الغصل الواحد والستون
سعيد : المهم دلوقت نوديها لشيخ زين كده يشوفها
خالد : ونشوفوه فين ده بس يا عمي احنا عمرنا ما كان لينا مشاكل ولا سحر ولا قرف حسبي الله ونعم الوكيل
سعيد بحزن : كله علي الله يا ولدي خلي تكالك علي الله
خالد : ونعم بالله ونعم بالله يا عمي طيب انتو اسالو وانا كمان هسال بس يبقي شيخ مش دجال يا جماعة اسالوا عليه كويس
نفيسة بس بتبكي
/////////////////////////////
عند مهاب التوتر واخد حقه معاه
اللواء منصور : قلت ايه يا مهاب
مهاب سرحان مبيردش
منصور بحدة : مهاب
مهاب بتوتر : ايوا يا فندم
منصور : لا انت مش معايا خالص
مهاب : انا اسف يا فندم معلش عقلي مشغول شوية
منصور : اتفضلوا انتو يا جماعة ونفذوا اللي قلتلكم عليه انت استني يا مهاب
مهاب رجع قعد : ايوا يا فندم
منصور بتنهيدة : في ايه شاغلك اوي كده يا ابني ركز في مستقبلك والقضية دي انت شغال عليها بقالك كتير متضيعش مجهودك
مهاب بغل : مستحيل يا فندم انا مش هرتاح الا لما امسكهم ويعفنوا في السجن
منصور : طيب تمام مالك بقي مش مهتم ليه
مهاب بتنهيدة : قلقان اوي علي خلود خايف عليها اوي يا فندم
منصور : متقلقش ان شاء الله هترجع بالف سلامة وافرح بيك قريب ان شاء الله
مهاب ببسمة بسيطة : يارب
فجأة تليفونه رن عرف انها هي : عن اذنك يا فندم وخرج بسرعة علي مكتبه وقفل الباب
مهاب بلهفة : الو ايوا يا خلود
خلود : انت ليه عملت كده
مهاب بإستغراب : عملت ايه
خلود بشوية حدة : المستشفي
مهاب بحدة مشابهة : امال مين اللي كان هيدفع ان شاء الله
خلود : بابا طبعا
مهاب بغضب : ليه متجوزة خيشة مش راجل
خلود : لا طبعا مش قصدي بس انت ذنبك ايه
مهاب بعصبية : يعني ايه يا مجنونة انتي ذنبي ايه ده انتي مراتي مسؤولة مني وبعتلك فلوس في البنك يا خلود تصرفيها واي مستلزمات ليكي تبقي من فلوسي فاهمة ولا لا
خلود بعصبية : طبعا لا ده فريد متدايق جدا من الموضوع والله انا هديته بالفية
مهاب بعصبية : ليه يعني متجوزة طرطور انا هكلمه
خلود : لا الله يخليك انت وهو عصبيين مش عوزاكم تشدوا سوا
مهاب : اهنيكي بصراحة يا خلود بتعرفي ازاي تنرفزيني وتحرقي دمي
خلود بمكابرة : انت اللي غلطت يا مهاب
مهاب بصوت عالي : خلود اقفلي اقفلي واتقي شري يا بنت الناس
خلود بدموع : ماشي مع السلامة
مهاب بسرعة : استني استني
خلود : نعم
مهاب بهدؤ : الله يسامحك اخدتيني علي مشمي الدكتور قالكم ايه
خلود بتوتر : عملت شوية تحاليل وهيشوفها بكرة ان شاء الله وهيحدد علي اساسها العمليه يا تبقي بعد بكرة او بعدها بيوم
مهاب بتوتر : بعد بكرة او بعد بعده ربنا يطمنا يارب
خلود: اللهم امين
مهاب : انتو روحتوا ولا لسه
خلود : لا انا اتحجزت في المستشفي من النهاردة بيقولوا لازم متابعة
مهاب بوجع : ربنا يقومك بالسلامة
خلود : اللهم امين فريدة عاملة ايه
مهاب بضحكة : هههههههههه طول الوقت عاوزة تكلمك بس انا معرفتهاش الرقم
خلود : سلملي عليها كتير وبوسهالي
