الفصل الثامن والعشرون
في بيت محمود الغنيمي
فريد في اوضته تليفونه رن
فريد بإستغراب من الرقم : الو
صوت انثوع مايع : الو فريد معايا
فريد : مين
هنا : انا اسمي هنا صاحبة تاج
فريد بإنتفاضة : مالها تاج في حاجة
هنا بدلع : لالا متقلقش بليز هي تاج كويسة
فريد : امال في ايه وجبتي رقمي منين
هنا : بصراحة انا اخدته من تاج من غير ما تعرف
فريد بسخرية فهمها : وخير ان شاء الله
هنا بخبث : انا بس بعتذر الاول عشان بكلمك بس انت الوحيد اللي شفته من اهل تاج وعرفت اوصلك " مع انها قابلت زينب بس طبعا عاوزة تكلم فريد "
فريد بإستغراب : انطقي بسرعة في ايه
هنا بخبث : بصراحة انا بحب تاج اوي وخايفة عليها لانها بصراحة علاقتها بزميلنا اللي اسمه مودي ده غريبة وانا نبهتها اكتر من مرة بس هي طنشت كلامي والولد مش كويس واخلاقة مش كويسة وبيفضل يجيب سيرتها قدام الولاد فحبيت اعرفك عشان تاخدو بالكو منها
فريد مع كل كلمة بتطلع منها والنار بتزيد فيه ومش مستوعب كلامها معقول تاج كده مستحيل
فريد بغضب : وانتي عرفتي ده كله منين
هنا بخبث وشر : انا شفت رسايله عندها في الفون وسالتها فأتهربت من الاجابة عليا
فريد بعصبية : اوك انا متشكر جدا وانا رقمي معاكي لو حصل حاجة ياريت تبلغيني
هنا بفرحة لانها وصلت للي هيا عوزاه : اكيد طبعا هقلك بس بليز متدايقش ومتزعلش
فريد بعدم تفكير : اوك مع السلامة
هنا : مع السلامة وبصرخة yes سوري بقي يا تاج كان لازم اعمل كده عشان اوصله
فريد قفل معاها ونزل جري يدور عليها
ملقاش اي حد في البيت سال الخدامة قالتله انهم عند خديجة
فريد بعصبية : ماشي ماشي يا تاج وعملالي فيها بريئة بس اما اشوفك
/////////////////////////////
في بيت جاد
خالد سرحان مش عارف يسأل والدته ازاي عن دلال وفجأة امه هي اللي فتحت الكلام
ناهد : يا ولدي خلاص لازمن تشوف الدور الفوقاني وتظبطه عشان دلال
خالد : ان شاء الله يا امه
ناهد بفرحة : ياه يا ولدي كنت فرحانة قوي لما ابوك قالي انه خطبها لخاطر وفرحت انها هتاجي هنا وتبقي معاي لاني بحبها كيف ما تكون بنتي وربي يعلكم
خالد بضيق : لو سمحت يا امه بلاش تجيبي سيرة الموضوع ده تاني واننا كنا هنخطبها لخاطر ميصحش
ناهد بضحكة : هههههههههه حاضر يا ولدي بس انت مسمعتش باقي كلامي
خالد : كملي يا غاليه
ناهد بإبتسامة : ولما ابوك قال ان خاطر دبسك فيها قدام الناس وقال انك خاطبها والله في اعالي سماه الفرحة بقت الضعف لانك تستاهالها وهي كمان تستاهل احسن من خاطر هو ولدي صح لكن مينفعهاش
خالد براحة وبسمة : الحمد لله
جميلة بفرحة " حلو قوي الكلام ده والله لاعكنن عليكي يا بت نفيسة وطلعت اوضتها بسرعة "
خالد بتمثيل عدم الاهتمام : الا صحيح يا غالية
ناهد : خير يا ولدي
خالد : هي عندها كام سنة دلال
ناهد بابتسامة : والله يا ولدي ما اعلم بس تقريبا كده فوق العشرين بسنتين ولا تلاتة بكتيره
خالد بصدمة : امال جميلة بتقول عانس ليه المخبولة دي
ناهد : عشان يعني متجوزتش لدلوقت مانت عارف مرتك ولسانها
خالد : ربنا يهديها طيب مانا اتجوزتها بنفس السن
ناهد : ربنا يهديها يا ولدي
خالد بتنهيدة : امين
////////////////////////////
في بيت نمر
نمر بيدخن وسرحان : اوووووف اطلعي من راسي بقي
" بس تطلع ليه دي مراتي وليال مثال للست المثاليه اللي اي راجل يتمناها "
" انت اكيد اتجننت ليال اي دي اللي مثاليه انت ناسي دي تبقي مين دي مراة جمال "
