الفصل الخامس عشر
في بيت محمود الغنيمي
محمود : خديجة
خديجة : نعم يا بابا
محمود : عمك ومحمود عاوزين يلبسوا شبكة في اقرب وقت يناسبك امتي تظبطي نفسك
خديجة بصدمة : شبكة وليه شبكة
فريد : اوك علي خيرة الله نعمل فرح علطول وتلبسي شبكة فيه احنا لسه هنماطل الموضوع زاد وباخ
خديجة : افندم يا استاذ فريد
فريد بعصبية : مانتي مش طبيعية بصراحة الراجل طلع عينه وهو مستنيكي تحني ويبقي فيه دم كل ما نتكلم يقلي انا مش عاوز اضغط عليها وانتي بصراحة معندكيش اي زوق ودلوقتي اتكتب كتابك وملبستيش حتي دبلة ايه بقي محدش قادر عليكي
خديجة بعصبية : اتكلم بأدب بعد اذنك يا فريد انا مش عيلة صغيرة تكلمني بالأسلوب ده
محمود : اشتموا واضربوا بعض وانا قاعد احسن
فريد : اسف يا بابا
خديجة : متاسفة يابابا بس حضرتك شايف هو اللي بدا
محمود بعصبية : وانا شايف برده انه مكدبش في كلمه واحدة من اللي قالها وبصراحة الغلط من عندي سبتك كتير قلت هتكبر وتعقل لكن بتكبري وتزيدي هبل
خديجة بدموع : قصدك ايه يا بابا
محمود : قصدي تشوفي ظروفك ايه وتعرفيني يا هحدد انا ميعاد الفرح والشبكة وكله
خديجة : لو هتستني يبقي برضايا يا بابا فده مش هيحصل وحضرتك اعمل اللي تشوفه صح طالما انا بقي كلامي تقيل اوي وملوش اهمية يبقي بتسالوني ليه عن اذنك
خديجة طلعت اوضتها
محمود بتنهيدة : والحل اعمل ايه مع اختك دي
فريد بهدؤ : عاوز رأيي يابابا
محمود : ياريت
فريد : خديجة طول ما احنا سايبنها براحتها مش هتتجوز انما لو ضغطنا عليها شوية والله انا متاكد انها هتحبه لما تعرفه لانها كرهته من موقف من غير ما تعرف شخصيته وبالعشرة هيعرف ازاي يحببها فيه
محمود : ربنا يستر يا ابني انا اختك دي تعبتني بكرة ان شاء الله هكلم عمك ونتفق علي ميعاد للفرح علطول ايه رايك
فريد : علي خيرة الله يابابا كده احسن برده بس ميبقاش قبل شهر ونص شهرين برده
محمود : ان شاء الله
///////////////////////////////////////
في بيت عادل النمر
ليال جت واخدت ولادها في اوضتها وقفلت علي نفسها ونامت
وصحيت علي صوت صراخ عالي قامت فتحت الباب وطلعت جري
ليال بخوف : في ايه ايه اللي حصل
الخدامة : عادل بيه قاطع النفس خالص
ليال بصراخ : ايه هو فين
الخدامة : في اوضة المكتب
ليال راحت جري للمكتب وبصرخة : شاتصلي علي الاسعاف بسرعة
الخدامة جريت اتصلت بالاسعاف وفي ثانية ليال غيرت هدومها
جت الاسعاف واخدت عادل وليال معاه
واول ما وصلوا واخدوه قعدت في الارض تعيط سمعت صوته
نمر : ليال قومي قاعدة كده ليه
ليال بدموع وبكاء شديد : انا السبب اكيد زعل من كلامي معاه امبارح
نمر بهدؤ : اهدي اهدي ان شاء الله هيبقي كويس قومي بس انتي متقعديش كده
ليال هزت راسها بعصبية : لالالا مش هتحرك من هنا غير لما اطمن عليه
خرج الدكتور بعصبية : يا جماعة مينفعش كده ابدا انا قلت ممنوع الزعل ابدا
نمر : حالته ايه يا دكتور
الدكتور : ادعوله ربنا يقومه بالسلامة الحمد لله جه بدري والا لو استنيتو بس ساعة واحدة كان لا قدر الله جراله حاجة
ليال بصراخ وبتضرب نفسها : انا السبب انا السبب
نمر مسك ايدها وزعقلها : اهدي بقي الدكتور قال اهو انه كويس
الدكتور سابهم ومشي
ليال رجعت قعدت تاني في الارض : انا السبب يا رتني وافقته بس هو قال حاجة مستحيلة وبصت لنمر بدموع : هو ليه عمل كده ليه يفكر كده اصلا هو لو مش قالي كده انا عمري ما كنت زعلته
نمر بقي عنده يقين انها مش في حالتها الطبيعيه : طيب اهدي اهدي عشان ميزعلش منك وفجأة نادي ممرضة وقالها تنادي دكتور يدي ليال مهدئ
جه الدكتور وليال لسه بتعيط
الدكتور : هاتها جوة في الاوضة
نمر مسك ايدها : قومي يا ليال
ليال : لا عاوزة استناه
نمر : هنستناه جوة هنا
دخلت اوضة واديها دكتور مهدئ ونامت
نمر بتوهان " ياربي هلاقيها منين ولا منين بس "
///////////////////////////////
في مدرسة الاطفال
خلود : يلا يا حلوين بقي كل واحد يوريني الهووم ورك بتاعه
