الفصل الثاني والعشرون
في منزل سعيد
نفيسة زوجة سعيد بلطمة : يا لهوي انت بتقول ايه يا بو سالم
سعيد : سدي خشمك يا وليه ايه في جنازة اياك
نفيسة : هو اللي انت بتقوله ده ميبقاش جنازة
سعيد بعصبية : جاتك نصيبة علي فالك العفش ده انا بقلك عشان زمان كل البلد هتعرف متسمعش من برة
نفيسة : ولسه فاكر تقولي دلوقت
سعيد بعصبية : قومي يا وليه اندهيلي بنتك وبصرخة : قومي
فزت مراته مغلوبة علي امرها
جت بعد دقيقتين هي ودلال " سعيد بيحب بنته دلال جدا بس مبيبينش حبه ابدا "
دلال بإبتسامة : كيف يابوي
سعيد : بخير يا بنتي انتي كيف الشغل معاكي
دلال : الحمد لله زين " دلال بتتكلم لهجة عادية بس قدام ابوها متقدرش تتكلم غير لهجتهم "
سعيد : يدوم يا بتي
دلال : تسلم يابو خير امي قالت انك عاوزني
سعيد : عمك خطبك لخالد وانا عطيته كلمة يا بنتي
دلال بصدمة : خطبني لمين يا بوي
سعيد بتوتر : لخالد يا بنتي
دلال برعشة شديدة اجتاحتها وبرودة في اطرافها اصابتها برجفة حاولت السيطرة عليها : خالد
سعيد : ايوا وان عطيته كلمه واديته موافقتي
دلال بتوهان : اللي حضرتك تشوفه في مصلخحتي اني موافقة عليه يا بوي
سعيد بإبتسامة : ربنا يرضي عليكي يا بنتي كيف ما راضيتيني
دلال بهمس : تسلم يا بوي
سعيد : خلاص روحي يا بتي
دلال خرجت مسرعة ومردتش علي امها وهي بتنادي
دلال دخلت اوضتها بسرعة وقفلت الباب وسندت عليه ونزلت قعدت للأرض وبشهاق وبكاء : يارب والنبي يارب ميكنش حلم يارب لو حلم مصحاش منه ابدا يارب اخيرا خالد وبضحكة مجنونة خالد خطبني انا اااه قلبي هيقف ياربي
في اوضة سعيد
نفيسة : ارتحت كده
سعيد : ايوه ارتحت ملكيش صالح انتي
نفيسة : مش كانو يستنوا واخواتها هنا
سعيد : يعني اخوها وراه شغل نعطله ليه اهو جاي بكرة وهيعرف والتاني مانتي عرفاه صايع بحجة الكليه اللي هخرجه منها قريب ان شاء الله
/////////////////
في شركة عادل النمر
عادل في مكتبه من بدري وسرحان
ليال : بابا
عادل : ها
ليال بإستغراب : ايه مالك من ساعة ما جينا وانت مش مظبوط ومش عاجبني خالص
عادل : لا ابدا مفيش حاجة
ليال : اوك يلا عن اذنك
عادل : اتفضلي " يا تري يا نمر بتفكر في ايه ليه بتسحبها لعالمك شوية بشوية ليه اخدتها الفرح "
خرجت ليال لقيت نمر واقف مع السكرتيرة وبيضحك
ليال " غريبة ليه جاي هنا ومكلمنيش " بإبتسامة : سلام
نمر ردلها الابتسامة : اهلا اهلا بالمديرة الهمام
ليال للسكرتيرة : ايه معندكيش شغل
السكرتيرة : لا يا فندم عندي
ليال : امال ليه واقفة روحي علي مكتبك
نمر بإستغراب : في ايه يا ليال مالك
ليال : مفيش بس البنت دي اصلا كسوله ومبحبش مرقعتها طول الوقت في الشركة وعندها شغل متأخر
نمر بإستغراب : غريبة وانتي من امتي بتسيبي ناس شغلها سايب عندك في الشغل
ليال بتوتر : اصلها متوصي عليها شوية
نمر بضحكة : ههههههههههه مستحيل
ليال : ههههههههههه هعمل ايه بس
نمر : ومين اللي حجره تقيل اوي عليكي كده
ليال بتوتر : اخت محمود اللي كان صاحب وسكرتير جمال
نمر : امممم اوك ييلا انا استأذن
ليال بتوتر : امال كنت جاي عشان ايه
نمر : كنت جاي لعادل هدخله
ليال : اوك
دخل نمر لعادل
نمر : سلام
عادل : اهلا يا نمر ايه يا ابني فينك مختفي
نمر : كنت مشغول مع محمود ما انت عارف
