الفصل العاشر
الكل وقف من الصدمة
سعيد بعصبية شديدة : بتقولي ايه يا مخبولة انتي
المأذون : لو سمحت استني شوية
سعيد بعصبية ورايح لها : استني ايه كيف يعني مموفقاش هو لعب عيال يا بنت اخوي
تاج بدأت تعيط وساكتة وامها بتهزها : انتي يا بت ايه اللي حصل
فريد بيبصلها ومصدوم من تصرفها اللي خديجة مقدرتش تعمله
المأذون بهدؤ : انتي مش موافقة ليه يا بنتي هل حد غاصبك علي الزواج
محمد بعصبية : لا طبعا يا شيخ هنغصبها ليه
تاج بدموع : لا محدش غصبني
المأذون : امال ايه اللي حصل
تاج وعينها في الارض : انا مش عاوزة اتجوز دلوقتي
المأذون : طيب يا جماعة طالما هي مش موافقة مقدرش اكتب الكتاب
سعيد بعصبية : والله ما همشي من هنا الا وهي مكتوب كتابها اقعد يا مولانا بعد اذنك
جاد بيشد ايده : اهدي يا سعيد المواضيع متتاخدش
كده
سعيد : امال تتاخد كيف اسمعي يا بنت الغالي لو المأذون مشي تروحي تلمي عفشك وتاجي معايا طالما معوزاش تتجوزيه يبقي ميصحش تقعدي في داره تاجي عندي
محمد متدخلا : هتقعد عندي يا حج
سعيد : لا ميصحش بردك يا حج محمد يا يكتب كتابها يا تاجي معايا
زينب : ربنا يهد الظالم ويكسر نفس عدوك زي ما كسرتي نفسي ووطيتي راسي يا بنت بطني
تاج بتعيط : خلاص موافقة وسابتهم ودخلت
وفريد زي الصنم ونمر ومحمود ومحدش قادر يتكلم طالما الكبار بيتكلموا
بدا المأذون يكتب الكتاب والموضوع عدي علي خير
في الداخل
زينب بعصبية : ليه كده حرام عليكي استفدتي ايه من اللي عملتيه ده
الجدة : دماغك كانت فين يا بتي دي فصل تعمليه في خوالك
سعاد وهي بتحضن تاج : خلاص يا جماعة حصل خير ما كل حاجة تمت الحمد لله
زينب : بعد ايه بس يا سعاد بعد ايه
امها : خلاص خلصنا يا زينب
خلود لمريم : تاج اتهبلت والله ده خديجة معملتش كده
مريم : في حاجة حصلت الحكاية مش طبيعيه
خلود : يا خبر النهاردة بفلوس
تاج قامت من حضن سعاد وطلعت اوضتها
//////////////////////
في شقة العزاب
نمر بضحكة : والله ما مصدق ان انتو الاتنين اتجوزتوا
محمود بتنهيدة : واخيرا
فريد بسخرية : اللي يشوفك كده يقول ان فرحك بكرة مش هتطلع عنينا عشان توافق علي الفرح
محمود بإبتسامة : لا بس الموضوع اختلف خالص هي دلوقتي مراتي يعني اقدر اتفاهم معاها براحتي من غير حدود وهو شهر واحد واحدد الفرح
نمر بسخرية : واثق اوي من نفسه الاخ
محمود : اكيد عيب عليك الا قولي يا فريد ليه تاج عملت كده
فريد : بجد مش عارف في حاجة حصلت اكيد دي مكنش بتفتح بقها
نمر : اكيد حست انك مفروض ومكنتش راضي وهي صغيرة برده واتصرفت بطيش
فريد : مش عارف يا نمر بس تصرفها ده صدمني بجد
محمود بغمزة : انت انصدمت لانك متخيلتش انك تنرفض ولما يجي الرفض من واحدة انت اصلا رافضها فانصدمت واتضايقت
فريد : لا طبعا ايه الهبل ده
نمر بإبتسامة : لا بالعكس عنده حق اوي
فريد قام وسابهم : والله انتو مجانين
محمود : استني بس ثانية
فريد : خير
محمود : هات رقم خديجة
فريد بإبتسامة : لا
محمود : بطل رخامة بقي
نمر : حرام عليك مش هيقدر ينام لو مكلمهاش
محمود : اه والله
فريد : خد اهو اكتبه صعبت عليا