بدأت تلف علي كل الاطفال
خلود : ليه بقي مكملتيش الواجب يا فريدة
فريدة : بابا مجاش امبارح
خلود بعدم فهم : بابا اللي بيكتب معاكي الواجب
فريدة : اه
خلود : وماما مكتبتوش معاكي ليه طالما بابا مش موجود
فريدة بدموع : ماما في السما وقلتلها تعالي اكتبي معايا الواجب مجتش وانا زعلانة ومش هكلمها تاني
خلود بصدمة ودموع حضنتها : معلش يا حبيبتي متزعليش بس ماما سمعتك وشافتك كمان بس ربنا لما بياخد معاه حد هما بيشفونا بس احنا مش بنشفهم وانا كمان ماما فوق في السما
فريدة بحماس : يعني ماما وماما انتي فوق مع بعض وصحاب
خلود : ايوا يا حبيبتي فوق مع بعض وصحاب
فريدة بإبتسامة : طيب احنا كمان نبقي صحاب عشان يشفونا سوا
خلود بكبح للدموع : ياريت احنا كمان نبقي صحاب ولو في يوم بابا محلش معاكي الواجب قوليلي ونعمله سوا ماشي
فريدة بحماس : هيييبه ماشي
/////////////////////////////
في شركة الغنيمي
محمد بإبتسامة : اخيرا الحمد لله
محمود : خلاص شوف ظروفكم كده وشوف محمود وعرفني
محمد : هههههههههههه مش متخيل ردة فعل محمود لما اقوله هنعمل فرح علطول مع الشبكة خايف علي الولد والله
محمود : ههههههههههههههههه ربنا يحميه يا سيدي وتشوف ولاده يارب
محمد بفرحة : يارب
/////////////////////////////////
فاقت ليال بعد ساعتين ولما ركزت خرجت من الاوضة بسرعة تسال علي غرفة عادل
ليال : لو سمحتي عادل النمر اوضته فين
الممرضة تالت اوضة شمال في الطرقة اليمين دي
ليال : مشكرة جدا وراحت جري للاوضة فتحت لقيت عادل نايم ونمر قاعد
ليال : هو مفاقش خالص
نمر : فاق يدوب كده ونام تاني
ليال : الدكتور قال هيصحي امتي
نمر : معرفش قال هو مرهق بس مش اكتر
ليال : يعني ممكن يروح معانا النهاردة
نمر بهدؤ : ان شاء الله
ليال : الدكتور طيب قال ايه علي حالته
نمر بحزن : قال ممنوع الزعل والاجهاد والتوتر وكل ده
ليال قعدت بإرهاق
نمر : قومي روحي عشان الولاد
ليال : لالا هفضل معاه لغاية ما يفوق
عادل بدأ يفوق
ليال جريت عليه : بابا
نمر : عادل
عادل بتعب : ااه انا فين
نمر : انت في المستشفي
عادل : ليه انا كويس روحني يا نمر
نمر : حاضر هنادي الدكتور بس يشوفك وبعدين نمشي
عادل هز راسه بمعني اوك
ليال : حاسس بأيه يابابا حاسس باي تعب
عادل : لا
ليال : انت زعلان مني
عادل : لا يا بنتي وهزعل منك ليه
ليال : امال ليه بتكلمني كده
عادل بتعب : ليال انا تعبان اجلي الكلام دلوقتي يا بتي
ليال : حاضر
جه الدكتور وكتبله خروج وخرجوا
///////////////////////////////
في مدرسة الاطفال خلود والمدرسات اخر ناس طالعة من المدرسة شافت فريدة مع الداده
خلود : فريدة ليه مروحتيش لغاية دلوقتي
فريدة بحزن : بابا اتاخر
فريدة للدادة : كلمتو ولي امرها يا داده
الداده : كلمناه يا ميس خلود قال جاي في الطريق
خلود قعدت جنبهم : خلاص يا حبيبتي بابا زمانه جاي وانا هقعد معاكي اهو متزعليش
فريدة : انا بحبك اوي يا ميس
خلود : وانا كمان يا حبيبتي بحبك اوي وفتحت شنطتها خدي بقي الشوكلاته دي مني
فريدة اخدتها وخلود طلعت لها وللداده اختها وقعدو ياكلوها
فجأة صوت رجولي غليظ : فيفي
فريدة بفرحة نطت : بابا
قرب منهم ولابس النضارة وبيتكلم بتعالي : يلا يابابا تعالي
خديجة انصدمت من وقاحته وهو شايف المدرسة كلها فاضية واحنا قاعدين مع بنته المفروض يقول شكرا
خلود بهدؤ : ياريت بعد اذن حضرتك تحاول تيجي بدري شوية الاطفال طالعين بقالهم ساعة الا ربع ومينفعش تفضل قاعدة برة كده مستنياك
مهاب وبيقلع النضارة : وحضرتك مالك اجي وقت ما احب " رد عليها كده لانه عرفها من اول ما شافها انما هي معرفتوش "
خلود بصدمة : بصراحة اتوقع رد اوقح من كده من شخص زيك
فريدة بفرحة : بابا ميس خلود قعدت معايا لغاية ما انت جيت
مهاب مسك اعصابه ورد علي بنته : طيب يا حبيبتي يلا بينا
فريدة : باي يا ميس
خلود : باي يا حبيبتي
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