عادل : اها صح يلا ربنا يسعده
نمر : امين انا كنت جايلك عشان تكلملي المحامي بتاعك لان المحامي اللي كنت بتعامل معاه مسافر وفي عندي مشكلة في الغردقة
عادل بإستغراب : انت من امتي بيبقي عندك مشاكل
نمر : هعمل ايه بس هو بمزاجي يا عادل دي حاجة بقت تقصر العمر مشاكل الشغل اللي مبتخلصش
عادل : يلا معلش
خبطت ليال ودخلت : بابا
عادل : نعم يا ليال
ليال : دي دعوة جات من مؤنس عزام فرحه بعد يومين
نمر بصدمة : يخربيته هو الراجل ده مبيهمدش ده انا نفسي رحتله فرح قبل كده
عادل بسخرية : هههههع هتلاقيه باعتلك دعوة اكيد
نمر : المشكلة ان الواحد مضطر يجامله ويروح حتي لو غصب عنه
عادل : عندك حق مضطرين نروح خلاص ابقي انت خد ليال وروح لاني مبقاش ليا روح للكلام ده خاصة لراجل متصابي زيه
نمر : ان شاء الله نبقي ننسق ونروح سوا يلا همشي انا بقي ومتنساش الموضوع اللي كلمتك فيه
عادل : تمام بس اوعي تنسي معاد الفرح عشان منخسرش راجل زي ده في الشغل
نمر : ان شاء الله يلا سلام
عادل وليال : مع السلامة
//////////////////////////////
في بيت محمود الغنيمي
تاج وخلود نازلين لانهم خارجين يشتروا شوية حجت ناقصة خلود وخلود كالعادة جينز بس عليه فيست طويل
تاج نازلة ولابسة هدوم من اللي اشتريتها هي وخلود ومكنتش بترضي تلبسها ابدا لكن لا ارادي لقت نفسها بتغير وبتلبس كده النهاردة " لابسة فستان مشجر بألوان هادية من الكافييه الهادي بنقشة بسيطة مع السيمون بأرضية سكري وعليه كارديجان طويييل من اللون الكافييه وطرحة سيمون مظهرة بياض بشرتها واستغنت عن النضارة النهاردة ولبست العدسات
خلود واديها في ايد تاج مأنكجين : مساء الفل
الجدة : خلاص ماشيين
فريد بهدؤ وعينه بإستغراب علي لبس تاج : رايحين فين
خلود : هنروح نشتري شوية حجات ونيجي
فريد : امممم متتأخروش طيب
خلود : لا كلها ساعة ساعة ونص بالكتير
فريد : اوك
تاج : عاوزة حاجة يا ماما
زينب : لا يا بنتي تسلمي
الجدة : هتدخلوا السيما ولا هتاجوا مش هتروحوا
خلود بهمس : الله يسامحك يا تيته قلتلك متقوليش قدامها
فريد بصدمة : تروحوا فين يا اختي منك ليها
خلود بهدؤ : لا احنا بس كنا بس يعني
فريد بعصبية : انتي هتجننيني يا خلود سينما ايه اللي تدخلوها وتطلعوا امتي وتيجوا امتي ان شاء الله وكمان بتكدبوا بتقولوا احنا رايحين نشتري حجات
زينب : خلاص يا ابني ايه اللي فيها يعني
فريد : ازاي ايه اللي فيها يا عمتي انتي متعرفيش ايه البلاوي ولا العيال اللي بتبقي فيها عاملين ازاي
تاج لخلود بهمس : لا بقي انا عاوزة اروح يا خلود ده اخر يوم لسلمان خان النهاردة
خلود : اوووف احسن ما انا قلتلك متقوليش قدام تيته احسن
فريد: اقعدوا مفيش خروج انتي وهي
زينب بإبتسامة : وان قلتلك عشان خاطري يا ابني وروح معاهم معلش تاج من زمان نفسها تروح والنهاردة مفيش سنتر وانا اذنتلهم يروحوا
فريد بغيظ : ماشي يا عمتي يلا قدامي
خرجوا وراحو للسينما
//////////////
في بيت محمود وخديجة
محمود ومركز مع خديجة وده موترها " فتنة متحركة ياربي اول مرة اشوف شعر قصير وحلو ربنا يصبرك يا قلبي "
خديجة بتوتر بتلف في التلفزيون
محمود بسرحان : خديجة
خديجة : نعم
محمود بإستغراب : اشمعني قاصة شعرك القصة الغريبة دي
خديجة : عجباني مبحبش الشعر الطويل
