الفصل الثامن
في المستشفي
عادل : يا بنتي انا زهقت من السرير ده والمستشفي عاوز اخرج
ليال : حاضر يابابا يومين بس نطمن عليك وبعدين تخرج ان شاء الله
عادل : الولاد وحشوني اوي
ليال : والله يابابا كنت هجبهم بس حضرتك اللي مرضتش لانك كمان وحشتهم اوي
عادل : لا يا بنتي محبهمش يجوا المستشفي
ليال : ربنا يقومك لينا بالسلامة يارب علفكرة انا تقريبا خلصت كل المقابلات اللي كانت مفروضة الاسبوع ده بس سبت مقابلة شركة الغردقة لما حضرتك تقوم بالسلامة عشان لو الموضوع احتاج سفر مسبش حضرتك في الوضع ده واسافر
عادل : خير ما عملتي يا بنتي
نمر : مساء الفل
عادل بإبتسامة : اهلا يا نمر تعالي
نمر : لالالا ماشاء الله انت بقيت زي الفل احنا نجوزك بقي
عادل : ههههههههه الله يجازيك يا نمر ايه رأيك انا هطلع من هنا واجوزك
نمر بمزح : لا انا شكلي هقطع علاقتي بيك
ليال : هههههههههههههههه ولا تزعلوا اجوزكم انتو اللي الاتنين
نمر بإبتسامة : روحي شوفي عيالك يا ليال احسنلك
عادل بصلهم وغمض عنيه وسرح في اللي حصل " هنعرف قدام ايه اللي حصل "
//////////////////////////
تاج بصدنة : لا طبعا انتي بتقولي ايه يا مامت انتو فهمتوني ان ده كده وكده عشان عمو
زينب : ودلوقتي بيقول مش هيسيبك هنا بدون صفة يا بنتي قوليلي نعمل ايه مكنش قدام خوالك الا انهم يطاوعوه
تاج برفض قاطع : لالالا يا ماما شوفوا حل تاني مستحيل انا وفريد لالالالا مينفعش خالص
زينب : يعني بعد كل اللي حصل ده وتفكيرهم فيكي هتصغريهم وقدام مين قدام عمك مكنش العشم يا بنتي
تاج بتوتر : لا يا ماما طبعا مش قصدي كده بس انتي كده بتقوليلي الموضوع هيبقي جد اووي ومش بعيد امتحن يقول يعمل الفرح لا يا ماما
زينب بحدة : وبعدين يعني يا تاج هتصغري خوالك وتكسري كلمتهم كده
تتج سكتت ومردتش
//////////////////
فريد بعصبية : ليه كده بس يا حج انت عارف كده الموضوع بقي جد مفيهوش رجعة
محمود : يا ابني مش شفته حاوطنا بالكلام ازاي
محمد بعدم اقتناع : اللي ابوك عمله هو الصح ومكنش فيه حل غير كده يا فريد
فريد : لا يا عمي مفيش حاجة اسمها ملهاش حل اكيد كان هيكون في حل
الجدة : ما بكفياك بقي يا ولد ربك رايد كده تملك ايه انت يا عبد عشان تعترض علي تساهيل ربك
فريد : لا يا ستي استغفر الله ده مش اعتراض انا بقول اكيد كان هيكون فيه اكتر من حل للموضوع غير ده
الجدة : واهو اللي حصل بقي ايه هتحاسب ابوك وتعمله محكمة
فريد بيبوس راس ابوه : لا طبعا حقك عليا يا حاج
زينب جت واتضايقت من كلام فريد بس مبينتش لان ده حقه
فريد اتوتر لما شافها : عمتي انا
زينب بإبتسامة حزينة: متقلش حاجة يا ابني ده حقك وانت مش ملزوم تعمل كده نهائي انت وافقت علي الخطوبة من طيب اصلك انما كتب كتاب ده شئ كبير
