الفصل الثاني والاربعون
في شقة نمر وفريد
فريد سرحان والابتسامة مفارقتش شفايفه عكس نمر اللي مش طايق نفسه وهيموت ويعرف في ايه وسبب تصرفاتها دي ايه
فريد : نمر
نمر : ها نعم
فريد بإستغراب : مالك شكلك مش مريحني
نمر " ياريت اقدر اقولك " : لا عادي مشاكل وضغط شغل مش اكتر
فريد : ربنا يقويك يا سيدي
نمر بتنهيدة : يارب وبغمزة بس انت ايه اللي مفرحك كده ومخلي ابتسامتك من الودن دي للودن دي خيىر
فريد ببسمة : ههههههه ايه ده هو باين عليا
نمر بضحكة : باين اوي اوي يا خويا
فريد : عادي يعني بس حاسس كده والله اعلم اني وقعت ومحدش سمي عليا
نمر : اوهو انت واقع من زمان يا حبيبي
فريد بإستغراب : لا يا اخي
نمر : اه والله بس انت الوحيد اللي مكنتش واخد بالك
فريد ابتسم وسكت
نمر بتنهيدة : انا همشي بقي
فريد بإستغراب : الله انا فكرتك هتبات
نمر بتوتر : ها لالا عشان عادل بس
فريد بدهشة : لا يا شيخ
نمر : سلااااااااام وخرج
فريد : طيب استني طيب وخرج هو كمان
//////////////////
عند محمود وخديجة
خديجة " ده ماله ده مش علي بعضه كده ليه وكل شوية يبص في التليفون "
رن التليفون فاخده وطلع برة في البلكونة بسرعة وخديجة طلعت وراه اول مرة تعملها
محمود بعصبية وصوت واطي : يعني ايه اللي انتي بتقوليه ده انا مش فاضي افضل استني اتصالك انا موريش شغلانة غيرك ولا ايه
خديجة انصدمت وهو كمل : اديني ميعاد محدد هتتصلي فيه ........ خلاص اعرفي وكلميني يلا مع السلامة ولف عشان يدخل جوة لقي خديجة في وشه
خديجة بصتله بإحتقار
محمود بتوتر : خديجة
خديجة بهدؤ : مش عاوزة اسمع صوتك
محمود بتوتر : افهميني بس واسمعيني
خديجة بغضب : افهم ايه يا متصابي انت مش عارف سنك كام وانا اللي كل يوم اانب في نفسي اني فهمتك غلط وضيعت سنين عمرنا لكن الحمد لله نظرتي في محلها بالظبط
محمود بيحاول يتمالك اعصابه : اهدي عشان افهمك بطلي تقطعي احكام مسبقة
خديجة بسخرية : الموضوع مش محتاج تفهمني واضح زي عين الشمس
محمود بعصبية : خديجة مش تخليني اتغابي عليكي اقعدي خلينا نتكلم
خديجة : مش هقعد وهي كلمة هتنزل توديني لبابا ولا انزل لوحدي
محمود بغضب : مفيش زفت نزول
خديجة : هنزل فهتنزل معايا ولا اتصل بيه واعمل مشكله من ما فيش
محمود بغضب : انتي بتلوي دراعي يعني
خديجة بسخرية : لا العفو وانا اقدر برده
محمود : طيب يا خديجة ادخلي ووالله ما في خروج وادخلي واتقي شري طالما انتي متخلفة ومش راضية تقعدي نتفاهم واوضحلك زي البشر ما بيتفاهموا
خديجة بعصبية : قصدك ايه
محمود سابها ودخل الاوضة من غير ما يرد عليها منعا للمشاكل
خديجة بعصبية : ماشي ماشي وطلعت تليفونها
فريد : ايوا يا خديجة
خديجة : انت فين
فريد : انا مروح في ايه
خديجة تعالالي البيت
فريد بإستغراب : ليه في ايه
خديجة بعصبية : ما لما تيجي هتعرف يا فريد
فريد : اوك انا داخل عليكو اهو
خمس دقايق وكان فريد بيرن الجرس
فتحت خديجة : اتفضل
فريد قعد : في ايه
محمود خرج من الاوضة لما سمع صوت الجرس وبإستغراب : فريد
فريد قام وسلم عليه : خير يا جماعة في ايه
محمود بعصبية : انتي مجنونة ايه اللي انتي بتعمليه ده امال سبتي ايه للعيال
خديجة بغضب : كله الا كرامتي يا استاذ محدش يحقله يدوسلي علي طرف
فريد بصدمة : نعم هي وصلت للكرامه
خديجة : ايوا طبعا لما الاستاذ يعرف عليا واحدة ويكلمها وفي البيت يبقي يخص كرامتي ولا لا
فريد بصدمة : مستحيل
محمود بسخرية : لا يا اخي مش مستحيل هي هتكدب ودانها
فريد تاه بينهم : يا جماعة انا مش فاهم حاجة
محمود مردش وخديجة : انا هفهمك وحكتله كل حاجة
فريد : مش عندك تبرير يا محمود
محمود بهدؤ : عندي بس اسمحلي اقولك انها خلاص انتهت فرصة اني اشرحلها لان اختك اتكلمت باسلوب مش محترم وبقلها اقعدي افهمك وهي ولا الهوا وزيد عليهم انها قالتلي متصابي واخد بالك انت من حجم الكلمة بس عشان خاطرك انت يا فريد هقولها اني اللي كنت بكلمها دي بخصزوص الشغل حابة تصدق هي حرة مش حابة شئ يرجع لها
فريد بهدؤ عارف محمود كويس : معلش متزعلش حقك عليا انا في اي كلمة هي قالتها
خديجة بغضب : لا والله وكمان انا اللي غلطانة انتو طابخينها سوا ولا ايه
محمود ابتسم بسخرية " حتي اخوها "
فريد بعصبية : انا ماشي عن اذنك يا محمود
محمود قام وصله ورجع دخل اوضته تاني وخديجة برة هتفرقع منهم
//////////////////////////////
في بيت عادل نمر رجع ولقي كله نايم كان عنده امل يرجع يلاقيها ميعرفش ليه
اما فريد رجع البيت وعدي علي خلود لقاها نايمة فطلع اوضته لقي نور اوضة تاج شغال فخبط علي الباب
تاج : مين
فريد : انا يا تاج
تاج بتوتر : في حاجة يا فريد
فريد بإبتسامة من علي الباب ممكن ادخل
تاج : اوك ثواني لبست الاسدال وفتحت : خير يا فريد
فريد " اهي فتحت قول اي حجة بقي وخلاص منظرك هيبقي وحش ": عاملة ايه في المذاكرة
تاج بإستغراب : تمام الحمد لله
فريد : ربنا يقويكي كلها كام يوم وتبدأي امتحانات
تاج بتوتر : متفكرنيش بقي يا فريد انا حاسة اني مش هجيب مجموع حلو
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
