الفصل الثالث عشر
في مدرسة اطفال
خلود داخلة اوضة المدرسات وعفاريت الدنيا في وشها
حنان زميلتها : مالك يا خلود
خلود : ولا حاجة
حنان : شكلك مش طبيعي ابدا
خلود : ابدا عملت حادثة بسيطة كده
حنان بخوف : يا ستار يارب انتي كويسة طيب
خلود : اه تمام الحمد لله انا بس متضايقة من الحيوان اللي خبطني
حنان بإبتسامة : يا ابنتي احنا لسه علي الصبح ملحقناش ناخد حسنة
خلود بإبتسامة : هههههههههه استغفر الله العظيم اعمل ايه ما هو اللي عصبني وحرق دمي
حنان : معلش يا ستي قومي يلا الجرس رن
خلود راحت الفصل : صباح الخير يا حلويين
الاطفال : صباح النور يا ميس
نسيب خلود في فصلها
////////////////////////////
في مبني امن الدولة
بحدة شديدة لصف من الظباط يقفو امامه كالمذنبين : انتو شوية تلامذة ازاي يعني مش عارفين تزرعوا عندهم حد احنا هنستهبل
الظابط بتوتر : يا فندم هما مأمنين نفسهم كويس اوي مفيش فرصة
بعصبية شديدة : انت هتستعبط يا حضرة الظابط يعني ايه مأمنين نفسهم وامال انتو شغلتكو ايه وتدريباتكم دي ليه امال لو اخدوا تدريبكم بقي ايه هيمسكو البلد بقي ونشوف جحر نتلم فيه احنا روحوا من وشي وفي خلال ٢٤ ساعة عاوز قدامي تقرير كويس يا تشوفوا حته تلمكم بعيد عني
الظباط خرجوا بسرعة وهو قعد بتعب : يعني ايه هفشل مستحيل
" بطلنا مهاب نور الدين طبعا طويل كأي ظابط امن دولة عمره ٣٥ سنة عصبي جدا بعكس شخصيته زمان لكن بعد الحادثة بقي شخص تاني تماما وهنعرف حصله ايه مع الاحداث وروحه في بنته فريدة سماها علي اسم مامتها اللي ماتت وهي بتولدها "
//////////////////////////////////
في شرم الشيخ
عادل بضيق : ازاي يعني يا شهاب بيه احنا مش متفقين هنيجي هتكون كل حاجة خلصانة ازاي يعني هنقعد يومين
شهاب بتوتر خاف عادل يكشف كذبه : يا مستر عادل ده تقصير من المديرين عندي وانا هعرف ازاي اأدبهم عليه ارجوك متضايقش نفسك
ليال : خلاص يابابا مفيش مشكلة هنشوف التعطيل منين ونحاول نخلص علطول ونمشي
شهاب ابتسم وسكت وعادل لمحه وذادت شكوكه اكتر واكتر
ليال : عن اذنكم هروح اطمن علي الولاد
ليال راحت تكلم الشغالة اطمنت علي الولاد وعرفت ان نمر راح لهم ونزل تاني وكل ده وشهاب بيراقبها بنظرات اعجاب دفينة وعادل بيراقبه بعصبية شديدة
جت ليال
عادل : تعالي يا بنتي نرتاح شوية قبل الميتنج
ليال : اوك اتفضل يابابا
ليال وعادل طلعوا وشهاب مراقبهم ومحتار مش عارف يفاتح ليال ازاي في الموضوع
في اوضة عادل
عادل بيرن علي نمر بعصبية
نمر : الو
عادل : ايوا يا نمر
نمر : خير يا عادل
عادل : تعال هنا في اول طيارة
نمر بإستغراب : في حاجة انت كويس
عادل بعصبية : يا سيدي انا كويس انت بس تعال بسرعة متتعبنيش يا نمر
نمر بقلق : طيب فهمني متسبنيش قلقان
عادل : مينفعش كلام هنا في التليفون هتيجي ولا لا
نمر بإستسلام : طبعا هاجي
نمر قفل معاه ورن علي ليال
ليال : الو
نمر : ايوا يا ليال
ليال : خير يا عمو الولاد كويسين
نمر : اه كويسين والله متقلقيش
ليال بإستغراب : امال في ايه
نمر : هو حصل حاجة النهاردة
ليال بإستغراب : حاجة ايه لا محصلش حاجة في ايه
نمر : اصل عادل مكلمني الا عاوزني اجي علي اقرب طيارة
ليال بدهشة : غريبة اشمعني مقلكش ليه
نمر : لا مقلش هو محصلش اي حاجة ممكن تكون ضايقته
ليال بتفكير : لا ابدا احنا ملحقناش نعمل اي حاجة يدوب قابلنا مستر شهاب وقال في مشكلة بسيطة كده وهنضطر نقعد هنا يومين
نمر بسرعة بديهة محتاتجش يفكر ان سبب عصبيته هو شهاب
اليال : طيب يعني حضرتك هتيجي كده
نمر : اكيد طبعا
ليال بتوتر : طيب والولاد
نمر : متقلقيش يا ليال الموضوع كله كام ساعة وهرجع علطول
ليال : اوك طيب اروح اساله ماله
نمر بسرعه : لالا متجبلوش سيرة انا هاجي اشوفه وربنا يستر
ليال : ماشي يا عمو تسلم