محمود بإبتسامة : صراحة ولا انا بقيت بحبه بقيت بعشق القصير
خديجة قامت : تشرب شاي
محمود بضحكة اربكتها : ههههههههههه اشرب ان شاء الله سم من اديكي عادي
خديجة بتحاول تكتم ابتسامتها وهي ماشية لكنه لمحها : مبعرفش اعمل سم انا
محمود " يا لهوي علي الرقة يا بشر مبعرفش اعمل سم انا "
//////////////////////////
نروح للسينما
دخلوا السينما
فريد : ها هتشوفوا فيلم ايه انا رأيي الخلية جامد
خلود بتوتر : لا احنا مش هنسمع الخليه
فريد بأستغراب : امال هتسمعوا ايه
تاج بهمس dabbang:
فريد بإستغراب : ده بتاع مين ده
تاج بإبتسامة سريعة : سلمان خان
فريد : مين يا اختي
خلود : فيلم هندي يا فريد
فريد : اكيد بتهزروا هو انا جاي معاكم عشان تسمعوا فيلم هندي
تاج : وفيها ايه يعني
فريد : لا شوفوا اي فيلم تاني
تاج : خلاص شوف انت فيلم تاني واحنا نشوفه ونتقابل هنا لما نخلص
فريد برفعة حاجب : لا يا شيخة
خلود : امال نقلك ايه بس يا فريد احنا جايين من البيت عشان تاج عاوزة تسمعه مش هنيجي هنا نسمع فيلم تاني
فريد بضيق : خلاص يلا بينا
واخدهم لفيلم سلمان خان
/////////////////////////
عند محمود وخديجة
شربوا الشاي وقام محمود وبعد دقيقتين
محمود : يا خديجة
خديجة : نعم
محمود : ايه ده كان في تيشرت كحلي هنا فين هو
خديجة : ما تشوفه في دولابك
محمود : مش لاقيه وبخبث : اكيد حطتيه بالغلط عندك
خديجة فطت بسرعة : لا مفيش في دولابي حاجة ودخلتله جري
خديجة بإستغراب : ده راح فين ده
محمود بإبتسامة : بتدوري عليا
خديجة : ها لا بس لاقيت التيشرت
محمود وهو بيقفل الباب وبغمزة وبلهجة استهبال : تيشرت ايه مسألتش علي تشيرتات انا
......................
///////////////////////////
في السينما
تاج لخلود في الحمام وهي بتعيط : اخوكي ده مجنون والله العظيم مجنون ما طبيعي ايه اللي هو عمله ده
خلود بعصبية : والله لاقول لبابا ده بيستهبل يجرجرنا كده ويزعقلنا قدام الناس
تاج ببكاء : ومخلناش نكمله حتي
خلود بحدة : مش تدايقيني هو ده اللي فارق معاكي الفيلم
تاج بتمسح دموعها : اه طبعا
فريد بيرن علي خلود : يلا عشان بيرن
خرجوا وراحوا ركبوا معاه وهو شايط
فريد " يا لهوي الحمد لله اني جيت معاهم ايه القرف اللي بيسمعوه ده مسخرة وقلة ادب لا وكمان الاخت في ثانوية عامة ومذاكرة "
تاج ركبت ورزعت الباب
فريد بحدة : بالراحة مش مال حراكم هو
تاج : اووووف انا حرة يا اخي
فريد بعصبية : اللهجة تتظبط احسنلكم مش كفاية عملتكوا المهببة دي
خلود بحدة : عملة ايه يا فريد فيلم عادي ايه اللي فيها يعني
فريد بعصبية : ده فيلم عادي ده انتي هتستهبلي ده الزفت البطل نص الفيلم قالع
تاج بسخرية وتهور : اهو ده اللي غايظك عشان احلي منك
خلود حطت ايدها بصدمة علي بقها
فريد ضرب فرامل بسرعة وبشرار وغضب ونار تكاد تحرق العربية باللي فيها لف لها و مد ايده ومسك دراعها وشدها جامد عليها : سمعيني كده قلتي ايه
تاج بخوف فعلي منه : مقلتش حاجة
خلود وهي بتمسكه : عشان خاطر ربنا امشي خلاص الناس بتتفرج علينا
فريد وهو بيرمي ايدها وبعصبية : ورحمة امي لاخلي ليلتك سوداء بس اما نروح وحرك بسرعة شديدة عشان يوصل البيت باقصي سرعة
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