مهاب بمناغشة : ابوسها هي بس
خلود بتوتر : ايوا
مهاب : ههههههههه ماشي يا ستي لينا رب اسمه الكريم
خلود : انا هقفل بقي ماشي بس لو فريدة جنبك ادهالي
مهاب : لا انا في الشغل وابن الكلب اللي عمل فيكي كده خلاص قرب يقع في ايدي وهتطفحه حليب امه اللي شربه
خلود بخوف : الله يخليك يا مهاب بلاش سيبهم في حالهم خلاص انا خايفة علي فريدة دول ناس زبالة ميهمهمش حد ولا بيتقوا ربنا
مهاب بتنهيدة وجع : بس علي فريدة طيب اجبري بخاطري طيب وقولي خايفة عليك بس ما علينا متخافيش يا ستي انا مأمن فريدة كويس
خلود : ربنا يحفظكم
مهاب : اللهم امين يلا هسيبك دلوقتي لاني مشغول وهكلمك لما اروح اطمن عليكي
خلود : اوك مع السلامة
مهاب : مع السلامة
////////////////////////////
في اوضة تاج
تاج " حاسة ان في حاجة كبيرة اوي ناقصة بسفر خلود وحتي فريد عمري ما كنت اتخيل ان هيجي يوم وابقي نفسي اشوفه وحش اوي وصعب الشعور ده
ربنا يرجعكم بالسلامة يارب ونطمن عليكي
وكانه سمع كلامها " تليفونها رن
تاج بإستغراب من الرقم بس توقعت انه هما فتحت الخط : الو
فريد بهمس : وحشتيني
تاج بتوتر : فريد ؟
فريد ببسمة : هو حد يتجرأ يقلك الكلمة دي غيري ده انا كنت اشرب من دمه
تاج : عاملين ايه
فريد : امممم جماعي كده وماله احنا كويسين الحمد لله انتي عاملة ايه
تاج بزهق : مخنوقة جدا كنت بفضل قاعدة مع خلود بنسلي بعض ربنا يجيبها بالسلامة يارب
فريد : يارب امال مقضية يومك ازاي
تاج بخنقة : ماما علطول ممرمطاني اعملي كذا نضفي كذا دي شوية وهتشيلني المطبخ كله
فريد بضحكة شديدة : ههههههههههههههههههه ياه ده انتي شايلة منها اوي
تاج بضحكة : هههههههه اعمل ايه حساها بتكافأني اني خلصت امتحانات
فريد بخبث : لالا ميصحش كده انا هقلها متتعبكيش تاني انا محبش مراتي تتعب
تاج بتوتر : امال فين خلود
فريد بضحكة : ههههههههه نايمة خلود نايمة
تاج ساكتة
فريد بإبتسامة : انتي نتيجتك امتي ان شاء الله
تاج بتوتر : كمان كام يوم ان شاء الله
فريد : متتوتريش كده ان شاء الله هتجيبي المجموع اللي انتي عوزاه وبعدين انتي دحيحة يا ست الكل متقلقيش
تاج بخضة : انت بتنق عليا يا فريد
فريد : لا يا روح فريد انا اقدر برده
تاج : سلام اصل ماما بتنادي وقفلت من قبل ما تسمع رده
فريد " ماشي يا تاج انا تقفلي السكة في وشي براحتك هعديهالك النهاردة "
/////////////////////////////////
بعد يومين في بيت سعيد خالد ونفيسة ودلال ونورة لسه داخلين من عند الشيخ ومروحين
خالد داخل شايل دلال
سعيد وسالم اول ما شافوهم فطوا قاموا
سعيد بخضة : مالها حصلها ايه
نفيسة : اصبر يا بو سالم بس تعال يا ولدي اطلع ودلته نفيسة علي اوضة دلال والكل طلع وراها
حطها علي السرير وغطاها وقعد جنبها والباقي خرج
سعيد بعصبية : يا ولية فهميني ايه اللي حصل ومالها البت
نفيرة انفجرت في البكاء ونورة اللي ردت : معمول لها عمل يا عمي
سالم بفجعة : يعني زي ما توقعنا بس عمل ايه ده
