الفصل الرابع والثلاثون
نمر
طلع اوضته وهو طالع سمع صوت ضحكها ولعبها مع ابنها خبط ودخل
نمر وهو بيشيل : عادل اهلا اهلا يا بطل
عادل : لوح امشي بلة
نمر بإستغراب : بيقول ايه
ليال : عاوز ينزل يلعب تحت وعنده برد عشان كده مش عاوزة انزله
نمر : بس مشفتوش تعبان انا
ليال : تعب شوية ووديته للدكتور بس مقلتش لعمو عشان ميدايقش نفسه
نمر : اها ودلوقتي احسن
ليال : اه كتير الحمد لله
نمر : الحمد لله صحيح كنت عاوز اقولك ان خلود اللي كانت راكبة معانا في العربية فكراها
ليال : اه اخت خديجة
نمر : ايوا
ليال : مالها
نمر : في المستشفي قلت اعرفك لو قدرتي تيجي معايا نزورهم ياريت
خلود بإستغراب : يا ستار يارب مالها
نمر : كانت مخطوفة ومضروبة بالنار
ليال بصدمة مفزعة : كمان ليه
نمر : حوار طويل بقي هبقي احكيلك عليه واحنا رايحين
ليال : اوك خلاص
نمر جه يقوم وينزل عادل
ليال بدهشة : ايه ده نام
نمر بضحكة : وانا اقول مش بيفلفص معايا ليه
ليال اخدته منه : بس ده مش ميعاد نومه
نمر بغمزة : تاثر بحضني حضني حنين بقي اعمل ايه
ليال برفعة حاجب : لا والله
نمر : اه والله هي هند نايمة بدري ليه
ليال : عشان تقوم بدري للمدرسة
نمر : اها طيب يلا تصبحي علي خير
ليال : وانت من اهله
خرج نمر وقامت ليال تنيم عادل وهي بتحطه علي السرير بإستغراب " بتشم عادل الله ايه الريحة دي ما طول عمره بيشيلهم وعمرهم ما لقطوا منه ولا انا اخدت بالي "
" بس حلوة اوي كده ليه وفضلت تستنشق ريحة عادل بلا وعي "
فجأة انتفضت " ايه اللي انا بعمله ده انا اتجننت اكيد "
سابت عادل بسرعة وقامت
//////////////////////
في بيت محمود الغنيمي
دخل فريد البيت متأخر وراح علي اوضة جدته في الدور الارضي
فريد : مساء الخير يا ستي
الجدة : اهلا يا ولدي طمني كيف اختك النهاردة
فريد : علي حالها ي ستي والله انا مش عارف ايه اللي بيحصلنا ده
الجدة : تعوذ من الشيطان يا ولدي امال عمتك وابوك مجوش ليه
فريد : مع عمي خرجو سوا وزمانه جاي وعمتي هتبات مع خلود لان الدكتور قال لازم حد يبقي معاها
الجدة : ربنا يقومها بالسلامة يا ولدي
فريد بتنهيدة : يارب يا ستي يارب هدخل اغسل وشي عندك هنا واطلع اقولك اللي الدكتور قاله
دخل فريد حمام جدته وخبطت تاج ودخلت باريحية لانها عارفة ان مفيش حد في البيت نازلة ببيجامتها عادي ومضفرة شعرها وجيباه علي كتفها من الجنب وباين طوله
تاج : تيته هاجي اذاكر معاكي خايفة اقعد لوحدي صحيت لاقيت ماما لسه مجتش
الجدة بإبتسامة وفي بالها حاجة تانية خالص : اقعدي يا بتي
قعدت تاج علي كنبة واتربعت
فجأة فتح فريد الباب وبلم من شكلها وشعرها
فريد بتمتمة ظاهرة : بسم الله ماشاء الله
تاج قامت بتوتر وبصت لجدتها بصة عتاب وخرجت بسرعة وفريد عينه عليها
الجدة : رايدها صح
فريد بعدم تركيز : ها بتقولي حاجة يا ستي
الجدة : بقلك انت رايدها صح ومرايدش تنفذ كلام امها واللي قالته قبل كتب كتابكم انه محدش يعرف لغاية ما يجيها نصيبها
فريد سكت
الجدة : انا عرفاك زين يا ولدي خلي اختك تقوم بالسلامة ونطمن عليها وهي تخلص امتحانات وساعاتها يبقي لكل حادث حديث
فريد هز راسه وهو ساكت منطقش " فعلا طفلة بس برائتها تخلع القلب ومنظرها يأثر "
في اوضة تاج رايحة جاية من التوتر " كده برده يا تيته ده موقف تحطيني فيه الله يسامحك الله يسامحك وبالمنظر ده وهو ناقص اصلا هو مش طايقني خلقة اطلع قدامه كده ببيجامة توتم وجيري لا وعاملة فيها المنتقمة واغير لبسي وشكلي وانا من جوة زي ما انا اووووف "
///////////////////////////////
في بيت خالد
خالد مش طايق نفسه من ساعة ما رجع من عند عمه ومن ساعة اللي سمعه " انا اخر الزمن خطيبتي تقول قدامي اكده عادي انها عاوزة تنخطب لحد تاني دي لا صارت ولا جرت قبل سابق يا بشر "
" كيف مسكت نفسي عن ما اقتلها معرفش ماشي يا بنت العم اعملي وكتري كله متسجل وحسابنا يجمع "
وبص لجميلة بسخرية وهي نايمة " لا والمخبولة دي تقول عينها مني ومعرفش ايه "
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