محمود : تسلم يا بو نسب
فريد دخل ونمر قام : هروح اشوف عادل وانت اتصل بحبيبتك بقي
محمود بتنهيدة : ماشي
اتصل بيها لكن مردتش
عند خديجة طالعة من الحمام بعد دوش عشان تفوق من العياط
رجع اتصل تاني
خديجة استغربت الرقم بس ردت
خديجة : الو
محمود ضربات قلبه بقت ١٠٠ ومش قادر يرد عليها
خديجة بإستغراب : الو مين معايا
محمود بتلاعب : جوووووزك وبيضغط علي الكلمة
خديجة انصدمت ومقدرتش تنطق
محمود حب يستخدم اسلوب الاستفزاز عشان ترد عليه وتكلمه : رحتي فين ولا القطة كلت لسانك
خديجة بعصبية : عاوز ايه وبعدين جبت رقمي منين
محمود بضحكة رجولية : تصدقي اول مرة اعرف ان ممكن يكون فيه دكتور غبي في رايك كده هكون جبته منين
خديجة : تصدق انا بقي منصدمتش خالص من بجاحتك
محمود بحدة : خديجة طولة لسان علي اي حد الا انا تمام وده اول واخر انذار طولة لسانك مش عليا مفهوم
خديجة قفلت السكة في وشه
محمود بإبتسامة : وماله احنا لسه في الاول
عند خديجة
" البارد الغبي المتخلف بكرههههك بكرهك "
//////////////////////////
عند عادل
ليال مستغربة من سرحان حماها اللي بقي علطول ومش عارفة هو ماله
ليال : بابا
عادل : ها ايوه يا بنتي
ليال : عمو نمر جاي دلوقتي انا هطلع انيم الولاد وان احتجتني ابقي كلمني ماشي
عادل : ماشي يا بنتي
بعد عشر دقايق جه نمر والشغالة فتحتله
نمر : مساء الخير
عادل بإبتسامة مساء النور ايه فينك من يومين
نمر : معلش يا حبيبي كان عندي شغل ضروري والنهاردة كان كتب كتاب اتنين من صحابي
عادل : عقبالك يارب
نمر : هههههههه لا ان شاء الله امال فين الولاد
عادل : طلعوا ينامو
عادل بغموض : هو انت بتحبهم قد ايه
نمر بإستغراب : مين
عادل : ولاد جمال
نمر : انت عارف اني بعتبرهم ولادي يا عادل
عادل : ربنا يبارك فيك
نمر : انت هتنزل الشغل
عادل : اه هنزل من بكرة ان شاء الله
نمر : خد بالك من نفسك كويس بس انا واثق ان ليال مش هتسيبك تجهد نفسك
عادل : بنت حلال اوي
نمر بإبتسامة : جدا والله نادرة في الزمن ده
عادل ابتسم وسكت
/////////////////////
في بيت محمود الغنيمي
محمود : فريد خلص واطلع علي مطعم التجمع في مشاكل هنا روح شوف في ايه
فريد : حاضر
محمود : هي الحاجة لسه نايمة يا زينب
زينب : مانت عارف يا خويا بتصلي الفجر وتفطر وتنام
محمود : ربنا يديها الصحة امال فين البنات
زينب : خديجة نايمة مش قادرة اقومها فقلت خليها براحتها وخلود مشيت بدري عندهم حفلة في المدرسة النهاردة
محمود : وتاج
زينب : بتلبس عشان عندها درس في السنتر كان بتاخده الساعة ٢ بس الميعاد اتغير بقي ٩
محمود : ربنا يوفقها
تاج نازلة كالعادة فستان بسيط جدا من اللون البيج وحجاب من اللون البني
تاج : صباح الخير
الجميع : صباح النور
تاج : انا همشي بقي يا ماما
زينب : ماشي يا حبيبتي
فريد بإستغراب : انتي مش درسك ٩ الساعة لسه ٨ ونص " فريد نسي اصلا انه اتجوزها بس سالها عادي زي اي يوم "
تاج بتوتر : السنتر بعيد شوية ومبلاقيش تاكسي بسهولة
محمود بصدمة : انتي اتجننتي يا زينب بتسبيها تركب تاكسي
