الفصل الاربعون والواحد والاربعون
عند خالد العفاريت ركباه ومش عارف ايه اللي حصل ومش عارف يعمل ايه ومن صوتها شكلها مجنونة مش طبيعية وممكن تعمل مصيبة فجاة لقي تليفونة بيرن
خالد : الو
سالم بتوتر : ايوا يا خالد انت فين
خالد حس ان في مصيبة : انا برة في ايه يا سالم خير
سالم بتوتر : مش خير خالص يا ود عمي دلال منعرفش جرالها ايه انهبلت ولا ايه معرفش قافلة علي حالها وبتصرخ وتقول مش هتجوزه يعني مش هتجوزه
خالد بعصبية : اكيد انت مش متصل عشان نأجل الموضوع يا سالم لان الموضوع مش لعب عيال اصله
سالم بتوتر : بس
خالد بعصبية : بس ايه بس يا ولد عمي ايه مش قادرين علي بنتكم
سالم بحدة : ملوش لازمة الكلام ده يا خالد
خالد بعصبية : امال ايه اللي له لازمة اختك قبلك تتصل وتهيني وتشتم ودلوقتي انت عاوز تاجل الفرح ليه حد قالك اني عيل صغير ولا ايه
سالم بصدمة : ايه كيف يعني هانتك وشتمتك مستحيل
خالد بسخرية : اكيد انا مبكدبش يعني
سالم : طيب يا خالد سلام دلوقتي
قفل معاه ودخل البيت لقي الكل شايط ودلال لسه معندة ومش راضية تفتح الباب ومش مسموع غير صوت بكاها
سعيد بعصبية : قولها تفتح واتصرف معاها يا سالم والا والله العظيم لاكسر الباب وادخل اكسر نفوخها انت سامع
سالم : طيب اهدي يا حاج اهدي اني هتصرف معاها الله يرضي عليك اهدي
غريب نازل من فوق متعصب : البت دي مجنونة والله مش راضية تفتح ومش علي لسانها غير والله ما هتجوزه
سالم : طيب اقعد وانا هطلع لها
سالم طلع وخبط علي باباها : دلال افتحي يا حبيبتي عشان خاطري افتحي
دلال ببكاء : اوعدني الاول انكم مش هتغصبوني اتجوز البني ادم ده
سالم متحكم في اعصابه : طيب يا حبيبتي وماله بس نفهم في ايه وايه اللي حصل افتحي عشان خاطري افتحي
دلال فتحت له وهي منهارة واترمت في حضنه وفضلت تعيط
/////////////////////
خالد رجع البيت
ناهد بفرحة شديدة : حمد لله علي السلامة يا ولدي لولوووووولي مبروك يا حبيبي الف مبروك
خالد بإقتضاب : الله يبارك فيكي يا ست الكل عن اذنك
ناهد : مالك يا حبيبي غيك حاجة
خالد : لالا يا امه مفيش حاجة تسلمي
ناهد : ماشي يا ولدي اطلع ارتاح بكرة اليوم طويل ورانا شغل كتير
خالد هز راسه وطلع لاوضته " يعني لو جاد هنا الواحد كان قعد معاه ونسي حاله شوية "
" خليها عند اهلها براحتها ولما تطيب نفسها تبقي ترجع "
خالد " ماشي يا دلال وحياة الغاليين لاخلي عيشتك مرار طافح نظير قلة حياكي وغلطك ده "
////////////////////
نرجع لسالم
سالم بهدؤ : مين اللي قالك كده
دلال : صاحبتي
سالم : طيب تمام هي قالتلك ان خالد قال كده ولا مرته
دلال ببكاء : وهي تفرق يعني يا سالم
سالم : طبعا تفرق يا حبيبتي جميلة كلنا عارفينها وعارفين خبثها وعمر خالد ما تطلع منيه العيبة يا بنت الاصول مش تقوليلي طلعوا الكلام ده عشان احنا اللي ننهي الموضوع ده اسمه عك وحديت فاضي يا دلال ومهوش منطقي ابدا الكلام ده