فريد : والله العظيم يا عمتي ما قصدي اي حاجة انا بس مستصغر تاج جدا والتفاتها للموضوع هيأثر علي دراستها مش عيب فيها ابدا والله تاج ست البنات والف من يتمناها بس الموضوع جه فجأة ومكنتش عامل حسابه هو ده بس اللي حصل
زينب بدموع : يا ابني انا بحلك من اي ارتباط وملكش دخل بعمها انا هقله تاج رفضت كتب الكتاب عاوزة تكمل تعليمها وساعت ما تخلص دراسة يحلها الف حلال
الجدة : انجنيتي يا زينب
محمود بنرفزة : واحنا صغيرين يعني يا زينب كلمتنا نرجع فيها
زينب : قطع لساني يا خوي مقصدش كده طبعا
محمد : بس كلامك معناه كده يا بنت امي وابويا
فريد : يا عمتي عشان خاطري خلي كل حاجة ماشية زي ما هي
زينب : ماشي بس علي شرط
فريد بإستغراب : اي هو
زينب : تكتبو الكتاب ومحدش هيعرف من هنا وانت لما تشوف نصيبك وتلاقي اللي تسعدك طلق تاج وهي لو جاها نصيبها قبلك طلقها وتشوف حالها مع اللي يتمناها
امها بعصبية : قومي انفضي من وشي قبر يلم عدوك قومي من وشي
محمد بعصبية : انتي بتخربطي يا زينب شكلك
محمود : كده برده يا زينب ده طلب تطلبيه
زينب ببكاء : عشان خاطري ريحوني هو مش عاوزها ولا هي عوزاه يبقي نجبرهم ليه بس
فريد استغرب جدا من كلامها هو كان مفكر ان تاج موافقة ومش معترضة عليه
فريد : ماشي يا عمتي زي ما تحبي
الجدة : والله العظيم انجنيتوا كيف يعني يا ولدي يجيها نصيبها وتطلقها
فريد : يا ستي ده عادي بما اننا مش موافقين احنا الاتنين يبقي خلاص
خلصوا كلام وكل ده ميعرفوش ان في حد تاني سمع الكلام يا تري هيعمل ايه
/////////////////
نورة : ربنا لا يحرمني منك يا ضو عيوني
سالم سرحان
نورة : مالك يا حبيبي
سالم : سكوت ابوي ده ممطمنيش فكره مش خالي ربنا يستر
نورة : يمكن اخيرا اقتنع انه غلط
سالم : لا ابوي واعرفه زين اكيد بيفكر كيف يردلي اللي عملته النهاردة ده مش بالساهل يتكسر له كلمة وانا عمري ما عملتها
نورة بتربت علي كتفه : متشيلش هم ان شاء الله هيكون راضي عنك ومزعلانش
سالم : يارب يارب
///////////_////////
في شقة العزاب
فريد : سلام
محمود : وعليكم السلام مالك شكلك مش طبيعي
فريد بتنهيدة حارة : هتجوز تاج
محمود بإستغراب : تتجوزها تتجوزها ولا كده وكده عشان عمها
فريد بسخرية : لا هتجوزها شفت عمك بقي وعمايله
محمود : ايه اللي حصل انا مش فاهم حاجة
فريد حكاله كل اللي حصل بينهم وبين اعمام تاج
محمود : بس رد عمي واقعي يا فريد مكنش ليها حل تاني
فريد : حتي لو واقعي يا محمود تاج متنفعنيش خالص خالص
محمود : بصراحة كده انت وجه اعتراضك عليها ايه
فريد : مش تفكيري وصغيرة وشخصيتها ضعيفة جدا وانا محبش كده ابدا
محمود بنظرة : بس كده
فريد بإستغراب : قصدك ايه
محمود : يعني انت راجل بيورد عليك كتيير وستات كل شكل ولون فأكيد واحدة بطبيعة تاج متعجبكش
فريد سكت ومردش
محمود : خليها لظروفها يا فريد محدش عارف بكرة هيحصل ايه ومش ممكن يجيلها نصيبها من بكرة وتتطلقوا علطول
