بتنهيدة : ايوا يا امي
جيهان بإستغراب : مالك يا حبيبي صوتك مش مظبوط
شهاب : مفيش يا جيجي شوية مشاكل في الشغل مش اكتر
جيهان : اكيد بس كده
شهاب : ايوا يا حبيبتي بس كده خير في حاجة ى
جيهان : ها لالا مفيش حاجة بس كنت قاعدة لوحدي كده ولاقيت نفسي بفكر فيك والله يا حبيبي البنت اللي اسمها مريم دي لقطة وبنت خجولة وكويسة ومش عوزاها تطير من ايدك
شهاب بتانيب ضمير من كلام والدته : خلاص يا امي هي استقالت اصلا
جيهان بصدمة : استقالت كده من غير سبب
شهاب بتوتر : لا انا كلمتها وحش وهي اخدت الكلام علي كرامتها اوي واستقالت
جيهان بضحكة : شوفت والله ما ينفعك غيرها بنت راسها في السما ومحدش يقدر يدوس لها علي طرف
شهاب بدهشة : ده كل اللي لفت نظرك في الموضوع
جيهان : يا حبيبي احسن انها استقالت امال تتجوزها وتفضل شغالة عندك مش يحاليك
شهاب بصدمة : انتي خلاص كمان جوزتيهالي
جيهان : انت عاوز بس بتكابر ابني وعرفاك يلا خلص شغل وتعال اوام عشان نشوف هنوصل لها ازاي
شهاب : نوصل لها ازاي مش فاهم
جيهان : يعني نوصل لاهلها ونخطبها يا حبيبي
شهاب ابتسم وسكت
جيهان : يلا يا حبيبي مع السلامة
شهاب بهدؤ باسم : مع السلامة
/////////////////////////////
في بيت خالد ودلال " شقتهم فوق شقة جميلة"
قاعدين ناهد ونفيسة ونورة مع دلال
دخل خالد من برة : السلام عليكم
الجميع : وعليكم السلام
كلهم سلموا عليه
خالد : ابقي كلمي جميلة يا ست الكل شوفي اخرها ايه وعرفيني
ناهد بتوتر : حاضر يا ابني
دلال بحدة وغضب : عن اذنكم ودخلت المطبخ
خالد اتعصب من طريقتها " دي مالها دي يومها اسود معايا ده كله عشان قعدت جنبها وديني لاوريها "
نفىيسة سكتت بخحزن علي بنتها
وناهد بعتب : كده برده يا ابني
خالد في ايه يا امي
ناهد : يعني يا ابني ملقتش تتكلم عن جميلة الا دلوقتي وقدام دلال
خالد بإستغراب : وفيها ايه بس يا حاجة
نفيسة بهدؤ : معلش يعني اسمحلي يا ابني انا كيف امك تمام
خالد : اكيد يا مراة عمي
نفيسة : يا ابني انت اكده كسرت قلبها يعني عروسة ولسه في صباحيتها وتتكلم عن ضرتها اللي سايبة البيت وعاوزها ترجع
خالد بخجل : متاخذنيش يا مراة عمي محسبتهاش كده واصل حقكم عليا
نفيسة : لا يا ولدي العفو انا بس بقلك عشان شوفتك ادايقت من طريقة دلال وهي قايمة
خالد " للدرجادي واضح عليا اعوذ بالله من الشيطان البت دي هتركبني العصبي "
وقام دخل وراها المطبخ لقاها بتحط فاكهة في اطباق
خالد بهدؤ : انتي كيف تخرجي بالطريقة دي ايه متعرفيش الاصول
دلال بسخرية : سبت الاصول وتصرفات الاصول لصحابها واللي بيفهموا فيها كويس
خالد بحدة : ما تتكلمي عدل متلونيش الكلام
دلال ولا الون ولا تلون عن اذنك عيب نسيبهم برة كل ده
وخرجت دلال بالفاكهة
خالد بهدؤ وهو يجز علي اسنانه " وماله كله بحسابه يا ست دلال اصبري علي لما يخرجوا "
يدوب اهلهم قعدوا خمس دقايق وخرجوا ودلال بدات تشيل الاطباق وترتب المكان
خالد بتفكير " دي مينفعش معاها الصوت العالي ولا العناد "
خالد دخل وراها المطبخ لقاها بتغسل الاطباق وبترتبها قرب منها ولف ايده علي وسطها وسند براسه علي رقبتها
دلال فزعت من الحركة وشالت ايده وخرجت من المطبخ جري
خالد ابتسم وسابها تخرج بمزاجه
/////////////////////////////
في مكتب مهاب
مهاب براحة : الحمد لله خلاص سيبوه يطمن خالص اليومين دول عشان عاوز لما امسكه يعفن في السجن ميطلعش انتو فاهمين
الظباط : تمام يا فندم
مهاب : اتفضلوا شوفوا شغلكم
خرج الظباط " وديني لاطلع عنيك يا واطي واخد حقي منك تالت ومتلت قديم وجديد"
