البارت التاسع والثلاثون
في بيت عادل
ليال قاعدة مع عادل
دخل نمر : مساء الخير يا جماعة
مساء النور
ليال اول ما دخل غمضت عنيها " لالالا ايه الهجوم ده العملية كل يوم تتعقد اكتر من اليوم اللي قبل "
نمر بتعب وبص لليال : الله يكرمك يا ليال جهزيلي الاكل هطلع اغير واجي هموت من الجوع
ليال بتوتر من موجة الوحام اللي جاتها وبوظت اعصابها قامت : اوك حاضر وانسحبت من قدامهم وطلعت علي السلم
نمر خرج لقاها طالعة علي السلم بإستغراب وهو بيقرب منها : ليال
ليال لفت لقيته في وشها بتوتر من قربه وريحته اللي غزت مناخيرها : نعم
نمر : رايحة فين كده مش هتجهزيلي حاجة
ليال وضربات قلبها بتزيد وبتوتر : ايوا حاضر بس هعمل حاجة في اوضتي بسرعة واجي
نمر بدهشة : مالك انتي كويسة عرقتي كده ليه وهو بيمسح علي جبهتها
ليال بعدت عنه بسرعة : لالا كويسة مفيش حاجة وجرينت من قدام نمر تحت دهشته الكبيرة وكل يوم يستغرب تصرفاتها اكتر
دخلت اوضتها وقفلت الباب بسرعة كانها هتعمل مصيبة كعادتها هذه الايام وفتحت الدولاب وطلعت تيشرته بسرعة وحطته علي منخيرها وقعدت علي الارض بإنهاك
" ليال ومازالت متمسكة بتيشرت نمر : يارب بقي خفف عني حاسه اني في يوم هعمل معاه كارثة بسبب اللي بيحصلي ده " ولما حست انها ارتاحت وموجة الوحام خفت اعادت التيشرت لمكانه وخرجت من الاوضة ونزلت تجهزله الاكل
نزل نمر لقي ليال بتجهز السفرة فراح وقعد : تسلم ايدك معلش تعبتك
ليال بتوتر : لا ابدا مفيش حاجة بالهنا والشفا
نمر : الله يهنيكي
///////////////////
في بيت محمود
خلود : خلاص بقي يا فيفي بابا كده هيزعل منك اسمعي الكلام وروحي نامي عشان المدرسة الصبح
فريدة : حاضر يا ماما خلود
دخلت الخدامة : ست خلود والد فريدة برة جه
خلود بإستغراب : زالدها متاكده
الخدامة : ايوا حضرتك
خلود لفريدة : شوفتي بابا كمان محبش يزعلك عشان انتي بتسمعي الكلام ازاي
فريدة ببرائة : اصلا هو بيحبني اوي
خلود بإبتسامة : طيب يلا يا لمضة اطلعي لبابا وتعالي هاتي بوسة
قربت فريدة باست خلود : مع السلامة وبصدمة : ماما خلود
خلود : نعم يا حبيبتي
فريدة : مش انتي قولتي هتقوليلي امورتي الحلوة
خلود باسف : اسفة يا فيفي والله نسيت
فريدة بحزن : كان نفسي اسمعها منك مش مامتك كانت بتغنيهالك
خلود وماسكة دموعها :خلاص قبل ما تنامي اتصلي بيها هغنيهالك ماشي
فريدة بفرحة : صحيح
خلود : طبعا صحيح يا حبيبتي
فريدة بفرحة : ماشي سلام بيقي
خلود : مع السلامة يا حبيبتي ولما توصلي كلميني ماشي
فريدة : حاضر واخدت حاجتها وخرجت
ورجعت خلود لطبيعتها في الوقت اللي فريدة مبتبقاش معاها فيه نامت او عملت نفسها نايمة عشان متكلمش حد
خلود " عارفة اللي بعمله ده غلط مينفعش تعلقها بيا مش طبيعي حتي كلمة ماما مش طبيعي انها تقولهالي بس انا محتجاها الفترة دي مش عارفة ليه اكتر ما هي محتجاني بكتير محتاجة حد برئ ميبصليش بشفقة ولا عطف يضحك ويتكلم عادي مش يقعد يفكر في الكلام ويقول يا تري هجرحها ولا لا زي ما كله بيعمل ودايما اشوفهم بيعيطوا كل ما يشوفوني "
خرجت فريدة جري لمهاب وركبت وهي فرحانة وكعادتها فضلت تحكي لمهاب كل اللي حصل في اليوم وماما خلود قالت كده وماما خلود عملت كده
مهاب " تعلقك بيها غير طبيعي يا فريدة وانا مش حابب كده انتي مبقتيش بتسالي عن مامتك ابدا "
فريدة : يابابا
مهاب : ها نعم يت حبيبتي
فريدة : انت ماشي بالراحة ليه يلا عشان عاوزة اروح انام بسرعة
مهاب بإستغراب : حاضر
///////////////////////////
في الفرح
مريم قامت وسلمت علي البنات عشان تمشي لانها من احراجها مش قادرة تقعد اكتر من كده خاصة ان شهاب كل فترة يبصلها وده موترها زيادة
مريم طبيعي تسلم علي جيهان لفت راحت لها وسلمت عليها وخرجت
جيهان لشهاب : ما يلا نمشي يا حبيبي بقي كفاية كده
شهاب بتنهيدة : اوك يلا
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