دلال بتوتر : لا وانت ايه عرفك انه مثلا معملش كده
سالم " اللهم طولك يا روح " : لان خالد راجل ودي مش عمايل رجالة يا غالية فهمتي وبعدين كان المفروض تحكمي عقلك وتكلمينا تسالينا عن الموضوع مش تتصرفي من دماغك وتكلميه وتهنيه يا متربية
دلال بغضب : انا لسه متاكده من كلامي يا سالم
دخل سعيد علي كلمتها وراح مسكها من شعرها وبعصبية : بقلك ايه يا بت انتي انا صابر من بدري انك تعقلي واخوكي بقاله ساعة واكتر بيحايل فيكي لكن انتي شكل عيارك فلت لكن مش هتيجي انتي علي اخر ايامي تنزلي راسي الوحل يا بنت نفيسة وبكرة فرحك وعلي الله اسمع ولا اشم خبر انك عاملة مشكلة انتي سامعة يا بت انتي ولا لا
سالم وهو بيمسك ابوه : خلاص يابوي سيبها عشان خاطري انا هي غاصلا فكرت في كلامها خلاص واقتنعت مش اكده يا دلال
دلال بلكاء هزت راسها بخوف
سعيد رماها وطلع ووراه خالد وهي قعدت تعيط ودخلها نورة وامها
/////////////////////
في شركة شهاب
دخلت مريم جري للضركة لانها متاخرة ركبت الاسانسير مع ٢ زمايلها وجه شهاب وهما بيركبوا
شهاب " ماشاء الله ولا كانها اللي كانت معانا امبارح اختلاف كلي "
مريم التوتر مسكها " وبعدين بقي ايه حالة الهبل اللي بتلبسني قدامه دي "
شهاب وبيبص في الساعة : ماشاء الله كل ده تاخير انتو عاوزين يتخصم منكم ولا ايه
واحد من الشباب : لا الله يكرمك يا مستر العملية مش مستحملة خصم خالص خالص دي بقيت علي الجانط خالص
شهاب بإبتسامة : يبقي تيجوا بدري انت وهو وبص لمريم وهي
مريم بتوتر : سوري يا مستر بجد عمري ما اتاخرت علي الشغل بس غصب عني
شهاب : انتو سماح بس عشان خاطر فرح دعاء هو اللي سهركم
ونزلوا كل واحد علي مكتبه
///////////////////
في بيت محمود الغنيمي
فريد بتافف : وبعدين بقي يا تاج
زينب : معلش يا حبيبي راحت عليها نومة بتلبس وجاية اهو
فريد : يا عمتي الساعة داخلة علي اربعة الميعاد هيفوت
زينب : معلش يا حبيبي ربنا يهديها قلتلها متطبقيش مش هتقدري وهتنامي من التعب
فريد : التطبيق ده بيرهقها علي الفاضي مفروض الفترة دي تنام كويس
زينب : ربنا يهديها وقولتلها تاكل قبل ما تنام مسمعتش الكلام
فريد : والله بتستهبل
تاج نازلة جري وفي ايدها فردة الصندل وبتعدل التاني : يلا يلا يا فريد اتاخرت جدا
فريد بإستغراب :: ايه ده اللي انتي لبساه انتي هتخرجي كده
تاج بدهشة بصت للبسها " عبارة عن عباية سمراء خليجية لكنها مجسمة علي جسمها بكم واسع جدا كل حركة بتظهر ايدها " وردت عليه بإستغراب : وماله لبسي ان شاء الله
زينب بتدارك لللموقف : عشان خاطري يا فريد يلا وصلها وهي مش هتلبسها تاني
تاج بعصبية : ايه يا ماما ده لا طبعا طيب ايه راي سيادتك بقي كل مرة مش هخرج غير كده
زينب بحدة : تاج اتكلمي بادب
تاج بغضب : هلما يحسن تصرفاته ويعرف يكلمني بإحترام وعدم تقليل هتكلم بادب عن اذنكم انا اتاخرت
