الفصل الرابع والعشرون
في مدرسة الاطفال
خلود دخلت الفصل لقيت الاطفال عاملين دوشة : ايه ده في ايه
طفل : فريدة بتعيط يا ميس
خلود : حصل ايه وراحت لفريدة مالك يا حبيبتي
فريدة بتعيط ومبتردش
خلود شالتها وخرجت وحست انها بتشهق ومش قادرة تاخد نفسها نزلتها لقيتها مش قادرة تتنفس وبدأت تزرق اخدتها جري للعربية ومشيت لاقرب مستشفي
بعد ربع ساعة خرج الدكتور
خلود بقلق : طمني يا دكتور مالها
الدكتور : ازمة ربو شديدة شوية
خلود بصدمة : ربو طيب هي عاملة ايه دلوقتي
الدكتور : كويسة تخلص بس الجلسه دي وترتاح شوية وبعدين خديها
خلود : متشكرة اوي يا دكتور
الدكتور : العفو
خلود " اعمل ايه بس ياربي " طلعت تليفونها واتصلت بالمدرسة : الو
المديرة : ايوا مين
خلود : انا خلود يا ميس هناء
هناء المديرة : انتي فين يا خلود وايه اللي حصل
خلود بتنهيدة : ابدا البنت تعبت شوية انا بس عاوزة رقم ولي امرها بعد اذن حضرتك لان انا حاليا في المستشفي
هناء بخوف : طيب هي كويسة
خلود : اه الحمد لله كويسة جدا بس اديني رقم ولي امرها لان لازم نبلغ اهلها
هناء : اوك وادتها الرقم
خلود بتتصل بيه رنت حوالي خمس مرات
مهاب بعصبية : الو نعم
خلود بغيظ " جلف صحيح " ولسه هتتكلم سمعته بيصرخ
بعصبية شديدة : علقولي ابن الكلب ده ميوفش النور ولا يشرب بق ماية الا لما يقول اللي عنده خدوه من وشي
خلود خافت جدا منه خاصة وهي سامعة صوت صريخ الراجل ورجائه
مهاب بنهجان : ايوا مين معايا
خلود بتبلع ريقها وبخوف : حضرتك ولي امر فريدة
مهاب بنفضة : ايوا انا والدها مالها فريدة انطقي
خلود : حضرتك هي جاتلها حالة الربو وهي دلوقتي في المستشفي
مهاب بصدمة : ايه
وتدارك الوضع وبصراخ : مستشفي ايه
خلود : مستشفي ......... بس اطمن حضرتك هي كويسة للأسف كان بتكلم نفسها لانه قفل السكة
خلود : صحيح قليل الزوق بس معذور عشان خاطر بنته
ودخلت جوة قعدت جنب فريدة
ربع ساعة وكان مهاب بيفتح باب الاوضة وجري علي بنته
خلود : اهدي حضرتك هي كويسة
مهاب بغضب هو ايه اللي حصل عمل فيها كده وليه مأخدتش دواها علطول
خلود بغيظ : لان حضرتك مش مبلغنا بحالتها الصحية ولا عندنا خبر انا فجأة شفتها كده جبتها علي هنا علطول
مهاب بعد ما هدي : معلش انا اسف علي اسلوبي بس من خوفي عليها
خلود بعطف : محصلش حاجة حضرتك انا هستأذن ومرة كمان الف سلامة عليها
مهاب : شكرا الله يسلمك
دخل الدكتور : ها لسه امورتنا مفاقتش
خلود : لا يا دكتور حضرتك قلت كمان ساعة وفاتت الساعة ومفاقتش
الدكتور : هي بس من الدوخة دلوقتي تفوق بسرعة
مهاب : متشكر جدا يا دكتور بس اقدر اعرف هتخرج امتي
الدكتور بلطافة : لسه قايل لوالدتها هتفوق وتخرج علطول
فريدة بفوقان : هي فين ماما وفتحت عينها
الدكتور : حمد لله علي السلامة يا بطلة دي ماما كانت خايفة عليكي اوي وفضلت تعيط
