الفصل السابع
في الصباح الباكر
في متزل محمود النمر
محمود : افطر يا فريد واسبقني انت عشان تلحق تمضيلهم الشيكات
فريد : ماشي يا حج
خديجة : يلا عن اذنكم بقي انا اتاخرت
زينب : في رعاية الله يا بنتي
خلود : وانا كمان يدوب كده خديني يا خوخة معاكي يلا سلام
الجميع : مع السلامة
محمود : تاج عاملة ايه في الدراسة يا زينب
زينب : بخير يا اخويا ان شاء الله تعيش
محمود : مش ناقصها اي حاجة
زينب بإبتسامة : لا يا خوي ربي يسلمك
محمود : امال هي فين
زينب : هي صاحية من بدري وفطرت هي وجدتها وفي اوضتها بتذاكر
محمود : ربنا يوفقها
تليفون محمود رن
محمود : الو اهلا يابو محمود
محمود بصدمة وقف : ايه
فريد : في ايه يا بابا
محمود : طيب طيب انا جاي حالا
زينب بقلق : خير يا خوي
محمود : اعمام تاج عند محمد
زينب بصرخة : يا خبتك يا زينب
محمود بعصبية : ايه الولوله دي يا زينب حرام عليكي
زينب : اهدي ازاي بس يا خويا اهدي ازاي
تاج نازلة جري : في ايه يا ماما
فريد بتوتر : عاجبك كده يا عمتي الله يهديكي بس
مفيش حاجة يا تاج بس مامتك عرفت ان في حد اتوفي وزعلانة عليه روحي انتي كملي مذاكرتك
تاج بعدم اقتناع : صح يا ماما ومين اللي مات
زينب بتعيط وساكتة
محمود : روحي دلوقتي يا بنتي الله يرضي عليكي
مشيت تاج
محمود : يلا يا فريد وانتي يا زينب اجمدي واوعي تجيبي سيرة لبنتك فاهمة
زينب هزت راسها بنعم
////////////////////////////////////
في بيت محمد الغنيمي
محمد : يا الف اهلا وسهلا زارتنا البركة يا جماعة نورتونا والله
سعيد : يا اهلا بيك يا حج محمد النور نورك يا راجل يا طيب
محمود وفريد : السلام عليكم
الجميع : وعليكم السلام وكله سلم
سعيد : متواخذوناش جينا بدري كده بس عشان نلحق نعاود النهاردة
محمد : لا والله ما يصح تعاودوا فين لازم تباتو النهاردة ترتاحو من السفر
سعيد : تسلم مرة تانية ان شاء الله الايام جاية كتير
بعد السؤال عن الحال والاحوال
سعيد : صلوا علي النبي يا جماعة
الجميع : اللهم صلي عليه
سعيد : دلوقتي بنتنا اديلها سنة واكتر عنديكم مجلناش حاجة اخوالها علي العين والراس بس بردك دي لحمنا ودمنا
محمد بهدؤ: عندنا وعندكم واحد يا حج سعيد
سعيد : اكيد طبعا انا مبقولش عليا انا قصدي الناس متفهمش في كده صح ولا انا غلطان
محمود : عداك العيب يا حج
سعيد بإبتسامة : وعشان كده اني جيت النهاردة انا واخوي وولدي عشان نحطوا حد لكلام الناس ده
محمد : قصدك ايه يا حج
سالم مقاطعا والده بتهور : بعد اذنك يا بوي خليني اوضح اني
سعيد : وماله يا ولدي
سالم بتوتر : ابوي يقصد انه احنا نلم لحمنا عندنا وتبقي في بيتنا وتحت نظرنا
فريد : وهي هنا ما هي في بيتها وعند اهلها برده يا سالم
جاد : مقلناش حاجة يا ولدي احنا بنتكلم في شكلنا قدام العالم
سالم : وعشان كده كلنا رايدين تاج لاخوي غريب تبقي مرته معززة مكرمة
سعيد انشل من كلام سالم ومقدرش ينطق وجاد استغرب جدا من تغيير الكلام
محمد : وهو ده اللي كنت عاوز اجيلكم بسببه يا حج سعيد كنت هبقي عندكم بكرة او بعده بالكتير وطبعا عشان ميصحش نكلمكم في الموضوع ده عندنا بس الكلام هو اللي جاب بعضه
سعيد بتوهان : خير
محمد : محمود اخوي وفريد سبق وكلموني علي تاج لفريد وانا رحبت بإعتبار اني خالها الكبير وفي مقام ابوها لو مكنش يضايقك طبعا
سعيد : اكيد ابوها يا حج من غير كلام
محمد : تسلم يارب وعشان كده انا فاتحت اختي وبنتها في الموضوع ووافقوا ورحبوا بس زينب قالت لازمن تتطلبوها من عمها من بيتها
سعيد بكبرياء : طول عمرها صاحبة واج٠ب واصيله ام تاج