فريد بعصبية : ماشي يا تاج يلا قدامي " سكت لما شاف نظرات الاستجداء في عنين عمته " ماشي يا تاج ماشي
فريد حرك العربية ومشي وهي كل ما تحرك ايدها العباية تتزحلق واديها تبان " استغفر الله العظيم يارب ودي اعمل معاها ايه دي " بهدؤ : تاج
تاج بتنهيدة : نعم يا فريد خير لسه في حاجة مقلتهاش
فريد حاول يتكلم بهدؤ عشان متعندش معاه : ابقي حاسبي وانتي بتحركي ايدك كده مش كل حركة ايدك تبان حرام
تاج بخضة : صح فكرتني وفتحت شنطتها وطلعت المعصم لبسته تحت دهشة فريد: اكيد يعني مش همشي كده يا فريد
فريد ابتسم وسكت : يلا يا ستي انا ساعة وهاجي اخدك ماشي
تاج : اوك سلام
فريد : سلام
فريد دخلت وهو طفي العربية وقعد يستناها
/////////////////
في شركة شهاب
شهاب بعصبية اول ما طلع العميل من عندها وضرب علي مكتب دعاء فريد مريم
شهاب بعصبية : تعالي يا انسة مريم وقفل السكة
مريم : طق طق طق
شهاب : ادخل
مريم دخلت : ايوا يا فندم
شهاب بعصبية : يا انسة العميل قاعد معايا اكتر من نص ساعة مجالوش بق ماية
مريم بإستغراب : وانا مالي يا فندم حضرتك متعود انك بتطلب من البوفيه لما بتحتاج حاجة
شهاب : بس ده مش حد عادي
مريم وبتتمالك اعصابها : وانا هعرف منين حضرتك هو حد عادي ولا لا ولا لازم اسال يشرب ايه ده مش شغلي حضرتك انما المواضيع الادارية مسكاها عشان خاطر دعاء مش اكتر ولا اقل
شهاب حس نفسه غلطان : اتفضلي روحي مكتبك يا انسة مريم
مريم خرجت بعصبية
///////////////////////////
في بيت عادل
ليال كالعادة جت بدري مستحملتش ضغط الشغل
ليال بصراخ وعصبية : هند والله العظيم هتنضربي قلت بطلي الصوت المزعج ده انا قلت ايه
هند بدموع : بس انا عاوزة العب
ليال بغضب : اطلعي اوضتك يلا حالا بصرخة : خلصي
نمر دخل : مساء الخير
ليال بحدة : مساء النور
نمر وهو بيشيل هند اللي بتعيط : في ابه مالك
ليال : مفيش حاجة انزلي روحي اوضتك يلا
نمر نزل هند وباسها : روحي يا حبيبتي اوضتك
نمر بحدة : ليال
ليال : نعم
نمر : تعالي انا مش بكلمك
ليال : الاكل علي النار
نمر بإصرار : في ايه مالك
ليال بتوتر : مليش مانا كويسة اهو
نمر : لا مش كويسة خالص انتي حالتك بقت صعبة علطول بتزعقي ومبتستحمليش الولاد دول اطفال ملهمش دخل باي حالة نفسية انتي فيها مفهوم
ليال : ماشي عن اذنك
نمر قرب منها : انتي مالك في ايه شكلك مش طبيعي
ليال وبتحاول تبعد عنه : مفيش حاجة مضغوطة شوية في الشغل
نمر بإستغراب : بس كده
ليال : ايوا طبعا
نمر : ماشي
دخلت ليال المطبخ
وفجاة نمر سمع صوت الشغالة : مدام ليال انتي كويسة
دخل نمر : في ايه
الشغالة : يا فندم هي من الصبح دايخة ودلوقتي بترجع تقريبا عندها برد
نمر بيخبط علي الحمام : افتحي يا ليال
مردتش وبس سامع صوت ترجيعها
نمر : ليال انتي كويسة طمنبني
ليال خرجت منهكة ووشها اصفر ورجلها مش شايلاها