فريد بضحكة : صح يا دكتور
مهاب بتوتر : في الحقيقة يا دكتور
الدكتور : خير يا فندم
فريد قعدت وبفرحة : بابا صح ماما كانت بتعيط وخايفة انا مش هخليها تعيط تاني
الدكتور لخلود المنصدمة من الموقف : مدام تعالي جنبها اتفضلي وبيوسع لها طريق
خلود خرجت برة بسرعة والدكتور مستغرب
مهاب : دي مش والدتها يا دكتور
الدكتور : انا اسف جدا بس لما شفتها منهارة كده مفكرتش غير انها تبقي والدتها
مهاب : حصل خير
فريدة ىدموع : بابا ميس خلود ماما
مهاب وهو بيحضنها : لا يابابا ميس خلود مش ماما بس عمو الدكتور فكرها ماما عشان كانت قلقانة عليكي
فريدة بدموع : طيب خليها ماما يابابا عادي انا اصلا بحبها مش هقلها ميس خلود هقلها ماما خلود ماشي
مهاب بإنكسار وهمس : متكسريش قلبي يا فريدة بكلامك ده
//////////////////////////////
في شقة نمر
نمر : الو
ليال بهدؤ: ايوا يا نمر
نمر بإبتسامة : الحمد لله اخدتي عليها اهو
ليال بإبتسامة : الحمد لله
نمر : بصي يا ستي انا خلاص قربت اخلص شغلي اهو هنمشي علي ٢ كده تمام
ليال : بدري اوي ٢ هلبس من دلوقتي
نمر : لا هتلبسي من دلوقتي كل ده هاتي لبسك لهناك بقي وخلاص
ليال : خلاص هشوف كده
نمر : خلاص تمام يلا عاوزة حاجة
ليال : لا ميرسي مع السلامة
نمر : سلام
/////////////////////////
في شركة اول مرة نزورها
سهام : شرفتينا يا جميل
مريم : تسلمي ربنا يخليكي
سهام : انتي هتبقي معايا هنا في المكتب ان شاء الله
مريم : ايه ده بجد حلو اوي والله انا حبيتك جدا
سهام بإبتسامة : من القلب للقلب رسول يا حبيبتي والله
مريم : ربنا يخليكي ويقومك بالسلامة
سهام : تسلمي يا حبيبتي يلا هانت كلها شهرين بالكتير وارتاح
مريم : ربنا يهون عليكي يارب
سهام : يارب
مريم : قوليلي بقي انا هعمل ايه بالظبط عشان ابتدي واشتغل بضمير عشان ارفع راس الاستاذ والمدير بتاعكم ميشكيش مني
سهام بإبتسامة : يشكي منك ايه بس ده مستر شهاب ده بلسم هو بس وقت الجد ميعرفش ابوه وبيحب الشغل يبقي مظبوط
مريم : تمام حلو اوي
سهام : يلا بقي تعالي افهمك كل حاجة
////////////////////////////////
في بيت محمود وخديجة
محمود من وقت ما سمع كلامها وهو مش طايق يبص في وشها " ماشي يا خديجة ان ما ربيتك من اول وجديد مبقاش اسمي محمود " بصرخة عالية نفضتها وهي جوة : خديجة
خديجة : نعم
محمود بحدة : تعالي
خديجة استغربت اسلوبه بس قالت اقصر الشر وراحتله : نعم
محمود بإستغراب : هي الهانم ان شاء الله مش ناوية تفطرنا
خديجة بإستغراب : ما الاكل جوة ما تدخل تفطر
محمود بحدة : وانا كنت متجوزك ليه ان شاء الله عشان ادخل افطر واجهز اكلي لوحدي
خديجة بسخرية : لا والله ما الفطار جاهز
محمود : ادخلي يا دكتورة كده زي الشاطرة وجهزي فطار اللي في وقت الغداء واول واخر مرة تحصل انا راجل احب افطر بدري واتغدي بدري