تاج بسرعة : لا والله يا خالو بس اليوم اللي مبمشيش مع خلود في اي وقت عندي درس هو يوم ده اللي باخد تاكسي انما اغلب ايامي مع خلود
محمود : زينب لو في يوم هتمشي لوحدها يبقي تروحي توصليها وترجعي وتروحي تجبيها مفهوم
زينب : حاضر يا حاج
فريد : تعالي افطري عشان اخدك معايا وانا ماشي
تاج بتوتر : ها لا خلاص ماما هتوديني
زينب : روحي يا تاج مع ابن خالك وانا هتلاقيني عندك لما تخلصي
فريد بإستغراب : طيب مانا موجود تتعبي امك ليه يلا تاج افطري ويلا
تاج : انا فطرت مع تيته
فريد : طيب يلا عن اذنكم وانا هوصل هناك يابابا هحل الموضوع وارجع علطول
محمود : ماشي يا ابني مع السلامة
خرج فريد وتاج
في عربية فريد
فريد : انتي رايحة درس ايه
تاج : فيزياء
فريد : ربنا يوفقك
تاج بصوت يدوب مسموع : امين
تاج : ايوه بس هنا
فريد بإستغراب : والاستاذ ملقيش مكان في ناس وحيوي بدل المنطقة دي
تاج : بيقول عشان مبيحبش الدوشة ويشرح براحته
فريد : اها اوك انتي كده هتنزلي هتلاقي حد جوة
تاج : معرفش بس اكيد البنات زمانهم جوة
فريد : اوك يلا مع السلامة
تاج : سلام ونزلت تاج
فريد جه يحرك لقي موبايلها واقع في الدواسة اخده ونزل وراها يدهولها
لما دخل لقيها واقفة مع بنت وولد استغرب ان تاج تقف مع ولاد دي بتتكلم معاه بالعافية
فريد : تاج
تاج بتوتر : نعم
فريد تعالي شوية
تاج راحتله : نعم
فريد بيديها تليفونها : تليفونك وقع منك
تاج : متشكرة
فريد وهو بيبص للولد والبنت بإستغراب ومش عاجبه شكلهم ابدا: مين دول
تاج بتوتر : دي زميلتي وده زميلنا برده بس هو وقف يكلمها وانا واقفة معاها
فريد : اها اوك بس خدي بالك منهم بقي لاني مرتحتلهمش
تاج : دي طيبة اوي والله
فريد : معلش برده خدي بالك ومتروحيش مع حد غيرنا تمام
تاج : اوك
فريد : يلا سلام
تاج : مع السلامة
هنا بخبث : مين المز ده
تاج بتوتر : ابن خالي
هنا : اها
///////////////////////////////
في شركة النمر
ليال وهي داخلة مكتب عادل : كنت فين بس يابابا قلقتني جدا عليك
عادل : كان عندي مشوار كده قضيته وجيت
ليال بإستغراب : مشوار ايه علي الصبح كده
عادل : عادي يعني يا بنتي
ليال سكتت لما حسيته مش حابب يقول
ليال : اوك دلوقتي مستر شهاب جاي كمان ساعة وكان لازم نقعد مع بعض نشوف الشغل قبل ما يجي
عادل : ماشي روحي هاتي الورق وتعالي
ليال : اوك
عادل خرجت ليال وقعد يفتكر كلام الشيخ وتفسير الحلم من وجهة نظره
الشيخ : ده والله اعلم يا حاج ان الشخص اللي انت شوفته في الحلم رايد مراة ابنك وابنك بيقلك متجوزهاش للغريب عشان مش هيحب عياله زي عمه
عادل بصدمة : تقصد ايه يا شيخ انه بيقول اجوزها لنمر
الشيخ : ده تفسير اللي قولتهولي يا حاج والله اعلم
عادل : طيب بيقلي تطمن عليهم قبل ما اجيلك متتاخرش معناه ايه ده
الشيخ بتوتر : يا حاج الاعمار كلها بيد الله بس هو كده عاوزك تجوزهم وبسرعة قبل لا يجرالك حاجة بعد الشر
عادل فاق من شروده " اه يا غالي ودي اعملها ازاي دي بس هحاول كله يهون عشان خاطر ولادك يبقوا مبسوطين "
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