نمر شالها : انتي كويسة
ليال هزت راسها ومسكت في جيب قميصه وهو طلع بيها لاوضتها
نمر بصدمة " ايه ده "
" لالالا ده بجد مش بيتهيالي لا "
نمر " اعقل اكيد في حاجة غلط مستحيل تكون بتشمني مستحيل "
وصل اوضتها ونزلها علي السرير وهي مكلبشة فيه بين الوعي واللاوعي "
نمر بدهشة " لا كده كتير " حاول يفك ايدها من عليه فكها وغطاها ولقي الخدادية عاليه فمد ايده شالها عشان راسها ترتاح لكنه انتفض وقف كانه صعق بصدمة كهربائية
نمر هز راسه لالالا مستحيل كده كتير علي عقلي لا هتجنن هتجنن وقرب بتوتر وتردد ورفه التيشرت وبصدمة كاسحة " ليه "
ليال بدأت تصحصح قرب بسرعة ورجع التيشرت تحت المخدة وطلع جري لاوضته
نمر قلع قميصه وقعد علي سريره وشد شعره بعصبية : هتجنن هتجنن في ايه ليه بتعمل كده دي بتقول مبتطقنيش
نمر بصرخة : في ايه عاوز افهم
ذ" تفهم ايه ماهي واضحة بتحبك "
نفض راسه " لالالا مستحيل "
بسخرية " ليه مستحيل اهي بتحبك اهي يعني كل حاجة بقت سهلة وعيشوا زي البني ادمين "
" لالا طبعا انا مبفكرش كده "
بسخرية " لا يا راجل انت تضحك عليها هي بالكلام ده مش علي نفسك ده انت بتاكلها بعنيك وهي قاعدة وبتبقي هتموت لو عادل مسك ايدها حتي "
" لالا مش صحيح دي مش غيرة بس عشان ميصحش '
" انت بتضحك علي مين تنكر انك هتموت عليها ومبتطلعش من دماغك ابدا وصورتها مطبوعة في عقلك "
نمر بعصبية : لالالا وقام ياخد شاور يهدي الثورة اللي اشتعلت فيه
عند ليال الشغالة فوقتها وجابت لها عصير
//////////////////////////
عند فريد خرجت تاج وركبت العربية
تاج ببسمة : سلام
فريد ردلها الابتسامة : وعليكم السلام مالك فرحانة كده ليه يارب دايما
تاج بضحكة : اصل كان عندنا امتحان بس الحمد لله حليت كويس
فريد : طيب كويس الحمد لله
تاج بحماس : يلا بقي بسرعة عشان جعانة اوي
فريد بضحكة : ههههههههه ياه للدرجادي
تاج بخجل : اعمل ايه مكلتش من الفجر وجعانة اوي
فريد : حاضر يا ستي
تاج : متعرفش عاملين ايه غداء
فريد : سمك
تاج بوزت : لاااااا بقي
فريد بإستغراب : مالك
تاج : مش عاوزة سمك خالص وماما تفضل تاكلهولي غصب عني تقولي حلو بينشط الذاكرة لما خلاص شوية وهعوم
فريد " شربات يا ناس " : هههههههههههههههههههههههههههههههه
تاج : الله انت بتضحك ليه
فريد : ولا حاجة يا ستي مستكترة عليا افرح واضحك
تاج ببسمة : لا يا عم ربنا يفرحك كمان وكمان هو انا اكره
فريد : ماشي
تاج بإستغراب : احنا رايحين فين كده مش طريق البيت
فريد : هنروح ناكل بيتزا انا كمان مش عاوز اكل سمك
تاج بصرخة : احلف
فريد : ايه يا مجنونة دي بيتزا هو انا قلتلك مكرونة بشامل
تاج بضحكة : هههههههههه لو مكرونة بشامل كنت اشتغل عندك يا عم مش اصرخ بس
فريد بصدمة : للدرجادي
تاج بخجل : لا متاخدش عني فكرة غلط انا بس لما بفرح بحب اكل اوووي
فريد : وماله يا ستي ربنا يسعدك يلا وصلنا