نمر : يلا مع السلامة
ليال : سلام
//////////////////
في بيت محمود النمر
زينب : خلاص يا حبيبتي المغرب هنخلي خلود تودينا البسي بس اللينسز دلوقتي قضي بيها الغرض
تاج بزهق : ما انتي عةرفة يا ماما مبحبهاش مبرتاحش فيها انا جبتها عشان اريح خلود حلفت وجمدت اعملها بس مرتحتش فيها
زينب : طيب عوزاني اعمل ايه يعني مفيش دكاترة فاتحة دلوقتي وكده كده حتي لو كشفنا مش هنستلم النضارة قبل ٣ ايام
تاج : يا لهوي وهفضل كل ده باللينسز دي
الجدة : ما خلاص يا بتي انتي بقيتي صعبة كده ليه هي امك هتعملك ايه يعني
تاج : والله يا تيته بتوجع عنيا هو بمزاجي يعني فمش هعرف اذاكر كويس
الجدة : معلش يا بتي ميجراش حاجة اصبري لاخر النهار فريد ولا خلود ياخدوكم
تاج : هطلع اكلم خلود
////////////////////////
في شركة الغنيمي
محمد : ها قلت ايه يا محمود
محمود : مفيش بعد كلامك يا حاج اكيد طبعا عندك حق الكتاب انكتب وخلاص يبقي يلبسوا شبكة بقي
محمد : خلاص علي خيرة الله هستناك تكلم خديجة النهاردة وتردلي خبر لان محمود مستعجل معرفش هتفرق ايه دبلته وهي مراته اصلا
محمود بإبتسامة : واحنا ميهمناش غير راحته كفاية استحملها كتير جدا بصراحة
محمد : خلاص علي خير الله يبقي شوفها وعرفني
محمود : علي خيرة الله
فريد بيخبط : سلام يا جماعة
محمد بإبتسامة : اهلا بالعريس
فريد ابتسم
محمود : عمك لسه بيقلي ان محمود عاوز يعمل الشبكة في اقرب وقت
فريد : حقه بصراحه استحمل كتير هو اصلا كلمني وانا كنت هقلك واكلم خديجة
محمد بهدؤ : وان خديجة رفضت كالعادة هيبقي ايه الحل ساعتها
محمود : الموضوع خلاص خلص يا محمد متقلقش مبقاش ينفع ترفض زي الاول الراجل بقي جوزها خلاص يعني لو قالي عاوز فرح مش هقله لا
فريد : خلاص انا ان شاء الله هكلمها النهاردة
///////////////////
بعد عدة ساعات في شرم
نمر وصل الفندق
نمر : الو
عادل : ايوا يا نمر انت فين
نمر : انا في الريسبشن تحت
عادل : طيب انا في المطعم تعالي
نمر : اوك سلام
قفل مع عادل وراح المطعم
نمر شافه وراح عليه
عادل : حمد لله علي السلامة
نمر : الله يسلمك
عادل :بتوتر : تاكل ايه انت اكيد مكلتش حاجة
نمر : اكل ايه يا عادل انت عارف حالتي ايه من ساعة ما كلمتني وانا دماغي بتودي وتجيب
عادل بحرقة : والله يا نمر شهاب معجب بيها باين اوي في نظراته وكلامه انا مبنامش يا نمر
نمر بهدؤ: يا عادل استعيذ بالله من الشيطان ليال عمرها ما هتوافق تتجوز بعد جمال
عادل : يا ابني وربنا ميرضاش بالظلم وحتي لو قعدت سنة واتنين وتلاتة واربعه مش هتقعد للسادسة والسابعة ليال ٢٩ سنة يهعني عز شبابها
نمر : سبحان الله طيب لما انت عادي عندك تتجوز سيبها هي تختار ليه تحجر عليها افرض حبت تكمل مع شهاب هي حرة دي حياتها يا عادل وهي تقرر بنفسها
عادل بهستيريا : لالالالا جمال يزعل لا لا هو قالي عمي نمر
فجأة ظهر ليال مع شهاب من بعيد وهي مبتسمة وهو بيضحك
عادل : اهو شوف ما صدق قابلها ريحني الله يرضي عليك لو بتحبني
نمر وهو بيبصلهم : طيب اهدي بس دلوقتي وبعدين نتكلم بعدين اهدي يا عادل
جه شهاب بإبتسامة : مساء الخير ازيك يا استاذ نمر
نمر وقف يسلم عليه : الحمد لله ازيك انت
شهاب بإبتسامة : الحمد لله تمام بس غريبة مشفتكش مع الجماعة لما وصلوا
عادل : بتهور شديد : هو لسه جاي مقدرش علي بعد خطيبته
ليال استغربت خطيبته مين دي اكيد بيحب ومقلش ونمر انشل من كلمة عادل
شهاب : ربنا يسعدك هي شغالة هنا ولا ايه
عادل بخبث وانانية من غير اي حساب لردة فعل ليال : لا شغالة معايا انا ووجه كلامه لنمر المصدوم : اهي جت اهي يا عم كنت عمال تسال عليها وهو بيشاور علي ليال
نمر فاق من صدمته علي رزعة جامدة علي الارض وصرخة شهاب بأسمها
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