تليفونه رن : ايوا يا فيفي
فريدة بتافف : بابا قلتلك اسمها السلام عليكم عشان ربنا ميزعلش
مهاب بضحكة لم يعد يستغرب رد بنته وقوة شخصيتها التي ظهرت مؤخرا ويعرف جيدا من السبب فيها : هههههههه حاضر يا حبيبتي السلام عليكم
فريدة : وعليكم السلام يا بابا مش هتيجي توديني لماما خلود بقي
مهاب : حاضر يا حبيبتي ساعة وهكون عندك غيري لبسك واتغدي وانا جاي
فريدة باصرار : لالا انا هاكل مع ماما خلود عشان هي هتعملي المكرونة اللي انا بحبها وهناكل سوا
مهاب بوجع : هي اللي هتعملهالك
فريدة بفرحة : ايوا
مهاب بتنهيدة : حاضر يا حبيبتي انا جايلك
////////////////////////
خلود نادت علي الخدامة تقعدها في الكرسي اللي بتكرهه جدا بس مجبرة وعدت فريدة انها هتطبخ لها مكرونة ودخلت المطبخ وبدات فعلا
زينب بخضة : ايه يا حبيبتي بتعملي ايه
خلود : بعمل مكرونة ليا انا وفريدة
زينب وبتاخد من ايدها الحلة : هاتي هاتي يا حبيبتي انتي روحي ارتاحي وانا هعملك اللي انا عوزاه روحي ارتاحي في سريرك
خلود وبتحاول تمسك اعصابها : عمتي انا اللي هعملها انا وعدتها
زينب بطيب نية : لا يا حبيبتي انتي نامي وامري بس وانا اعملك اللي انتي عوزاه
خلود بإنهيار حاد : كفاية بقي حرام عليكم بطلوا تعاملوني كده انا تعبت كفاية مش قادرة استحمل سيبوني اعمل اللي انا عوزاه
زينب بتقرب منها وبتحاول تحضنها : خلاص يا حبيبتي اهدي بس اهدي
خلود بهيستيريا وبتخبط في اي حاجة تقابلها وهي علي الكرسي : مش ههدي محدش له دعوة بيا سبوني في حالي حرام عليكم سبوني اعمل اللي انا عوزاه ارحموني بطلوا تبصولي بشفقة انا مش عاوزة شفقة من حد سبوني حرام عليكم سبوني وتلاشت قواها واعتمت الدنيا امام عينها تحت صراخ زينب المتواصل ودوخة جدتها ووقعها علي ارض المطبخ : رني علي محمود وفريد يا بنتي اجري
راحت الخدامة جري ترن عليهم وسمعت الجرس فراحت تفتح جري
مهاب برة مع فريدة جاي يوصلها وسامع الصراخ وبيرن الجرس
فتحت الخدامة وهي مرعوبة
مهاب بتوتر : ايه في ايه
الشغالة : الست خلود تعبت واغمي عليها
فريدة دخلت بسرعة جوة
مهاب : في حد جوة
الخدامة بسرعة : لا انا كنت لسه هرن علي محمود بيه
مهاب بعصبية : ادخلي قدامي اخلصي وريني الطريق
دخلت الخدامة قدامه ووصل المطبخ وجري عليها
زينب بخضة اول ما شافته وعدلت طرحتها
مهاب بسرعة : انا هاخدها المستشفي ضروري وحضرتك خليكي مع الحاجة وهطمنكم اول ما اوصل
زينب ببكاء وتوهان : ماشي ماشي وانا هرن علي محمود وفريد يجولك
مهاب شال خلود وجري علي العربية بيها ووراه فريدة
مهاب بحدة : فريدة ادخلي جوة
زينب مسكتها : تعالي يا حبيبتي ودخلت جوة تقوم امها وترن علي محمود وفريد
انطلق مهاب بالعربية علي المستشفي
مهاب بعصبية : غبي غبي جبتها ببيجامة وبشعرها استغفر الله العظيم يا رب
وصل بسرعة قياسية للمستشفي
بعد ربع ساعة ومهاب علي اعصابه رايح جاي
خرج الدكتور : ها يا دكتور طمني مالها
الدكتور بحزن : للاسف انهيار عصبي حاد نتيجة تراكمات عندها لان شكلها من النوع الكتوم
مهاب : لا حول ولا قوة الا بالله
جه فريد وتاج جري : مالها خلود ايه اللي حصل
الدكتور : ياريت يا جماعة بعد اذنكم محدش يدخلها خالص دلوقتي وتتجنبوا اقل شئ ممكن يدايقها والاهم انها لازم تتابع مع دكتور نفسي ضروري جدا الفترة دي
فريد : لا حول ولا قوة الا بالله يارب الطف بينا يارب
تاج مسكت ايده وفضلت تتطبطب عليه ومهاب قعد من التوتر والحالة اللي مسكته من اول ما شاف حالتها
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