" لا كانت مراة جمال دي مراتي انا جمال الله يرحمه "
" فيها ايه لو عشنا زي الناس اسرة مع بعض ويبقي ليا اطفال "
" لالالا نام يا نمر انت اكيد اتجننت من دون الستات كلها ملقتش غير ليال "
تليفونه رن
نمر بدهشة : اكيد رنت بالغلط لكن الاتصال طال : الو
ليال : اسفة لو كنت ازعجتك
نمر بإبتسامة : ولا يهمك
ليال : عاوزة اكلمك في موضوع
نمر بإستغراب : خير
ليال بتوتر : احنا لازم ننفصل
نمر بحدة : لازم ايه معلش
ليال : ننفصل نتطلق يعني
نمر بسخرية : وانتي مستنياني اوافق واقول امين وانفذ لسيادتك طلبك
ليال بثقة : لازم
نمر بنرفزة : وليه لازم ان شاء الله
ليال : انت عارف كويس اننا عمرنا ما هنرجع زي الاول زي مانت قلت وانا مش باعة الحكاية اصلا وانا هعرف اقنع بابا هنتطلق ومش هنقله اصلا وهو كده كده انت مش قاعد معانا
نمر بسخرية : ماشاء الله انتي مرتبة كل حاجة وباقي اني انفذ بس
ليال بثقة : اكيد
نمر بعصبية : ليه هو انا شوخشيخة في اديكو واحد يقولي اتجوز والتانية تقولي طلق
ليال بعصبية مشابهة : لو سمحت يا نمر انت وانا عارفين انها جوازة اصلا متنفعش واحنا الاتنين مش للجواز فنفضها سيرة احسن
نمر بعصبية : والله يبقي بمزاجي انا وقت لما ابقي مش عاوز اتجوز ابقي اطلقك مش بأمر من سيادتك
ليال بعصبية : نمر
نمر بعصبية : سلام وقفل السكة في وشها " لعب عيال هو اتجوز يا نمر حاضر طلق يا نمر حاضر اتزفت يا نمر حاضر "
/////////////////////////////
في بيت محمود الغنيمي
فريد هدي شوية ظاهريا لكن جواه النار بتاكله اكل
دخلو كلهم
فريد بمحاولة الابتسام : حمد لله علي السلامة وسند جدته
الجدة : الله يسلمك يا ولدي
فريد وهو بيقيم لبس تاج والمكياج اللي مبقتش تخرج من غيره " ايه اللي غيرها كده " " لابسه جيبة جينز تلجي وبلوزة من اللون الاصفر وعليها جاكت جينز صغير واي لاينر تقيل وروج وردي غامق " وخلود لبسها العادي جيبة جينز وشميز كارو
خلود وتاج : هنطلع نغير
تاج : عاوزة حاجة يا ماما انا هطلع انام شوية عشان اصحي اذاكر عندي سنتر الصبح
زينب : ربنا يوفقك يا بنتي
طلعو تاج وخلود
دقيقتين وطلع فريد وراهم وقف يخبط علي بابها كتير مردتش راحت فين دي فتح الباب مشفهاش بس شاف تليفونها علي المكتب بيرن راح اخده بس فصل وقفجأة سمع باب الحمام بيتفتح وبتخرج بشعرها الطويل جدا قريب جدا من فخدها وقالعة الجاكت وواقفة بالبلوزة كات
فريد تنح بمعني الكلمة لا ارادي قال بدهشة شديدة : تاج
تاج بصرخة : يا ماما اخدت طرحتها وجاكتها ودخلت الحمام بسرعة
فريد رجع للواقع علي قفلة باب الحمام دقيقتين وخرجت لابسة
تاج بعصبية شديدة جدا : انت مجنون انت ازاي تسمح لنفسك تدخل اوضتي يا بني ادم انت
فريد بعصبية : افتحي تليفونك
تاج بصدمة : افندم
فريد بقلك افتحي تليفونك
تاج بغضب وشدته منه : انت مالك بتليفوني يا اخي انت غريب اوي اخرج بدل ما اقول لخالي واخلي ليلتك مش معدية
فريد بصوت عالي عصبي : ياريت يجي انا عاوزه يجي يسمع ويشوف السنيورة حبيبته بتعمل ايه
تاج : ايه اللي انت بتقوله ده
زينب : ايه ده في ايه
تاج بدموع : ده اكيد اتجنن يا ماما والله اتجنن
زينب بحدة : متعيطيش اياكي تعيطي وانت يا فريد حصل ايه
فريد بغضب : الست هانم بتتكلم مع واحد معاها ومش عاوز اكمل
تاج بغضب : اخرس قطع لسانك يا مجنون انا محترمة غصب عنك
زينب بغضب لتاج : انكتمي خالص عيب يا متربية كده
تاج : انتي مش سمعاه بيقول ايه