فريد : ولو الموضوع طول هيبقي حمل كبير اوي عليا انا مش عارف عمتك جابت الفكرة دي منين
نمر : هي فكرت كده بتحفظ كرامة بنتها لانها سمعت كلامك فاكيد حبت تردها وده قلب الام بقي
فريد بتنهيدة : ربنا يستر
محمود بغموض : هيسترها ان شاء الله
/////////////////////////
خلود بعصبية : وانتي ملكيش رأي يعني اكدبي وقولي موافقة مشيناها لكن يحددو مصيرك بدون لا يرجعولك ليه يعني وانتي فين من كل ده
تاج ببكاء : مش تزديها عليا والنبي يا خلود طيب قوليلي اعمل ايه اقول مش موافقة وخالي يبقي شكله وحش وكلمته ميبقاش قدها ومش بس كده لا واروح اتجوز غريب البايدقوليلي اعمل ايه
خلود وهي بتحضنها : طيب اهدي اهدي عشان خاطري وبعدين اي كان اخويا احسن من من زفت التاني ده
تاج :هههههههههه دلوقتي حبيتيه يعني
خلود : اعملك ايه مانتي محسساني ان هتلر وحش ان شاء الله ربنا يسترها ويقدرلك الاحسن والخير
تاج : يارب
/////////////////////
نمر بتفكير: يا ابني ربنا بيحبك علي الاقل بنت عمتك وعارفها مش واحدة غريبة متعرفهاش تطلع عينك وتفقع مرارتك
فريد : يا نمر انت مش فاهم حاجة
نمر : فهمني
محمود بتغيير مجري الحديث : انا عاوز افهم حاجة يعني انت تخطب وتكتب كتابك في يومين وانا خمس ست سنين ولسه ملبستش دبلة والله ما يرضي الله
نمر : ههههههههههههههههههههههههه الحق ده بيحسدك
فريد بإبتسامة : والله انت مجنون انا في ايه ولا في ايه
محمود : لا انا مبهزرش والله لاتجوز انا كمان
نمر : والله نفسي اعرف انت هتتجوز ولا هتفضل زيي كده اصل شكلها مش هتحن عليك نهائي يا حبيبي
فريد بهدؤ : لا ان شاء الله الموضوع مش هيطول هو بيكبر وهي بتكبر مينفعش يضيعوا مستقبلهم واحنا بنتفرج عليهم
محمود بتصميم: فعلا انا مبقاش عندي طاقة للأستحمال يا فريد اختك زودتها جدا
نمر : ربنا يهديها
//////////////////////
بعد اسبوع في احدي قري الصعيد
سعيد : زارتنا البركة يا الف اهلا وسهلا
الجميع : اهلا بيك الله يكرمك
بعد الغداء والكلام في كل التفاصيل
سعيد : علي خيرة الله يبقي كتب الكتاب الجمعة الجاية و نعملوا لبنتنا كتب كتاب محصلش
محمد بنحنحة : هو هيبقي هنا يا حج ؟
سعيد بزعل : امال هيبقي فين يا حج
محمود متداركا للموقف : محمد يقصد عشان المشوار يعني وكده علي زينب وتاج يا حج سعيد مش اكتر
سعيد : بس دي الاصول ولا ايه
محمد : اكيد طبعا الاصول منقدرش نقول حاجة بس انت عارف غلاوة تاج عند امي قد ايه وهيعز عليها متحضرش فرحتها وامي طبعا متقدرش تيجي المسافة دي
سعيد بتفكير: وماله منقدرش نقول حاجة لجل خاطر الحاجة الكبيرة
محمود : تسلم يا حاج ربنا يكرم اصلك
الموضوع خلص وفريد منطقش كلمه ومش قادر يتصرف في حاجة
بليز متبخلوش بالتصويت 😢
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