نورة بتوتر : فرقة
سعيد : كيف يعني مفهمش
نورة : عمل فرقة بيتنها وبين جوزها يا عمي
سالم بصدمة : حسبي الله ونعم الوكيل
سعيد بغضب : وعمل ايه ومعرفش مين اللي عمل كده
نورة : لا هو قرا عليها شوية وعطانا ماية مقري عليها تتحمم بيها وحجات كتير كده نعملها
سعيد : حسبي الله ونعم الوكيل حسبي الله ونعم الوكيل
اما عند خالد ودلال
خالد وهو بيمسح علي شعرها وبيقرا قران " وربي اعرف بس مين عمل فيكي كده وانا اشرب من دمه يا غاليه "
خالد بصوت هامس : دلال انا حياتي مبقيتش حياه من بعدك عودتيني علي الدلال والاهتمام بقيت كاره البيت واللي فيه من بعدك والله وانا ظلمتك سامحبيني حقك عليا يا غالية ونزل باس راسها حقك عليا ومش هرتاح ولا يهني لي بال الا لما اعرف مين اللي عمل اكده فيكي يا طيبة
دلال بدأت تصحصح فأنسحب بسرعة عشان متتعبش لما تشوفه زي ما قاله الشيخ
نزل لتحت لقي الحزن مخيم علي الكل : عن اذنكم يا جماعة انا ماشي
نفيسة : اقعد يا ولدي نتعشوا سوا
خالد : معلش يا مرة عمي مقدرش ملياش نفس ابدا انا همشي دلوقت وهاجي اطل عليها بكرة ان شاء الله
سعيد : تشرف وتنور يا ولدي
خرج خالد وقلبه عند دلال
///////////////////////////
في المستشفي
خلود بتوتر : خايفة اوي يا خديجة
خديجة وبتحاول تمسك دموعها : متخافيش يا حبيبتي والله الموضوع سهل متقلقيش
فريد : خلود اقرأي يا حبيبتي قرأن واهدي متعمليش كده
خلود ببكاء : خايفة اوي
خديجة : اهدي يا حبيبتي المفروض الكام ساعة دول تبقي مرتاحة فيهم عشان الضغط يبقي تمام فاضل تلت ساعات علي العملية اهدي كده يا حبيبتي
الباب خبط : طق طق طق
فريد راح يفتح
فريد بصدمة : مهاب
مهاب بلهفة : اوعي تقولي دخلت
فريد لسه تحت تاثير الصدمة : لا لسه
مهاب بضيق : طيب عديني يا فريد
فريد بإستيعاب : معلش اسف اتفضل
مهاب دخل وعينه بتراقب ملامحها وهي بتعيط في حضن اختها : السلام عليكم
خديجة بصت بصدمة
وخلود بصدمة شديدة جعلت دموعها تتحجر في عينها : مهاب
فريد شاور لخديجة واخدها وطلع
مهاب قرب لخلود وحضنها : بتعيطي ليه
خلود برجفة وبدأت في البكاء تاني : خايفة
مهاب : ليه خايفة من ايه والله ان شاء الله هتقومي بالف سلامة
خلود هزت راسها : ان شاء الله
مهاب بعد عنها وببسمة مسح دموعها : فريدة بتسلم عليكي كتييييير وبخبث : وبعتالك بوسااااات كتييييير تحبي تاخديهم دلوقتي ولا بعد العملية
خلود بحدة : مهاااااب
مهااااااب : خلاص سحبتها هخليهم عندي لما ترجعي بالسلامة
خلود : احسن برده اصحيح فريدة سبتها فين اوعي تكون سبتها لوحدها
مهاب ببسمة : اكيد لا انا ودتها بيت اللواء منصور مع اولاد ابنه هتلعب وتنساني شوية
خلود بإستغراب: مين اللواء منصور ده
مهاب : ده الاب الروحي بالنسبالي كده
خلود : اها واثق فيه يعني
مهاب ببسمة : ايوا متقلقيش وبعدين يا بنتي اتخري شوية هقع حرام عليكي
خلود ابتسمت وبعدتله مكان شوية فقعد جنبها ولافف ايده علي كتافها