زينب بحزن وهي بتبص لفريد : معلش يا حبيبتي هو مش عارف بيقول ايه
فريد بتوتر : يا عمتي انا مش قصدي بس لما يجيلك تليفون يقلك ............. وحكالها اللي حصل
زينب : يبقي بالرحة تيجي تسالها مش تحاكمها علي ان ده صحيح
فريد : انا مفكرتش
زينب لتاج : شفتي عملت ايه قلتلك ابعدي عنها من زمان
فريد بصدمة : انتي عارفة
زينب بثقة : طبعا تاج مبتخبيش عني حاجة
تاج بدموع : والله يا ماما بعدت عنها من ساعة ما الولد ده اتصل وبعت الرسايل وانتي قولتيلي
زينب : امال اخدت رقم فريد ازاي
تاج : والله ما اعرف اصلا عمرها ما مسكت تليفوني غير مرة واحدة وانا كنت في الحمام بس كانت كل شوية تسالني علي فريد وانا اطنش
فريد بتنهيدة : وانتي يعني للدرجادي ساذجة يا تاج : تديها تليفونك ليه وحتي لو سالت متجاوبيهاش
تاج : من فضلك متكلمنيش تاني نهائي لا بخير ولا بشر ولا سلام حتي
فريد بحزن : انا بجد اسف انا
زينب مقاطعة : معلش يا فريد اطلع دلوقتي تعال عوزاك
زينب طلعت واخدت فريد علي اوضتها
فريد بخجل : والله ما عارف اقولك ايه يا عمتي انا بجد اسف والله
زينب بهدؤ : بص يا فريد انا هكلمك بأمانة لانك عارف غلاوتك عندي ماشي
فريد : اتفضلي
زينب : امسك نفسك وغيرتك شوية يا ابني تاج لسه صغير ومتفهمش عصبية الغيرة ولا الكلام ده وبالها في مذاكرتها وبس
فريد بصدمة وتوتر : غيرة ايه بس يا عمتي انتي فاهمة غلط انا بس
زينب بهدؤ وخبث وسعادة في نفس الوقت : يا حبيبي هي مراتك حقك تغير مقلتش حاجة انا مقلتش انك بتحبها انا بقلك غيرة الراجل يعني علي مراته انا بس بلفت نظرك عشان تمسك نفسك في الموضوع ده عشان متدخلش في مشاكل معاها كل شوية فرجاء ابعد عن تاج خالص الايام دي عشان مذاكرتها وامتحانتها ولما تخلص يبقي لكل حادث حديث نشوف الموضوع هيخلص علي ايه
فريد : ماشي يا عمتي عن اذنك
زينب : اتفضل " يارب يارب نولني مرادي واطمن عليها يارب فريد مفيش منه يارب يبقي احساسي صحيح "
//////////////////////////////
امام مدرسة الاطفال
مهاب بتحذير شديد : فيفي زي ما اتفاقنا متكلميش ميس خلود الا في الحصة ومش عاوزك تقولي كلمة ماما خلود دي ابدا انتي فاهمة مش تزعليني منك
فريدة بحزن : حاضر
مهاب باسها : يلا يا حبيبتي انزلي
نزلت فريدة ودخلت المدرسة وشافت خلود ومكلمتهاش وخلود استغربت
جه وقت الخروج لقيت كله خرج وفريدة طالعة اخر واحدة
خلود : فريدة
فريدة وهي بتتلفت حواليها وبخوف : ايوا يا ميس
خلود : مالك يا حبيبتي
فريدة : مفيش حاجة يا ميس
خلود ونزلت لها : امال مبتكلمنيش ليه
فريدة بدموع : بابا قال مش اكلمك
خلود بحزن : معلشي يا حبيبتي وتليفونها رن : هرد علي التليفون
خلود : الو وانشغلت مع التليفون
فريدة : ماما خلود
خلود بصت لقيت واحد شايل فريدة : انت مين
فريدة ببرائة : ده بابا باعته عشان ياخدني
خلود : هو عمو جالك قبل كده
الراجل اللي بنضارة : لا مهاب باشا مشغول فبعتني
خلود بصرامة : نزل البنات لما اكلمه
الراجل بتوتر : ايوا بس هو مشغول دلوقتي
خلود في ثانية صوتت حست ان في حاجة غلط
نزل واحد جرها بسرعة وفي ثانية العربية مشيت بيهم
أنت تقرأ
نيران تملكي بقلم fatma Ahmed" قطرة حياه"
Romanceنبذة" اجبرهم علي الزواج للحفاظ علي احفاده فأصابهم العشق واخر تزوج شهامة بموقف لا يحسد عليه واخري تزوجته يعشقها وتمقته وغيرهم .." كااااملة للرواية حقوق ملكية وحقوق نشر ممنوع الاقتباس