محمد : ها قلت ايه يابو سالم
سعيد مكبوس من فصل سالم وجاد متفرج وسالم هيطير من الفرحة بسبب اللي حصل والنقطة اللي وصلها الموضوع
سعيد : اديني فرصة كده افكر يا حج واشوف بنتنا ونشاورها هي وامها وهي تقرر تختار مين
فريد : بس يا عمي احنا كلمناهم وهما موافقين
محمود : عمها وحقه يعمل كده يا ابني حقك يابو سالم وربنا يقدم اللي فيه الخير
سعيد بغيظ شديد : امين
/////////////////////////////
في بيت محمود النمر
زينب في حضن امها بترتجف وبتعيط بإنهيار : خايفة يا امه خايفة
امها بتمسح علي ضهرها : اطمني يا بنتي اطمني متقلقيش ان شاء الله هتفضل معاكي ومحدش هيمسها
زينب : يارب يارب يارب
تاج دخلت عليهم : ماما هو في ايه الله يخليكي قوليلي مالك
زينب مش قادرة ترد عليها
الجدة : روحي يا بنتي الله يرضي عليكي شوفي مذاكرتك وحالك امك مفيهاش الا الخير
تاج بدموع : طيب عرفوني في ايه
وفي الوقت ده خبط باب اوضة الجدة
فريد بتوتر اول ما شاف تاج لانها كده لازم تعرف وبسرعه : عمها تحت
زينب : يا ويلي يا لهوي
فريد بحدة : وطي صوتك يا عمتي الله يكرمك وانتي يا تاج اعمامك تحت روحي غيري هدومك متخرجيش كده لان ابن عمك تحت " لابسة اسدال "
تاج بدأت دموعها تنزل : هو في ايه ماما بتعيط ليه
فريد : بصي يا تاج بهدوؤ تسمعي كلام تيته ونفذيه ولما يمشوا احنا هنفهمك علي كل حاجة ماشي بس البسوا بسرعة وتعالو
تاج : طيب
فريد : يلا يا عمتي الله يكرمك يلا انا نازل
//////////////////////////////
دخلت زينب وتاج
تاج وسلمت علي اعمامها
سعيد وهو بيحضنها : كيفك يا غالية يا بنت الغالي
تاج بخجل شديد ومش قادرة تبص ناحية فريد من اللي سمعته من جدتها ومامتها وانها لازم تقول مخطوبة لفريد وموافقة والا هياخدوها ويجوزوها لابن عمها البايظ : الحمد لله يا عمو ازي حضرتك
سعيد : الحمد لله يا بنتي نعمة وفضل
جاد : كيفك يا تاجنا
تاج بخجل من كلمته : الحمد لله يا عمو
سالم : كيفك يا بنت عمي
تاج: الحمد لله
سعيد : بصي يا بنتي انا جاي النهاردة اطلبك لولدي غريب واخوالك طلبوكي لفريد ولد خالك وقالو انك موافقة
تاج بخجل : صحيح يا خالو
سعيد : يعني مفيش امل تفكري تاني انا شاريكي يا بنتي بردك
تاج معرفتش ترد
فريد بمزاح : كده برده يا حج عاوز تاج تبيعني
الكل ضحك
سعيد بإبتسامة : لا يا ولدي ربنا يقدم الخير انا ملقاش ليها احسن منك ولا حتي ولدي
محمود : تسلم يا حج سعيد
زينب هتطير من الفرحة مكنش تعرف ان الموضوع هيعدي بسرعه كده
جاد : بس كده يا جماعة نستناكم قريب عندنا بقي عشان الموضوع يبقي رسمي
محمد براحة : اكيد ان شاء الله
سعيد : خلاص علي خيرة الله الجمعة الجاية مستنيكم عندنا نتفق ونحدد ميعاد لكتب الكتاب
محمد بصدمة : ها بس يعني يا حج
سعيد بإستغراب : يعني ايه يابو محمود
محمد : اساتأذني من عمك وادخلي يا تاج انتي وماما
زينب : عن اذنك يا حج سعيد
سعيد : اتفضلي
تاج : عن اذنكم
اتفضلي
محمد بهدوؤ بعد ما خرجو : البنت داخلة علي امتحانات دلوقتي خليها خطوبة بس
سعيد : وترضهالي يا حج محمد يقولو مهمل بنت اخوه في دار خطيبها من غير لا يكتب عليها ترضالي النظرة العفشة دي لا مكنش العشم يا حج
محمد : انا مش قصدي حاجة من كل ده والله عشان البنت متنشغلش بس
فريد : عمي يقصد اننا ناجلها لما تمتحن يا عم سعيد
سعيد : لا يا ولدي ميصحش دي الخلق تاكل وشي
محمود بغموض : خلاص اللي انت عاوزه يا حج سعيد ميهمناش غير رضاك
فريد ومحمد انصدموا
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