نزلت تاج وفريد وقعدوا وطلبوا بيتزا
طول العشر دقايق تاج تبص في الساعة شوية وتنفخ شوية وتحط ايدها علي خدها شوية وفريد بس بيراقبها ويبتسم " طفلة يا جدعان بس تخبل وتطير العقل انا شكلي حبيتها ولا ايه "
تاج بغضب بسيط: اوف فريد
فريد بسرحان : يا نعم
تاج بصتله : هو اتاخر ليه انا جعانة اوي
فريد : اهو جه اهو
حط الجرسون البرتزا والكولا
تاج بدأت تاكل وفريد مش قادر ياكل عمال يبص عليها وعلي طريقة اكلها زي الاطفال والكاتشب بهدل بقها وهي مش هاممها
تاج بإستغراب : فريد
فريد بإبتسامة ساحرة : نعم
تاج : مبتاكلش ليه
فريد بتنهيدة : مش جعان خالص
تاج : يا سلام لا يا عم كل معايا قرب بس فقرب لها فريد بإستغراب وبهمس كل اي حاجة عشان منظري قدام الناس مكنش انا اللي اكلت كل ده لوحدي
فريد انصدم من كلامها ولما استوعبه مات من الضحك : هههههههههههههههههههههههههههههههههههه وانا اللي بحسب قلبك عليا
تاج بشقاوة : صدقني لو بناكل سمك هعزم عليك من قلب قلبي
فريد : ههههههههههههههههه انتي مصيبة كلي يلا وانا كمان هاكل وبضمير
تاج بإبتسامة : وماله يا سيدي بالف هنا وبدات تاكل تاني وتبهدل بقها
فريد غمض عينه من منظرها وقرب علي الترابيزة وبتنهيدة : تاج
تاج : اممم
فريد شاور لها تقرب شوية
تاج قربت باستغراب الاكل في بقها مش عارفة ترد عليه
فريد كان هيقلها تمسح بقها لكن فجأة لقي ايديه علي وشها ومسح حتة كاتشب من جنب بقها بصباعه
تاج رجعت ورا بتوتر وعنيها في الطبق وهو ابتسم ولقي نفسه بيحط صباعه في بقه وبيمسح حتة الكاتشب من غير ما تاج تاخد بالها وبدأ ياكل عادي معاها
خلصوا اكل تحت توتر تاج ومراقبة فريد
فريد بهدؤ : تحلي بايه بقي
تاج بتوتر : لالا يدوب كده عشان ماما متقلقش
فريد : هو انا يعني هجيبك هنا من غير ما اقولها ها تحبي تحلي بايه
تاج بإبتسامة : خلاص ايس كريم فانيليا وهات واحد شوكلاته لخلود وبيتزا يجهزوها علي ما ناكل الايس كريم
فريد بإبتسامة : حاضر
وطلب فريد الايس كريم وبيتزا لخلود
نص ساعة وكانو قدام البيت
تاج وهي نازلة : ميرسي اوي يا فريد
فريد : العفو يا ستي احنا تحت الامر
تاج نزلت وفريد قعد شوية في العربية يسترجع كل كلامهم وضحكها واكلها
" انت وقعت ومحدش سمي عليك "
///////////////
في بيت جاد
دلال لقيت نفسها فجأة طالعة جنب امها لشقتها مغيبة مبقتش عارفة تمسك دموعها مثلت بما فيه الكفاية قدام الناس
نفيسة وهي بتبوسها : الف مبروك يا حبيبتي
دلال : الله يبارك فيكي
نفيسة : اوعي تبكي عشان متقطعبيش قلبي الله يرضي عليكي
ناهد وهي بتحضن دلال : وتبكي ليه دلال دي حتة من بلبي ومرة الغالي
دلال ببسمة : تسلميلي يا مراة عمي
خرجوا ناهد ونفيسة ونورة من عند دلال وهي قعدت بإرهاق
سمعت صوت امها ومراة عمها بيباركوله برة
دلال بسخرية : والله حالة