خديجة بإستغراب : انت ايه اللهجة اللي بتكلمني بيها دي
محمود : والله انا حر اتكلم زي ما احب روحي حضري الاكل
خديجة بغيظ وقفت ومش راضية تتحرك
محمود بحزم وهو بيبصلها : انجزي عشان متزعليش
خديجة سابته ودخلت : ده مش طبيعي اكيد اكيد
محمود " اصبري عليا انتي لسه شفتي حاجة مش هاينة عليا بس انتي اللي عملتي كده اشربي بقي "
/////////////////////
امام بيت عادل الساعة 2
نمر دخل وسلم علي عادل
عادل بضيق : هترجعوا امتي
نمر : بكرة علي الضهر ان شاء الله هنكون هنا
عادل : ماشي
نمر : انت مالك فيك حاجة
عادل : لا ابدا مشاكل بس في الشغل
نمر : بس
عادل : ايوا بس هيكون في ايه يعني
ليال : انا جاهزة
نمر : اوك يلا بينا عاوز حاجة يا عادل
عادل : لا سلامتك
ليال : عاوز حاجة يابابا
عادل : لا يا بنتي تسلمي
خرجوا نمر وليال وركبوا العربية وعلي المطار
///////////////////////////
مهاب : يا بابا يا فريدة كلي
فريدة بدموع : بابا خلي ميس خلود تكون ماما عشان خاطر فريدة يابابا
مهاب : يا حبيبتي بس انتي ليكي ماما عند ربنا
فريدة : بس هي مش بتكلمني ومش بتحل معايا الواجب وتحضني زي ميس خلود
مهاب : بس هي شيفاكي وبتسمعك
فريدة : انا كمان نفسي اسمعها بعدين انت عارف يابابا
مهاب بألم : ايوا يا حبيبتي
فريد ة : ميس خلود كمان مش عندها ماما وانا مش عندي ماما وهما فوق سوا واحنا هنا هنبقي سوا شفت بقي
مهاب بالم : لا حول ولا قوة الا بالله وبعدين معاكي يا فريدة انا قلت مينفعش انتي عندك ماما اصلا خلاص بقي
فريدة ببكاء : انت وحش انا مش بحبك
مهاب اخدها في حضنه وقعد يطبطب عليها ااه يا بنتي حرام عليكي اللي انا بعمله في المجرمين في النهار بتطلعيه عليا في الليل وتكسريني ااااه يا فريدة مش هسكت الا لما اقتله يا فريدة وقلبي يرتاح واخد بتارك الله يرحمك يارب "
/////////////////////////
في بيت محمود الغنيمي
فريد " دي فين دي مختفية بقالها يومين اسال خلود لالا دي تاكلني بلسانها اوووف هسال ستي من غير ما تحس كده "" ايوا اصل ستي عيلة صغيرة ينضحك عليها "
محمود : فريد
فريد : ها ايوا يا حاج
محمود بإستغراب : مبتاكلش ليه
فريد : ما انا باكل اهو يا حاج
زينب ابتسمت "ربنا يحقق مرادي عشان قلبي يرتاح "
محمود : طيب روح فرع التجمع بعد ما تتغدي عشان نخلص من المشكلة اللي فيه دي
فريد : حاضر يا حاج ان شاء الله
زينب : خلود يا بنتي
خلود : ايوا يا عمتي
زينب بخبث : تاج قبل ما تنام قالت اقولك انها هتنزل النهاردة فاضية
خلود : ايوا يا عمتو فاضية هتغدي واصحيها
فريد مقدرش يمسك نفسه : رايحين فين
زينب : رايحين يشترو شوية حاجات كده ويوصلوا المكتبة انت عارف الامتحانات خلاص قربت وهي متوترة اصلا وحالتها حالة
فريد : ربنا يوفقها
الجميع : امين
//////////////////////$$$$$$$$$$$
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