خلود بتوتر : مهاب عيب كده فريد او خديجة ممكن يدخلوا في اي وقت
مهاب بإستغراب : وايه يعني هو انا شاقطك من الشارع ده انتي مراتي يا هبلة
خلود بهدؤ : مقلتليش انك جاي ليه
مهاب : مكنتش ضامن اني الاقي حجز ولما لقيت طلعت المطار علطول وجاي علي waitin lest اصلا
خلود فرحت اوي من اهتمامه وفرحت لما شافته متعرفش ليه
مهاب بهدؤ : هو ميعادك امتي
خلود : كمان تلت ساعات
مهاب بتنهيدة حضنها جامد وهي استكانت علي صدره: ربنا يطمنا عليكي
///////////////////////
في بيت خالد قاعد مع ابنه وعقله عند دلال ومقلش اي حاجة لاهله
جميلة فرحانة اوي باللي حصل هو مقلهاش لكن فهمت لوحدها من مغادرة دلال لبيتها
جميلة " روحة بلا ردة ان شاء الله " : ابو جاد انا هنزل اجيب حاجة من عند الحجة من تحت وهاجي
خالد هز راسه وخلاص مش مركز هي بتقول ايه نزلت من هنا وتليفونها رن من هنا وازعج خالد رن بتاع خمس مرات
خالد بعصبية : وبعدين بقي في المخروب ده لسه هيمسكه ويرد لقاه فصل : احسن منقصش وجع راس
يدوب رماه وسمع صوت المسج
خالد " ده مين البارد ده " فتح المسج وشلل تام اصاب جميع جسده " كان مضمونها " خير يا ست جميلة عرفت ان صاحبتك طارت خلاص وانتي ارتحتي فين حلاوتي امال " شلل تام لعقل خالد فاق علي نداء ولده في اللحظة اللي دخلت فيها جميلة البيت
خالد حاول قدر الامكان يتحكم في اعصابه عشان ابنه وبهدؤ : ودي جاد للحجة وتعالي
جميلة بفرحة : عيوني " والله ونفع الموضوع حلاوتك كبيرة قوي يا بت يا لوزة نزلت ابنها بسرعة وطلعت تاني
جميلة دخلت وقفلت الباب وراها وفي ثانية كانت علي الارض من الكف
خالد بغضب جم وهو بيضربها باديه ورجليه : اه يا بنت الكلب يا شيطانة ليه يا زبالة عملتلك ايه الغلبانة دي عشان تعملي فيها اكده
جميلة مش قادرة تتكلم وبصوت يدوب يطلع : معملتش حاجة
خالد وبيضربها بالشلاليت وبيلوي في دراعها : هتروحي من ربك فين يا شيطانة ليه كل ده ليه عشانها احسن منك اسمك جميلة وكل حاجة فيكي عفشة حسبي الله ونعم الوكيل فيكي حسبي الله ونعم الوكيل فيكي ربنا ياخدك ولما خلاص ملقاش فيها نفس : انتي طالق يا شيطانة
طلع تليفونه ورن علي اخوها اللي اصلا مبيطقوش : الو
اخوها بنفخة : اهلا يا نسيبي
خالد : خلاص مبقناش نسايب اختك طلقتها وتعالي خدها دلوقت علي المستشفي لو عاوزها تعيش وقفل السكة في وشه
ونزل علي امه بصراخ : يا امه يا امه
خرجت والدته بسرعة من المطبخ : خير يا ولدي
خالد بغضب : الشقة فوق مفتوحة اخو الشيطانة اللي فوق هياجي ياخدها جاد ميطلعش من هنا انتي سامعة يا امه
ناهد بصدمة : حصل ايه يا ولدي
خالد بغضب : لو قعدت دقيقة واحدة هنا صدقيني يا امه هطلع اخلص عليها خالص فسيبيني دلوقت الله يرضي عنيكي وجاد اخفيه معوزش جنس مخلوق يشوفه فهمتيني
ناهد : حاضر يا ولدي حاضر
خرج خالد بسرعة البرق
أنت تقرأ
نيران تملكي بقلم fatma Ahmed" قطرة حياه"
Lãng mạnنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