دخل خالد رفع عينه انتفض قلبه وان كانت جميلة في نظره فدلوقتي جميلة مليون مرة " خليك فاكر بس انها قلتلك واطي ومعندكش نخوة "
في ثانية خالد الغضب ركبه والشرار بيطلع من عنيه
خالد بسخرية : ما شاء الله شايفك قصادي كيف القردة مموتيش حالك يعني قبل ما نبقي سوا تحت سقف واحد
دلال بنفس سخريته : تعمل ايه مؤمنة بقي محبتش اضيع دنيتي عشان واحد زيك
خالد شدها جامد من شعرها لكن بالطرحة لانها محجبة : انتي هتبلعي لسانك وتتقي شري ولا اجرم فيكي النهاردة وبدل ما يجو يهنوكي بالصباحية يحضروا جنازتك
دلال بغضب : صدقني واحد متفرقش سيبني يا بني ادم انت احسنلك
خالد بعصبية : ايه هتعملي ايه
دلال بثقة وهي بترفع نظرها وتبصله : اكيد مش هعمل حاجة لانك عارف انك هتغلب مش شايفني اد ايه وانت اد ايه
خالد بسخرية : حلو انك عارفة كده
دلال بثقة : طبعا عارفة وانت هتأكدلي كده بتصرفاتك ان نظرنتي فيك صح يابو الرجولة مخيبتش
خالد بعصبية : يا بت اتقي شري احسنلك
دلال بغل : متعودتش اخاف من جبان
خالد في لحظة صوابعه كان مقرها خدها
دلال بعصبية : انت بتضربني
خالد : اقسم بالله ان ما قصرتي حالا وانزحتي من قدام وشي هيبقي يومك اسود بصحيح
وبصرخة ارعبتها : انزاحي جوة
دلال دخلت الاوضة بتعيط ومنهارة عمرها ما تخيلت انه يمد ايده عليها وفي يوم فرحهم
" تستاهلي واحد غيره كان دبحك "
" يا لهوي لو بابا عرف هيقتلني والله هيقتلني "
خالد برة نار قايدة فيه من قلة ادبها " وقال ايه امي تقول متربية واخلاقها بلسم بلسم الحزن عاي نفوخها عديمة الرباية بس ملحوقة ادبها علي يدي "
///////////////////////////
عند نمر مخرجش من اوضته من ساعة اللي حصل ومش قادر يفكر ومش قادر يبصلها ولا يشوفها مش هيقدر ميسألهاش فجأة لقي نفسه بيلبس ونازل
ليال كانت تحت : نمر
نمر غمض عيه ولفلها : نعم
ليال : رايح فين دلوقتي
نمر : وانتي مالك
ليال بصدمة : اوك انا اسفة
نمر سابها وخرج وتي نزلت دموعها
نمر بعصبية " ليه يعني استفدت ايه اوووف استغفر الله العظيم " ورجع دخل
ليال بتعيط متوقعتش رده هي بتساله عادي
نمر بهدؤ : انا اسف حقك عليا مقصدتش بس متلخبط شوية عندي شوية مشاكل مخليه اعصابي بايظة
ليال علطول مسحت دموعها اول ما سمعت صوته : عادي محصلش حاجة انا سالت لانك مش متعود تخرج متاخر كده
نمر : انا رايح لواحد صاحبي
ليال وبتتحاشي النظر له : اوك براحتك
نمر : طيب عاوزة حاجة
ليال : لا متشكرة
نمر : سلام
ليال : مع السلامة
/////////////////////////
عند مهاب اول ما فريدة قالتله ما تنام يابابا عمل نفسه نايم زي امبارح عشان يسمع مكالمتهم
فريدة : ايوا يا ماما خلود
ماشي غنيهالي بقي عشان انام
وسمع صوت خلود : تصبحي علي خير يا حبيبتي
فريدة : وانتي من اهل الخير يا ماما
وبدأ يسمع غناء خلود لفريد اغنية امورتي الحلوة زي امبارح ومن غير ما يحس نام مع فريدة عليها
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
